Бизларни кечиринг!

Катта ўғлим ўқиб,ҳам ишлагани учунми, институтдан жуда кеч қайтади. Айниқса Рамазон ойи бошланганидан бери таровеҳ намозидан кейин дадаси ва укалари билан қайтадиган бўлди. Онаман-да, бугун ҳам ҳар галгидек ундан ифторликка нима еганини сўрадим. "Хурмо билан нон" деди у. "Озгина хурмо билан нон нима бўлади, боламеей" дедим ачиниб. Шунда ўғлим бошқача бир жилмайиш билан "Ая..."деб қўйди. Мен унинг нима демоқчи бўлганини шу ондаёқ тушундим. Тушундиму, тилимни тишладим, айтган гапимдан хижолат бўлдим: ўғлимданмас, Сиздан хижолат бўлдим, ё Росулуллоҳ! Ўша нурларга бурканган хонадонингизда тайинли егулик бўлмай, биргина хурмо билан сахарлик қилиб, битта хурмо билан ифторлик қилганингизни, 15 кунлаб ноннинг юзини кўрмаганингизни, очлик ғолиб келмаслиги учун қорнингизга боғлаб олган тошни эсладим. Гўё ўша тош шу тобда менинг томоғимга келиб тиқилгандек, хўрлигим келди. Гўё сиз, "дунёнинг турли чеккаларида очликдан азоб чекаётган, сувсизликдан терилари қуриб,устихонига ёпишган одамларни билмадингми,улар учун нима қилдинг", деб мени сўроққа тутаётгандек,юрагим эзилди, кўз ёшларимни тўхтатолмадим...
Ифторликка тайёргарлик кўриш учун музлатгични очаман. Дарвоқе, сиз бунинг нималигини билмайсиз. Унда турли хил 3-4 кунлик ноз-неъматлар сифати бузилмаслиги учун сақланади. Гўшт охирлабди. Шу озроқ гўшт билан бирон нима қиларман деб, овқатга уннайману, яна ўксиб-ўксиб йиғлайман. "Айтмайман, дейман,... дадасига гўшт қолмабди деб айтмайман"... Айтишга уяламан, эримданмас, Сиздан уяламан, ё Росулуллоҳ! Биз - нолиши кўп, шукронаси кам умматингизни кечиринг! Бизларни кечиринг, ё Росулуллоҳ, саллоллоҳу алайҳи васаллам!

© Dilfuza Saidrahmon

@Hikoyalar ни яқинларингизга ҳам юборинг!
Onajonlar haqida @mushtiparim kanalida !
Kulguli rasmlar: @uvaxaxa da!
______________

📜📚📖 @Hikoyalar каналига қўшилиш учун 👇
https://tttttt.me/joinchat/AAAAADuknkYHGVbghYjS1A
👆 ни босинг ва OK.

Барча мусулмонлар диққатига!

Рамазон ойида ифторлик учун ёзган дастурхонингизни суратга олиб, тарқатманг. (Фақирлар ҳатто номини ҳам билмайдиган таомларни) Чунки ичимизда мусофирлар, қочқин, етим, маҳрум, муҳтож, камбағал ва очлар бор.

Уларга озор бериш орқали рўзанинг савобидан маҳрум бўлманг!

Каналимиз манзили👇
https://tttttt.me/joinchat/AAAAAEjxEhqUZykMgVnUqw

https://telegra.ph/Bizda-vrach-bola-olasanmi-Hajviya-05-08

@Drabllar

Aziz Nesin "Bizda vrach bo'la olasanmi?"
(Hajviya)

❇️Albatta o'qing!

Assalomu alaykum, e'tiborli yaqinlarim!

Bir-necha oy avval tashkillashtirgan tanlovimda uchinchi o'rin sohibiga berilishi kerak bo'lgan "O'tkan kunlar" asari g'olib - Muzaffar Abdullayev iltimoslariga ko'ra Mehribonlik uyiga berilishi kerak edi.
Mehribonlik uyiga bir dona kitob bilan borish unchalik ma'qul ish emasligini borib ko'rganlar bilishsa kerak.
Keling, ko'ngillilar har birimiz mehrga muhtoj bir bolani ozgina bo'lsada xursand qilishni zimmamizga olaylik.
Alloh xayrli qilsin...

1. Abdulla Qodiriy "O'tgan kunlar" (Muzaffar Abdullayev)
2. "Biz g'alaba qozonamiz"(Muzaffar Abdullayev)
3. 10 ta bolalar jurnali (E. Ismatova)
.
.
.
.
.
.
Ko'nglida shunday ezgu istak paydo bo'lgan insonlar kitoblarini pochta orqali yuborishlari yoki ishonch bilan klik/payme tizimi orqali kartamga pul ko'chirishsa kitob do'konidan o'zlari istagan kitobni xarid qilib bolajonlar yetkazamiz!

"Ko'ngillilar" xayriya aksiyasida yig'ilgan kitoblarni 17- yoki 24-may juma kuni bolajonlarga yetkazish niyatidamiz!

"Ko'ngillilar" uchun @Yangi_oy :)

@Arjumandbegim

​​​​ДАНҒИЛЛАМА УЙ

Бир бола олти ёшида отасидан айрилиб етим қолди. Замон жуда оғир эди. Онаси ўғлини боқиш учун иш қидирди, лекин хеч қаерга ишга олишмади. Аёлни фақат қурилишга арзимаган иш хақи тўлаб ишга олишга рози бўлишди. Аёл ночорлигидан қурилишда ишлаб ўғлини боқди.
Орадан йиллар ўтди. Бола улғайиб бизнесмен бўлди. Шахарда данғиллама шохона уй сотувга қўйилди. Бизнесмен уйнинг эгасини олдига келиб сўради:
- Уйнинг нархи қанча?
- Беш юз минг доллар.
Йигит дипломатидан дархол беш юз минг долларни уйнинг эгасига чиқариб берди. Уйнинг эгаси хурсанд бўлиб пулни санаб олди.
- Уй сизга сотилди. Бугундан бошлаб уй сизники. Лекин сиз савдо қилишни билмас экансиз. Агар озгина савдо қилганизда уйнинг нархини тушириб берардим.
- Сиз хам савдо қилишни билмас экансиз. Агар уйнинг нархини бундан баланд айтганизда хам савдо қилмасдан сотиб олаверардим.
Уйнинг эгаси хайрон бўлиб сўради:
- Бу уйнинг нимаси сизни бунча узига тортаяпти?
- Йигирма йил олдин бу уйнинг қурилишида менинг онам ғишт ташиган. Энди эса бу уйни онамга совға қилмоқчиман!

@Hikoyalar ни яқинларингизга ҳам юборинг!
Onajonlar haqida @mushtiparim kanalida !
Kulguli rasmlar: @uvaxaxa da!
______________

📜📚📖 @Hikoyalar каналига қўшилиш учун 👇
https://tttttt.me/joinchat/AAAAADuknkYHGVbghYjS1A
👆 ни босинг ва OK.

ОНАСИНИ КУТАР ХАДИЧА !

Меҳрибонлик уйидан қайтишимда Хадича милтираб қараб турарди, олдига бордимда ундан сўрадим.
-Хадича менга бирор нима демоқчимисан?
-Шоир ака сизни одамлар танийди а?
-Билмадим жа унақа машҳур эмасман, нима қилди?
-Сизга битта илтимосим бор, хўп дейсизми?
-Қўлимдан келса хўп дейман албатта.
-Онамни кутяпман, битта шеър ёзинг, онамни телефонларига борсин, онам ўқисин шеърингизни ўқиб мени бу ердан олиб кетсин: деди.
Ҳаётимда бунақа ҳолатда тушмагандим, кўзимдан беихтиёр ёш чиқиб кетди.
-Ваъда берасиз а?
-Шеър ёзишга ваъда бераман, деб бошини силаб қўйдим.

Бугун тонгда ўша ваъдамни бажаришга киришдим, аммо Хадичани онасига шеър етиб борармикин, онаси меҳрибонлик уйидан Хадичани олиб кетармикин ?

ОНАСИНИ КУТАР ХАДИЧА

Рангли дунё ғамли сукунат,
Бу қандайин қаттол уқубат,
Онасини зор кутар фақат,
Онасини кутар, Хадича !

Йиғлаб айтди, дардини шўрлик,
Бу қандайин оғир кўргулик,
Керак эмас, унга ғамхўрлик,
Онасини кутар, Хадича !

Тинглагандим, қон бўлди бағир,
Шу мурғакча тортмоқда қаҳр,
Она тирик йўқламас ахир,
Онасини кутар, Хадича !

-Шоир ака айтинг онамга,
Сиғмаяпман ёруғ оламга,
Бу шеърингиз борсин онамга,
Онасини кутар, Хадича !

Йиғлатмайман кичик укамни,
Ранжитмайман ҳатто акамни,
Шунча йиллар кутганим камми?
Онасини кутар, Хадича !

Онажоним, меҳрига зорман,
Қисматида, бунчалар хорман,
Меҳрибонлик уйида борман,
Онасини кутар, Хадича !

Бу ерда хўп "жон қизим" дейди,
Опаларим, яхши қарайди,
Аммо онам, олиб кетсайди,
Онасини кутар, Хадича !

Она меҳрин босолмас ҳеч ким,
Дўстларим ҳам, йиғлайди юм-юм,
Кутавериб ўтмоқда умрим,
Онасини кутар, Хадича !

"Олиб кетинг мени онажон,
Кутавериб кўзларим гирён,
Айтинг, олиб кетасиз қачон"?
Онасини кутар, Хадича !

Дунёда кўп, болага зорлар,
Дунёда кўп, бола безорлар,
Меҳрсизлар, Худо безорлар,
Онасини кутар, Хадича !

Онасини кутар, Хадича ...

©Абдувоҳид Сувонов
07.05.2019
@Adabiyot_olami
@Hikoyalar

МАККАДА НИМА ГАПЛАР?

Амр ибн Абаса Сулайм қабиласидан бўлиб, қавмининг яшаш тарзидан норизо бир киши эди. Уларнинг бутга сиғинишдек жаҳолатга берилгани уни куюнтирарди.
Кўпинча, сафар чоғларида роҳиблар билан суҳбатлашиб қолса, улар яқин вақтларда Ҳижоз томонлардан бир пайғамбар чиқади, деб гапиришарди. Шу боис Амрнинг икки қулоғию икки кўзи Маккада бўлиб қолди. Ҳар сафар Ҳижоздан келадиган кишиларнинг йўлини пойлар, улардан «Маккада яна нима гаплар бор?» деб суриштирар эди. Ниҳоят, бир куни маккалик йўловчилар бир янгилик топиб келдилар.
— Гап кўп, эй Амр, — деди улар. — Макка худди бир дошқозондек қайнамоқда. Абдулмутталиб авлодидан Муҳаммад ибн Абдуллоҳ исмли бириси пайғамбарлик даъвоси билан ўртага чикди. Ҳозир ҳамманинг оғзида шу гаплар бўлиб қолди...

Амр бир дақиқа ҳам вақтини бой бермай, дарҳол туясига минди ва Макка томонга йўл олди. Қидирган одамини топган онда бир зум ҳайратдан лом-мим деёлмай қолди. Каршисида юзидан нур ёғилиб турувчи, бағоят келишган, ёқимли бир инсон турар эди. Кўзлари бу одамнинг ғоят самимий, ростгўй эканига бир далилдек порларди. Узоқ йиллик ҳаётий тажрибаларига суянган ҳассос юраги гўё: «Бу одамга ишонмасанг, дунёда бошқа ишонса бўладиган инсонни қидиришинг беҳуда!» деяётгандек, тез-тез ура бошлади. Ёнига ўтирди, баъзи бир нарсаларни сўради. Сўнгра:— Жуда соз. Мен ҳам сенинг йўлингни танладим, сенга имон келтирдим! — деди.
Шаҳодат калималарини келтирди, мусулмон бўлди.
Расулуллоҳнинг (с.а.в.) ёнларида қолишни, У зотга қўлидан келганича ёрдам беришни истарди. Пайғамбаримиз (с.а.в.) унинг бу фикрларига қўшилмадилар.
— Сен бу ерда қолсанг бўлмайди. Кўриб турибсан, ҳозир вазият жуда оғир. Сен яхшиси ҳозир уйингга қайт ва менинг ғолиб чиққанимни эшитган заҳотинг келиб менга қўшил, — дея маслаҳат бердилар.
Амр ибн Абаса Расули Кибриёнинг бу амрларига бажонидил рози бўлди ва ўша заҳотиёқ уйига қайтиб кетди.

...Йиллар ўтар, бирон хушхабар эшитиб қоларман, деган умидда Амр келган-кетганлардан Маккадаги аҳвол ҳақида сўраб-суриштирар эди.
(Имом Муслим. 1 /569.)...

Ғифор қабиласида ўз ҳолича кун кечириб юрадиган ака-ука бўларди. Аканинг исми Абу Зарр, укасининг исми Унайс эди. Бир куни, Маккада пайғамбар чиқибди, деган хабар қулоқларига чалинди. Абу Зарр:
— Туянгга мину, ҳозироқ Маккага йўл ол, эй Унайс. Булар миш-миш гапларми ёки ҳақиқатми эканини билиб кел, — деди.
Унайс акасининг истагини бажо келтириш учун Маккага бориб келди.
— Қандай хабарлар келтирдинг, эй Унайс?!
— Бир одамни кўрдим. Эзгулик тарфдори, ёмонликнинг душмани экан. Бироқ халқ унга қарши.
Абу Зарр бу жавобдан қониқмади:
— Дардга даво, чанқоқликни босадиган жавоб бўлмади бу гапларинг, эй Унайс! — деди юраги типирчилаб.

Сўнгра тўрвасини елкасига осиб, қўлига ҳассасини олиб, ўзи йўлга тушди. Маккага келди. Ҳеч кимдан ҳеч нарса ҳақида сўрамади. Замзам сувидан ичиб, бир чеккада хаёл суриб ўтираверди. Оқшом тушган, кун қорая бошлаган эди. Ҳамма бирин-кетин тарқала бошлади. Бир оздан сўнг Ҳарамда деярли ҳеч ким қолмади. Кечани шу ерда ўтказишдан ўзга чора йўқ эди. Шу пайт хали балоғат ёшига етмаган бир ўсмир унга яқинлашди.
— Адашмасам, мусофирга ўхшайсан, шундайми? —деб сўради.
— Ҳа, мусофирман.
— Марҳамат қил, бизникига борамиз.
Абу Зарр ўрнидан турди. Боланинг кетидан уйларига борди. Овқатландилар. Арабларнинг одатига кўра, ундан ким эканлиги, қаердан келганлиги сўралмади. Мусофир ҳам бу тўғрида ҳеч нарса демади.
Тонг саҳарда Абу Зарр «зора излаганимни топсам», деган умидда уйдан чиқиб кетди. Кеч бўлди ҳамки, Муҳаммад ибн Абдуллоҳ ҳақида ҳеч бир хабар эшитмади. Коронғи тушар маҳали у яна кечаги жойига бориб ўтирди. Бир пайт:
— Ҳой мусофир, кеча меҳмон бўлган уйингни йўқотиб қўйдингми? — деган овозни эшитиб, Абу Зарр ўгирилди ва кечаги ўсмирни кўрди. Ўрнидан туриб, яна у билан кетди.
Учинчи кун ҳам яна ортиқча гап-сўзсиз ўша уйнинг меҳмони бўлди. Тонг отди. Келганидан бери роппа-роса уч кун ўтган, у ҳамон излаган кишисини тополмай сарсон эди.
— Ҳой мусофир, нега ҳеч индамайсан? Бу ерларга нима мақсадда келдинг? Қани, гапирчи, балки ёрдамим тегиб қолар? — де

ди ҳалиги ўсмир.
— Агар сўзларимни сир тутишга ваъда берсанг, айтаман.
— Менга ишонавер.
— У ҳолда гап бундай. Муҳаммад ибн Абдуллоҳ исмли бир кишини қидираётирман. Пайғамбарман деб даъво қилаётган эмиш. Топа олсам, у билан суҳбатлашмоқчи эдим. Менга ёрдам бера оласанми?
— Сен қидираётган одам амакимнинг ўғли бўладилар. Менинг исмим Али, ҳозироқ у кишининг ҳузурларига боришимиз мумкин. Орқамдан изма-из борасан. Агар хавфли бир нарсани сезсам, деворнниг тагига қайтиб келаманда, сенга ишора қиламан. Сен мени кутмай, тез орқага кайтишинг керак бўлади. Агар деворнинг ёнига қайтиб келмасам, сен ҳам мен кирган уйга кирасан, хўпми?
— Мени хурсанд қилиб юбординг, эй Али, — деди Абу Зарр омади чопганидан боши кўкка етиб. Ва турли-туман ҳаяжону ҳислар оғушида Алининг кетидан юриб кетди. Тўғри Расулуллоҳнинг уйларига борди.

Кирдилар... Абу Зарр Расулуллоҳни кўрар-кўрмас бутун вужудини титроқ босди. Бир оз вақт шу тахлитда кечди. Сўнгра ўзини тутиб олиб:
— Келтирган дининг ҳақида менга гапириб берсанг, —деди.
Ислом динининг моҳияти, мазмун-мақсадини шахсан пайғамбаримизнинг тилларидан эшитишга мушарраф бўлди. Тинглаб ўтирар экан, қалби тобора хузур-ҳаловатга тўлаётганини ҳис этарди. Пайғамбаримиз гапларини тугатгач, зўр ҳаяжон ва самимий ишонч билан:
— Мен шоҳидлик бераманки, Оллоҳдан бошқа ҳеч бир маъбуд йўқдир. Яккаю ягонадир, тенги ҳам, ўхшаши ҳам, шериги ҳам йўқдир. Яна шоҳидлик бериб айтаманки, сен Унинг бизларга йўллаган расулисан! — деди.
Набийи Акрам (с.а.в.) ғоят мамнун бўлдилар.
⎯ Эй Абу Зарр, сен ҳозирча бу ишни сир сақла. Юртингга қайт. Ишимиз бароридан келиб, ғолиб чиққанимизни эшитганингда, келиб бизларга қўшил, — дея тайинладилар.
⎯ Эй Оллоҳнинг расули, сизни ҳақ пайғамбар қилиб жўнатган Парвардигоримизга қасамлар бўлсинки, овозим борича Макка халқига бу ҳақиқатни етказмагунча ҳеч қаерга кетмайман!
Шундан кейин Абу Зарр Каъба ёнига келди ва ваъдасига биноан қичқира бошлади:
⎯ Эй маккаликлар! Эшитмадим деманглар!..
Шовқин-сурон тиниб, ҳамма мусофирнинг юзига тикилиб қолди. Одамларнинг диққатини жалб этишга муваффақ бўлган мусофир бор овозда даъвосини эълон этди:
— Ашҳаду алла илаҳа иллоллоҳ ва ашҳаду анна Муҳаммадан ъабдуҳу ва росулуҳ.

Бу муборак сас Масжиди Ҳарамда илк янграган шаҳодат калималари эди. Томоғи йиртилгудай бўлиб, бор кучи билан бақираверди. Овози Каъбанинг деворларидан Масжиднинг бурчак-бурчакларигача тарқалди. Қурилгандан бери бу сўзларга муштоқ бўлган Каъба, ушбу муборак жумлани соғинган Масжиди Ҳарам худди жонлангандай бўлди. Бутун коинотнинг муаззам тузуми мана шу сўзлар асосига қурилган, десак сира янглишмаймиз. Шу пайтгача хали ҳеч бир инсон бу ерда бундай хайрли сўзларни сўзламаган, бу сўзлар азалдан абадиятга қадар саодат ва фазилатнинг ягона ва мутлақ калитига айланган эди.
Шу кунгача ҳеч ким қилолмаган ишни қилган мусофирга нисбатан миннатдорлик ва шафқат ҳиссила тўлган бир неча нигоҳ Муборак байтнинг эгасига йўналди: «Оллоҳим, Ўзинг уни паноҳингда асра», дея илтижо қилди.
Бошқа кўп кишиларнинг эса, юзлари буришди. Илк иккиланиш ҳисси узоқ давом этмади. Мусофир учинчи марта калимаи шаҳодатни келтира бошлаган эди ҳамки, ўрнидан сапчиб турганлар бўлди:
— Овозини ўчиринг бу тирранчанинг!..
— Уринг, аяманг бу аблаҳни! — деган овозлар бир-бирига қоришиб кетди.

Абу Заррнинг устига бостириб кела бошладилар. Ёмғирдек бирин-кетин ёғилган тошлар, шапалоғу калтаклар уни ерга йиқитди.
Устига ёпирилдилар. Сўкиниш, қарғиш ва калтаклар ҳеч тўхтамас эди.
Бу орада Аббос уларнинг орасига кирди. Абу Заррнинг устига ётиб олди.
— Уят сизларга! Шунча киши биргалашиб, бир мусофирни ўлдирмоқчисиз? Эртага тижорат йўлингиз Ғифор қабиласидан ўтишини унутдингизми? Тортинг қўлингизни!
Абу Зарр роса дўппосланган, зўрға нафас олар эди. Вужуди қақшаб оғриқ берар, бу оғриқларга чидаёлмай инграр эди. Тонггача шу аҳволда қийналиб ётди. Аммо кўнгли заррача яраланмаган эди. Қалбан ўта хотиржам, ўта тинч эди. Шунинг учун бўлса керак, эртаси куни яъни Каъбга борди, яна бақириб-чақириб калимаи шаҳодатни такрорлай бошлади. Яна устига ёпирилиб, калтаклай бошлад

илар. Бу дафъа ҳам уни Аббос ўлимдан қутқариб қолди.
Имон ва Исломнинг тимсоли бўлган калимаи шаҳодат маккаликларга илк бор Абу Зарр томонидан ушбу тарзда эълон этилган эди.

Абу Лаҳабнинг юзсизлиги энди айни шаклда Муҳаммаднинг иккинчи бир қўшниси Уқба ибн Абу Муойтга ўтган эди. У хам уйида йиғилиб қолган ахлатларни девордан ошириб Расулуллоҳнинг (с.а.в.) ҳовлиларига тўкар, баъзан эшикларининг тагигача сочиб юборар эди.
Бир куни яна ахлатларни энди тўкай деб турганида бирдан кимдир чақириб қолди.
— Шошмай тур, эй Уқба! — дерди бу овоз. Ўгирилди. Овоз эгаси Тулайб эди... У тез-тез юриб Уқбанинг олдига келди. Кулимсираб:
— Қани, буни менга берчи, — деди.
— Нима қилмоқчисан, ё Тулайб? — деб сўради Уқба довдираб.
Тулайб ортиқ кутиб ўтирмай, шарта ахлат челакни олдида, Уқбанинг бақириб-чақиришига қарамай, бошидан сочиб юборди. Ахлат Уқбанинг соч-соқоли, устбошини расво қилди. Тулайб икки одим орқага тисарилиб томоша қиларкан, қаҳқаха отиб кулди:
— Мана энди бир одамга ўхшадинг, эй Уқба, —деди.
— Арво, ҳой Арво!..
Абдулмутталибнинг қизи эшикни очганида, ғаройиб бир манзарага дуч келди. Остонада Тулайбни маҳкам тутганча, устбоши ахлатга беланган Уқба ибн Муойт турарди. Уқба ёши анча катта, Тулайб эса, қирчиллама бир йигит. Манзара бениҳоя кулгили эди. Зотан, Арво ўзини тия олмай, қаҳқаҳа отиб юборди.
— Нима гап, эй Уқба?!
— Ўғлингнинг ишини бир кўриб қўй! — деди Уқба дарғазаб ҳолда.
Арво бирдан кулгидан тўхтаб, жаҳл ила ўғлига ўгирилди:
— Нимага бундай қилдинг, Тулайб?..
Тулайб бўлган воқеани рўйи рост гапириб берди. Шундан сўнг Абдулмутталибнинг қизи Арво яна Уқбага қаради:
— Ўғлимнинг ишидан жуда хурсандман, Уқба! Ундан фахрлансам арзийди. Муҳаммад ибн Абдуллоҳ менга жондош, қондош жиян, бунга эса, тоғавачча бўлади. Сенинг шу разил ишни қилаётганингни кўра-била туриб индамай ўтиб кетганида эди, ана унда хафа бўлардим. Сен қилмишингга яраша жазо тортибсан. Энди ўғлимни қўйиб юборгинда, тезроқ бу ердан даф бўл! — деди...

Аҳмад Лутфийнинг "Саодат асри қиссалари" китобидан.

@Hikoyalar ни яқинларингизга ҳам юборинг!
Onajonlar haqida @mushtiparim kanalida !
Kulguli rasmlar: @uvaxaxa da!
______________

📜📚📖 @Hikoyalar каналига қўшилиш учун 👇
https://tttttt.me/joinchat/AAAAADuknkYHGVbghYjS1A
👆 ни босинг ва OK.

ДАЙДИ ЎҒИЛ НАДОМАТИ

(ҳаётий ҳикоя)

Мен ёшлигимдан уйга кеч қайтишга одатлангандим, қўпол қилиб айтганда кўча дайдиси эдим. Бундан онам хафа эдилар. Бу ишим онамга ёқмас эди. Ҳолат шундай давом этаверганидан кейин онам ҳар куни уйимизни ошхонасида турган музлатгич эшигига бир парча қоғоз ёпиштириб қўядиган бўлдилар. У қоғозда овқат, нон ва бошқа нарсаларни жойини, менга осон бўлиши учун ёзиб қўярдилар. Кунлар ўтиб онамни эслатма қоғозлари ривожланиб борди. Унда энди баъзи талаб, илтимослар ва кийимимни кир бўлганларини кир ювадиган машинага қўйишим, муҳим ишлар вақти ва бошқа нарсалар ёзиларди.
Афсус йигитчилик давримнинг кўп қисми шундай ўтди. Бир кеча жуда кеч қолдим, онамни рисоласи одатдагидек музлатгич эшигида кўрдим, аммо ўқишга эриндим ва уйқу ғолиб келиб ухлаб қолдим. Эрталаб дадам мени кўзларида ёш ҳолда уйғотдилар, жуда ҳайрон бўлиб уйғондим.
“Ўғлим онанг оламдан ўтди!” - дедилар. Билсангиз эди, бу хабар қанчалар менга таъсир қилганини. Онамни дафн қилдик, кечқурун уйга кириб кроватга чиқиб оёғимни чўзаётиб онажонимни ёзган рисолалари эсимга тушди. Югуриб бориб музлатгич эшигига қистирилган қоғозни, онамни энг охирги ёзган хатларини қўлимга олсам, бу хатда ҳеч қандай буйруқ ёки таълимот йўқ эди. Одатдаги хатлар каби эмас эди... Афсус..!
Хатда фақат шулар бор эди:

Ўғилгинам бугун ўзимни жуда ёмон ҳис қиляпман, қачон келсанг ҳам мени уйғотиб шифохонага олиб боргин сендан илтимос....

@Hikoyalar ни яқинларингизга ҳам юборинг!
Onajonlar haqida @mushtiparim kanalida !
Kulguli rasmlar: @uvaxaxa da!
______________

📜📚📖 @Hikoyalar каналига қўшилиш учун 👇
https://tttttt.me/joinchat/AAAAADuknkYHGVbghYjS1A
👆 ни босинг ва OK.

Ba'zan charchaysiz.
Jismonan emas, ma'nan. Hamma narsadan. Ko'nglingiz huuv o'sha bolalikda qolib ketgan samimiyatni qo'msaydi...
Vaqtni ortga qaytarib bo'lmasligidan afsus chekishga hojat yo'q. Siz izlagan samimiyat @MadinaiMunavvara da!
Hayot qisqa, qalbingizga quloq solishga ham ulgurish kerak...

https://tttttt.me/joinchat/AAAAAEXE8bPhWuEvUNi97Q

Романтиклар ўқимасин

     Йигит ва қиз боғдаги ўриндиқлардан бирида ўтиришарди. Кун иссиқ.  Қиз елпинганича деди:
     —Жоним, кола олиб келиб беринг.
     Йигит дарров ўрнидан турди ва сўради:
     —Пепси ичасизми колами?
     —Кола.
     —Бутылочныйми, баклажкаликми?
     —Баклажкалиик.
     —Каттасиданми, кичкинасиданми?
     Қизнинг асаби таранглашиб, ранги бўзара бошлади.
     —Кичкинасидаан.
     —Оддийсими, Зеросими?
     Қиз бақириб юборди:
     —Бўлди, кола ичмайман, оддий сув олиб келинг.
     —Хўп, газлими газсизми?
     —Газсиииииз!
     —Илиқроғиям бўлаверадими, муздек бўлсинми?
     —Йўқоолл!!!
     —Юриб кетайми, югурибми?
     —Уриб юбораман ҳозир!
     —Қўлингиз биланми, сумкангиз биланми?
     —Ҳайвон!
     —Итми, мушукми?
     Қизнинг ранги энди оқара бошлади.
     —Ўлдираман ҳозир!!!
     —Пичоқ биланми, болта биланми?
     —Пичоқ билан!
     —Бўғизлабми, чавақлабми?
     Қиз хушидан кета бошлади.
     —Докторга олиб борайми, доктор шу ерга келсинми?
     Қиз бутунлай хушидан кетиб, ўриндиққа суяниб қолди. Йигит қизнинг бошини ушлаб кўтариб, сўради:
     —Баландроқ кўтарайми, пастроқми?
     Жавоб бўлмагач, йигит буни қизнинг нозланиши деб ўйлади-да, кола олиб келгани юриб кетди.


@fozilmuslim

@Hikoyalar ни яқинларингизга ҳам юборинг!
Onajonlar haqida @mushtiparim kanalida !
Kulguli rasmlar: @uvaxaxa da!
______________

📜📚📖 @Hikoyalar каналига қўшилиш учун 👇
https://tttttt.me/joinchat/AAAAADuknkYHGVbghYjS1A
👆 ни босинг ва OK.

БEДАВОСАН, БEВАФОСАН

Кўзим тушса қаролмайсан, қаролмайсан,
Дил сўзларинг менга боқиб айтолмайсан.
Ҳолинг не деб кўнгил учун сўролмайсан,
Эй бедаво, бевафосан, бевафосан.

Нигоҳингда юрак бағримни ўясан,
Кўз қадалса, табассум-ла жим куласан,
Кулгинг ила ўз қалбингни сен тиласан,
Сен бевафо, бедавосан, бедавосан.

Биламан-ку, сен ҳам мендек оғринасан,
Биламан-ку, сен ҳам мендек соғинасан.
Ҳис қиламан, олислардан интиласан,
Эй бедаво, бевафосан, бевафосан.

Ҳижрон қийнаб адо қилар бир кун сени,
Армонларим уйғотади тонгда мени,
Йиллар ювсин, йиллар қувсин у севгини,
Сен бевафо, бедавосан, бедавосан.

Ийманасан айб ўзингда, тонолмайсан,
Меҳр истаб кўзимга тик қаролмайсан,
Шеърим тинглаб тасалли хам беролмайсан,
Эй бедаво, бевафосан, бевафосан.

Хасратларинг кўпаяди бир кун келиб,
Олдимга ҳам келарсан сен енгилиб,
Ўз ғуруринг тортқилайди бошинг эгиб,
Сен бевафо, бедавосан, бедавосан.

Менга сени хаёлингни юлдуз айтар,
Ишқ куйини чалиб кеча-кундуз айтар,
Айрилиқнинг азобидан мени қайтар,
Эй бедаво, бевафосан, бевафосан.

Етолмаган қушга ўхшаб сен учасан,
Кетолмаган қишга ўхшаб муз тутасан,
Ботоломаган нурга ўхшаб кўринасан.
Сен бевафо, бедавосан, бедавосан.

Муздай бўлиб қолар, бир кун қор юрагинг,
У эриса сенга атаб шеър битаман.
Менга энди керак эмас сенинг севгинг,
Не бўлмасин бир-кун сени унутаман.

©Абдувоҳид Сувонов
@Adabiyot_olami
@Hikoyalar

РЎЗА ТУТИШ

@Savollar_kanal 4995-савол

Ассалому алайкум! Рўзани бошида 3 кун ўртасида 3 кун охирида 3 кун тутса бўладими?

ЖАВОБ:

– Ва алайкум ассалом! Рўзани бошида 10 кун ўртасида 10 кун охирида 10 кун тутса бўлади. Валлоҳу аълам!

«Зикр аҳлидан сўранг» ҳайъати

✅ Манба

➡️ «Зикр аҳлидан сўранг» каналига уланиш

​​Болалигимизда маҳаллада бир рус кампир бўлар эди, футбол ўйнаб решеткасидан коптогимиз ўтиб кетса росса сўкар эди, бир сафар пичоқ билан йиртиб қайтариб хам берган. Агар мабодо оғир юк кўтарган бўлса, бир сафар кўтариб юборишгани қарашамиз деб борсак ҳам сўкиб берган эди. Жиноятчи, террорист бўлиб етишасан сенлар дерди, гулларидан узиб қочган пайтларимиз... Уни Артём деган набираси бўлар эди, биз тенги. Уни хеч хам бизга қўшмас эди. Бола скрипка тўгарагига борар, уйда гуллар етиштирар, маҳаллада кўпроқ қизлар билан ўйнар эди. Биз ўйнашга чақирсак, бувиси сўкиб берар, бу жиноятчилар билан ўйнама сени тарбиянгни бузишади дер эди... Так вот, я к чему... Яқинда шу Артёмни суди бўлиб, қамалибди, ўзи бирга яшаб юрган аёлни уйини ўмариб кетган экан. Биз эса ўша пайтдаги кампирнинг наздидаги "жиноятчилар" биримиз дипломат, тадбиркор, врач, ошпаз ва юрист бўлиб етишдик. Хечбиримиздан жиноятчи чиқмади. Қиссадан хисса шуки, болаликда кўп шўхлик қилган болаларни келажагини олдиндан белгилаб, бахо беришга, хукм чиқариб қўйишга шошилманг... Ўша машҳур хикоядагидек, болангиз бир куни Маккага имом бўлиши ҳам мумкин...

@nurbekalimov


@Hikoyalar ни яқинларингизга ҳам юборинг!
Onajonlar haqida @mushtiparim kanalida !
Kulguli rasmlar: @uvaxaxa da!
______________

📜📚📖 @Hikoyalar каналига қўшилиш учун 👇
https://tttttt.me/joinchat/AAAAADuknkYHGVbghYjS1A
👆 ни босинг ва OK.

Тишим оғриб дўхтирга бордим, Емирилган экан илдизи. Ўйлаб кўрсам, шу тишларимни Эхтиёт қилмаганманман ўзи. Дўхтир деди:- Суғириб олиб, Сунъий бир тиш қўямиз энди. Ундан аввал қолип оламиз, Ўлчанади бўйи-ю эни. Бир оқ рангнинг ўзи неча ҳил Аввал рангин саралаш керак. Ундан олдин икки ёндаги Икки тишни аралаш керак. Араланган икки тишга ҳам Бирон ғилоф, қопқоқ қиламиз. Ўз тишингиз рангига мослаб Уччовин ҳам оппоқ қиламиз. Танланг, энг арзони елим тиш, Энг қиммати садафдир тиниқ. Ўшанда ҳам бодом чақмайсиз, Йўқса синиб қолади аниқ. Дедим:- Шунча нозикми у тиш? Яна шунча қиммат, ўлсин-а! Деди:- Бу тиш ҳазилакам тиш, Аллоҳ ясагани- мўъжиза. Чунки унга нерв киритиб, Жонли , тирик қилолмаймиз биз. Шунча ўқиб, ўрганган билан Бу иш сирин билолмаймиз биз. Хуллас, милкнинг тепа-пастига Укол қилиб суғурди тишни. Ва дедики : "Ўрни битволсин, Ундан кейин бошлаймиз ишни". Бир ҳафтада ўрни битди ва Яна ўн кун қатнадим чидаб. Икки тишни қилиб ярим жон, Битта тишни қўйди тиккалаб. Укол, суғур, чархла, қолип ол, Хизмат хаққи йиғилди бари. Битта жонсиз тишни ўрнатиш Бир миллионга келиб тўхтади. Шунча чиқим , шунча машмаша, Бир сунъий тиш қўймоқ важидан. Эй, икки бор тиш чиқарган Зот, Сен нега хақ сўрамагансан? Ўзингга ҳамд,бир чақа олмай, Араламай, чиқармай оҳим, Ўттиз икки тишни оғзимга Дурдай териб қўйган, Аллоҳим!

@hikoyalar

Ҳар сафар ота – оналар хақида гап кетганида раҳматли отам билан бўлган воқеа ёдимга тушади:

Отам фалаж эдилар. Ўртоқларим билан гапга кетаётгандим, отам менга болам мени ташқарига олиб чиқиб айлантир деб қолдилар. Отамни ташқарига олиб чиқдимда, ташқарида кутиб турган ўртоқлримга:
- “Кетаверинглар, ўзим етиб оламан” - деб уйга қайтдим.
Отамни ҳовлида айлантириб юрсам, опангни уйига олиб бор дедилар. Опам маҳалламизга келин бўлиб тушган эди. Бу ёқда гапга бориш керак, улфатлар кўз тикиб ўтирарди. Кекса отамни гапини қайтара олмадим. Опамни уйига олиб бордим, қуда амаки ҳовлида сўрида ўтирган эканлар, жуда хурсанд кутиб олдилар. Опамни чақириб ошга буюрдилар. Энди у ерда қолиб кетишга ақлим етди ва телeфонимни ўчириб қўйдим. Ўртоқларим телефон қилиб тинч қўймасликларини билардим. Ошни бирга ҳаммамиз ўтириб едик. Вақт ҳам алламахал бўлиб қолди. Отамни уйга олиб келдим. Отам жуда хурсанд бўлиб дуо қилдилар. Олдиларидан чиқиб кетаётсам:
- Ўғлим мандан хафа бўлма, нима учундир бугун гапга боришинга кўнглим йўл қўймади - дедилар.
- Йўқ отажон, сизни хурсанд қилиш мени вазифам - деб дуоларини олиб чиқиб кетдим.
Уйга кириб телeфонимни ёкишим билан роса смс келди. Бу ҳаммаси ўртоқларимдан эди. Ётиб ухладим. Соат 12 ларда телефоним жиринглади Дўстларимдан бири телефон қилаётган экан. Ажабланмадим, одатдагидек ичиб олишган бўлса гапга бормаганим учун телефон қилишаётган бўлса керак деб эринибгина кўтармадим. Иккинчи қўнғироқдан сўнг синчковлик билан қарадим ва қилаётган дўстим ичмаслиги эсимга тушиб хавотир ила кўтардим. Кеча гапдан қайтаётган ўртоқларим автохалокатга учраганини, улар ҳозир шифохонада эканини айтди. Шошилиб шифохонага етиб бордим, икки дўстимиз жонлаштириш бўлимида, рульдаги дўстимиз эса вафот этган эди. Қаранг, агар мен ҳам гапга борганимда, албатта машинада бўлардим.
Кўп ўтмай икки дўстимиз ҳам орамизни тарк этишди. Воажаб, АЛЛОҲ бемор отамни ёлғиз қўймасликни кўнгилларига солган эканда...

ЎТГАНЛАРНИ АЛЛОҲ РАҲМАТ ҚИЛСИН, ОХИРАТЛАРИНИ ОБОД ҚИЛСИН. Амин

@Hikoyalar ни яқинларингизга ҳам юборинг!
Onajonlar haqida @mushtiparim kanalida !
Kulguli rasmlar: @uvaxaxa da!
______________

📜📚📖 @Hikoyalar каналига қўшилиш учун 👇
https://tttttt.me/joinchat/AAAAADuknkYHGVbghYjS1A
👆 ни босинг ва OK.

Устозимиз Шайх Муҳаммад Содиқ Муҳаммад Юсуф роҳимаҳуллоҳ Қиблагоҳларини жанозаларида айтган марсиялари:

"Азизим, дадажон! Қиблагоҳим! Қирқ беш йил беш вақт намозга қатнаган йўлингиздан ҳозир сизни севган қавмингиз елкаларида кўтариб олиб келишди. Қирқ беш йиллик охират йўлингиз охирига етди.
Азизим, дадажон! Қиблагоҳим! Қавмингизнинг кўзида сизга бўлган муҳаббатни кўряпман.
Азизим, дадажоним! Қиблагоҳим! Мўмин-мусулмонлар сизга дуо қилгани, жаноза ўқигани келишди. Қирқ беш йил уларнинг жанозаларини ўқиб, хизмат қилдингиз. Энди бу қавм сизга мағфират сўрамоқда. Уларнинг кўзларидаги ёш иймон ёшларидир. Сиздан ажралиб қолганларига йиғлашмоқда.
Азизим, дадажоним! Қиблагоҳим! Қирқ беш йил ҳар намозга чиққанингизда қўшни қабристондагиларнинг ҳаққига дуо қилар эдингиз, энди бу он ўзингизни шу қабристонга қўймоқчимиз. Токи масжидга кирган ҳар бир киши, чиққан ҳар бир киши ҳаққингизга дуо қилсин деган ниятимиз бор. Парвардигори олам, Ўзинг дадамизни мағфират айлагин! Бу кишининг илм йўлида қилган хизматлари кўп. Пайғамбаримиз алайҳиссолату вассалом: "Одам боласи вафот этса, унинг амаллари кесилади, фақат уч нарсадан: садақаи жориядан, манфаатли илмдан ва дуо қиладиган солиҳ фарзанддан кесилмайди", деганлар.
Азизим, дадажон! Сиз садақаи жорияни жуда кўп қилган эдингиз. Иншааллоҳ, садақаи жориянгиз бардавомдир. Модомики қилган садақаи жориянгиздан мўмин-мусулмонлар манфаатдор бўлар экан, иншааллоҳ, савоблари сизга етиб боради.
Азизим, дадажон! Қиблагоҳим! Сиз олим эдингиз, илм тарқатган эдингиз. Илмингиз манфаатли эди. Орқангиздан илмли фарзандларингиз қолди, шогирдларингиз қолди. Илмлиларга ёрдам бердингиз. Буларнинг ҳаммаси, иншааллоҳ, тарозингизни босадиган, хайрга олиб борадиган ишлар бўлади. Иншааллоҳ, бундан кейин ҳам то қиёматгача қолдирган манфаатли илмингиздан ўзингизга ажр-савоб бориб туради!
Азизим, дадажон! Қиблагоҳим! Солиҳ фарзандлар қолдирдингиз, иншааллоҳ, фарзандларингиз доимо сизнинг ҳақингизда дуода бўладилар, ҳар ўқиган намозларида, ўқийдиган дуоларида сизни эслайдилар. Бошқа пайтларда ҳам дуони ҳеч қанда қилмайдилар. Қолаверса, қавмингиз турибди, уларнинг ҳаммалари ҳаққингизга дуо қилишга тайёрлар. Иншааллоҳ, бу дуолар Парвардигори оламнинг мағфиратига сабаб бўлади!"

"Исломга бағишланган умр" хотира китобидан.


@Hikoyalar ни яқинларингизга ҳам юборинг!
Onajonlar haqida @mushtiparim kanalida !
Kulguli rasmlar: @uvaxaxa da!
______________

📜📚📖 @Hikoyalar каналига қўшилиш учун 👇
https://tttttt.me/joinchat/AAAAADuknkYHGVbghYjS1A
👆 ни босинг ва OK.

​​#ТАБАССУМ

Икки насроний - Дэвид ва Майкл - саҳрода адашиб қолибди. Очлик ва ташналикдан ўлай деганда бирдан узоқда масжид кўринибди.

- Дэвид: «Майкл, кел ўзимизни мусулмонга соламиз, шунда улар бизга таом ва ичимлик беришади, акс ҳолда, очлик ва ташналикдан ҳалок бўламиз»,

«Менинг исмим Аҳмад бўлади, сенчи, ким бўласан?».

- Майкл: «мен ростини айтиб қўя қоламан».

Масжидга етиб боришгач имом уларни илиқлик билан кутиб олди ва исмларини сўради.

- Дэвид: «менинг исмим Аҳмад».
- Майкл: «меники Майкл».

- Имом ёрдамчиларига: «илтимос, Майклга таом ва сув келтиринг», дея: Дэвидга ўгирилиб:

«Биродар Аҳмад, Рамазон муборак!» деган экан.

© Малик

@Hikoyalar ни яқинларингизга ҳам юборинг!
Onajonlar haqida @mushtiparim kanalida !
Kulguli rasmlar: @uvaxaxa da!
______________

📜📚📖 @Hikoyalar каналига қўшилиш учун 👇
https://tttttt.me/joinchat/AAAAADuknkYHGVbghYjS1A
👆 ни босинг ва OK.