نماهنگ ترکی امام رضایی
#صدا:حاج ابوالحسن طالبی آرباطان
#شعر: ابراهیم قبله آرباطان

ای حرمی باصفا
اللری مشکل گشا
مشهدی دارالشفا
جان سنه قوربان رضا

درگهی باب سخا
مرقدینه جان فدا
ای آدی شمس الشموس
ضامن آهو رضا

ایرانه سلطان سان یا رضا
دینینه قوربانسان یا رضا

گون حرمینن ئوپور
آی علمینن ئوپور
گویده ملک لر بوتون
هی قدمینن ئوپور

ای گوزل آدی رضا
زائری حاجت روا
مرقدی دار السرور
مشهدی دارالشفا

ایرانه سلطان سان یا رضا
دینینه قوربانسان یا رضا

ذکر ائده کیم آدیوی
یاد ائده اجدادیوی
کامه چاتار ئوپسه گر
پنجره فولادیوی

شافع روز جزا
حافظ اولان ایرانا
فاطمه دردانه سی
جان سنه قوربان رضا

ایرانه سلطان سان یا رضا
دینینه قوربانسان یا رضا