سلوان : انا حابة اتفرج المقاطع دي بتسليني !
الدكتورة : و بتعصبك !
سلوان : م حتعصب ! خليها ترجع الجهاز !
" الممرضه عاينت للدكتورة "
الدكتورة : طيب خليني اعمل ليك مراجعه بسيطه اول !
سلوان : مافي زول جا زارني الليله ؟
الممرضه : مافي غير الاسمها سهام و حالياً مافي زول برا !
سلوان " بي زعل ملحوظ " : تمام
" بعد الكشف .. الدكتورة طلعت و الممرضه حصلتها "
{ برا الغرفة }
الممرضه : دكتورة ! ممكن لحظه !
ايوا يا نهى !
الممرضة : الجاب الحاجات العند سلوان دي قال م نمنعا تشاهد ! مهما كلف الامر !
غريبه ! منو هو و ليه طلب كدا ؟؟؟
الممرضه : ما عارفه ، و هو شكلو عارف انها حتتعصب لانه قالي م نمنعا مهما كلف الامر !!
بس كدا ما حينفع ! عندك ليهو تلفون ؟
الممرضة : ايوا !
طيب خليني الصباح اتكلم معاهو !!
الممرضه : طيب !
#جانب_اريج !
اروى : اريج ! امي قالت ليكي شوفي لينا امبوبه عشان الغاز كمل !
اريج : و انا اشوف امبوبة من وين ؟؟
اروى : كيف يعني من وين زمان كنتي بتجيبيهم من وين ؟؟
اريج : ما طالعه انا اسي يا اروى امشي انتي ! و بعدين مش قي فحم ؟ تاني غاز لشنو ؟؟
اروى : سكته منك يا اريج !!
اريج : احسن !
اريج ، مشت جابت الكانون و بقت تولع في الفحم و تهبب فيهو .. جابت البن القلايه و الشغال و قعدت مقاصدة الكانون في البمبر و تهبب !
" جات اروى لابسه التوب و طالعه "
اروى : كان معاكي فكه حق الركشه اديني !
اريج : شيلي من شنطتي جوا !
اروى " دخلت شالت القروش و قالت ليها "
خلي بالك من امي قبيل كانت تعبانه شويه ! خلي عينك عليها !
اريج : تمام " بعد دقت البن تمام ، ختت المويه في الشغال في الفحم وبتهبب ، لمن الموية فارت ، كبت البُن و بقت تهبب و ماسكة التلفون "
" امها جات من جوا "
امها : يا بتي ! ننويه قاطعه لي راسي !
اريج : انا اسوي شنو طيب ؟
امها : جيبيها منو انتي عارفه الريح براك يا بتي ! انتي قلبك دا مالو كدا !
اريج : ما بجيبا خلي يتحمل شويه بكرة بزهج من مرضا و بجيبا لي راجعه !!
" مسكت الشغال بي يدها كلها من غير تمارة و هي سرحانه في التلفون ،و صرخت نافضة الشغال من يدها و الجبنه فايرة اتدفقت في وشها و فيها ... "
#تاني_يوم
" من الاحداث الفاتت "
{ في حديقة بيت ناس مالك ، بيت امه الزمان }
الطيب : يا مالك جيب الاكياس من العربيه ! حاجاتك دي م بتكفي الحته دي !
مالك : م شايفني طالع في السلم ! دقايق ! اوصل الاسلاك دي وريني لمن تنور !
الطيب : النور لازمتو شنو م عارف !
مالك : شكلها حلووو ! " اتلفت بعاين ف الناس الجابهم ينضفو و ينزلو في تلاته طاولات بالطوول بي كراسيهم !!
الطيب : جبت الكيس براي !
مالك : اي انجز ! عزو غطس غطسة وحدة ان شاءالله يكون زبط اللحمة زي م قلنا ليهو !
الطيب : بنجزهم ارح انزل كدا ما فضل لينا حاجة ، الفحم جبتو ؟
مالك : وصيت ليهو ! الركن دا كويس للشوايات و الباقي جاهز !
الطيب : هنا عشان التراب دي !
مالك : طيب !! اتصل على عزالدين داا !
الطيب : طيب طيب تلفونك بيرن ! شوفو كدا يمكن دا هو !
" مالك ف السلم فوق .. طلع تلفونو ورد "
مالك : ايوا و عليكم السلام!
معاك دكتورة ايات !
مالك : يا هلا !! " عاين للطيب لقاهو مشى بعيد "
سلوان كويسه ؟
حمدلله ! الممرضه بلغتني بي كلامك بالنسبه للفيدوات المجمعهم في الفلاش للمريضه !
مالك : ايوا قاصد !
طيب انت عارف ان الحاجة دي حتعصبا و بالفعل عصبتا ! ليه كدا و انا قلته لازم صحتا النفسيه تكون تمام الحاجة دي حتزيد عليها !
مالك : بالعكس انتي شايفه انها حتزيد عليها بس هي حتساعد من رغبتا في انها تتحسن كلها عبارة عن مقاطع مستفزة ! في حين تن محتواها تافهه ! دي اكتر حاجة هي بتحبها !
غريبة " بي اعجاب "!
مالك : ي ريت تخلوها تحضر كل م حضرت بي رغبتا كل ما كان افضل!
__ فهمته .. عن ازنك !!
" صوت عزالدين "
عزو " خامي حاجات في اكياس " : تعالو شيلو مني !!
مالك " قفل الخط و نزل " : دا شنو ؟
عزو : مفارش للطاولات دي ! و ورود مجففه ! و دي الحاجات القال دايرا الطيب !
مالك : طيب اتوكل انت كدا كل شي جاهز المأذون حيجي بعد ساعه!
عزو " بي فرح " : طيب !! #يكشكش بالمفتاح و بيهظر مع العمال البرتبو وبضحك و ماشي !
الطيب : والله انحنا حقو م نغير زاتو !
مالك : مش كدا هههه عاين اضرب لي زول دا عليك الله خليهو قبل الشمس دي يمون هنا عايز الصور تطلع زابطه !
الطيب : زولي جاهز ! خلينا نغير و نجي نقعد للمشاوي دي ماف حل الناس حيجو و زمايل المكتب حقك حيجو !
مالك : اي ارح .. " مشى على السماعات شبك الفلاش على الاغاني و فات "
#جانب_تسنيم !
العربيه
.." تقوى و تسنيم و لهوم و لولا اختا بي شفعهم و مقسومين على تلاته عربات من اهلهم بي صحباتهم ماشين في الشوارع بي زغاريدهم ، يصفقو و يتغنو بي اسم عزالدين "
الدكتورة : و بتعصبك !
سلوان : م حتعصب ! خليها ترجع الجهاز !
" الممرضه عاينت للدكتورة "
الدكتورة : طيب خليني اعمل ليك مراجعه بسيطه اول !
سلوان : مافي زول جا زارني الليله ؟
الممرضه : مافي غير الاسمها سهام و حالياً مافي زول برا !
سلوان " بي زعل ملحوظ " : تمام
" بعد الكشف .. الدكتورة طلعت و الممرضه حصلتها "
{ برا الغرفة }
الممرضه : دكتورة ! ممكن لحظه !
ايوا يا نهى !
الممرضة : الجاب الحاجات العند سلوان دي قال م نمنعا تشاهد ! مهما كلف الامر !
غريبه ! منو هو و ليه طلب كدا ؟؟؟
الممرضه : ما عارفه ، و هو شكلو عارف انها حتتعصب لانه قالي م نمنعا مهما كلف الامر !!
بس كدا ما حينفع ! عندك ليهو تلفون ؟
الممرضة : ايوا !
طيب خليني الصباح اتكلم معاهو !!
الممرضه : طيب !
#جانب_اريج !
اروى : اريج ! امي قالت ليكي شوفي لينا امبوبه عشان الغاز كمل !
اريج : و انا اشوف امبوبة من وين ؟؟
اروى : كيف يعني من وين زمان كنتي بتجيبيهم من وين ؟؟
اريج : ما طالعه انا اسي يا اروى امشي انتي ! و بعدين مش قي فحم ؟ تاني غاز لشنو ؟؟
اروى : سكته منك يا اريج !!
اريج : احسن !
اريج ، مشت جابت الكانون و بقت تولع في الفحم و تهبب فيهو .. جابت البن القلايه و الشغال و قعدت مقاصدة الكانون في البمبر و تهبب !
" جات اروى لابسه التوب و طالعه "
اروى : كان معاكي فكه حق الركشه اديني !
اريج : شيلي من شنطتي جوا !
اروى " دخلت شالت القروش و قالت ليها "
خلي بالك من امي قبيل كانت تعبانه شويه ! خلي عينك عليها !
اريج : تمام " بعد دقت البن تمام ، ختت المويه في الشغال في الفحم وبتهبب ، لمن الموية فارت ، كبت البُن و بقت تهبب و ماسكة التلفون "
" امها جات من جوا "
امها : يا بتي ! ننويه قاطعه لي راسي !
اريج : انا اسوي شنو طيب ؟
امها : جيبيها منو انتي عارفه الريح براك يا بتي ! انتي قلبك دا مالو كدا !
اريج : ما بجيبا خلي يتحمل شويه بكرة بزهج من مرضا و بجيبا لي راجعه !!
" مسكت الشغال بي يدها كلها من غير تمارة و هي سرحانه في التلفون ،و صرخت نافضة الشغال من يدها و الجبنه فايرة اتدفقت في وشها و فيها ... "
#تاني_يوم
" من الاحداث الفاتت "
{ في حديقة بيت ناس مالك ، بيت امه الزمان }
الطيب : يا مالك جيب الاكياس من العربيه ! حاجاتك دي م بتكفي الحته دي !
مالك : م شايفني طالع في السلم ! دقايق ! اوصل الاسلاك دي وريني لمن تنور !
الطيب : النور لازمتو شنو م عارف !
مالك : شكلها حلووو ! " اتلفت بعاين ف الناس الجابهم ينضفو و ينزلو في تلاته طاولات بالطوول بي كراسيهم !!
الطيب : جبت الكيس براي !
مالك : اي انجز ! عزو غطس غطسة وحدة ان شاءالله يكون زبط اللحمة زي م قلنا ليهو !
الطيب : بنجزهم ارح انزل كدا ما فضل لينا حاجة ، الفحم جبتو ؟
مالك : وصيت ليهو ! الركن دا كويس للشوايات و الباقي جاهز !
الطيب : هنا عشان التراب دي !
مالك : طيب !! اتصل على عزالدين داا !
الطيب : طيب طيب تلفونك بيرن ! شوفو كدا يمكن دا هو !
" مالك ف السلم فوق .. طلع تلفونو ورد "
مالك : ايوا و عليكم السلام!
معاك دكتورة ايات !
مالك : يا هلا !! " عاين للطيب لقاهو مشى بعيد "
سلوان كويسه ؟
حمدلله ! الممرضه بلغتني بي كلامك بالنسبه للفيدوات المجمعهم في الفلاش للمريضه !
مالك : ايوا قاصد !
طيب انت عارف ان الحاجة دي حتعصبا و بالفعل عصبتا ! ليه كدا و انا قلته لازم صحتا النفسيه تكون تمام الحاجة دي حتزيد عليها !
مالك : بالعكس انتي شايفه انها حتزيد عليها بس هي حتساعد من رغبتا في انها تتحسن كلها عبارة عن مقاطع مستفزة ! في حين تن محتواها تافهه ! دي اكتر حاجة هي بتحبها !
غريبة " بي اعجاب "!
مالك : ي ريت تخلوها تحضر كل م حضرت بي رغبتا كل ما كان افضل!
__ فهمته .. عن ازنك !!
" صوت عزالدين "
عزو " خامي حاجات في اكياس " : تعالو شيلو مني !!
مالك " قفل الخط و نزل " : دا شنو ؟
عزو : مفارش للطاولات دي ! و ورود مجففه ! و دي الحاجات القال دايرا الطيب !
مالك : طيب اتوكل انت كدا كل شي جاهز المأذون حيجي بعد ساعه!
عزو " بي فرح " : طيب !! #يكشكش بالمفتاح و بيهظر مع العمال البرتبو وبضحك و ماشي !
الطيب : والله انحنا حقو م نغير زاتو !
مالك : مش كدا هههه عاين اضرب لي زول دا عليك الله خليهو قبل الشمس دي يمون هنا عايز الصور تطلع زابطه !
الطيب : زولي جاهز ! خلينا نغير و نجي نقعد للمشاوي دي ماف حل الناس حيجو و زمايل المكتب حقك حيجو !
مالك : اي ارح .. " مشى على السماعات شبك الفلاش على الاغاني و فات "
#جانب_تسنيم !
العربيه
.." تقوى و تسنيم و لهوم و لولا اختا بي شفعهم و مقسومين على تلاته عربات من اهلهم بي صحباتهم ماشين في الشوارع بي زغاريدهم ، يصفقو و يتغنو بي اسم عزالدين "
👍2❤1
مدثر " مسك يدها " :
طيب يا سهام ي روحي ! احكي لي في شنو انت ما عارفو و اوعدك م حيحصل شي انتي م دايراهو ، و الكلام البينا دا حيفضل بينا !
سهام " بي تردد " :
انا سمعتو وقت قاليك انت ما اخوها ؟ اتا ما فهمت قصدو ؟ قصدو انك مفروض تكون اكتر واحد فاهم اختك ! يعني ابتو لشنو ؟
سلوان عزيزة نفس واتا عارف كدي ! يعني وحدة في وضعها دا حتقبل بالعرس كيفن ؟ زوله مارقه من صدمة و لسه قاعده تحاول تستوعب حياتا الجديده و تتقبلها و الحاجة حتخليها حاسه انها هم او معليش يعني في الكلمة ! حتحس انها عالة عليهو !
يعني ما ابتو شان هي ما بتدورو !
مدثر :
منو قاليك اني ما عارف الكلام دا كلو ؟
انا ما دايرو يضغط عليها ! قالت م دايراهو يبقى خلاص ! و بعدين القاليك منو هي بتدورو اصلا ! مالك دا دابي عرفتو من كم يوم !
سهام " عاينت ليهو شديد "
ما دا زاتو المخليني مترددة و ما عارفه اقول كلامي كيف زاتو !! مدثر !
اااه يا الله !! سمح شوف ، تتذكر ساعة عرسي داك و ساعتي الجيت الخرطوم اول مرة ديكي !؟
اها يلا من وقتها و يمكن من قبل كمان ، مالك دا بدور سلوان رايك شنو في الكلام دا !؟
مدثر " صلح قعدتو و عاين ليها " !
يا زوله ! قولي كلام غير كدا !
سهام : والله جد و ما كان ظاهر في حياتا بس كان بيرسل ليها في الرسايل الكتابيه دي ! و رادتو من رسايلو دي شان كدي انا بقوليك مستحيل سلوان تكون ما رايداهو !!
" مدثر وقف على حيلو ، موجه نظرو في اتجاه واحد ، بيستحضر " !
سهام ! الكلام دا طول ! انا انا متزكر كان جا محصلنا بتاع موتر زي خدمة توصيل ، مد ليها ظرف اظن ، المهم حاجة ملفوفه ، اليوم داك كنت سايقه و اريج جدعت ليها كلمتين تلكزني بيهم !
سهام: تعال اقعد !
شان كدي ! لمن سلوان ابتو طوالي يمشي بي وشو كدي ! دا الماعجبني !اها الليله وشو دا ما شفناهو في المستشفى ! و شوف من ساعة الحادث ما فارق باب غرفتا دا و براك شايف !
دا المزعلني ، طوالي يقوم يستسلم كدي !!"
مدثر " قعد و مسك راسو" !
تلفونو رنّ
مدثر : ايا يا احمد ! وصلتو ؟؟
النخيل : ما احمد انا يا مدثر ! سلوان كيف ؟
مدثر : اي يا يمة ! كيفكم وصلتو طيبين ؟
النخيل : سلوان كيف يا مدثر !
مدثر : كويسه الحمدلله كويسه !
النخيل : وحاة الله لو اختك دي حاصل عليها شي و داسي مني انا ما عافيه ليك ها وريتك !!
مدثر : يمة لا اله الا الله .. دا كلام شنو ! اختي كويسه حمدلله و انحنا برا لانو اصلا الدكتورة موقفه الزيارة منها !
النخيل : خلاس بس انا قلته ليك ! و سيدنا محمد رسول الله ..
مدثر : روقي ! اكان فيها شي لا قدر الله انا بدس منك ؟
النخيل : شان مُكتفه انا و الفيني كملت شاهد الله علي !
مدثر : معليش كلها مسألة وقت ! طمنيني وصلتو طيبين ؟
النخيل : الحمدلله ! احمد فات يجيب لينا عشا ! و ياها عمتك معاي من جات شغاله نفض و خبت في البيت !
مدثر : الله يديها الصحة و العافيه !
النخيل : امين !
#جانب_ الطيب !
نور : عاين ارجع بالعربيه انت ! خلاص وصلتني و بكرة م محتاجة ليها !
الطيب : نور !
نور " بي استغراب " : نعم !
الطيب : الحصل قبيل معاي ! بالجد هو ما بيتحكي ! بس حاسس اني حابي احكي ليكي !
نور : احكي لي !
الطيب : الليله عرفت ان حبيبة مالك اسمها سلوان !
نور : و طيب يعني ؟
الطيب : نفس اسم البنت اللي كانت سبب في طلاق ندى من عزالدين !
نور : سبب كيف يعني !؟ على علاقه بيها ؟
الطيب : ايوا
نور : طيب تشابه اسماء يعني وين المشكله ؟
الطيب : عشان كدا قلت ليكي في حاجات بتتحسس بس صعب تترجم بالكلام !!
نور : طيب مالك عارف الموضوع دا ؟
الطيب : عارف انه كان عامل علاقه بس ولا مرة حات سيرة الاسم ! و حتى لو جان م اظن يركز لان الاسم دا م محتكر على الانسانه دي براها !
نور : طيب وقت عارف كدا مالك متنشن بي نفسك ؟
الطيب : عرفت الحاجة دي متاخر بعد مكالمتك !مع مكالمتك كنت بحاول استوعب و اكون عقلاني و منطقي شويه !! و بعدين البعرفو انا ان السيرة الما حلوة بتفضل رابط او بتفضل تهزنا كل ما جات ! خصوصا لو كان سببت خلافات في وقت فات !
نور : الطيب !
عاين ! انا جايز يكون تفكيري شويه مختلف ممكن تشوفو كدا بس انا بتعامل بي منطق !
حتى لو دي نفس الانسانه ، وين المشكله كل الناس من حقها تحب و تتحب و كل الناس بتحاول لمن تلقى الشخص المناسب ، و في ناس بتدخل حياة بعض بتبقى عبارة عن غلطات و محطات !
اي هي م ظريفه بس كمان الحب ما بيعرف منطق ولا صح ولا غلط ! انت بس ما تشغل بالك بالحاجات دي !
حاول تكون بعيد شويه من العلاقات الممكن تتفهم غلط او تسبب تأثير على علاقتك بي اصحابك !
و انا متأكدة حيكون مجرد تشابه حق اسامي ساي !
الطيب :
بحب لمن تتكلمي جاده كدا و توصفي بي يديكي هههه ! حرفياً بركز فيهم اكتر من ما بركز في كلامك ! المهم انزلي بعد دا ! انا باخد لي ركشه !
طيب يا سهام ي روحي ! احكي لي في شنو انت ما عارفو و اوعدك م حيحصل شي انتي م دايراهو ، و الكلام البينا دا حيفضل بينا !
سهام " بي تردد " :
انا سمعتو وقت قاليك انت ما اخوها ؟ اتا ما فهمت قصدو ؟ قصدو انك مفروض تكون اكتر واحد فاهم اختك ! يعني ابتو لشنو ؟
سلوان عزيزة نفس واتا عارف كدي ! يعني وحدة في وضعها دا حتقبل بالعرس كيفن ؟ زوله مارقه من صدمة و لسه قاعده تحاول تستوعب حياتا الجديده و تتقبلها و الحاجة حتخليها حاسه انها هم او معليش يعني في الكلمة ! حتحس انها عالة عليهو !
يعني ما ابتو شان هي ما بتدورو !
مدثر :
منو قاليك اني ما عارف الكلام دا كلو ؟
انا ما دايرو يضغط عليها ! قالت م دايراهو يبقى خلاص ! و بعدين القاليك منو هي بتدورو اصلا ! مالك دا دابي عرفتو من كم يوم !
سهام " عاينت ليهو شديد "
ما دا زاتو المخليني مترددة و ما عارفه اقول كلامي كيف زاتو !! مدثر !
اااه يا الله !! سمح شوف ، تتذكر ساعة عرسي داك و ساعتي الجيت الخرطوم اول مرة ديكي !؟
اها يلا من وقتها و يمكن من قبل كمان ، مالك دا بدور سلوان رايك شنو في الكلام دا !؟
مدثر " صلح قعدتو و عاين ليها " !
يا زوله ! قولي كلام غير كدا !
سهام : والله جد و ما كان ظاهر في حياتا بس كان بيرسل ليها في الرسايل الكتابيه دي ! و رادتو من رسايلو دي شان كدي انا بقوليك مستحيل سلوان تكون ما رايداهو !!
" مدثر وقف على حيلو ، موجه نظرو في اتجاه واحد ، بيستحضر " !
سهام ! الكلام دا طول ! انا انا متزكر كان جا محصلنا بتاع موتر زي خدمة توصيل ، مد ليها ظرف اظن ، المهم حاجة ملفوفه ، اليوم داك كنت سايقه و اريج جدعت ليها كلمتين تلكزني بيهم !
سهام: تعال اقعد !
شان كدي ! لمن سلوان ابتو طوالي يمشي بي وشو كدي ! دا الماعجبني !اها الليله وشو دا ما شفناهو في المستشفى ! و شوف من ساعة الحادث ما فارق باب غرفتا دا و براك شايف !
دا المزعلني ، طوالي يقوم يستسلم كدي !!"
مدثر " قعد و مسك راسو" !
تلفونو رنّ
مدثر : ايا يا احمد ! وصلتو ؟؟
النخيل : ما احمد انا يا مدثر ! سلوان كيف ؟
مدثر : اي يا يمة ! كيفكم وصلتو طيبين ؟
النخيل : سلوان كيف يا مدثر !
مدثر : كويسه الحمدلله كويسه !
النخيل : وحاة الله لو اختك دي حاصل عليها شي و داسي مني انا ما عافيه ليك ها وريتك !!
مدثر : يمة لا اله الا الله .. دا كلام شنو ! اختي كويسه حمدلله و انحنا برا لانو اصلا الدكتورة موقفه الزيارة منها !
النخيل : خلاس بس انا قلته ليك ! و سيدنا محمد رسول الله ..
مدثر : روقي ! اكان فيها شي لا قدر الله انا بدس منك ؟
النخيل : شان مُكتفه انا و الفيني كملت شاهد الله علي !
مدثر : معليش كلها مسألة وقت ! طمنيني وصلتو طيبين ؟
النخيل : الحمدلله ! احمد فات يجيب لينا عشا ! و ياها عمتك معاي من جات شغاله نفض و خبت في البيت !
مدثر : الله يديها الصحة و العافيه !
النخيل : امين !
#جانب_ الطيب !
نور : عاين ارجع بالعربيه انت ! خلاص وصلتني و بكرة م محتاجة ليها !
الطيب : نور !
نور " بي استغراب " : نعم !
الطيب : الحصل قبيل معاي ! بالجد هو ما بيتحكي ! بس حاسس اني حابي احكي ليكي !
نور : احكي لي !
الطيب : الليله عرفت ان حبيبة مالك اسمها سلوان !
نور : و طيب يعني ؟
الطيب : نفس اسم البنت اللي كانت سبب في طلاق ندى من عزالدين !
نور : سبب كيف يعني !؟ على علاقه بيها ؟
الطيب : ايوا
نور : طيب تشابه اسماء يعني وين المشكله ؟
الطيب : عشان كدا قلت ليكي في حاجات بتتحسس بس صعب تترجم بالكلام !!
نور : طيب مالك عارف الموضوع دا ؟
الطيب : عارف انه كان عامل علاقه بس ولا مرة حات سيرة الاسم ! و حتى لو جان م اظن يركز لان الاسم دا م محتكر على الانسانه دي براها !
نور : طيب وقت عارف كدا مالك متنشن بي نفسك ؟
الطيب : عرفت الحاجة دي متاخر بعد مكالمتك !مع مكالمتك كنت بحاول استوعب و اكون عقلاني و منطقي شويه !! و بعدين البعرفو انا ان السيرة الما حلوة بتفضل رابط او بتفضل تهزنا كل ما جات ! خصوصا لو كان سببت خلافات في وقت فات !
نور : الطيب !
عاين ! انا جايز يكون تفكيري شويه مختلف ممكن تشوفو كدا بس انا بتعامل بي منطق !
حتى لو دي نفس الانسانه ، وين المشكله كل الناس من حقها تحب و تتحب و كل الناس بتحاول لمن تلقى الشخص المناسب ، و في ناس بتدخل حياة بعض بتبقى عبارة عن غلطات و محطات !
اي هي م ظريفه بس كمان الحب ما بيعرف منطق ولا صح ولا غلط ! انت بس ما تشغل بالك بالحاجات دي !
حاول تكون بعيد شويه من العلاقات الممكن تتفهم غلط او تسبب تأثير على علاقتك بي اصحابك !
و انا متأكدة حيكون مجرد تشابه حق اسامي ساي !
الطيب :
بحب لمن تتكلمي جاده كدا و توصفي بي يديكي هههه ! حرفياً بركز فيهم اكتر من ما بركز في كلامك ! المهم انزلي بعد دا ! انا باخد لي ركشه !
👍2