و اتأنقت كعاده امنيات ، و معاي امي و سمر و محمد كان حايودينا !!
طول الطريق ما كان في حاجة تُذكر ! لمن وصلناا حسب وصفي انا لي محمد !!
نزلنا قريب من البيت ، و مشينا على باب البيت حقهم ! امي دخلت اول و بعدها سمر و لمن جا دوري ، سمعت صوت من وراي بيقول لي :
لو سمحتي !!
اتلفت وراي !! لقيتها غاده !! ( طلعت نضارتي الشمسية و عاينت ليها من فوق لي تحت ) سوري ما معاي فكة اديك ليها ! ( نزلت نضارتي و بقيت داخله ) قالت لي :
من حقك ! ما لايامك و بما انه اتلاقينا مرة تانيه ! حابه اعتذر ليكِ ! انا اسفه بجد !
بالله ! اسفه !! عارفه يا غاده ! انا ذاكرتي رجعت لي و الواقفه اسي قدامك دي امنيات تانيه ! يعني بي امكاني امسكك اعجنك هنا و ماف زول يسالني لكن عارفه انا ساكته ليك ليه ؟؟؟؟ عشان خاطر خالتك عاشه و خالك بكري !! لكن وديني و ما اعبد كان طبقت فيك نظرية ، نجار في الخشب ما سواهاا !!
( جا يوسف بعد ما شاف ناس امي جوا و انا برا و م جيت ، جا واقف مخلوع فينا ) !!
طيب ! ممكن تنادي لي خالتي عاشه ؟؟
يوسف : خير يا غاده !!
عايزة خالتي عاشه !!
يوسف : ادخلي ليها جوا ! امنيه تعالي ناس امك جواا ( بغض النظر عن دقة القلب البجلجل ) !!
م حدخل الا خالتي تكون قابله !! ( جاتني خالتي عاشه من شافتني كملتني حضن و بوس ) !
خالتي عاشه : غاده !
( باست راسها ) حقك علي يا خالتي ، و انا جيت اشارك عبير و منتظرة اذنك عشان ادخل !
خالة عاشه : اتفضلي اكيد يا بتي !!!!
شكراً .. و دخلت !!
اما انا و يوسف ياتو حيل بقدر يشيل تعب المشاوير و الخطاوى الما معاك ؟؟
و قفنا نعاين في بعض مساااافه طويله !!! قال لي :
اضحكك كيف ؟؟
انا انثى الا ضحك !
امنيه ..امنيه .. امنيه !! اهو عدت اياماً ظنناها الاصعب !!حي مووووت على قول عوض ! ( جا عوض سمع الجمله دي و اتدخل ) !
عوض : ذائقة الموووووت هههههه
ههههه ثقيل ! مبروووووك يا عريس !
( و ضحكت ) ❤️
عوض : عقبااااالك ، اهااا خليك مركزة كدا ما تشوتك حاجة المرة الجايه تشفرك كلووو كلوووو !
ههههه هو الجا ضربني في حتتي ! و بعدين ما عقبالي ولا حاجة انا ما زولة عررس ، انا علي بس مبرووك ، مبرووووك !!
( قبلت وشي منها )
عوض : ههه يلااا انا بمشي اشوف الجماعه ديل وصلو وين !!
عديله يا اخوك شويات و بحصلك !!
#بعد عوض فات !
قالو لي مسافر ! جد ؟
ان شاء الله ...عشان انا كمان عندي حلم فا داير احققك !! قصدي احققو !!!
حار حار كدا سمعت بي نصيحتي ! على العموم انا كمان حأسافر يوم الاربع ان شاءالله عمي ما قصر انجز لي في اوراقي !!
الاربع القدامنا دا !!!
ايوة ، انت بعد بكرة صح !! " بي ترقب "!
همممم لا! بعدك بي يوم
ربنا يوفقك .. انا حأدخل لي عبير جوه .. يلاا !
امنيه !!!
هاه !
ما نفسك تقولي لي حاجة ؟
هئا بي (هزة راس )
! ( و مشيت خليتو واقف ) !
كنت خاته صخرة على قلبي !
حاولت اني ما ابكي او اتأثر ، لأن امنيات ما بتبكي ! اصلاً زعلانه من نفسي اني ورطت نفسي في مشاعر ما وقتها ابداً انا ما زولة حب ، و بتمنى ان يوسف يستوعب النقطه دي !! ( وقفت في ركن في الحوش و قبلت وشي على الحيطه ) ! الاهم من دا اني احاول استوعب النقطه دي ( و م قدرت اقاوم دموعي ) !
بقيت بطلع في المناديل من شنطتي و بمسح في دموعي !!!
بس اللي ما عملت حسابو انه يكون
" يوسف شايفني " !!
هيأت نفسي و مشيت على امي و خالتي عاشه و حريم خالي بكري و بناتو ! اتسالمنا كتير ، و كان الجو محفوف بي حب كبير شديد !
في واقعية امنيات الحقيقيه اول مرة القى الحب من اللي حوليني ! حقيقي الحادث دا كان نقطة تحول لي اسلوبي ! و اثر على ذاكرتي مدة بس ما قدر يأثر على شخصيتي الحُرة !
مشيت على عبير !
لقيت معاها غاده ! و شكلهم كانو بيتصافو ! بس مجرد ما جيت داخله ! و رده فعل عبير و هي جاريه علي عشان تحضني و بتعاين في شكلي !
تلقائياً غاده طلعت من الغرفه و هي مبتسمة !! صراحه حيرتني ! م عرفتها هي مالها !؟
قلت لي عبير : دي عيانه ولا شنو ؟؟
قالت لي : لا كدي انتِ مالك حلوة كدا ، واااي ولا فستانك و مكياجك انيقه بجد يا امنيات !! كدي اتكلمي معاي كدااا !
** انتِ عارفه انا جاية المشوار دا كلو عشان شنو يا سمحه انتِ ؟؟
قولي اها .. هي يا يمه سماحة النضمي و الثقه عاد يخلوها ليك ههه
خليك جاده و ركزي معاي !!
طيب قولي !
انتِ عمرك كم اسي ؟
25 سنة !
هييي كذابه والله يا عبير 24 بطلي كذب !
ياخ خلاص كلها كم شهر و اكملهم دايرة شنو انتِ اسي !؟
دايرة اقوليك اني اكبر منك بي سنة كامله يا بطه هههههههه ( خبطتها بالمخدة ) يلاااا احسمي الفارغه !
بطلي ياخ انتِ زاتك بتكذبي !
هههه اي اتجرسي سمح ! اها يا عروس حاسه بشنو ؟ اسي عليك الله دايرة تعرسي لشنو بس ! ياخ عيشي حياتك !
هوووي هاا عوضي دا ما بخليهو كلو كلو اوع تحرشيني ما بتقدري !
عويرة بس !
__ اننننننن !
ههههه ..
بعد اوقات حلوة شديد قضيتها معاهم !
و عن الحب اللقيتو و عمري م اتخيلتو ! بالجد

وانتي البديتي واول نكرتي نهائي مني مع اني سمعت كويس.. وبعد جاياك تلحقيني غيرت رايي والظاهر كلام امي كلو صاح..
فتك بعافية..

"قبل تطلع جريتا من يدها"

*انتي شنو حركات الشفع دي كدي اقيفي النفهمك اولا انا ما قلت زاتي ووقت عرفت ما كنت متأكدة جريت وما حاسة بروحي..

-عرفتي؟!! متين ووين ومنو الوصلك ليه؟!

*عرفت وخلاص دا ما همنا هسي انا فيك وفي خالتي البقت مصممة علي عرسك وعدم تكملي جامعتك وكلو بسبب عوارتك ..

-"ختت يدها في راسها وقعدت انا سويت شنو يا سلوان واتفتحت لي بالبكي "

سلواااان انا عقدي الجمعة الجاية وحسب اتفاقو مع امي قالت ليه تتم سنتها دي اول والعرس تاني بس عشان ابوي يسكت وناس الحلة يسكتو..

*رقية انتي بتقولي في شنو؟!! ومحمود وحبك ليه ما حا تشتغلي بيه؟!!
وترضي بالاتفرض عليك هل حا تقدري تتعايشي مع زول ما طايقاه وتنسي حب اربعة سنوات بالبساطة دي .. ولا توافقي بزول ماف اي رابط بجمعكم سوا تعيشي معاه كيف في التكل والعواسة وكل سنة بشافعين دا الدايراه بإقتناع؟!!
حا تنسي كلامنا واننا حا نشتغل ونعتمد علي روحنا ووو..
واحلامك انتي مش دايرة تسافري وتتمي قرايتك للدكتوراه دا كلو مسحتي بإستيكة يا رقية
رقية قولي انك بتهظري!!!

-انا هينة الكلام دا زاتو بنطبق عليك واحمد...!!!

*انتي شمتانة ولا شنو؟!!
"عاينت ليها ووشي علي باب الحوش ولفحت توبي وطلعته...

*سلوان سلوان انتي جنيتي ماشة وين هسي انتي عارفة الساعة كم حا تجيبي لي روحك ولي بلوة كبيرة المرة دي..

-خليني يارقية قلت ليك

"طلعت هايجة والحرقني اكتر سفهة احمد لي وعدم ردو وفي الاخر يقرر عني شي بدون حتي يكلمني..

"جيت بيت امو طويل خشمي وستو دخلته لقيتو يشرب في لبن بره في الحوش

*انت قصدك شنو بس؟
"طلعت الدبلة من يدي"
وكان الحديدة دي البتربطنا دا طرفي منها ياود الناس انا ما دايراك ما انت البتحدد ل سلوان مصيرا شنو سامع..

"وطالعة علي الباب في وشي لقيت يمة ويابا لحقوني ووراهم رقية حدرت فيها شديد "

وقتها ابوي قال

*علي بالطلاق يا سلوان امك دي طالق الليلة دي كان ما ع....

" قبل يتم كلامو"

طق احمد ضربني كف لما رجعت لي ورا ومسكت وشي
"كلامي مع ابوك تاني يا سلوان"

*لالا يا عمي استهدي بالله

"امي عاينت لي وسكتت وقت احمد قاطع ابوي "

قالت كلمة واحدة

*اريتك ما بتي الولدتك..
"وطلعت طوالي مشت وانا جريت وراها
يمة يمة"

–الكلمة دي وجعتها حاااارة–

.........

#بعد راقت الاحداث الحصلت دي"

"كلمت اخوي الكبير ب مالك الامو اتوفت وركبنا العربية نمش نسوي الواجب "

ساعة زمن ووصلنا

*الفاتحة الفاتحة
الدوام لله انا لله وانا اليه راجعون

قلدت مالك وسلمنا عليه بعد عزيناه

*عزو مالو شكلك انت عيان ولا شنو؟!!

"سكته حبة"
-خالتك اخلاص الدوام لله اتوفت قبل ايام ...

"خته يديه في راسو وعاين لي شديد

*لا حول ولا قوة الا بالله وجا رجع شال معاي الفاتحة تاني...

..................

#الايام مرت برتابة شديدة بأحداث ملخبطة شديد ما شفنا فيها راحة انا ورقية بس

#رجعنا_الخرطوم وامتحنا

اثناء ما سارحة في المحاضرة

و شكلتي ب احمد في ليلي داك والكف الجاني منو وكلام امي وقتها لي بعد رجعنا البيت

*وقت ما عرفت اقومك انا البركة لقيتي ليك راجل يأدبك ويلمك...

ومدثر وكلامو الاخير لي..

#اما جانب عزالدين

الليلة رجعت من مالك ودعتو لانو راجع السعودية بعد رفضو يدوه اجازة اكتر وفي بالي شكية همو لي..

جيت داخل علي اختي لقيتا بترتب في حاجات امي وتبكي

*قعدته جمبها فتره وفجأة سالتها:

عاوز اسأالك شي؟

-مالك؟

انتي البت البتريدا امي ديك وين ما شايفا تاني جات عليكم..

"بزعلة"
انت ما عارف...

#دمتم_بسعادة☕
#سحر_سمير🎻
#فاطمة_قسم_الله🌼