الوو؟ايوة ي زياد كيفك ان شاءالله تمام؟
لا تمام الحمدلله والله م عندنا عوجه،م تكون نايم وصحيتك ي زول؟سهراتك ي باشا ههههه،الحمدلله اها الحصل شنووووو؟ م اتظبط الموضوع؟لا ياخي💔الزول م اتصل عليك تاني ؟
والله ي زياد م عارف تتحل كيف وانا المعي دي م كافيه نهائي وم بتعمل شي كمان💔لا ياخ ولا تحاول حتى انت مجنون ولا شنو ي زول خليها على الله بحاول اظبطها ان شاءالله بتتظبط،شهد تمام الحمدلله عايز اتصل عليك من بدري بس م كنت لاقي طريقه اطلع من البيت ف انتظرتها نامت حتى انت عارف براك الحنك،تمام لو في جديد بيناتنا الشبكه ،لالا والله م للدرجه دي ، اااابشر ابشر ي حبيب ان شاءالله م بحصل الا كل خير يديك العافيه يلا سلام.
اووووففففففففففففف....
دي مكالمه سمعتها بالصدفه لماهر وهو واقف في البلكونه م فهمت شديد بشكل واضح بس هو كان بتكلم مع زياد ومن نبرة صوتو كان متضايق شديد وهو بشرب في سيجارة حتى بعد خلص المكالمه اخد نفس طويل ورماها بغض ختت يديهو الاتنين في رقبتو ورا وعمل الحركهه دي"اووووووووووووف" بتنهيدة
وفضل واقف،واضح انو م عايزني اعرف الحاصل شنو بالظبط خصوصاً انو عندو كم يوم من جينا للشقه حاساهو في حاله قلق ومعظم الوقت بكون ماسك التلفون في يدو وحتى احياناً بتجيني صحيه بلقاه مساهر م كانت في اقل شكوك انو هو متضايق من حاجه او عندو مشكله الا بعد م سمعت مكالمتو دي بس المشكله دي هي شنووو م فهمت وهو م حكى لي انا القاعدة معاه طول اليوم حتى بقول لزياد انتظرتها نامت حتى اتصلت دة شنو الشي البخليهو ينتظرني لغايه م انوم دهه؟
حسيت بيه حيتحرك من مكانه على طول رجعته الغرفه ورقدته واتغطيت فضلته صاحيه ومقلقه منتظراه يجي داخل،فضل اكتر من ساعه وهو برة قلقته وبقيت مترددة م بين اطلع اشوفو ولا لأ،
جا داخل الغرفه غمضته عيوني وعملته نفسي نايمه،بقيت حاسه بحركتو دخل الحمام شويه كدة جا طالع ،حركتو خفت بقيت م حاسه بيهو لا رقد جمبي ولا حاسه بحركتو في الغرفه قبل م افتح عيوني سمعت صوتو وهو بقول"الله اكبر الله اكبر اشهد ان لا إله الا اشهد ان محمد رسول الله...
فتحته عيوني لقيتو واقف في المصلايه
ي ربي ماهر مالو؟انا عندي كم يوم معاه في الشقه دي م حصل شوفتو وهو بقيم الليل ابداً،ي رب هي عادة بالنسبه ليه ولا هو متضايق للدرجه المخلياه مقلق وم قادر ينوم ؟
فضلته صاحيه ومراغباه خلص صلاة وشال المصحف وبقى يقرا،اخد مدة طويله وهو بيقرأ وانا جد قلبي وعقلي بقو يودو ويجيبو،بعد م خلص رجع رقد في السرير وخاتي يدينو في راسو احساس مغطي عيونو وكدة ،خليتو ياخد غفوة شويه كدة و اتحركته من مكاني وقربته منو ورقدته في حضنو ،مع حركتي دي ماهر شبه صحى ف قال لي بصوت خافض شهد
م رديت عليه
عدل لي رقدتي وهو ضاميني واخد نفس عميق وهو ساكت ،م عارفاه فضل صاحي لغايه متين بس انا بعدو م نمت ابداً بس كنت عايزاه يحس بقربي منو ...
......
صباح اليوم التاني صحيت بدري ووقعته نضافه في الشقه العايز نضافه وم عايز كلو نضفتو ،وماهر على حسب م انو مساهر وكدة م صحى،اثناء م انا بنشف في العدة علشان ارفعها ادراجها حسيت بحركتو في المطبخ ،اتلفته عليه لقيتو واقف وبعاين لي،
عاينته ليه مسافه وقلته ليهو صباح الخير ، قال لي صحيتي متين انتي؟قلتته ليهو يعني بدري لقيت نفسي فاضيه وم عندي موضوع نضفتهه وكدة ورجعته اتلفته منو وكملته البعمل فيه وقلته ليه الشاي جاهز ،
قال لي الشقه نضيفه م كنتي تتعبي نفسك وتنضفي لانها م محتاجه💔
قلته ليهو اصلاً ماف موضوع ياخ م قصه انها وسخانه وم وسخانه بس كدة ساي مزاج نضفتها،
فتحته الرف وشلته جزء من الكبابي عايزة ارفعهم حسيت بحركتو وهو بقرب مني ومسك مني الكبابي ورفعهم وبعدها على طول مسكني واتجهني عليهو وخته يدو في خدي وبقى يعاين لي قال لي انتي زهجتي صح؟
قلته ليهو لأ ي ماهر ماف شي بزهج والله مسكته يدو وقلته ليهو وبعدين كفايه انو انت معي
بقى يعاين لي وهو ساكت،ضحكته و
قلته ليهو م تعاين لي بجديه كدة ياخ🙈😂💔
قربني عليه اكتر وقال لي كلها كم يوم ونسافر وأوعدك اعوضك عن كُل الزهج والملل دة ،
قلته ليهو ملل؟تتوقع انو انا معاك ممكن احس بالملل؟ماهر موضوع اني مبسوطه او لا م مربوط بمكان معين ابداً مربوط بيك انت طالما معاك انت صدقني انا مبسوطهه وشديد كمان،قرب كدة ي طويل،قال لي كيف؟
رفعته يدي ومسكته من لحيتو وقلته ليهو "م عايزة اي شي انا بس عايزة اكون معاك بكل حواسي وعايزاك تكون معي كدة انا بس عايزة احس بالطمأنينه ي ماهر والاحساس دة م بجيني غير وانا معاك،ضماني عليه وهو ساكت ،
م عارفهه بس الكم يوم العديتها وانا معاه دي رغم انو بعمل كل شي علشان يبسطني بس بحس انو لسسسه في حاجز بينا لسسسه في حلقهه مفقودة في ماهر انا م قادرة اتوصل ليها م عارفه احساسي دة صح ولا انا بس الحساسه زيادة عن اللزوم💔
حنفطر شنو ي بابا؟
م عارفه شوف انت عايز شنو ونحن نعملو،عايز شنو عايز شنو عايز شنوو
عايزك انتي وبس😌❤
ماهر ياخ بطل حركاتك دي😂😂💔

انتي ليييهه شايفهه انو دي حركات❤💔
طيب اسمع ي ماهر انت ي حلو حتنزل البقاله تجيب لينا...
دقيقة ي حلو دي لي انا😒😒
قعدتهه اضحك اوبس نسيت انك م بتحبها ي حلو😂🙈💔
قرب علي اكتر وهو بعاين في وشي وقال لي عارفه انو ضحكتك دي بتشفع ليك عندي❤
قلته ليه والمعنى؟
قال لي المعنى انو انا صح م بحب الكلمه بس بحب ضحكتك الجات بعدها❤
طيب حتمشي البقاله وحتبطل حركات ولا حتقضيها حركات كدة وحتجوعنا؟
يا إلهي طيب قولي عايزة شنو ي شهد😒
ضحكت وقلته ليهو عايزة علبتين ساردين و...الخ
طيب تاني م عايزة حاجه خالص صح عشان حافظ حركاتك انا م حأرجع لو جيت تاني انا،
م متأكدة بس المهم دي الحجات😂💔
طيب
قام طالع من المطبخ جا راجع وبقى حايم يرفع الكبايه من جمبي ويرجعها ويحك راسو،وتاني يرفع حاجه ويفتح الدرج
قلته ليهو بإستغراب مالك؟
قال لي ناسي حاجه م عارفها شنو
قلته ليهو حاجه ضايعه منك يعني؟
فجاة مسكني وقربني عليه وباسني مسافه وبقى يعاين لي وهو ساكت ،
وانا م بين بتبسم وم بين خجلانه،بعد مسافه قال لي إحم وحك راسو وقال حأمشي انا ...
الحاجه الاكتشفتها فيه وانا معاه انو طفل شديييد م بعرف يعبر بالكلام م بعرف يرغي زي م انا بعمل ولا بعرف يكون صريح بس بعرف يوصل ليك إحساسو بأفعالو 🙈❤
وانا بكمل في شغلي فجأة سمعت صوت تلفونو بضرب قلت"ماهر جيت بالسرعه دي؟
م سمعته ليهو حس
والتلفون كان بضرب كتير عرفته انو م شالو معاهو ،طلعته من المطبخ مشيت على الهول لقيتو موصلو في الشاحن،عملتو صامت وقعدته اشاهد التلفزيون ،تاني ضرب وبقى يضرب كتير اكتر من 7مكالمات ورا بعض،زهجته منو شلته التلفون وفتحت الخط قبل م ارد سمعته صوت بقول "اوووو السلام عليكم ي ولدي ازيك طيب ياخي،"كان صوتو عالي
قلته ليهو إحم وعليكم السلام معليش بس صاحب التلفون دة طلع مشوار قريب وجاي راجع
قال لي ايواااا لالا تمام طيب معليش على الازعاج،
قلته ليهو لالا م مشكله يديك العافيه وقفلته الخط
م تميت دقيقة رجع اتصل رديت قال لي "عليك الله ي بتي لما يرجع قولي ليهو عمك حسن السمسار قالك ترجعلو ضروري حسي حسي دي ،قوليلو لقالك بيعه لي عربيتك والزول الدايرها هدة قاعد معاهو عشان انت قلت مستعجل للبيعه ومحتاجلها انا حجزته الزول وم داير اخليهو يفوت لو جاهز يجي يشوفها وتتفقو على البيعه عديل كلامي ي بتي؟
طبعاً في البدايه سكتت وانا بحاول استوعب هو بقول في شنوو
قال لي الووو؟
قلته ليهو ط طيب تمام ،
قفلته منو وانا افكاري بتضرب في بعض مكالمتو امس مع منذر+كلام عمو اسي دة معناه شنوو؟
وماهر عايز يبيع عربيتو لشنووو اساساً؟ولييييه م عايز يكلمني ولا حتى جاب لي سيرة؟
حتى لو عايز يبيع مستعجل ليييه؟
وانا في جوطه افكاري ديك ماهر جا داخل شايل الأكياس،وانا لسسه ماسكه التلفون في يدي عاين لي وقال لي حاولته م انسى حاجه ودخل المطبخ،شويه كدة جا طالع من المطبخ وشايل كيس شيبس في يدو اول م وصلني قعد جمبي وختاهو لي في يدي ورقد في رجولي بقيت اعاين ليه ،
قلته ليهو ماهر،قال لي عيوني❤
قلته ليهو في واحد اتصل عليك اسي قال اسمو حسن السمسار
اول م قلته ليهو الاسم رفع راسو بسرعه قال لي اتصل متين؟
قلته ليهو م تم 5دقايق قال ليك ترجع ليهو ضروري هو منتظر...
قبل م اتم كلامي شال التلفون وقام على حيلو م مشى على الغرفه ولا على البلكونه طلع مشى على باب الشقه على طول💔
ردة فعلو دي زرعت جواي الف سؤال غير الاسئله الكانت عندي،
فضلته قاعدة وخاته يدي في خدي وسرحانه شويه كدة جا داخل لما لقاني لسه في مكاني قال لي شكلنا م حنفطر😆قلته ليهو حادخل اجهزو اسي،دخلته المطبخ سمعته تلفونو بتصل وهو رد وقال:ي منذر بعدها صوتو اختفى اظنو دخل الغرفه وقفل عليهو الباب،جهزته الفطور طلعته اشوفو م سامعه ليه حِس،قعدته في الكنبه والريموت في يدي بقلب وانا سرحانه وبعد كم سؤال بخطر على بالي برجع بقول لنفسي"ي شهد ياخ انتي مكبرة الموضوع ساي عادي يعني لو عايز يبيع عربيتو يمكن عايز يشتري واحدة جديدة"
وانا سرحانه كدة فجأة ظهر قدامي،قلته ليهو بصوت خافض الفطور جاهز ،قال لي طيب يلا،وهو داخل المطبخ فجأة جاتو مكالمه تاني رد وقال:ي خالك رسلتهم ليك في الواتسب شوفها واديني الأكيدة تمام ربنا يسهلها ان شاءالله❤
حسيتو شبه انبسط شويه بالمكالمات البتجيهو دي على عكس الأيام المضت 💔قال لي ي سلام ياااااخ والله جعان جوعه،قعدنا م بدينا ناكل كويس تلفونو ضرب شالو وفتح الخط قال ي خالك طلع،انا جد اتضايقته واتضايقته شديد كمان ،جا راجع ،خته التلفون على جنب وم كمل أكل كويس تاني تلفوني رجع إتصل
قبل م يقوم قمت انا على حيلي وقلته ليهو خليك م تتحرك من محلك وم تتعب نفسك وتمشي الغرفه وتقفلها عليك انا حأقوم لما تخلص مكالمات ابقى ناديني علشان الم السُفرة طيب؟
ومشيت خليته م اتلفته عليه اساساً دخلته الغرفه وقفلتها علي،م لحقني الا بعد 5 دقايق،لقاني برتب في السرير مسكني واتجهني عليه قال لي مالك انتي؟
م رديت عليه
قال لي مش اسي قبل شويه كنا حلوين في ش

نو حاصل؟
قلته ليهو بي نرفزة ماف شي
قال لي شههد
قلته ليهو ماف شي ي ماهر خلاص
قال لي لا ماف شي اسمو خلاص فهمتي؟متضايقهه من المكالمات البتجيني دي انتي؟
نزلته راسي وانا ساكته
خت يدو في خدي وقال لي شغل ي شهد ومُهم لازم اخلصو قبل م نسافر علشان كدة قلته ليك استحمليني الإسبوعين دي بس عارفك زهجتي ومليتي وعارف انو ماف عروس بترضى تقضي شهر عسلها بين 4حيطان بسسس ...
قلته ليهو ماهر انا م مشكلتي المكان ولا بفرق معي وانت فاهم كدة،
قال لي طيب اوعدك انو لما نكون مع بعض التلفون حيكون صامت عارف انو دة زمنك وم من حق اي زول ياخدني منك ولو ثانيه واحدة طول م انا معاك عارف كدة ي شهد حقك علي❤
بقيت اعاين ليه بي إبتسامه عليها شويه دموع في عيوني
قال لي اهااااا بدينا عوارة؟
قلته ليهو ماهر انا بحبك شديد لو عشته معاك العمر كلو م اظن اكتفي منك وبعدين هم من زمان م كانو معاك ليه م خلصو الشغل دة الا اسي علشان كدة اتضايقته بس 😔💔ضحك وضماني عليه وباسني في راسي مسافه وهو ساكت بعدها قال لي انا م شبعته ممكن نمشي نكمل فطور؟
قلته ليهو وبعد الفطور حتكمل مكالماتك ؟😔💔
عاين لي مسافه من فوق لي تحت وقال لي لا بعد الفطور عندي حجات اهم واسي ي ستييييي مسكني من يدي وشالني في ضهرو وقال لي كدة خلينا نمشي على المطبخ نكمل نقاشنا هناك😂❤
حوالي الساعه 2ظهر كدهه صحيت على صوت ماهر بقول"اي ي منذر م رد عليك؟يعني قفلو بالمرة ؟تمام تمام طيب،
غمضته عيوني وعملته روحي نايمه ماهر شال تلفوني وطلع برة الغرفه،قمت على حيلي ووقفته جمب الباب شويه كده سمعتو بقول ي عمتي كيف تمام؟الحمدلله ،ياخي خالد دة بتصل عليه تلفونو مقفول م عندو رغم تاني شغال بيه او رغم واحد من اصحابو ممكن يوصلني ليهو؟لأنو حتى الشقه الكانو قاعدين فيها رحلو منها وم كلمني بكدة واسي انا م قادر اصل ليهو ،
ي عمتي ما انا لو م مجبور م بسألو منها وهو عارف كدة وانا حكيت ليهو ظرفي وفهمتو الحاصل بالنقطه والشوله وفهمتو قدر شنو انا في اشد حوجتي للقروش دي من قبل كم يوم وقلته ليهو تحت اي لحظه انا ممكن اتصل عليك عشان اسلم منذر مفتاح العربيه وبالفعل اتصلته عليهو قبل كم ساعه وكلمتو انو منذر حيتصل عليهو عشان لقيت بيعه للعربيه قال لي خلاص تمام لغايه هنا كويسين صح؟سبب واحد يخليه يقفل تلفونو ويستغباني ويتصرف التصرفات الما مسؤله دي مافي ،ماف شي بجيب زعل ابداٌ وانتي عارفه وانا عارف انو خالد طايش وم مسؤل واسي بعد م اديتو العربيه دي عمل الف مُصيبه وانا كلمتو اني عايز اشيلها منو بسببها ف م تبرري ليهو افعالو ي عمتي الله يرضى عليك،
انتي شايفه كدة؟بس دة الانتي شايفاه؟عمتي احتراماً للبينا احسن ننهي المكالمه يلا سلام.
بعد كم دقيقة سمعتو بقول:ي خالي،معليش ياخ اتأخرته عليك بس اسمعني البيعه حقت العربيه ديك خليتها ،اي والله يخخخ م بتاع امور والله ي خالك لكن تقول شنو بس المهم شوف لي بيعه لي عربيتي الكروزر دي وتكون سريعه بالله بين الليله وبكرة وبعدو م تزيد من كدة بأي مبلغ بس،لا جادي والله دي م حجات بهظرو فيها معقوله ي خالك ياخي انت عارفني انا م زول جرجرة ،برسل ليك صورها في الواتسب دقيقة بس انزل اصورها ،تمام بينا الشبكه ،
معقوله؟ماهر عايز يبيع عربيتو دي؟وديل منو ديل خالد وعمتو ديل كمان؟ودة شنو السبب العظيم المخليهو متضطر يبيع العربيه ؟بقيت م حاسه بحركتو فتحته الباب لقيت باب الشقه فاتح شكلو طلع يصور العربيه زي م قال للراجل مشيت وقفته في البلكونه لغايه م لمحتو بالفعل وهو بصور في العربيه،
هو اكيد م حيبيع عربيتو الا للشديد القوي،معقوله ماهر يكون م عندو قروش علشان كدة مأجل شهر العسل اسبوعين؟واسي هو عايز يبيع عربيتو علشان كدة؟؟😟💔
طيب ليه م كلمني ؟
رجعته عاينته لمكانو لقيتو اختفى جريت دخلته الغرفه وقفلتها علي ورقدته في السرير،بعد فترة م طويله سمعتو وهو بقول "انا بس ي اخوي كنت دايرك تبقى راجل وتقول لي كلامك دة من البدايه م انت بقيت راجل بعد كدة صح؟وانا قاعد اعاملك على الاساس دة والراجل بمسكوه من لسانو،من البدايه كنت تقول لي ي ماهر العربيه دي حقتي رجاله كدة بس وم بديك ليها ماشي اعمل ليك شنو يعني حأكسر ليك رقبتك؟امور النسوان دي م حبابها وابشر العربيه خليها معاك اصلو م بينا بس الوضوح حبابو ي اخوي وانا لو م كنت محتاج ليها انت عارف براك م مفكر مجرد تفكير اني ارجع اشيلها منك واسمعها مني م ترخي اضانك للنسوان حتى لو امك عشان م عشان هي امك معناها هي صح حكم عقلك كلامي دة حفاظاً على هيبتك انا زول اخوك،إن احتجته شي رسل لي في الواتسب تمام؟يلا سلام.
دة شنو الكلام البقول فيهو ماهر دة؟فجأة باب الغرفه فتح غمضته عيوني ، فتح الدولاب ودخل الحمام وجا طالع وانا لسسسه في وضعيه إني نايمه،بعد م طلع من الحمام حركتو بقت في الغرفه شويه كدة سمعتو بقول شههد،بعدين قرب مني وبقى يصحيني بي كفه يدو،عملته فيها غمرانه نهائي بعد مسافه قعد جمبي وبقى يحاول يصحيني حتى فتحت ،
قال لي صح النوم❤
كان ل

ابس ملابس طلعه،
قلته ليهو الساعه كم؟
قال لي ماشه لي 3كدة💔
رجعته غمضته عيوني وفتحتها ،
قلته ليهو لابس ماشي وين؟قال لي عندي مشوار قريب وجاي
قلته ليهو مشوار شنوووو؟
قال لي قريب م حأتأخر
قلته ليهو وحتخليني براي؟
قال لي مسافه السكه ي شهد م حأتأخر والله انتي صحصحي وإتغدي م تنتظريني طيب؟
بقيت اعاين ليهو بملامح زعل وانا ساكته
غمض عيونو مسافه حتى قال لي حأمشي واجي راجع لو عايزاني اطلعك اي مكان حأطلعك عارفك زهجانه من القعدة دي بس يلا هانت حبيبي وقرب علي وباسني ❤وعلى طول وقف على حيلو ومشى على التسريحه شال تلفونو ومفتاح عربيتو قال لي تعالي عشان تقفلي الباب عليك انا عندي نسخه من المفتاح❤
نزلته مشيت وراه لغايه م وصل جمب الباب إتلفت وقال لي "م بتأخر"❤
بعد كدة شكوكي بقت اوضح وإتأكدت بس انا القاهرني اكتر انو بعد المرينا بيهو وعشناهو دة كلو ماهر م شايف انو في ضرورة يحكي لي الحاصل معاه او يشاركني الشي الهو عايشو،طيب انا شنو في حياتو اذا من اولها اختار يكون مُبهم معي كدة ويخبي علي ابسط الحجات دي؟هو بتصراف بغرابه،وكمان في ناس غريبين في حياتو انا م عندي بيهم علم،هو بحبني وعامل الثقه فيني م كفايه علشان يخليهو يشاركني الماري بيهو؟
.....
في جانب تاني من حياتنا دايماً بكون مأساوي شديد وم ينفع تشاركو مع غيرك حتى مع الشخص الانت بتعتبرو قرينك م ينفع لأنو الحياة بتطلب كدة،بتطلب إنك تتعايش معاه رغم انو حمل ثقيل عليك،رغم انو عبء من اعباء غيرك،بس بتلقاه اتمدد واخد حيز كبير من حياتك واتفرض عليك فرض وإستهلكك،في حجات كتيرة نحن م بنعملها حباً فيها لا عشان مجبورين نتأقلم معاها 💔
"ماهر"
....
شههد ،شهد حبيبي صح النوم،
ماهر!
اتأخرته صح؟بتصل عليك م بتردي تلفونك وين؟
م عارفاه يمكن في الغرفه وانا شالتني نومه هنا في الكنبه،انا إتأخرته لانو كانت عندي شغله مع زياد بخلص فيها ياااااخ والقعدة جرت وطالت💔
اهاااااا طيب خليني اقوم اجهز ليك شي تاكلو،
لا خليك م عايز،
اكلته برة؟
لا بس شربت قهوة عشان كدة
طيب هعمل عصير،
اخخخخخخخخ "حاولته اقوم على حيلي حسيت بي احساس السكين في راسي وختيت يدي في راسي مساااافه وانا مغمضهه💔
مالك ي شهد؟
ماف شي
لا تعالي في شنو مالك ومن قبيل نايمه م من عوايدك انتي كويسه؟
سكتت
قعدني وخته يدو في خدي ،قلته ليهو ماف شي ي ماهر شويه صداع بس،قال لي صداع؟من متين؟ليييهه م اتكلمتي؟
قلته ليهو صداع عادي ي ماهر يخخخخ قال لي تمشي المستشفى ؟
قلته ليهو ماهر من متين الصداع بمشو ليهو المستشفى؟
قال لي طيب خليك راقدة م تتحركي دقيقة،قام من جمبي دخل الغرفه وجا راجع شايل الحبوب في يدو قال لي هاك ومشى جاب كبايه مويه واداني ليها،
اخدته الحبه تلفونو ضرب،عاين فيهو وعملو صامت و قال لي ارتاحي شويه،وشال تلفونو ودخل الغرفه💔
"في الغرفه":
ي عمي كيفك ياخ ان شاءالله طيب،لا نحن تمام والله في احسن حال الحمدلله،انتو كيفكم؟الحمدلله،اي حنسافر بعد كم يوم كدة ان شاءالله،لا والله ماف شي ناقص ابداً بس عندي شغل كدة لازم اخلصو قلت عشان م انشغل بيهو بعد م اسافر،لا تمام والله،خلاص تمام ااااابشر سلم على الجماعه ديل كمان،يديك العافيه❤
....
ماهر جا طالع دخل المطبخ عمل لي عصير وجا راجع غصبني اشربو وبقى يسألني بقيتي احسن؟الصداع خف؟
مسكته يدو وضغطته عليها وانا ساكته،
قال لي شهد انتي لو م تمام خلينا نمشي الدكتور احسن ❤
قلته ليهو لأ م نفسي،فضل جمبي بقيه اليوم كلو وهو مرقدني في رجولو مرة يعمل لي مساج لي راسي ومرة يتحسس جسمي اذا في حمى او لا،اليوم التاني صحيت بوضع اسوأ صداع بزيادة بس م حبيت ابين ليهو،جهز الفطور وجابو لي لغاايه عندي لما نزلته علشان ادخل الحمام جاتني طعنه في جمبتي اليمين خلتني امسك في السرير بي صرخهه،ماهر اتخلع وجا مسكني بقى يقول لي شهد مالك؟فيك شنووو؟وانا من الوجع بطلع صوت تنهيدات م عاليه وم واطيه وهو بسألني وساندني عليه،بقيت اقول ليهو م قادرة ي ماهر م قادرة،
بقى يقول لي مالك قولي لي؟
قلته ليه طعنه هنا واااااي ،قعدني في السرير وطبعاً بقى م عارف يعمل شنو جاب لي كبايه مويه وقعد جمبي علشان يشربني ليها لزيتها قلته ليهو م عايزاه وإتلويت ورقدته وانا ببكي،فتح الدولاب بسرعه واظن اقرب جلباب طويل وتوب لاقوهو لبسني ليهم وشالني م عارفاه وصلني العربيه كيف م كنت واعيه اساساً،لما وصلنا المستشفى ودخلنا الدكتورة ماهر كان بتكلم معاها بي خلعه ولهفهه كدة وبسألو"الصداع والطعنه والحجات دي بتكون من شنو؟
الدكتورة قالت ليهو م هو انت لو م هديت وروقته م حنفهم هي من شنو بالضبط ممكن تهدأ عشان اتفاهم مع المريضه؟بقى يعاين لي ويعاين ليها وساكت كسر خاطري منظرو،
الدكتورة بقت تسألني بعدين طلبت مني اعمل الفحوصات على بال م الفحص يطلع ماهر مشى المعمل وجا الف مرة وكل شويه يرجع يقعد جمبي ويقول لي لسسسه الألم م خف؟نرجع للدكتورة تاني نخليها تديك مُسكن؟و...الخ
الفحوصات طلعت الدكتورة قالت لينا نضيفه م فيها شي ،قا

ل ليها كيف يعني م فيها شي انتي م شوفتي شكلها لحظه م الطعنه دي جاتها والصداع دة معاها من امس وعامل ليها دوخه عديل ي دكتورة احسن نعيد الفحوصات دي تاني،الدكتورة بقت تعاين ليهو وهي ساكته،بعدها نزلت عينها في الورقه وقالت ليهو دي مسكنات بالنسبهه للصداع
بتقدر تاخد منها اسي وتاني تاخدها عند اللزوم وهي بعافيه م فيها شي،بقيت اعاين لي ماهر علشان م يفتح خشمو، شال ورقه العلاج ومسكني اول م طلعنا قال لي دي حيوانه ساااي اظنها قاريه ورا الفصل ارح نشوف لينا مستشفى تاني،قلته ليهو بصوت هزيل ماهر ،قال لي تعالي طلعنا ركبنا العربيه قلته ليهو انا م قادرة ممكن تجيب لي المسكن الكتبتو ؟قال لي شهد
قلته ليهو ماهر الله يرضى عليك رجعني البيت م عايزة امشي اي مستشفى😭💔قال لي حاضر حنرجع البيت ي شهد ،اتحركنا شويه كدة وقف العربيه قال لي دي مستشفى ننزل نعمل فحوصات ونرجع البيت حاضر حبيبي؟
قلته ليهو ماهر،مسك يدي وقرب علي وقال لي"حبيبي عشان نتطمن عارفك م قادرة تستحملي بس رجعتنا البيت من غير م نتطمن م منها فايدة يلا حبيبي اسمعي الكلام وبعدها العايزاه يحصل يلا حبيبي❤
نزل وفتح لي الباب نزلني وسندني لغايه م وصلنا الإستقبال قعدني ومشى قال ليهم عاينو مرتي دي تعبانه شديد عندها طعنه وصداع م ينفع اسجلها و اخليها تنتظر ممكن تتدخلوها على طول؟
م تم دقيقتين معاهم جا راجع مسكني من يدي في واحد من الإستقبال مشى معانا لي غرفه كدة،
برضو طلعنا من الدكتور وعملنا فحوصات عامه والنتيجه برضو طلعت نضيفه الدكتور قال ليهو مضاعافات بس م اكتر وكتب لي ادويه علشان اخدها،ونحن راجعين البيت بقى شابك يدي بي يدو وسايق بي يدو التانيه،
فجأة " قلته ليهو ماهر،
قال لي عيوني ❤
سكتت
قال لي احكي مالك الألم رجع تاني؟
قلته ليهو لا بس ممكن توديني بيتنا؟
قال لي م نحن اصلاً ماشين البيت
قلته ليهو لا قصدي بيت اهلي اقصد،
سكتت مسافه بعدين قال لي بيت اهلك؟ قلته ليهو ايوة عايزة امشي لي امي انا،
قال لي شهد بتهظري انتي صح؟
سكتت مسافه حتى رديت ليهو بي زعل وقلته ليهو "انت شايف انو انا في وضع اهظر فيهو؟انا عايزة امشي لي ماما وديني لي امي،
سكتت مسافهه فك يدي وشال تلفونو وقال لي طيب مش عايزاها نحن ممكن نتصل عليها،
قلته ليهو ايوة عايزة امشي لي امي انا،
قال لي شهد بتهظري انتي صح؟
سكتت مسافه حتى رديت ليهو بي زعل وقلته ليهو "انت شايف انو انا في وضع اهظر فيهو؟انا عايزة امشي لي ماما وديني لي امي،
سكتت مسافهه فك يدي وشال تلفونو وقال لي طيب مش عايزاها نحن ممكن نتصل عليها،
قلته ليهو بنبرة حادة : لا انا عايزة امشي ليها عديل ونزلته راسي تحت وغطيت وشي بي يدي وانا ساكته،فضل سايق وهو ساكت لغايه م وقف فجاة قال لي طيب انزلي نطلع البيت اللبسي ورتبي نفسك كويس وأوديك البيت عشان كدة ممكن ناس بيتكم يقلقو ويفهمو غلط💔يلا حبيبي،نزل فتح لي الباب نزلته ومسكني ،طلعنا الشقه دخلته غرفتي ودخل وراي وعلى طول مسكني وقربني منو قال لي حبيبي مالك انتي في شنو فهميني؟المضايقك شنووو؟فضلته ساكته ،قربني عليه اكتر قال لي شهد انتي م مبسوطه معي؟
هزيت ليهو راسي بمعنى لا قلته ليهو ليييهه بتقول كدة؟انا بس مشتاقه لي امي ومتعودة لما امرض هي تكون معي 💔قال لي طيب ،فكاني ومشى فتح الشنطه طلع لي ملابس جابهم اداني ليهم قال لي الألم خف؟حتقدري تمشي؟هزيت ليهو راسي بمعنى ايوة ،خته يدو في جبهتي قال لي والصداع؟برضو هزيت ليهو راسي،قال لي متأكدة؟قلته ليهو ايوة، تاكلي حاجه حتى نمشي؟لأنو م اكلتي،قلته ليهو لا م نفسي💔
قال لي طيب حأنتظرك برة م تتأخري علشان الزمن،مسكني الملابس وطلع،
قعدته في السرير لمحته تلفوني شلتو ،فتحتو لقيت في مسجات نازله "فتحتها لقيت مسج من لجين بتقول"شهد حبيبي بالنسبه لموضوع قبيل م تركزي مع كلام طيف لأنها غبيه ورايها دة ارميهو في الزباله واسمعيها مني اصبري واتريسي شوفي نهايتو شنو انتي م عارفه البت دي منو اساساً م تستنتجي وتبني قرارات على استنتاجك دة ما تخطي اي خطوة متهورة مالم تتأكدي وحتى لو كانت تولين زي م انتي بتقولي وهو متواصل معاها في شهر عسلكم تبقي غبيه لو خليتيهو ليها بالبارد كدة لما تصلك رسالتي دي راسليني لاني اتصلته عليك كتير م بتردي💔قعدته وانا بفكر فترة بعدين فتحته الدولاب شلته ملابسي دخلته الحمام استحميت ولبسته بجامه قصيرة ولفيت شعري كعكتين وطلعته من الغرفه لقيت ماهر قاعد في الكنبه وماسك تلفوني ومركز فيهو وبهز في رجلو،
لما حس بحركتي رفع راسو عاين لي واتفاجأ بي منظري دهه طبعاً بقى يعاين لي بإستغراب بعدين إبتسم إبتسامه خفيفه،لما وصلتو قلته ليهو ممكن طلب؟
قال لي إتدللي❤
قعدته جمبو ورقدتهه في حضنو وقلته ليهو ممكن تضمني شدييييييد علشان دي اول مرة امرض فيها بعيد عن ماما وانا فاقداها شديد،ممكن م تحسسني بعدم وجودها 💔 قال لي دي م حاجه تنطلب دهه حق من حقوقك ودة مكانك اصلاً في زول بستأذن علشان يقعد في مكانو؟وبعدين وانا كُلي ليك وضماني عليه اكتر

وباسني في راسي...❤
#ذات_عناق 29
"الجزء التاني"

#ذات_عناق 30
"الجزء التاني"
ونحن في الوضع دهه وسرحانين وهو بمسح بي يدو على شعري
ماهر❤"قلته اسمه فجأة"
قال لي ايوة حبيبي❤
سكتت مسافهه خت يدو في خدي قال لي حاسه بحاجه او عايزة حاجه ي بابا؟
قلته ليهو بصوت طفولي لا بسسسسس كنت عايزة اقول ليك انو ممكن م تعمل اجراءات السفر و نأجل سفرة شهر العسل دي شويه؟
عدل وضع رقدتو شويه وقال لي بإستغراب لييييهه؟
رفعته راسي وعاينته في وشو وقلته ليهو علشان انا عيانه
قال لي ليييهه حاسه بشنو انتي الوجع رجع تاني؟حاسه بشي م تمام نرجع نقابل اخصائي عديل ونشوف الحاصل؟
قلته ليهو اهدأ م كدة انا تمام بس جد مرهقه شويه وحتى لو سافرنا م حأقدر انبسط وحأخليك تكون مقيد بس وم حيكون للسفرهه اي معنى دي كل الحكايه💔
خت يديهو في خدودي وقال لي سفره معاك انتي وتكون م حتبسط وم حيكون ليها معنى؟عايني بكره بالكتير حتبقي كويسه و...
قاطعتو قلته ليهو انا اسي كويسه بس م عايزة اسافر ي ماهر ولو سافرته كدة برضو م حأنبسط ويمكن وضعي يسؤ برة انا لما امرض مزاجي بتعكر 180درجه وماف سفرة بتعدل لي مزاجي حافظه نفسي انا علشان كدة بقول ليك الكلام ده
طبعاً حواجبه بقت مقرونه وداخله في بعض من الضيق،بقيت اعاين ليه وانا ساكته،رجع رقدني في صدرو وحاوطني بيديه وقال لي نتناقش في الموضوع ده بعدين💔
قلته ليهو ماهر انا جادة 💔
باسني في راسي مسافه وضغط علي اكتر وقال لي"بعدين قُلنا"
انا م عارفه هو مالو بالظبط ولا عارفه هو داسي مني شنو بالظبط بس العارفاه ومتأكدة منو انو عايز يبيع عربيتو علشان نسافر نحن،وم عايز يبين لي الحاجه دي ابداً وبكابر،وانا واثقه انو كل الحلول في يدو انتهت علشان كدة لجأ لي عربيتو،
واحدة من الحجات الحصلت برضو انو وانا ماسكه تلفونو فجأة جات رساله Sms في تلفونو بتقول"ماهر بتصل عليك تلفونك م بدخل كنت عايزة اقول ليك بغض النظر عن العملو خالد وكلام ماما انت عارف قدر شنو انا بحبك صح؟م تركز انت براك عارف البير وغطاها ف م تزعل علشاني حبيبي وانا بعتذر ليك نيابه عن ماما وخالد❤
م تمت دقيقه من استلام الرساله تاني جات مسج نازله برضو من نفس الرقم وكانت محتواها " وكمان كنت عايزة اقول ليك انو انا مفروض بعد كدة ابدأ اسجل واسدد الرسوم ،انا عارفه انو انت طالع من موال عرس وفي شهر عسل وم عايزة اضغط عليك بس كمان م عايزة التسجيل يفوتني بعد المعاناة الإتقبلته بيها دي، اول م تلقى مسجاتي دي ارجع لي بحبك شديييد انا❤
اخدتهه ثانيه علشان استوعب دي منو وخالد دة منو وامو دي منو فجأة ماهر ظهر قدامي ختيت التلفون على جنب،
شال التلفون لأنو سمع صوت الرسايل وهي نازله،م سألتو ابداً والحاجه الثارت شكوكي اكتر انو بعد يوم شلته التلفون لقيت الرسائل محذوفه،يعني ماهر جد في حاجه في حياتو م عايزني اعرفها معقوله بصرف على تولين واهلها وامها عامله معاه مشاكل؟بس م حصل قال لي انو تولين عندها اخو اسمو خالد،
طيب ديل منو ؟
الاسئله عملت غزو صليبي في مخيلتي وبقيت في حاله اوڤرثينيكج،وبدل م انبسط بقعدتي معاه بقيت متتبعه خطواتو ومراقباه عديل،الشك ده ماف اسوأ منو حرفياً بس هو السبب في كدة
ليه،ومتين،وكيف...الخ م عندي اجوبه لكل الإستفهمات الفي راسي بس جواي فضول اعرف هو بيلعب علي؟معقوله لسه بحب تولين؟يمكن م م لقى نفسو معي زيها مع إنو بحسسني بغير كدة ويمكن اساساً هو م طلقها وم حصل بينهم اي انفصال ولا شي وغش علي ويمكن ويمكن...الخ
.......
حبيبي انا حأطلع اجيب حجات واجي راجع،حجات شنوو؟شويه احتياجات للبيت وعندي موضوع اخلصو بس واجي راجع،
مواضعيك م بتخلص ي ماهر،قرب مني وباسني في خدي مسااافه وقال لي اخر موضوع وبعدها انتي حتبقي كل مواضيعي اوعدك بس ادعي انو يظبط❤بقيت اعاين ليهو،رجع باسني وقال لي بدون زعل المرة دي إتفقنا؟
فضل يعاين لي وانا ساكته قال لي هااااااا عشان م حأقدر اطلع وانتي زعلانه،قلته ليهو حاضر😔قال لي حاضر وبس؟
قلته ليهو حاضر وبحبك😔❤
ضحك وقال لي يلا خلي بالك ي بابا لمن ارجع❤
.........
ماهر في غرفتو في بيتهم الكبير وبلم في حجاتو المهمة من لابتوب لي غيرو فجأة جات امو داخله"
حتسافرو متين؟
في اليومين الجايه دي ان شاءالله،طلعته وديت جزء العربيه وجيت راجع لقيت امي لسه واقفه مكانها
قالت لي طيب شايل الحجات دي كلها ماشي بيها وين ؟كلها فترة بسيطه وتجو راجعين خليها هنا احسن بدل م تتسرق منك في المطار ساي واصلاً غرفتك قافله شيل مفتاحك معاك❤
حأشيل حجاتي المهمة والمفتاح حأخلي ليكم عشان بعد كدة م حتكون غرفتي،
قصدك شنو يعني؟م جاين هنا بعد شهر العسل؟
دي م محتاجه سؤال قبل كدة انا كلمتك انو انا وراجلك م بنقعد في بيت واحد واظن ردك كان واضح لما قلتِ"شوف البريحك واعملو وانا البريحني م هنا اكيد"
انت ي ولد جايب الحقد دة كلو من وين؟
خليهو م تسأليهو ابوهو منو؟ يعني حيكون جايبو من وين؟
بشكل تلقائي اتلفته عشان اتأكد سماعي للكلام دة ف لقيت امي وراي وراجلها واقف في باب الغرفه،
من غير تفكير مشيت عليهو إع

ترضتني امي وهي بتصارع فيني وبتقول لي "حتعمل شنو يعني؟
وهو من هناك بقول ليها فكيهو م تمسكيهو الفاقد التربوي،كان راجل صحي صحي وبقدر يصرف على نفسو ويأجر زي الرجال خليهو يمشي يقعد مكان م بقعد ،العمر دة كلو عايش تحت سقف البيت دة وكان طلعته منو ياها المطرة الدقتك الرجاله دي م بالكلام الرجاله كيف تعرف تطلع قروش وانت م زولها ي الما قادر تسفر مرتك شهر العسل حتى تتجارى من هنا لي هنا زي الكلب عشان تبيع عرباتك إيجار شنو الانت بتقدر تأجرو؟مسؤليه شنو الانت بتقدر تتحملها اساساً ي المقطع قروشك الزمان رافع بيها مناخرك ديك وانتهت بي سفاهتك وجنك الما معروف ليهو علاج دهه وزاتو اظنك ناسي نفسك "قام من نومو ولقى كومو "وجاي يقول ليك انا م بعيش مع فلان دة في بيت واحد التقول البيت مسجل بإسم ابوك
في حاله لا وعي اتفكيت من امي ومشيت خنقتو،خنقتو بكل قوتي الاداني ليها ربنا وم كنت شايف قدامي غير حيوان واصوات صريخ وناس بتقالعني وبعد مصارعه طويله حسيت بجسمي اتنفض منو وكف بجي على وشي طبعاً الكف دة انا ي دوب شبه وعيت ،الكف ده كان من امي طبعاً بعدين سمعت صوت بقول لي بإنفعال"امشي ي معقد نفسياً ي مجنون انت كيف بتمد يدك على بابا امشي شوف ليك علاج احسن بدل م تقرفنا بي عُقدك النفسيه دي عايزين تبقو علينا انت واخوك كمان
حلااا"امي قالت اسمها بصوت عالي"
كملت كلامها ب
والله افتح فيك بلاغ اخليك تقضي باقي ايام شهر عسلك دي في السجن تاني بس ابقى راجل ومد يدك ي مريض"
بابا ،بابا انت كويس؟بابا رد علي انا بتكلم معاك بابا
إتفضل امشي من هنا ي ماهر،سرعه اطلع يلا "امي قالت الكلام دهه بأعلى صوت عنها"
وانا طالع من الغرفه سمعت صوت بقول"والله ابوي دهه يحصل ليهو شي الا تشوف ليك مكان تدخل فيهو ي تربيه النسوان ي عيان الله لا يشفيك💔
طلعته من البيت دة وانا حاسي نفسي ماشي في جهنم،نار مولعه في جسمي وفي رجولي م شايف قدامي غير شرار م عارف انا وصلته العربيه كيف اول حاجه عملتها اتصلته على منذر اول م فتح الخط "سؤال ورد غطاه انت ي منذر قلت لل......عمي انو انا عايزة ابيع عربيتي عشان اسافر بيها شهر العسل؟
ماهر!!
سألتك رد قلته ليهو ولا لأ؟
سكتت
قفلته الخط في وشو،رجع إتصل م رديت وقفلته التلفون بالمرة،
م عارف بعدها انا حددته وجهتي الماشي عليها ووصلتها كيف اساسا،قدر م اقول انو الدنيا دي ضلمت في وشي م حأقدر اوصل احساسي اللحظه دي،احساسي بالعجز والغبن والكراهيه كان كفيل بي إنو يخليني ارتكب جريمه حتى لو كانت في حيوان
......
ي ولدي
اي ي خالي حسن
مالك كأنو هموم الدنيا دي كلها اتشالت واتختت في راسك كدة تعال اقعد،لا مستعجل والله ي خالي مرة تانيه الزول دة مالو اتأخر اتوقعت اجي اللقاه قاعد،
اي في الطريق قريب هو لكن كدة اسمعني وتعال اقعد دايرك في كلمتين قبل م الزبون يجي تعال الوقت داك اعمل لينا شاي بالسخان ظريف كدة اقعد ي ولدي كدة 💔
طيب اابشر ي خالي ،بعد 55دقايق عمل لينا كبايتين شاي ختاها وقعد وقال لي
شوف ي ولدي الدنيا دي اصلاً هي ظروف واصلاً بتلف بالزول مرة تطلعك سابع سما ومرة تنزلك عاااادي بتحصل اسمعها مني انا زي ابوك وم تشيل ليها هم نهاااائي ،
فعلاً والله ي خالي
اسمعني ي ولدي انت م زول هين وعرفتي بيك لا من الليله لا من امبارح معرفتي بيك دي طولت شدييييد وم شوفته منك الا كل خير والحاجهةدي نادرة في زمنا دة ،دايرني اتكلم معاك كلام والد مع ولدو ولا كلام سمسار؟
سكتت وانا كأنو خاتين لي لغم في حنجرتي م قادر اتكلم لأني م في وضع يخليني اخد وادي مع زول نهائي ودة السبب الخلاني م امشي لي شهد في البيت بعد لحظه صمت وتفكير مسافه ،قال لي ي ولدي
قلته ليهو كلام والد وولدو ي عمي
طيب اسمع كلام ابوك دة مهما الدنيا دي ضلمت بيك م تبيع الفي يدك إلا للشديد القوي عارف ليه؟عشان البتباع م برجع انا زول سمسار وياما مرو علي ناس استعجلو في حجات زي دي،اسي العربيه دي م تبيعها نهااائي ي ولدي اسمعها مني العربيه دي نضيفه شديد كان مكنه كان حديدة ،والزول الجاي يشتريها دة زول طماع وحيكون إستغلالي لو شافك محتاج وشفقان للبيع ،
ي خالي..
اسمع كلامي وم تقاطعني نحن الثقه بينا متوفرة وانت قلته لي بيع لي العربيه دي بأي مبلغ،نصيحتي ليك م تبيعها لكن شوف انت داير كم وانا بديك اصلي م محتاج ليها ولا بضايقك وقت م ربنا سهلها وفتحها عليك تعال رجعها لي نحن زاتنا لما كنا في عمركم دة الحياة دي مرمطتنا كدة وم لقينا البسندنا ،العربيه مهمة في اليد م معروف الظروف ولا البحصل شنو عشان كدة خليها في يدك وشيل المبلغ العايزو ظبط بيهو امورك ورجعو وقت الله ييسر امرك دي نصيحتي ليك ك والد❤
بالوضع الكنت فيهو وعلى كلام الراجل دهه اول مره احس بنفسي ضعيف يعني شتان بين القريب والغريب،للحظه حسيت دموعي حتجي طرف عيني م ضعف بس إرهاق نفسي💔
فكر في كلامي دة كويس ي ولدي انا زول ابوك وداير مصلحتك م تستعجل نهااااائي وتبيع،و إشرب الشاي م يبرد،بعدها فتح لي كم موضوع عن سعر الدولار و

واحدة عندو منها كم طفل،عندك نحن 2 وام إيليف دي عندها منو 4 "خالد وإيليف وراكان وأزاد وفي واحدة اثيوبيه اسمها هيلين عندو منها 2توأم جوانهه وجيان وفي واحدة مصريه اسمها مريم عندها بت واحدة اسمها فاطمة دي اصغر واحدة طبعاٌ، وبعد مات شلته الليله دي كلها وحملها انا براي فهمتي كدة ي شهد وضحت كدة ي شهد وضحت؟؟؟...💔
#إقتباسهه
الف سلام علي ترياق حياتي💚🍃
اولئك الذين تمسكو بقلوبنا، علي من اشتدت قبضتهم
علي ايدينا علي الذين اتيحت لهم فرضة البعد الف ما
اذدادو الا تمسك بنا علي الذين رأو عيوبنا اما اصلحو
فينا او اذدادو تعلقآ بنا❤سلامآ علي الذين رغما كل شئ استطاعو حياكة ارواحنا من جديد🔕

العربات و...الخ
بعد كم دقيقه فجأة المكتب بدق وجا زول داخل قال اووووو عمك حسن ياااا،
الزول الماسوره اهلاً اهلاً إتفضل،سلام عليكم سلم علي وقعد،
خالي حسن قال ليهو منتظرنك من قبيل ي زول،ضحك قال ليهو طرق السودان وانت عارف براك،عمو حسن ضحك قال ليهو لا كان كدي معذور جاهز؟
الراجل قال ليهو نور ومويه،
قال ليهو خلاص ارح عشان تشوف العربيه مباااشر وتتفحصها وتكون على بينه بكل شي فيها،
طيب ارح طوالي،طلعنا وهو كان بعاين لي،لما وصلنا مكان م عربيتي مبركنه فتحته ليهو الأبواب والكبوت ومكان المكنه وكل شي ،
شويه كدة خالي حسن قال للزول كدة تعال على جنب ساقو وخلوني واقف ومشو
على بعد كم متر بيني وبينهم الحديث بينهم كان:
اسمع اااا زول انت داير كلام سماسرة ولا كلام اخوان؟
كلام اخوان ي عمك ياخ معقوله
العربيه دي م تشتريها،
كيف الكلام دة م تمام ولا شنو؟
والله لا فيها مكنه تمام لا حديدة تمام بكرة تقعد في موال داير ابيعها خردة وداير ابيعها إسبير والعربيه زي م بقولو مكنه ومكنه العربيه دي م تمام انت زول اخوي انا م داير ليك الشين ولا بغشك انا لو علي اخليك تشتريها واشيل نصيبي واسكت على كدة،
لالا كلامك دة على العين والراس والله طالما م تمام البيعه تطير وانت شوف لي الأحسن بس
خلاص عديله ي ولدي ارح كدي نمشي عليهو...
وانا واقف فجأة جوني راجعين والراجل المشتري عمل نفسو بتكلم في التلفون وبقول"خلاص جاي جاي م بتأخر ،بعد م قفل قال لي ي حبيب والله فجأة طلعت لي شغله مستعجله لكن بينا تواصل مع عمك حسن دة ان شاءالله واعفي لينااخدنا من زمنك واخرناك
انا فهمت انو خالي حسن وزعو بس اتجاوبته معاهو وقلته ليهو ابشر،بعد م مشى عمي حسن ضحك وقال لي اها ي ولدي زي م قلته ليك فكر وانا في اي وقت متوفر بس اديني تلفون سمح؟
اخدته بعض وطلعته من عندو كلامو لي وموقفو معي كان بمثابه جبر خاطر حقيقة يعني ربنا بضع حكمتو في اضعف خلقو❤فضلته لافي عشان اخد نفس وارجع البيت واقدر اتصرف بشكل طبيعي من غير م شهد تحس بي شي ،وبالفعل دة الحصل،لما وصلته البيت الساعه كانت 3عصر،
...........
كنت منتظراه بفارغ الصبر لأنو تلفونو مقفول قضيت معظم وقتي في المطبخ وانا بعمل"حلى"ومقلقه،وم ظبطت معي عملته واحدة تانيه،اول م حسيت حركتو في البيت طلعته عليه لقيتو شايل شنطه وحجات داخل بيهم الغرفه،دخلته وراه الغرفه ،لما شافني قال لي إتأخرته صح؟قلته ليهو بي وش حزين شدييييييد شدييييييد😔💔قال لي معليش بس مشيت البيت عندي حجات كدة جبتها وعندي شغله كدة مفروض اظبطها عشان كدة،قلته ليهو لقيت ناس البيت كيف؟اخد ليهو صنهه مسافه معاها سرحه بعدها قال لي تمام الحمدلله بسلمو عليك❤عيني فجاة وقعت على اللابتوب قلته لي جبته اللابتوب هنا؟ودي شنو الحجات دي؟
تاني اخد ليهو سكته وقال لي بي إبتسامه خفيفه حجات شغل ،بقيت اعاين ليهو بغيظ،قربني عليه ويديهو حوالي ومسكني من انفي وقال لي بس اكيد م لدرجه انو يشغلني عنك بهظر ي هبله بس زمان كان البيت فاضي اسي فيهو ناس م بضمنهم وانا لابتوبي دة فيهو كل شي بخصني عشان كدة م تبوزي لي كدة كل وقت بعدي علي في حياتي دي حقكك انتي❤
قلته ليهو غياظ😔
قربني عليه اكتر وهو بعاين لي بي تناحه كدة و قال لي غياظ وشنووو؟؟
قلته ليهو وبكرهك😔
رجع قربني اكتر قال لي متأكدة؟
قلته ليهو ياخ بحبك خلاص😔💔
ضحك وباسني واخدني في حضنو وبعدين قال لي مرتي انا جعاااان😷💔💔
قلته ليهو م هو انت لو مهتم كان خليت تلفونك مفتوح وجيت بدري علشان مرتك كمان جعانه😔💔✅
ضحك ضحكه مسااافه قال لي حركات لكن😂💔
قلته ليهو م حركات دي حقيقهه😔💔
قال لي طيب يلا ناكل
قلته ليهو من غير م تستحم وتغير ملابسك دي لا ،
قال لي ليييه؟
قلته ليه علشان انا عايزة كدة ديك ملابسك جاهزة في السرير ادخل استحمة انا حأجهزو الوقت داك❤
قال لي طيب حااااضر،
فكاني وقلع قميصو بعد م دخل الحمام قال لي على فكرة انتي كمان لو مهتمة كنتي حتخليني اكل اول 💔جعاااااااااااااااان💔💔
ضحكتهه وقلته ليهو طيب اسرع وم تصرخ😂😂😂💔
ياخ قال كلامو ده بطريقه حلوه حلا صدمني فيه😂😂💔
.....
م قادر اصنف نفسي هل انا منافق ولا عندي انفصام في الشخصيه ولا حريف في تغمص شخصيه تظهر عكس الأنا عليه💔مُدرك تماماً لكل السؤ المرت بيهو شهد وكلو يمكن كان بسببي ف من باب اولى لك ف اولى هي اولى بكل شعور سمح في الدنيا اتزرع جواي بعيداً عن كل شيء سيء 💔
.......
بعد م أكلنا ماهر كان ماسك لابتوبو وقاعد ،جهزته لينا قهوة بالمكسرات وجيت قعدته جمبو ،عاين لي وقال لي مزاج شايل مزاج كدة كتير علي❤رجع ان شغل في اللابتوب شويه كدة قام من مكانو دخل الغرفه الوقت داك انا شلته اللابتوب وبقيت اعاين فيهو إتفاجأته بيهو فاتح مواقع عن الأماكن السياحيه والأسعار و...الخ لما جا راجع عاين لي وانا ماسكه اللابتوب،قلته ليهو نحن م خلصنا نقاش في الموضوع دة؟
قال لي لا نحن قلنا حنخلص لسه م خلصنا،
قلته ليهو طيب لما تجي تحجز اعمل حساب نفسك بس انا لا،
قا

ل لي شهههد
قلته ليهو من الأخر ماهر انا حرفياً م نفسي وعيانه بس م شديد فترة النقاهه بتاعتي عايزة اقضيها هنا بين الضلوع دي وأشرت بيدي على صدرو م في اي مكان تاني💔
قعد جمبي ومسك يدي وقال لي حبيبي م هناك برضو حنكون مع بعض وحأكون جمبك يعني في الحالتين انا هنا❤
بقيت اعاين ليهو وانا ساكته
قال لي اديني سبب مقنع يمنعنا نسافر؟
هو كيف قادر يكون كدة؟حتى الكذب م بيبان عليهو💔
قلته ليهو انا م ضد فكرة السفر بس قلته ليك نأجلها لأني نفسياً م جاهزة وحاسه نفسي لو مشيت حأمرض ومزاجي حيتعكر بس م اكتر حبيبي الله يخليك😔💔
بقى يعاين لي بإستغراب وهو ساكت
.....
السلام عليكم ي ماهر،اهلين عمتي كيفك إن شاءالله بخير؟
تمام الحمدلله
الشباب ديل كلهم تمام؟
ايوة تمام الحمدلله م عندهم عوجه
الحمدلله
البت دي قالت عندها يومين بتتصل عليك تلفونك مقفول دة كلام شنو ي ولدي؟البت دي مربوطه بزمن وانت براك عارف لو م قادر كلمها عديل عشان نشوف اعمامها ولا نشوف ليها صرفه وم نضيع عليها السنه لكن قفله تلفونك دي ما حل الكلام دة كدة اعوج دة انت البتقول انو خالد م مسؤل؟اسي تصرفاتك دي تصرفات مسؤلين؟لييييه تتعامل مع الناس زي الكانهم شايلين ليك كورة وشاحدنك؟
ي عمتي ممكن مرة واحدة بس م تبدري بالشين عشان م حبابو ابداً؟
انا المبدرة بالشين؟؟؟انا لغاااايه اللحظه م شوفتي الشين حقي لغايه اللحظه ساكته ليكم ومدياكم البيضاء الشين حقكم انتو وشين شديييد كمان م تتكلم عن الشين ..
طيب خليها هي تتصل علي عشان نتفاهم بطريقه احسن يلا سلام🌸
.......
المساء وانا قاعدة بسرح في شعري ماهر جا فكاهو لي،قلته ليهو ماااااهر يخخخ بطل،قال لي مالك انا بحبو منكش كدة،قمت على حيلي وبقيت اعاين ليهو بغيظ قلته ليهو مش فكيتو تلمو،قعد يضحك مسكتو قلته ليهو بسرعه تعال لمو زي م لقيتو،قال لي اجهزي ارح نطلع،قلته ليهو م تتهرب،قال لي لما نرجع حألمو ليك اسي خلينا نطلع ونشم هوا يخخخم بدل القفله دي،قلته ليهو طيب ارح دقيقه اللبس،اقرب فستان لقيتو لبستو ومعاهو شبشب بيت وعملته روج وطلعنا،لفينا م خلينا محل او شارع م مشيناه،اخر محطه لينا كانت في شارع النيل ركبنا السفينه وبعد صراخ وبكى و"عليك الله وقفها ماهر خليهو يوقفها وانا مغمضه وماسكه فيهو وراميه راسي في صدرو وهو يضحك لغااايه م نزلنا نزلته دايخه وهو بضحك وبقول لي مش اصريتي رغم إني حزرتك وركبتي راس؟عاجبك كدة؟😂😂😂😂💔و اقرب ست شاي قعدنا جمبها طلب شاي بلبن وزلابيه ،قلته ليهو انا نفسي في فول وتسالي ،مشى جاب فوق وتسالي وترمس ،المهم قعدنا شفته اولاد جمبنا بلعبو ليدو قلته ليهو جيب تلفونك،اداني ليهو نزلته ليدو،هو بعاين لي بإستغراب طبعاً قال لي م جادة؟قلته ليهو قمة الجداد ارح ،قال لي م بحبها،قلته ليهو بس انا بحبو😊قال لي خلاص إتهرشت يلا نلعب ،فتحتها قلته ليهو انا اخضر،قال لي اي لون م فرقت،بدينا نلعب وتعال شوف ي إنفعال وضحك بصوت عالي وصريخ وضرب فيهو كل م يكتلني بضربو وبقول ليه ماهر ي حيوان، بقعد بعاين حواليهو براحه علشان يشوف انو ماف زول مركز وبرجع بقول لي والله اقفلها واحزفها اسي 😒بقول ليهو خلاص اسفه اسفه🙈🙊😂💔بنرجع نلعب اخر مرة كتلني فيها وانا داخله على بيتي خلاص وانفعل شديد وهو بضحك وبغيظ فيني الحوالينا لاحظو بقو يضحكو علينا،قال لي عاجبك كدة؟فزته عليهو المرة الاولى،بعدها قلته ليهو خلاص م تزعل عايزة اقول ليك حاجه مهمة، قال لي اها؟؟قلته ليهو في واحد عايز يمشي شارع ال60 عارف عمل شنو؟
قال لي شنووو؟
قلته ليهو مشى شارع ال30مرتين🤣🤣🤣🤣🙊💔عاين لي بي غيظ بعدها ضحك وحلف نرجع نلعب تاني رجعنا لعبنا هو فاز،كشرته فيهو وشي قال لي م تزعلي نفسك واسمعي دي ،قلته ليهو م عايزة اسمع قال لي في واحد جاب زييرو ف الامتحان ملاهو🤭🏃‍♂️😂💔قلته ليهو لو م لعبنا م راجعه البيت ابيت ابيت ابيت 😭💔 غاظني بي شماتو وتفاهتو دي😭😂💔قال لي طيب ،قلته ليهو لو فوزته حتخليني اسوق العربيه علشان انا اشتقته للسواقه😎قال لي طيب اصلاً كدة كدة الواحد ميت افضل يموت على يد مرتو😂💔ونحن بنلعب انا خلاص على وشك اني افوز اخر واحد لي وهو عندو 2،جيت مار بيهو داير يكتلني جمب بيتي ،شلته التلفون وجريت قدام الناس وبقيت اقول ليهو والله م تكتلني اهو عاين دخلته بيتي يلااااااا😂😂😂😂😂💔م انتبهت الا بعد م قام على حيلو ومسكني من يدي وقال لي "قدامي وانتي ساكته والناس الجمبنا كلهم كانو بعاينو لينا بإستغراب وبضحكو😂💔
وصلنا العربيه قال لي هاك دة المفتاح يلا،ركبنا وهو مفقوع ضحك قال لي يشهد الله انا معرس مجنونه 😂😂😂😂💔عايزة اتحرك قال لي دقيقة،نزل من العربيه شوفتو مشى على خالتو كدة بتبيع حجات فشار وفول وتسالي شال منها ومشى للجمبها كان عندو حلاوة قطن وفشار شال حلاوة قطن وفشار واتلفت أشر علي بأصبعو وبعدين قعدو يضحكو وضربو في كتفو وجا راجع❤
قلته ليهو ديل كلهم لي انا؟+قطعته فيني صح؟قال لي عندي شافعه غيرك؟قلته ليهو عندي شافعه بتحب الحجات دي ق

ال لي وينها اشرته عليك 😂😂😂❤
اتحركته وانا كعبه في السواقه طبعاً لما وصلنا م صدق💔نزلنا من العربيه قال لي حبيبي هاك مسكني الحجات و قال لي انتي اطلعي انا حأجيب حجات من البقاله وبلحقك،قلته ليهو حجات ولا سجاير؟ضحك قال لي طيب يلا❤
بعد م دخلته العمارة إتزكرته إنو نسيت الحلاوة قطن بتاعتي في العربيه،نزلته لما وصلته ماهر كان لسه واقف جمب العربيه وكان بتكلم وبقول"م تعتبريني بحاسبك بس انتي عارفه اني بحاول على قدر م أقدر اني م اقصر ودة الحيحصل دايماً طول م انا فيني باقي روح عشان دة واجبي تجاهك انا بقدر اتفهم موقف امك بس كمان هي عارفه انو انا م بالصورة البتخليها تتكلم معي كدة وكلامها على عيني وراسي في الحالتين ،دة جدل مفروغ من امرو اسي انا عايزك تركزي في دراستك بس وان شاءالله كُل طلباتك حاضره م عايزك تحتاجي لي شي وم تكلميني فهمتي؟تمام حالياً حأرسل ليك قروش التسجيل وبالنسبه للداخليه انا بعرف واحدة كويسه شديد بتفتح في شارع النيل بشوف ليك موضوعها لما اظبطو بديك الأكيدة تمام؟طيب تمام ابشري،لا ماف ضيق والله ابداً تمام يلا سلام،
قفل الخط واخد نفس عميق مسااااافه وبعدها زفير بي صوت معاه تنهيدة كدة وضرب اللستك برجلو بعدها عمل مكالمة بعدها قال"الخال حسن كيفك ان شاءالله طيب معليش م اكون ازعجتك في الوقت دة؟تمام الحمدلله في نعمة ي خال والله،يديك العافيه،كنت عايز اقول ليك بالنسبه لموضوع القروش وكدة انا حأشيلهم منك بس عشان نكون على نور شوف انت بالمقابل عايز تحفظ حقك كيف وانا جاهز ممكن ،لا والله ي خال عارف انو الثقه في بس للضمان عشان النفس م معروفه والدنيا م معروفه لو مته زاتو تقدر تطالب بحقك بشكل قانوني❤هههههه يديك العافيه ي خال حسن والله دي شهادة اعتز بيها ،طيب بكرة انا بمر عليك ان شاءالله لكن اسي بتقدر تحول لي جزء من المبلغ لو عندك حساب بنكك؟اي والله تكون م قصرته لأنو عندي إلتزام كدة عايز اقضيهو 💔تمام سجل عندك 87...الخ،عايز 60الف بإسم ماهر ايوة،يديك العافيه ي خالي،طيب لي باكر ان شاءالله،
قفل الخط وعلى طول عمل مكالمه تانيه ،كل دة وانا واقفه متصمغه وراهو وهو م منتبه،
المكالمة:الوو،ركزي معي بتتكلمي مع منو انتي؟خلاص يلا انا حأرسل ليك 60الف اسي في الحساب،ال50رسوم الجامعن زي م قلتي صح؟
طيب تمام وال 100الف خليها معاك جزء منها مصاريف والجزء التاني شوفي انتي عايزة شنو للجامعه وإشتريهو منها ولو نقص ليك شي ارجعي لي وزي م قلته ليك الداخليه انا بظبط ليك موضوعها تمام؟
تمام طيب العفو على شنو ي بت انتي هبله يلا خلي بالك من نفسك شديد تمام واي شي حصل معاك اتصلي تحت اي ظرف واي وقت زي م قلته ليك خلي بالك وقبل م تجي هنا اديني خبر تمام؟؟❤
طبعاً انا جمله خلي بالك من نفسك دي خلت شواطين الدنيا تتنطط حوالي،خلاص العُقدة إستفحلت زي م بقولو م قادرة اتنافق مع نفسي ولا قادرة اتقاضى عن كذبو واعيش معاه بالوش الهو عايشو معي،فضلته واقفه وانا بعاين ليهو لغاايه م اتحرك من مكانو واتلفت وانتبه لوجودي قدامو،بقى يعاين لي مخلوع وهو واقف مكانو،قلته ليهو دي منووو؟
سكت وفضل واقف مكانو ،هو كان م بعيد وم قريب مني،
قلته ليهو ماهر دي منو البتتكلم معاها كدة دي؟من غير تفكير مشيت وشلته التلفون من يدو وبقيت بعاين فيهو، قال لي شههد عايز يشيل التلفون
قلته ليهو ما شهد سالتك انا جاوب
فضل ساكت وبعاين لي
قلته ليهو م تعاين لي انا عايزة جواب دي منو البتتكلم معاها في شهر عسلك دي وشاغل بالك بيهم وبهمك امرها لدرجه انك بتقول ليها خلي بالك من نفسك وبتصرف عليها كمان؟دي منو المأخر شهر عسلنا عشانها وبتتنافق معي انا وبتتحجج بالشغل ي ماهر؟
فضل ساكت
قلته ليهو م عايز تجاوب صح؟وم حتقدر تجاوب ي ماهر وم محتاج تجاوب اساساً لأنو انا عارفاها تولين م غيرها صح؟
قال لي شهد م تجني،رميت ليهو التلفون ومشيت دخلته العمارة م عارفه وصلته لباب الشقه كيف راسي كان حينفجر،دخلته الغرفه جريت شنطتي فتحتها،وفتحته الدولاب ،جا داخل قال لي بتعملي في شنو انتي؟
م رديت عليهو،جا مسكني قلته ليهو م شغلتك،
قال لي لا شغلتي م كان في شي مرجعنا لي ورا وماف شي حيرجعنا غير تهورك دة ي شهد،
قلته ليهو اوكيييه صح انت صح انا متهورة خليني في تهوري دة طيب؟
قال لي ممكن مرة واحدة بس تتريسي وتهدي عشان تفهمي ؟
انا م بفهم ي ماهر طيب؟
فعلاً م بتفهمي ي شهد في دي م كذبتي💔
انت صح ي ماهر شكراً م جبته حاجه من عندك✅
استغفرتك ي مالك روحي،طيب ي شهد تعالي كدة وخلي البتعملي فيهو دة ،فكني ي ماهر،مسكني وقال لي"دي م تولين ولا شي انا تولين ماف اي شي دة الشي المفروض تفهميهو،
طيب لو م تولين دة خيالها يعني؟انت بتستغباني ي ماهر؟بتستغباني؟
لا م بستغباك وفعلاً دي م تولين دي إيليڤ ،سكت مسافه حتى قال " أختي"
عاينته ليهو بإستغراب وخلعه،
قال لي اختي بت ابوي،
قلته ليهو كيف يعني أختك بت ابوك ؟ابوك معرس تاني يعني؟
إبتسم إبتسامه خفيفه وشبه حزينه وقال لي بي امي اربعه ،وال44 ديل كل

واحدة عندو منها كم طفل،عندك نحن 2 وام إيليف دي عندها منو 4 "خالد وإيليف وراكان وأزاد وفي واحدة اثيوبيه اسمها هيلين عندو منها 2توأم جوانهه وجيان وفي واحدة مصريه اسمها مريم عندها بت واحدة اسمها فاطمة دي اصغر واحدة طبعاٌ، وبعد مات شلته الليله دي كلها وحملها انا براي فهمتي كدة ي شهد وضحت كدة ي شهد وضحت؟؟؟...💔
#إقتباسهه
الف سلام علي ترياق حياتي💚🍃
اولئك الذين تمسكو بقلوبنا، علي من اشتدت قبضتهم
علي ايدينا علي الذين اتيحت لهم فرضة البعد الف ما
اذدادو الا تمسك بنا علي الذين رأو عيوبنا اما اصلحو
فينا او اذدادو تعلقآ بنا❤سلامآ علي الذين رغما كل شئ استطاعو حياكة ارواحنا من جديد🔕

#ذات_عناق_31
فهمتي ي شهد؟وضحت كدة ي شهد وضحت؟؟
قال الكلام دة بنبرة حادة وانا واقفه بعاين ليهو مسافه مصدومه طبعاً ابداً م خطر في بالي كدة💔
قلته ليهو وانا بتمتم ك ك كيف يعني ابوك معرس على امك ديل كلهم؟انت جادي؟قال لي عايزة إثباتات؟اتصل ليك تتأكدي؟طلع خلى لي الغرفه وهو غضبان،طلعته وراه مسكتو قلته ليهو م قصدي كدة ي ماهر انا بس متفاجئة علشان كدة،لييييهه م حكيت لي عن الموضوع دة من الأول انت؟
كان متضايق شديد
قلته ليهو انا اسفه وحضنتو،
بعد مسافه إتفك مني ودخل الغرفه، دخلته وراه على طول دخل الحمام ،بعد فترة جا طالع وهو ساكت وانا واقفه بعاين ليه وصل تلفونو في الشحن وشال المصلايه فرشها،بسرعه دخلته الحمام اتوضيت واقرب توب شلتو وفرشته المُصلايه وراه م عارفه هو كان في الركعه الكم بس واصلته معاه،صليت معاه ركعتين والركعتين صليتهم براي وهو لسه كان قاعد في المصلايه وبهمس ب"ي وكيل الغافلين،ي مهون هون"
ختيت يدي على كتفو وضغطته عليهو قلته ليهو ماهر،
م رد
قلته ليهو حبيبي❤ قربته منو ومسكته يدو وشبكته صوابعي مع صوابعو وانا ضاغطه عليها وقلته ليهو"حبيبي اياً كان البنمر بيهو حيعدي اكيد زي م قدرته تتخطى حجات كتيرة حتقدر تتخطى دة برضو الله يخليك م تبقى مهموم كدة،بقى يعاين مسااافه ومسك يدي ورقد في رجولي ولف يدي حوالين صدرو وهو ساكت م نطق ولا حرف م كنت حاسه غير بضربات قلبو ونفسو الحار في يدي،إحساس الزول المرهق شديييد للدرجه الما عندو حيل يتكلم بيها حتى دة بس كان شكل ماهر،وبحكم إنو زول كتوم وم بعبر عن الجواهو ولا الشي الهو عايشو الموضوع كان معقد شديد بالنسبه لي م عارفه اقول ليهو شنو ولا قادرة اسالو سؤال واحد حتى واخد وادي معاه في الكلام ولا قادرة اخفف عنو،حاساهو عايز ينفجر ويقول كل الجواهو بس م قادر عشان هو اصلاً م اتعود يشارك زول الشي العايشو،بس رقدتو في رجولو ومسكتو لي بالطريقه ديك كأنو كان بستنجد بي وبقول لي خففي عني ي شهد م قادر ،إحساسو كان واصل من غير م ينطق💔
.........
كيف يعني داخليه؟هو قال ليك كدة؟
اي ي امي قال كدة تخيلي؟،يعني كلامو دة م داير يدخلكم في بيت ابوكم نهااائي صح؟نفس العملو لي خالد اخوك داير يعملو ليك انتي؟
والله شكلو كدة ي امي رغم اني م اتوقعته ابداً يقول لي تقعدي في داخليه،
وانتي ليه م قلتي ليهو م بقعد في داخليه ي بت؟
ي امي اقول ليهو شنو يعني؟
تقولي ليهو داخليه شنو البقعد فيها وابوي بيتو براهو ساحه تفحيط انتي متخلفه ي بت؟تسكتو ليهم كدة وتخلوهم ياكلو في حقكم كدة لمتين؟
اتصلي لي عليهو كدة
،ي أمي عليك الله خلاص كدة لمن اسجل اول،
لا م بتسجلي أول دة موضوع م بتسكت عليهو ابداً ي بت انتي م واعيه انا م بخليك تتحركي من هنا شبر مالم اضمن قعادك في نص بيت ابوك ولو قعدك في داخليه زاتو غير داخليه حجار م بتقعدي بدون نقاش اتصلي لي عليهو سرعه،
اووووف طيب دقيقة،هاك ،
تلفونو مقفول ارجعي لي خالد كدة سرعه الحراميه ديل الله لا بارك فيهم،
هاك ي امي هاك..
الوو؟اي ي خالد ،تمام الحمدلله سمعته اخوك الحرامي عمل شنو؟
اتخيل داير يقعد اختك في داخليه؟
كيف الكلام دة؟
والله زي م بقول ليك م دايرين يدخلوكم بيت ابوكم مستخسرنو فيكم هو وامو الحراميه ،انا اسي م بسكت ليهو نهائي كفايه سكاتي عليهم السنين دي كلها لكن بعد كدة الرهيفه التنقد حقكم دة تقلعو رجاله من عيونهم دي اختك دي تجي هناك تمسكها من يدها وتمشي بيها بيت ابوك الما مخلنكم تصلوه دة وتقعدو في قلبهم انتو زاتكم عندكم حق فيه زيكم زي البقيه وإلا قسماً بالله افتح فيهم موال محاكم وورثه اطلع منهم حق السنين دي كلها ،
لالا ي امي حقنا دة خليهو علي انا دة زي م قدرته اقلع منو العربيه دي رجاله بعرف اجيب باقي حقنا هو زاتو قال ليك فلس ومطلوب قروض وديون في البنوك والله حق سفر شهر العسل قال ليك م عندو قعد يتبكى وينبح لي عشان اديهو العربيه يبيعها لكن ويين يا والله يشوفها في الحلم خلي يصبر لي بس قروش ابوي دي اتمتع بيها بما فيه الكفايه ونحن يدينا القليل منها زي الشاحدنو💔
القال ليك منو فلس ي ولد ها؟دي امور وحركات منهم عشان م تقول داير ،الناس دي القروش العندهم النار م بتاكلها اوعى تصدق قوله فلس وم عندو دي،
لا ي امي الكلام دة انا متأكد منو المهم اسي اها إيليف إن شاءالله إتصلت على عمي الزيني وقالت ليهو على رسوم الدراسه؟وم تكون قالت ليهو ماهر حيدفع لي ؟
اي اتصلت كلمتو قال ليها برسل ليك القروش في اقرب وقت ما بين بكرة وبعدو م جابت ليهو سيرة نهااائي قالت ليهو رسوم دراستي كدة بس وهو قال ليها تمام عاااد انا عويرة اخليها تقول ليهو ماهر عارف وحيدفع لي؟ ي ولدي حقكم دة إلا تقلعوهو قلع من الناس ديل،
وبنقلعو ي امي اصبري بس الدنيا دي هي م دوارة زي م بقولو،اسي رسل ليها 60مليون قال ليها 50 حقت الرسوم وال10 خليها معاك مصاريف وشوفي نفسك محتاجه شنو للجامعه اشتري عليك الله اسي ال10مليون دي في زمتو قروش ؟بدل م يرسل ليها 15ولا20مليون؟اسي انت

يدي حوليني قلته ليهو صباحو حبيبي❤كان بقلي في صوابع بطاطس طفى النار واتلفت علي على طول وخت يديهو في خدودي وباسني مساااافه وقال لي صباح الورد على الورد القصير،عيونو لونها متغير من الإرهاق ،بقيت اعاين ليهو بعدين قلته ليهو انت م زعلان مني صح؟
إتلفت ورجع يقلب في البطاطس وقال لي حتحرق بسببك،اتحرك من جمبي شال الصحن وجا راجع ختاها فيهو قال لي كنت حأصحيك على فكرة يلا تعالي نفطر❤
قلته ليهو حبيتها الوردة شديييد شااااديد 😍❤قال لي قطعتها من شجر سور العمارة الجمبنا دة هل تعتبر سرقه 😂😂💔
قلته ليهو حتى لو سرقه هي سرقت قلبي وكفى 🙈❤
قعدنا قلته ليهو انا شكلو ربنا بحبني شديد علشان كدة اداني راجل حلو ومرتب وكمان بدخل المطبخ وبعمل حجات ظابطه🙈🙈🙈❤قعد يعاين لي ويضحك بعدها قال لي بس م تتعودي😆💔اثناء م نحن بناكل فجأة لقيتو بعاين لي بي سرحهه كدة مسك يدي وباسها من الكفهه مسااافهه حتى بقى يعاين لي ورجع باسني فيها مره تانيه وهو مغمض وبحنيه وخته كفه يدو في خدو مسافه حتى نزلها وختاها في صدرو ضغط عليها في جمبه قلبو بالظبط وبعد سرحه قال لي لو وريتك إحساس الطمأنينه البحسو وانا معاك وشايفك قدامي كدة حتعرفي قدر شنو انا محظوظ م إنتِ💔أنا زعلان منك؟ينفع ازعل منك؟انا زعلان عليك ي شهد يعني فوق م إنك قبلتي تعيشي مع واحد مُنفسن كمان م قادر...
قاطعتو وقلته ليهو ماهر انت لو بالجد عايز تزعلني كمل كلامك دة،اذا في حاجه حتضايقني بجد هي عدم مشاركتك لي في الحاصل معاك،مش نحن متزوجين؟مش المفروض نحن سند لبعض؟اذا من البدايه م شايفني كفايه للدرجه البتخليك تشاركني همومك هتشوفني متين؟قول لي 💔
انا معاك للأبد في اسوا حالاتك وفي أفضلها حتى لو م شاركتني انا بحس بيك ي ماهر م محتاجه إنك تصارحني ابداً💔
فضل ساكت وتاني م اتكلم لغايه م خلصنا اكل،بعدها دخلته الغرفه لقيتو ماسك اللابتوب حقو ومركز فيهو كأني م قدامو ولا حواليه ،طلعته خليته شغلته التلفزيون في الهول وقعدته اشاهد،فجأة طالع من الغرفه وعلى طول جا رقد في رجولي وهو ساكت،حرفياً هو بتصرف زي الطفل بس طفل كئيب 💔شلت الريموت وقعدته اقلب فجاة قال لي"ابوي لما اتزوج م كلم امي ابداً بحكايه انو متزوج غيرها دي،وقبل م يموت ي شهد جابني وختاني وحكى لي بيهم التلاته حتى بتزكر المصريه دي كانت ي دوبها حامل عندها كم شهر قال لي ديل اخوانك عشان انت بقيت زول كبير وعاقل وراجل والمفروض تعرف انو انت ومهند م براكم اولادي،كأنو كان حاسي انو حيموت،كأنو كان بوصيني عليهم،ابوي كان صحبي شديد قدر م اقول ليك صحبي م اقدر اوصف ليك علاقتي بيهو على عكس امي الكانت معيشانا في جحيم ومشاكل طبيعي وطبيعي منعزلين كل واحد فينا في غرفه او طلع خلى البيت عشان يفرق،اما ابوي على قدر م كان بحب القعدة معانا على قدر م كان بتهرب من البيت بسبب كترة نقاشاتها الما بتخلص يمكن دي واحدة من الأسباب الخلت مهند اخوي يكون متوحد وم يقدر يتعالج وواحدة من الاسباب الخلت ابوي يتزوج من وراها،رغم معرفتها بمرض مهند ومدى إحتياجو للهدؤ والدعم النفسي للعلاج كانت بتتعمد تخلينا في حاله تفكك أسري وعُزله وبعد،بدون مبالغه؟كنا بننبسط شديد لما تسافر اهلها لأنو الجو بخلى لينا مع ابوي ف بنقعد وبنخلق جو سمح شديد وبنقضيها طلعات وبرامج وموالات زي دي،ابوي زول سمح شديد ي شهد عمل كل البطلع بي يدو عشان نحن م نتأثر بالجو الحوالينا ولا نتأثر بي توتر علاقتهم لدرجه انو كان بجي يسوقنا يسافر بينا اي دوله عشان نغير جو وبنسافر بدونها ي شهد،اوقات كتيرة كنت بتمنى انهم يكونو منفصلين بالباب كدة واي زول عايش حياتو بالطريقه الهو عايزها بدل م يكونو عايشين ومعيشننا في جحيم معاهم💔مره في نقاش ليهم مع بعض بعد م خلص النقاش وقال ليها لو ماشه بيت اهلك امشي م بمنعك ،وبالفعل طلعت من البيت ،حوالي الساعه 11 كدة جات لقتنا كلنا قاعدين مع بعض وبنشاهد انا وبابا ومهند،بدون مبالغه ي شهد رشت علينا بنزين وحلفت بالذي م خلقها إنها تحرقنا؟قالتها ليه بصريح العبارة"بحرقك انت وأولادك ولا اسفاً عليك لاقيه منكم شنو انا"💔وبسبب الحاجه دي مهند تعب شديد لأنو عندو حساسيه ورقد في المستشفى اسبوع
في مرة اتناقشو اتكلمته مع ابوي براحه ومشيت ليها هي برضو وحاولته اتكلم معاها بالهداوة زي م عملته مع ابوي واقول ليها انو المشاكل ممكن تتحل بالهداوة وانهم مفروض يحترمونا ويعاينو لينا نحن وكانت النتيجه انو ضربتني بالطبله في راسي وخيطوها لي اكتر من كم مرة
شايفه العلامة دي؟فتح لي ضهرو،قال لي دي مرة معانا ضيوف قالت لي ابوي جيب اكل جاهز مشى جاب ليها خضار وجا،اثناء م هي شغاله دخلته المطبخ قلته ليها انا جعان+جيبي اساعدك عشان تخلصي سرعه وكان نصيبي إنها شالت الملعقه البتقلي بيها وهي بي زيتها وحارها ولصقتها لي في ضهري وقالت لي هاك💔
مرة الشغاله بتمسح جيت ماري وقعته ويدي إتكسرت وانا موجوع اتصلت على ابوي قالت ليهو ولدك اتكسر تعال شيلو ودي المستشفى من غير م تحاول توديني حتى اقرب م

مصاريفك كيف ان شاءالله رسل ليك وم انقطعته؟
اي رسل لي قبل يومين كدة رسل لي 30الف قال لي 155حقت إيجار الشقه وال15التانيه خليها معاك مصاريف لأخر الشهر كدة برسل ليك تاني لكن البصبر ليهو لأخر الشهر منو؟انتظري بس اسبوعين بالكتير برسل ليهو بقول ليهو قروشي انتهت محتاج قروش،
اتصل ليهو طوالي اصلك م تمنع نفسك دة حقك وحق ابوك متى م احتجته اتصل ليهو المجنون يقدر يقول ليك لا؟عارفني لو قال لا انا بعمل شنو،
.........
فاضي اتكلم معاك شويه؟
من متين وانتي بتسألي م طبيعي بتجي داخله شمال ي لجين💔
بس المرة دي الموضوع جد ي منذر وإتعامل معاهو بجديه بليز💔
طيب احكي!!!
،هي م حكوة هي اسئله عايزاك تجاوبني عليها
طيب اسألي ي بتي
امممممم حصل مره حسيت نفسك في المنتصف؟
لا ابداً انا في البدايه ي دوب
ياخي انتظر ي منذر وافهم بعداك جاوب🙂💔
طيب اها😂💔
يعني حصل مرة جربته تكون في النص ومتناقض مع زول؟يعني عايزو وم عايزو وكذاا؟
لا ابداً م حصل انا لو عايز زول بخليه في حياتي لو م عايزو الله يسهل ليه م بقولها ليه بصريح العبارة بس وجودو وعدمو م بفرق وم حيضرني💔
طيب لو في يوم حسيت بنفسك كدة حتعمل شنوو؟حتبعد ولا حتستمر في الإحساس البايخ ده؟
هههه حأخليها على الله ي لجين وبعدين انا اصلاً م حأصل مع زول مواصل زي دي💔
ليييه م بشر؟؟!
لا بس انا عارف حدودي وعارف نفسي بعمل في شنووو❤💔
لو حصل كدة؟افرض فرض انو حصل معاك كدة حتعمل شنووو؟
هعمل جكهه😂😂💔مالك ي لجين ياخ ارح انا طالع 😂😂💔
بطل سخف بس برضو م جاوبتني او انا م قدرتهه اوصل ليك سؤالي بطريقهه صح ،يعني احساس انو زول يكون قريب من قلبك شديد وفي نفس كل الوقت قربك منو دة م مُريحك نفسياً كدة يعني على قدر محبتك ليهه حاسي نفسك انسان لزج وفارض نفسك عليه حتعمل شنو في الحاله دي؟ 🙂💔
المهم لو جاك الاحساس البايخ دهه مع زول بتحبو حتعمل شنووو 🙂💔💔
😂😂😂😂😂😂😂😂😂😂
لا م ح يجيني والله ي لجين
لو جاك؟🙂 لو افتراضاً بس.يعني 🙂
هععمل شنو يعني؟؟ولا شي
اممممم يعني حتبعد؟؟🙂
لا م حأبعد حاشوف نهايتو بس
حتى لو الحاجهه دي متعبهه بالنسبه ليك وبتخليك تجي على نفسك بس علشان انت بتحبو ؟+تنتظر شنوووو؟انو يقول ليك بصريح العبارة انا م بحبك ☹️🙂💔
حتى لو انا بحبو؟
انا بشوف نوع العلاقه البيني وبينو كانت عبارة عن شنو عشان م أظلمو لو بحبو
تاني شي اذا هو أدانى امل بصارحو و بشوف ردو شنو
تالت شي ممكن احافظ على العلاقة معاهو و م اعمل شي و اخليها على الله و احترمو و احترم نفسي اذا ما في تلميح أو أي سنقل في الموضوع 😁
تصارحو وهو بتبارد معاك ومحسسك انك لتخ وثغيل؟☹️انت كدة زدتهه الطين بلا + واذا في سنقل 🙂💔
خلاص معناها هو م عايزك و تفهما بشكل تلقائي وم تهبل بروحك إمكن هو بحب غيرك😂💔❤
طيب معناها في الحالهه دي تبقى اهبل لو م اخدته بعضكك عملتهه Left من العلاقه البتربطك بيهو صحح؟؟
ممكن اكون قاعد بس من بعيد م شرط اعمل Left دي مشاعري انا م بعاقبو عليها اذا م بادلني فيها
طيب انت كدة لفيت ورجعتهه لكلامي الأول حتسمح لنفسك تكون في النص؟
لا ح انسحب لأنها صعبه💔
صححح دي النقطهه الانا عايزهه اصلها🙃
طيب لو انت كنت مكان الطرف التاني دااك حتزعل لو الزول دة عمل كدهه؟يعني لو انسحب وخلاك بدون اسباب واضحه حتزعل؟
على حسب قوة علاقتي انا بيهو بس لو انسحب يبقى غبي💔💔
لييييهه غبي؟م ممكن تلتمس ليهو العذر وانو هو م قادر يتحمل الحاجه دي؟لأنو كل شي لييهه حد وقوة تحمل صح؟ وهو يمكن وصل الحد خصوصاً لو كنت انت اول تجربهه ليهو ؟؟ م يمكن الانسحاب يكون في مصلحتو علشان م يفضل متعلق بيك سااااي وهو اخر اهتماماتك ويريحك منو ومن عتابهه ونفسنتو صح؟
اسألك سؤال ي لجين؟ انتي ليه بتساليني انا إلا سئله دي كلها؟؟😂😂💔
لو ركزتهه فيها الاسئلهه دي م هتحتاج اجاوبك على السؤال دهه ابداً🙃💔
جد؟؟
انسى واتخطى ي سيدي اساساً فهمها او عدمو م فارق🙃
طيب نسيت❤✅
اسوأ حاجه ممكن تحصل معاك انك تخطي خطوة عشان تأكد بيها صحه إحساسك وتتأمل إنها تكون غلط وتتصدم بي إنك فعلاً صح والما عاوزك مهما بينته ليهو إحساسك ولمحته ليهو م حيفهمك م عشان هو غبي وم بفهم عشان هو رغبتو انو م يفهمك ابداً💔
..........
حبيبي،ماهر،قوم خلينا نطلع السرير،
حبيبي يلا خلينا نقوم❤
م عارفه فضلنا كم ساعه في الارض وهو راقد في رجولي ،كنا ساكتين هو نام وانا كمان جاتني غفوة وختيت راسي في كتفو ونمت وم انتبهت حتى💔
صباح اليوم التاني صحيت لقيتو مافي جمبي ،قلته يمكن طلع البقاله او غيرو،غيرته ملابسي وطلعته حسيت بحركتو في المطبخ دخلته لقيتو مجهز الشاي والفطور وخاتي لي وردة جمب السفره وخاتي حجاتنا الجبناهم امس بالليل ومعاهم مكسرات في سكريات بشكل حلوو وريحه عطرو فايحه وماليه المطبخ وشكلو كان مركب سماعات م انتبه لوجودي،إحترته في امرو طبعاً هو كيف قادر يكون كدهه؟ انا م فاهمة شي بس المهم هو عامل حاجه حلوة شديييد بي جو ظريف شديد مشيت عليه وقفته وراه وحضنته وانا لافه

ركز جمبنا💔
مرة مهند اخوي عيان ووضعو صعب شديد وانا بس معاهو ابوي مسافر وكان عندها عرس قالت م بتأجل العرس عشانو م ودتو الدكتور جابت ليهو ادويه غلط وخلتني معاهو وسافرت اسبوع وفي الأخير بقى بين الحياة والموت لدرجه انو رقد شهر في المستشفى💔
م بتحب تسوقنا معاها اماكن عامة سواء اعراس اهلها او غيرو من زمان عشان بتخجل من حاله مهند اخوي مرة ابوي بتكلم معاها قال ليها م تخليهم وراك سوقيهم معاك المناسبه قالت ليهو انا م ناقصه عشان اسي دة يقعد يتجنن فيني هناك ولا ناقصه كشف وشيل حال "كانت قاصدة مهند لأنو م بتحمل الإزعاج"
دايماً قدام اهلها واولادهم وحتى الغرباء كانت بتناديني بي ي فيل،ي تور، ،ي قلاب،عشان انا قوامي ضخم م عشان باكل كتير بس بنيتي اصلاً جايه كدة واهلها واولادهم معظمهم كانو بضحكو علي ولما تكون ماشه محل وعارفه نفسها حتشيل تقيل كانت بتسوقني عشان بس تشيلني الحجات م عشان هي عايزة كدة💔
قلته ليهو وانا دموعي جاريه "ماهر كفى خلاص"
قال لي بي صوت مبحوح ولسه دة بسيط من قليل كان بحصل وكنت بسمع اعظم من كدة من شتايم لي غيرو،انا كنت بنضرب لمجرد إنها اتناقشت مع ابوي كانها كانت بتعاقب ابوي بي انا💔م شوفته لي حنيه الأم شي م بعرف للأمومه طعم انا عشان كدة م بلقى لي مبرر لي تعامل ببدر مني تجاها،دايماً كانت بتحسسنا إنها نافرة مننا للدرجه الخلتنا ننفر منها نحن زاتنا وم خلت جوانا ذرة إحساس تجاها،إستنزفتنا بالعماله الجافه ي شهد💔وبعد وفاة ابوي كان ولا كأن شيئاً لم يكن حتى حق ربنا م عملتو زي الناس رغم انو الطريقه المات بيها ابوي كانت سيئه شديد بس الحاجه دي م هزت فيها رمش يمكن الناس م كانت ملاحظه بس انا كنت ملاحظ م طبطبت علي زي م كل النسوان بعملو مع اولادهم م واستني م احتوتني،اتدهورت شديد وفي عززز السؤ الانا كنت عايش فيهو داك وافقت على انو عمي يعقلها اقنعت الناس كلها انو الكلام دة لمصلحتنا بس هي م كانت بتعرف لمصلحتنا شنو؟هي حتى وابوي عايش م عرفت شي لمصلحتنا حتعرفها وهو ميت؟
ماهر حبيبي الله يرضى عليك كفى خلاص بطل تحكي وتتذكر 💔
إتلاعبت بي أوراق البيت هي وعمي وملكت نفسها البيت دة غير كل القروش الأبوي خلاها وراهو م اتعرف ليها أثر ،ومحلات الإسبيرات والورش الهو فاتحها عمي قال هو كان شريك معاهو فيها بالنص وجاب ليهو اوراق بتثبت كدة وبحكم انهم م عارفين انو ابوي متزوج وعندو اولاد تانين انا كلمتهم وحكيت ليهم بالحاصل اتواجهته بالضرب وقالو انا كذاب بس م اكتر والأسوأ من دة كلو وبالنسبه لي م بتغفر ابداً إنها قالت واقنعت اعمامي كلهم انو ابوي كان لافي وسفيه ساي وم خلا ليها ولا قرش وانو قروشو كان مضيعها في اللف والدوران والفارغه وإنو كان مقصر منها ومننا في كل شي حتى مصاريف م قاعد يديها وانو كان بسكر وبضربها وانو هي كانت بتسكت وم بتتكلم رغم انو كان حاصل عكس كل القالتو دة ،وبالنسبه لموضوع البيت قالت إنو ابوي الله يرحمه كان مطلوب ديون تقيله عشان كدة شال منها دهبها كلو عشان يغطي بيهو الديون دي وسجل ليها البيت دة مقابلو،
ماهر خلاص انسى💔
انا ممكن العالم كلو يجمع على إنو انا ولد عاق صح بس العالم دة م بقدر يشوف الاسباب الوصلتني وخلتني ابقى ولد عاق ابداً ي شهد...💔
#إقتباسهه
بصدفه كان صديق بكثير من الضحك وجبر الخاطر تحفها دعوات صادقه والكثير من الاحاديث التي تضج بحكايات ، حتي اصبحت الصدفه نعمه معقوده بدعوات تجمعنا،تحولت الراحة في الحديث المبعثر الي طمأنينه منمقه محببه اكثر ،سادت محل الضحكات الضجه الساخره ابتسامه صامته بها الف معنى، تحول من ملجى كل الحكاوي الي "مصدرها كان دعائي دائما اللهم اترك لي ما تبقى لي به من صديق"
#شيراز_عثمان
💭💜
هند الهنداوي قالت ف كتابها الشهير "العلاقات"
"اكترر علاقات الزواج بتدوم هي يلي الطرفين فيها بكونو اصحاب قبل الزواج"