منصة شاملة
خاصة باخبار الجامعات الحكومية والخاصة
تنقل اخبار التعليم العالي بالسودان
شارك الرابط
https://tttttt.me/joinchat/AAAAAFH-WazuasCYwZ_kfg

#قناع_العروس
بقلم سحر سمير
-٢٧-

سمر : ما حأوجه ليك كلام لان كلامي قلتو ! مع احترامي الشديد ليك و لي قرارتك ! امنيه ياها امنيه
مهما سويت و عملته يا عمي قرارك دا ما ليهو اي ستين لازمة !!!
عوض و يوسف : !!!!!!!!
عم عبداللطيف : لا دقيقه دقيقه !! ( عاين لي خالتي فاطمة) !! يعني تراجع امنية عن نصيبها في المصنع كان قرار مفروض عليها يا فاطمة ؟
خاله فاطمة : طالما الكلام جاب كلام يا عبداللطيف ! انا أم ، عندي اصول و عندي اخلاق ما بسمح لي وحدة من بناتي تتعداها ! خصوصاً لو الحاجة دي ليها علاقه بي عبدالله ، الله يرحمه ، انا ما كنت ضد سفر امنيه بقدر ما اني كنت ضد تقسيمة المصنع اللي كل البيت دا مسنود منه و مصاريف الكبير و الصغير ماشه منو ! وريني يا عبداللطيف بعد كل القدمتو لينا انا و اولادي بعد وفاة ابوهم ! اجي اطلب منك ميراث بناتي !!!! انا عارفه ان دا حقهم في كتاب الله و ان دا حقهم خلاهو ليهم ابوهم في امانتك ليهم ! ما كان ينفع يا سمر يا بتي اللي امنيه كانت بتسويهو و بتفرضو على غيرها ! انا ما حطمت ليها احلامها ، بالعكس ، انا امنت عليها و على حياتها مع عاطف لانه مافي زول حيتحمل اخلاق امنيه و يحبها من قلبو غير عاطف ، عندي تكون معاهو اهون من انها تسافر براها و هي بت تسافر و تتبهدل في بلد ما نعرف نمسك يدها فيهو !! يبقى انا ظلمتها كيف فهميني ، و الزواج عمرو ما قيد ليهو وحدة من انها تسوي الدايراهو طالما الرغبه موجودة !! ولا شنوو ؟؟
عبداللطيف : لمن امنية جات واجهتني بالمناسبه انا ما زعلني انها طلبت حقها ! لا دا حقها و حايجي يوم من الايام و حاتشيلو هي و اخواتها، و عايز اعمل الحاجة دي و انا عايش لاني عارف ان اولادي و امنيه مستحيل يتفقو و يمسكو المصنع دا بي يد وحدة زي ما كنا ماسكنو انا و عبدالله اخوي ، الزعلني الاسلوب يا فاطمة ! و لي علمك انا كنت حأطلع ليها نصيبها من قروش صناديق و لو كان طلبت زياده كنت حأديها لانه ف النهايه هي ما بتفرق من بناتي في حاجة !
خاله فاطمة : معليشش ، معليش !
سمر : ما قادرة الومك بعد كل الكلام القلتو ليك دا يا خالتي فاطمة انا انصدمته لمن عرفته بي خبر العرس دا و انها عرست الحيوان عاطف ! يا خالتي ، الامهات بينظرو للمواضيع بي نظرة مختلفه عننا ! انتي اسي شفتي الموضوع بطريقه غير الحقيقيه و دا لانه الله اعلم عاطف قال ليك شنو وصلك للقناعه دي و خلاكي تنظري ليهو بالمثاليه دي !!
يا خالتي فاطمة عاطف دا من ازبل و احقر خلق الله ، و بدل تطمني على امنية معاهو ! لا انا بقولها ليكي عديل ! خافي منه عليهاااااا ! رغم ان امنيه ما بينخاف عليها ، بس انا ما بقدر احدد الحاصل عليها شنو بعد الحادث دا !!! و انا ما حأسكت و لا حأدس منك بدايتاً من اتصالو بي بعد اختفاء امنيه مباشرتاً لحد وجودنا معاكم هنا !
محمد : سمر ! ما كدااا !
سمر : لا كدا يا محمد ، مافي سبب واحد في الدنيا يخليني اسكت ، كفايه المدة القعدتها و انا مكتفه يديني ما جايبه خبر للبيحصل مع امنيه ! و ما حسمح الموضوع دا ياخد وقت اكتر من كدا !!
خاله فاطمة : عاطف كتل رقبة ؟
سمر : لا
خاله فاطمة : يبقى عداهو العيب !
سمر : م قادرة اتخيل !! دا ردك يا خالتي !
محمد : لا ما عداهو العيب !

(يوسف مشى عليهم ) !

عوض : يوسف ! اقيف !! يا هووي ماشي وين !!
يوسف : م رد عليهو !! ( وقف جمب محمد راجل سمر )قال : خالتي فاطمة ، زي ما شايفه انحنا لسه هنا ! و ما قدرت ما اسمع كلامكم ، لأني اصلاً جيت هنا عشان انا حابي افهم الحاصل !!
سمر : ( عاينت لي خالتي فاطمة ، و اشرت بي صباعها على يوسف ) دا منووو دااا ؟؟
خالتي فاطمة : دا يوسف .. اااا "سكتت" !!
يوسف : انا اللي ضربت امنيه اليوم داك بالعربيه !
سمر : شنووووو !!! دي شنو الوقاحه دي و كمان ليك عين ونفس واقف هنا ! كل الحصل لينا دا بي سببك !
محمد : ( بي نهرة ) سمرررررر !! صوتك دا ما تعليهو للمرة التانيه انا بقول ليكي خلي عندك احترام للناس و غضبك دا ما اخر حاجة في الدنيا ! عيييييب !
يوسف : خليها يا ...!
محمد : انا محمد يا يوسف !
يوسف : عظيم الشرف يا محمد ! ( عاينت لي سمر ) انا من جيت البيت دا و كنت منتظر زول يسمعني كلام حار زي كلامك دا ، بالجد والله صدقيني لأنو زي ما بقول ليكي كدا ! لانه على قدر زعلك و الكلام الحار مقاصدو اضعاف محبة كبيرة لي امنية ! و غير كدا كمان لاني استاهل بس في النهايه هو قدر رب العالمين ، بس امنيه محظوظة لان ليها صديقه زيك كدا قلبها عليها بس عبير اختي ما تشوفك عشان ممكن تخنقك ههه ! ( بضحك بي قلب مكسور عشان ادس ضيقي )
سمر : اسفه !
يوسف : لالا انا البتأسف !
خالة فاطمة : يوسف ما قصر يا سمر ، مسكوها زي بتهم واحد و اتكفل بي مصاريف علاجها لحد اللحظه دي !
عوض : حق الراجل ما بيعدوهو يا امي ! الراجل بـيسد من سكات ! و الواجب واجب ما بيتكلمو فيهو ! نفس الشي لو حصل لي بناتنا بنعملو !
زووبا الكانت متابعه بي صمت : ( في سرها قالت : احيييييييه

انا ، يا رب يبقى نصيبك يا زينب بت سامية ) !!
يوسف : بدون مقاطعه و مع احترامي الشديد ليك يا عمي و يا خالتي ! انا ال في مكاني م كان مفروض يكون واقف هنا لاسباب خاصه ! بس في حاجات بتحصل للانسان بتكون فوق طاقته !! لمن انتي قلتي يا خالة فاطمة ان : " ماف زول حايحب و يتحمل امنيه زي عاطف " ما قدرت اسكت ! لأنييييي !! ا لأنيي( بقيت بتمتم ) ( عوض قاطعني و ناداني !! عشان اسكت !! ) فعلاً *سكته !!!
سمر : ( في سرها ) الزول دا غريب !!!!
خاله فاطمة : انتو في حاجة عارفنها عن عاطف دا كعبه شديد كدا و داسنها مني !! عاينو !! كان في حاجة انحصل البت لانو انا قلبي دا بقى ناقزني شديد !!!
سمر : و منو الداير يخليها معاهو !
محمد : ما قبل ما خالتي فاطمة تعرف عاطف !!!
اول شي ! اتصل بي سمر دي هددها ما خلا ليها حاجة و افتكر انهم مخططين سوا و ان سمر عارفه حاجة و داساها منو !!
دا غير انه طلع متعاون مع وحدة اسمها غاده من خلال الفيس بوك و ....*قاطعو يوسف !!
يوسف : يا زوووول ! انت عرفت الكلام دا كيف !!؟
عوض : خليهو يكمل كلامه !!
محمد : انتو كمان عارفين الموضوع دا !!
يوسف : احكيهو كامل ما تفوت ولا حاجة من فضلك !؟
خاله فاطمة : غاده منو ؟
محمد : جايكم في الكلام !!

#فلاش_باك

محمد : سمر تعالي تعالي حصلي !!
سمر : محمد ما فاضيه ليك انا، انت ناسي ان عندنا طيارة كمان كم ساعه و لسه لحد اسي ما انتهيت !
محمد : ياخي كلها ثواني ! تعالي اقري الرساله دي !
سمر : طيب طيب ... وين !!
محتوى الرساله : { ايوا ، البنت كانت عندنا ، و انا حظرتك عشان كنت خايفه من عاطف يسوي فيني حاجة لأنه هددني اني لو اتكلمته حيخطف مني ولدي ! لكن تأنيب الضمير ما ريحني ، خصوصا اني حسيت من رسالتك انك واحد من اهل امنيات ، حبيت اقول ليك ان عاطف ! هو جا ساقها ! و خلاني اضربها على راسها عشان تفقد الذاكرة كُلياً لانو كان مهددني بي ولدي ، كان لازم اعمل كدا ، و الفهمتو انه مخطط لي حاجة حيسويها لي امنيات !
و دفع لي قروش تمن سكوتي ! و انا اسمي غاده و حالياً ما خايفه منه ابداً بس حصلو البت ارجوووك . }
سمر : ووووب وووب ووب ( بقت تخبط في راسها ) محمد ! اتخيل الوساخه وصلت بي عاطف لحد وين !؟ يضرب امنيات و يتواقح بالطريقه دي !!
محمد : سمر ! المحيرني انها ليه رفعت عني الحظر فجأة ! ال زي ديل ما عندهم ضمير و قصة الضمير دي خدعة !!

في جانب غاده من يومين !
قبل ترسل الرساله دي !!

غاده لمن كانت بتتكلم مع عاطف من يومين و اخر كلام قالو ليها : (رجع رد ليها : امنية و عرستها و دا هدفي و وصلت ليهو و لا انتي و لا الحمار دا بقدر يسوي لي حاجة .. و يلا يا غادة الزفت اخدتي اكتر من وقتك !! )
غاده !! ههه عاطف !! حاتجي و حتديني من وقتك تاني ! هاااك دي ياااا .... الجاييك دا ابقى قدرو !!

#نرجع_للاحداث_الحاليه !!

خالة فاطمة : ( قامت و بقت تسكلب و سمر تمسك فيها و تهديها !! ).
يوسف : دقايق دقايق !!! خالتي فاطمة روقي و اسمعي كلامي دا ! و يا محمد الرساله دي ما صح ! الرساله دي مجرد تحريض ! امنيه كانت معاي انا و جبتها لحد باب البيت دا قدام عم عبداللطيف و احمد و خاله فاطمة !! و بعدين يا خاله فاطمة بتسكلبي ليه ! انا امنيه دي سلمتك ليها في امانة الله لا مضروبه لا حاجة !! اااي نعم عندي ضغينه تجاه عاطف ! بس اكيد ما حأستغل اي موقف ضده !!
سمر و محمد بي حس واحد : و غاده دي منو يا يوسف ؟؟
يوسف : ( بعد سكات ) كانت زوجتي !
سمر عاينت لي محمد و قعدت بي تقلها على الكرسي !!
محمد : معليش يا يوسف ! بس شنو السبب البخلي زوجتك تحقد على عاطف !
يوسف : انا زيك بالضبط بفتش لي اجابة السؤال دا و اسئله كتيره زيو ! و اكرر ليك انها كانت زوجتي !!
عوض : جاطت شديد لا حول ولا قوة إلا بالله العلي العظيم ! غاده دي مفروض يتحفر ليها مخصوص و تندفن ! حسبي الله و نعم الوكيل يارب !
يوسف : ( عاين لي خاله فاطمة و قال ليها ) : يعني زواج امنيه ياداب كان من تلاته يوم ؟؟؟
خالة فاطمة : ايوا يا ولدي ! عمها دا عقد ليها !! انا غالباني القعده يا عبداللطيف ! اتصل على عاطف دا خلينا نمشي على البت دي !
سمر : ( في سرها و هي بتعاين لي يوسف ) ليييه حاسة ان وراك سر بخصوص امنيات يا يوسف !؟؟؟

( يوسف قال لي عوض ) :

يوسف : خلينا نمشي بعد كدا !
عوض : وين ؟
يوسف : لي محمد و نرجع البلد !!
عوض : كدي دقايق خلينا نطلع هنا الكلام معاك ما حاينفع !!! ( انحنا نستأذن بعد كدا الدنيا ماشه تمغرب بعد كدا ... اعفو لينا يا خاله فاطمة ! عفووك )
يوسف : ( ح اكتب ليك رقمي يا خاله فاطمة ! بي صفتي ولدك ! ..... يلا اعفي مننا و ربنا يكتب ليكم الخير .. محمد ! والله فرصة سعيدة ( اتصافحو) سعيد بيك شديد والله !
عوض : محمد ( خبطو في كتفو ) راااجل يمين بالله ، عظيم الشرف يا خوة !
محمد : يا شباب وين ؟ و الله ما بتمشو الا تتفضلو معانا ! لسه ما قعدنا ولا اتعرفنا ولا جمعتنا كبايه شاي زاتو ! يعني اتعرف

نا في فرصه كدا بس الحمدلله غايتو !!
يوسف : الايام جايه والله بنتلاقى تاني اكيد !!
عوض : جيب تلفونك ... ( كتب ليهو الرقم ) اخوك عوض يا حمدد ، ابقى ظاهر !
محمد : والله ححاول بس انا جيت اجازة اسبوع عشان الموضوع دا م كان ينفع اخلي المدام براها تجي ! لكن ضروري نتلاقى في الاسبوع دا !!
عوض : ياخ انت الزيت ، والله انا ما بنقطع منك شفت انا الراجل الحار دا بيركب لي في راسي دا !! ولازم نتلاقى !!
يوسف : عظيم الشرف والله ياخ ... يلا يا جماعه في امان الله !
خالة فاطمة : ربنا يرزقكم السعاده و ينور دربكم و يفتحها عليكم من اوسع ابوابه !
يوسف : يا سلام ياخ .. اللهم امين .. اللهم امين !!
عوض و محمد : اللهم امين يارب !!

#بعد_طلعو ! في العربيه !!

عوض : و الله ياخ زول اصلي كيف ! كيفني عديل كدااا !
يوسف : ماشاءالله عليهو ضكران !
عوض : اها يا اخوك ، بعد قصة الحلزوووون البقينا فيها دي ! الفهم شنو !؟
يوسف : الفهم انه نمشي ندي الزول دا قروشو و نرجع البلد انا قررته اسافر في الايام الجايه دي !
عوض : و أمنيات !! ما لاحظت من كلامهم ان مافي اي قصة حب بين عاطف و امنيه !؟
يوسف : ما فارق معاي يا عوض ! و قررت اطلع من الموضوع دا بي اقل خسائر ممكنه ! اهلي محتاجين لي لازم ابدأ اشوف حياتي بعد كدا !
عوض : ما هاميك ! هو انت كدا ياداب مفروض تتعشم يا يوسف !
يوسف : كان ممكن اتعشم لو اني م كنت عارف ان العقد دا تم اسي دا ! هنا ما ليها اي عذر يا عوض في حين انها بتحبني حسب الاتقاال ، يبقى انا برا القصة دي و كفايه علي لحد هنا !!
عوض : سككت !!!
يوسف : سكته مالك ؟؟؟؟
عوض : ما لقيت كلام اقولو و انا مقتنع انك صح !
و الفهمتو ان شخصيه امنيات ما شخصيه ممكن تحب و تتحب ما الزوله البتناسبك ! انت زول استقرار و هي زولة سفر و شغل و ..الخ !! انت بس تنتظر نصيبك بعدين من الحور العين يا اخوي !
يوسف : هه
عوض : والله ضحكتك الشبه المسكول دي اخير عدمها ... انا جعته !!
يوسف : ( بي هم ) يلا طيب ودينا اقرب مطعم ، كدا كدا شكلنا بايتين ف الخرطوم بسبب القروش دي !

#اما_في-جانبي_انا -
تاني يوم من الاحداث السابقه !!

عاطف بيطنطن بينه و بين نفسه بيقول : ( عايز شنو اسي عمها دا داقي لي ستين مرة ! اوووووف !! م ح ارد ) و تاني التلفون بقى يرن " هزاز "

امنيه بتقول :

حقيقي كنت نايمة ! بس صوت تلفون عاطف اللي كل شويه شغال هزاز ، قلق بي و صحاني من عز النومة ، و بحكم انه نايم في الكنبه و خاتي التلفون في الكنبه فا كانت الصوت عالي في نص هدوء الغرفه ! بقيت بين صاحية و نايمة !
لمن عاطف قام بي حذر و سمعتو بيقول ( بي وشوشة و هميس ، دقايق .. دقايق ) لبس سفنجتو و براحه فتح الباب و طلع خلاهو متاكا علشان صوت قفلتو عاليه و ممكن تصحيني حسب فهمو !!
م قدرت اقعد صراحه و مشيت بي اطراف اصابعي ، لحد الباب و بقيت مادة راسي ! ودداك ليهو عاطف في اخر الممر واقف و خاتي التلفون على اضانه !!
لمن بقيت م سامعه بي وضوح حاولت اطلع لي برا شويه ! لمن بقيت على مسافة كويسه منو و بقيت بس واقفه وراهوو ، سمعتو بيقول :

عاطف : ايوة يا دكتوور ! كدا الصوت كويس !؟؟
( بعد مسافه رد عليهو )
عاطف : لا عارفك مشغول ، و كونك تتصل علي دي بي نفسك والله ما عارف اشكرك كيف ! و عشان ما اطول عليك انا حا اخش في الموضوع طوالي !!
( سكت بيسمع فيهو )
عاطف : ايوااا ... ايواا ... اطول فترة ممكنة كم ؟؟؟

لمن حسيت ان مكالمة عاطف م مهمه قررت ارجع ! و انا بديهو ضهري سمعتو بيقول ليهو :

عاطف : ما مهم التمن ! المهم عندي انه يجيب مفعول و يشوش عليها ذاكرتها ، يا دكتور ما دايرها تتذكر خالص ! لانه زي ما وريتك في الرساله ان الفقدان العندها دا فقدان مؤقت و أثر حادث فا حاسي انها بدت تجمع و تتزكر !
انا داير تراجع قوي لي ذاكرتها ! فهمتني صح !!!!!!
( سكت سمع ردو )
عاطف : خلاص انا بكرة بجي استلم الدواء !! شنوووو ؟. اها لالا ما اتطمن بعرف اخليها تاخدو كيف !!!

انا انصدمته !!!

يتبع ...

#استككانةة 🌻..

#سحر_سمير

#قناع_العروس
بقلم سحر سمير
-٢٨-
انصدمتا !!
لمن م بقيت قادرة احدد ردة فعلي ! رجعته بهدوء ! و رقدت في السرير و اتغطيت !
اتأكدت ان اللي عشتو من صراع خلال التلاته ولا الاربعه يوم ديل كان وهم زرعو جواي عاطف ، عيشني في صراع نفسي و تأنيب ضمير حار شديد ، خلاني اعيش تجربة انا ما دايراها و لا حاساها ! وهمني بي علاقه ما ليها اي وجود !!
السؤال اللي ما فارقني لحد الصباح ! هوو : علاقتي شنو بي عاطف دا ؟؟؟ وضعو شنو في حياتي ؟؟ ليه امي ما ورتني ؟؟

لحد الصباح و انا بتململ في السرير ! فتحت عيوني بي حركتو في الغرفه ! بعد دخل الحمام و بقى يهبش في ملابسو ! و الفهمتو طبعاً انه ماشي للمشوار اياه ،
قمته من السرير ! حرف ما نطقتو معاهو ! قعدت على رجولي قصاد شنطتي ، و بقيت بفتش لي شنطة يدي اللي كنت خاته فيها تلفوني !
فعلاً لقيتها و طلعت تلفوني و رجعت قعدت في السرير ! انتظرت التلفون لمن فتح و هو بيعاين فيني ! قال لي :
__ طيب م مشكلة خليها تجي مني انا "صباح الخير"
( ما رديت عليهو ) ! طلعت رقم امي و اتصلت عليها مرتين و في اخر الجرس التاني ردت !!
امي : امنيه ! صباح الخير ( بي شلهته كدا ) انتي كويسه ؟ فيكي حاجة ؟؟؟؟؟ قافله تلفونك ليه يا بتي و عاطف وين ؟؟ عمك دا بيضرب ليهو من امبارح ما بيرفع فيهو !!
قلت ليها : انا بخير حمدلله ! انا حأجي عليكم بعد شويه ! بس م متذكرة غير اسم المنطقه حقتنا !! ( هنا عاطف خلى كل حاجة من يده و بقى واقف يعاين لي ، و منطط عيونه فيني !! )
امي : طيب انا بخلي زوبا تجي تكتبو ليك في رساله اسي طوالي ، ولا اقولى ليك هنا ؟
قلته ليها : لالا رساله افضل !
قالت لي : طيب و منتظراك ضروري تجي الليله يا امنيه !ضروري نتكلم !
قلت ليها : تمام ...قفلته !!

بعد قفلته الخط ! قال لي :
__ تقرري براكي ؟ طيب على الاقل كلميني !!
( قمت وقفت ليهو على حيلي و مشيت عليهو ) انا بفضل انك ما تتكلم معاي في اللحظة دي !!
__ في شنو انتي ؟؟ تصرفاتك الغريبه و بلعتها غصباً عن حناني ! لكن توصل لي درجة انك تتصلي بي امك و تقولي ليها جاياك في رابع يوم زواج لينا ! طيب على الاقل ارجعي لي ! انتي ما بقيتي حُرة و تتصرفي على كيفك ! على الاقل استأذنيني اعملي لي قيمة ! انا راجلك !!
ههههههههههه اعمل ليك شنو !! هئ قيمة ؟؟ ههاها والله يا عاطف يا حليلك مسكين !! هو انت ما عملت قيمة لي نفسك ، تنتظر مني انا اعمل ليك قيمة !!!
__ انتي زودتيها شديد يا امنيه !!
( قربت منو شديد لي درجة دقات قلبو دي قربت تكون في اضاني ) بما اني زودتها شديد ! استاهل شنو ؟؟؟ هههه اقول ليك انا استاهل شنو ؟؟ هاه !!! ( مسكتو من لياقة قميصو قوي بي يدي و شبه خنقتو بس على خفيف ) ! يا جبان ! كان ما قادر ترجل تعال اعلمك كيف تواجه الدنيا و الناس و الاهم من ديل كلهم ، اعلمك كيف تواجهني انا من غير خساسة !
__ امنية دا شنو البتعملي فيهو و بتقولي دا ، انتي جنيتي !!؟
البعمل فيهو دا قدام عيونك و دا الفرق بيني و بينك لاني كان ممكن استغل طلوعك دا و اغفلك و اطلع من وراك و امشي لي اهلي ! لكن انا ما تافهه زيك و بستغل نقاط ضعف غيري لاني ما بشوفها سمة مشرفة لي طبع الانسان !! الله خلقك انسان يا عاطف ! مُصر تبقى حيوان ليه !!
ناقصك شنوو؟؟ ما واثق في قدرتك من انك تخليني احبك ؟؟ هاه ؟؟ قلت يلاااا الحادث دا جاني مكمدات ، استغلو ؟؟؟
عارف الحاجة المُحزنة شنو بالجد يا عاطف ! ( فكيتو و رجعت خطوة لي ورا ) المُحزن انك ما بتحبني ! عارف ليه ؟ لأن البيحب عمره ما حايفكر في الاذيه مهما حصل !! انحنا كـ بشر في بعض ما بنتحمل اذيه حيوان فما بالك بي اذية انسان و انت مدعي انك بتحبو ! ( خبطتو في صدرو ) الحب ما كدا يا جبان ! سامعني ! الحب ما كدااااا ، لكن الـ انت عايشو دا مجرد تحدي و اثبات لي ذاتك ! و تقريباً في كل مرة كنت بتفشل كان بيتحول لي هوس ...
اتفضل اقعد ! و واجهني زي ما انا اسي مواجهاك و ما خايفه منك ولا من عشرة زيك ! اقعد و واجهني اتفضل !!! وريني مخاوفك المخلياك متكلف و ماشي تجيب لي علاج اه لا دواء هو في الحقيقه ! لانه دا ما بيتسمى علاج ! و ما معروف كلفك كم عشان تمحي امنية. !!
__ ( نطط عيونو ) !!!
( قعدت في الكرسي و مديت ليهو يدي ) ! اتفضل اقعد و ابقى راجل لو مرة واحدة في حياتك و واجهني ! خايف من شنوووو ؟؟؟ خايف اني اتذكر ان مافي اي علاقة جمعتنا في يوم من الابام و ان اللي قلته لي دا كان كلو وهم ؟؟؟
__ امنيه !! انتي اتذكرتي ؟؟
دا البهمك ! يا استاذ يا محترم امنيه فقدت ذاكرتها و بس ! لكن ما فقدت عقلها و نفسها ختها حلقة في اضانك ! من اول ساعه لي معاك في الغرفة دي انا فهمت كل حاجة و ما انا الزولة الجبانه ديك عشان اهرب ! لالالا بقعد قدامك و اخت رجل على رجل و ادخل اصابعيني دي جوه عينك فاهم ولالا !!
و عشان ما اكرهك في نفسك اكتر من كدا في حاجة عايزاك تعرفها ، الزووواااج ما نهاية الحياة ! الزووواج ما نه

اية كل قصة ، الزوواج ما نهاية كل حب ، الزووواج ما انتصار و لا هو غاية !! دا توضيح بسيط لي عقليتك السطحية دي ان وجدت طبعاً !!
يعني ما تفتكر انك كدا قيدتني و نولت غايتك و هدفك و فزتا في تحديك لي نفسك ! هه هيهات يا عاطف .. و الله و يمين بالله ! ما اتخلق اليكسر لي خاطر ! ما اتخلق الـ يلوي لي يدي ! ما اتخلق البستغلني ، ما اتخلق اليخوفني ، و ان وجد خوفي دا فا هو لله وحده و بتك انا يا عبدالله ود رفاعه !!
( قمته ، مشيت على التلفون الثابت ، طلبت لي فطور ، و رجعت على شنطتي بقيت اقفل فيها بعد طلعت لي توب من تياب شيلتي بي طقمو ، و هو واقف وتاكي على الحيطه ) !
قلت ليهو : ما ميت ليك زول عشان تقيف الوقفه دي ! امشي جيب الدواء ، دكتورك العظيم بكون في انتظارك هه !!
— ( جا علي ) أمنية !! انا عارف ان اليوم دا كان حابجي عاجلاً ام آجلاً ، و عارف ان الكذب حبلو قصير ، بس انتي شخصية بالجد كنتي صعبة المنال و كنتي عنيده شديد ! و انا بالجد حبيتك ! و غير كدا في حاجة رايحه عليكي ! انحنا كنا متفقين على الزواج و انا م كذبت غير في ان كانت في بينا قصة حب و كذبت في موضوع غاده وحتى م كذبت عليكي انتي ، كذبت على يىوسف والمعاهو داك *قاطعتو !
بتعمل في شنو انت ! بتبرر لي شنو ؟؟ و موضوع غاده دا انا فهمتو من خلال مكالمتك معاها ! طيب يا غبي على الاقل كان تطلع برا ترد ليها ! هه و صدقني ما فارق معاي لاني معتبراها شخصيه عيانه و ما خاته ليها بال اصلاً ، و متجاوزاها علشان خاطر خالتي عشه و يوسف و عبير لانهم م قصرو معاي و الا م كانت حتسلم مني رغم ان دينها كتر شديد !! و عشان خاطر عين بكرم مية عين ! و غير كدا انا م عارفه وصلنا كيف لمرحلة الزواج قبل الحادث ، بس البعرفو ان الحب ما بالقوة ! ولا بالرجاله ! لو بتحبني بالجد ! كان ممكن تستغل مرضي بي طريقه ايجابيه ! كان تعتبر الحادث دا صفحة جديدة ! تقيف معاي و توريني جوانبك السمحه ! رغم انه م كان حاينفع ( لاني حبيت يوسف ) حتى بعد دا كلو اني احبك بس على الاقل كان تكون واقف قدامي بي شرف و ركيزة رجال !! الانسان الصح يا عاطف انه ما يدي مجال للي قدامه انه يهينه او يستصغره !! و كونك توصل للاذى انت هنا قتلت كل حاجة فيك بدايتاً من ضميرك لحد قلبك !!
__ امنيه ! انتي ما حاتمشي من هنا قبل ما نحل الحاصل دا وانا موافق على اتفاقنا اللي قبل الحادث حا اطلعك برا السودان !!!
طيب حاول تمنعني كدا !! و تطلعني برا السودان ليه !؟ لو دايرة اطلع م محتاجة لي زول يطلعني !
— دا اتفاقنا كان بس حخليهى لمن تتذكري بنفسك ، و انا ما قصدت اعنفك او بالقوة و انا ما داير اكرهك فيني بالعكس بفتش لي كل حاجة تحببك فيني !!
قصدت كدا ولا ما قصدت كدا ما حاتقدر تمنعني من حاجة انا ختيتها في راسي ! و لو فاكر اني حأمشي اهلي و اتبكى و اتشكى و اقوليك طلقني و اتجرجر معاك احب اقول ليك هاهاها ! ما انا البعمل كدا !! فاهم !! و طالما شايف ان زواجك مني بالطريقه دي هو حصيلة انجاز فا هنيئاً لك .
__ ( مشى قعد و اللي ما اتوقعتو منو انه يقول لي ) : انا نازل تحت ! اجهزي و اعملي لي رنة ! حأوصلك !
ههه !

#في_جانب_خالة_فاطمة -

بعد ما خاله فاطمة قفلت من امنية :

خالة فاطمة : زووووووبا .. يا زووبا ...
زوبا : نعم !
خاله فاطمة : تعالي عليك الله دقيقه !
زوبا : ايوا !
خالة فاطمة : اكتبي رساله في رقم أمنية بي العنوان حق هنا كامل عليكي الله ، ما تغلطي بس !
زوبا : ( بي خبث شديد ) من عيوني !
بعد كتبت العنوان و رسلتو !! فضلت ماسكة التلفون مسافه ، و طلعت تلفونها من جيبها !!
خالة فاطمة : في شنو يا زوبا كل دا ما انتهيتي ؟ ما عندي رصيد ولا شنو ؟؟
زوبا : ( بي تمته ) ااا لالا خلاص رسلتو ليها ، هاكي التلفون !! و جرت فاتت !!!

#اما_عند_عوض و يوسف !!
باتو في الخرطوم ليلة امبارح و الصباح بدري مشو على محمد لقوهو انطرد من الشركة ، فا خلوها ليهو امانه و يجي يستلما بي طريقتو لان رقمو كان خارج نطاق الخدمة ! و بعدها رجعو البلد ..

عوض : عارف نفسي في شنو بما انه الليله الجمعه و لمة الفطور حقتنا !!
يوسف : ( وهو بينزل من العربيه ) في شنو ؟؟
عوض : للملاح داك كان عملتو امنيات !
يوسف : عوض !! ممكن نكتفي من السيره دي من فضلك ؟؟
عوض : طيب !! دخلنا يلا !
يوسف : ادخل انت بحصلك ، عايز اتصل بي عماد بس ، اشوف الفهم شنو و حأمشي على ناس خالتي بهناك و اجيك !!
عوض : لالالا ( خطف التلفون من يده ) ! مافي داعي للاستعجال عليك الله ، طيب يعني انا اقبل وين بعدين يا يوسف ! يعني داير تمش طب وانا ؟؟ ( التلفون رنّ في يده ! رفع التلفون عاين لقاهو رقم )
يوسف : منو ؟
عاطف : هااك ليهو ، دا رقم ساي !!
يوسف : رد عشان انا ما لي اخلاق اتكلم مع زول !!
عاطف : ( رد على الرقم ) الوووو ... جاهو صوت بنت !! ( خت التلفون لي يوسف في يده قال ليهو ) : هاك ، دا صوت وحدة !!
يوسف : كمل رد عليك الله انا كان شلت التلفون بقفل الخط

!!
عاطف : امري على الله ! ( و كانت المكالمة كالتالي ) !
الو
__ ايوا
ايوا اتفضلي !؟
__ منو معاي ؟
انتي ضاربه وين ؟
__ انت يوسف مش ؟؟
لا انا عاطف ! دقيقه اديك يوسف !!
__ لالا انا دايراك انت و حمدلله رديت علي انت !
خير !!
__ ( سكتت مسافه ) اممممم عاطف ! انا والله معجبه بيك شديد ، و نفسي لو ..قاطعها !!
هوووووي هاااا يا بت ها !! ما عندك ولي انتي ! دا شنو دا البتقولي فيهو دا ! و بعدين انتي منو ؟
__ انا زينب ، بنت عم امنيات و ابوي عبداللطيف و اخوي احمد !
و فخورة كمان ! ما شايفه ان البتعملي فيهو دا غلط !!
__ لا ما غلط ! انا عبرت عن رغبتي ما غلطت عليك ولا على غيرك و الحاجة دي لا عيب لا حرام !
دي يقولو ليها شنو اسي !! اسمعي !! انا خاطب و بحب خطيبتي و عرسنا قريب !! بس قبل اقفل عايز اقوليك ان البتعمليهو دا غلط و عيب و ما صح !!
__ اوكي ربنا يهنيكم ... سلام قفلت !!
دا شنو !! طوالي كدا قفلت و اقتنعت !!
يوسف : ضاربين ليك عديل من تلفوني !! دي منو ؟؟
عوض : مافي داعي لي اجابة سؤالك دا ( حذف الرقم و رجع ليهو التلفون ) المهم ! انت اتمهل في قرارك لان السفر ما حل !
يوسف : عارفو انه ما حل ! و الحل عارفو بس صعب شديد .. شديييييد يا اخوك !!
عوض : مافي شي اسمو صعب !! طالما حاجة حتريحك سويها حتى بدون ما تاخد رأي فيها لان اللي جوا المعمعه ما زي اللي براهاا !! ثم تانياً ماشي لي ناس عمتي ام غاده ولا انا فهمت غلط !!!
يوسف : شكلي كدا حأعمل الفي راسي و ربك يلطف !! و بالنسبه لي مشوار ناس عمتك ! الشغله بقت فيها قعدة رجال يا اخوي ! ولازم غاده تتحسم !!
عوض : نفس الكنت مفكر فيهو يا يوسف ! في النهايه مننا و دمها ياهو دمنا ! مهما كان السمعه الشينه للبت ما حبابها !!
يوسف : بالضبط كدااا !!!

#امنية_بتحكي :

بعد عاطف طلع ، جاني الفطور ، فطرته و جهزته نفسي ، ما بكذب عليكم كنت بحارب يوسف من خيالي ، و كنت بستقوى على نفسي و اكذب عليها ، لكن بعد العلاقه الوهميه اللي لقيت نفسي فيها دي ، بقيت ما قادرة احدد مشاعري !
و كل مرة كنت بتذكر كلام غاده لي ! لمن اتصلت على يوسف يوم العقد حقي و ردت علي ! و فكرة انه رجعها البيت مباشرتاً بعد ما انا مشيت ! الفكرة دي كانت بتولع فيني نار !!
و بصمم على اني ما لازم افكر فيهو ابداً ! و المرحلة اللي جاية دي حاتكون مرحلة علاجي و بس !
شلت تلفوني عاينت لقيت العنوان في رساله ! جريت شنطتي و قفلت الباب وراااي !! وقفت للاسانصير لمن جا ! ضغطت على " 0 " و نزلته !!
مجرد م طلعت من الاسانصير لمحت عاطف ! متمحن و خاتي التلفون في اضانه و قاعد ! و انا من شفتو نزلت نضارتي الشمسيه و جيت مارة بي جمبو و جارة شنطتي و لا كأنه موجود ! من شافني جا جاري وراي و حاول يفك الشنطه من يدي !! قلت ليهو :
زح يدك من فضك !!
__ انتي فكيها !!
دايرها يعني مثلاً ولا كيف ؟؟
__ امنيه !! ما تقسي علي كدا ! طيب على الاقل خليني افرح بي اخر لحظات لي معاكي !
ياخي !! نفسك مفتوحه على الفرح ؟؟ عاطف ، من اللحظه دي ما بيلمنا درب واحد و عشان اوريك اني احسن منك ! الحصل دا حايفضل بينا و رغم ذلك ما حأبشع بيك قدام زول ، شفته كيف اني زوله لطيفه هه ؟ ( بي ابتسامة باهته ) ! و كفايه يعني زي م شايف ! الناس بتحضر فينا وكدا ما ظريف !! ( جريت شنطتي ) و وقفت عربية ترحال كانت قاطعه !! ، ركبت و اديتو العنوان المكتوب في الرساله !!!
المشوار اخد بالضبط ساعه و خمس دقايق !! المشكله بقت في أحاسبه من وين و نسيت الموضوع دا كلو كلو !! قلت ليهو دقيقه !! و ضربت لي امي !! قلت ليها ! دايرة قروش احاسب ! انا برا لو ممكن تطلعي لي عشان معطلاهو !! ( سمعت صوت وحدة جمبها بتقول ليها : دي هيييي يا خالتي فاطمة !! حصلت كركبه و الخط فصل ! ) !!
قلت ليهو : بعتذر بس اديني دقايق !! قال لي : جداً ما عندك اي مشكله و لو ما في كمان م مشكله والله ! قلت ليهو : لالا دقايق بس !!
مجرد ما اتلفتت وراااي !! لقيت وحدة جاتني طااايرة و خمشتني حُضن ! حتى ما ادتني فرصة اني اشوفهااا ! بس ماسكة فيني و تشيل تبكي ما خلت ليها دمعه ما دمعتهاا فيني !! بتقول لي : انتي كوووويسه يا امنيه !!! ( حتى بتاع ترحاال طلع برا و بقى يتفرج علينا !! ) بقيت ما عارفه اقول ليها شنوو !! فكتني من الحضن و بقت ماسكة يدي ! و بتقول ليهو : حسابك كم ؟؟؟
هو زاتو بقى واقف مخلوع و ما رد عليها الا بعد مسافه ! قاليها جيبي 100 جنيه !!! قالت ليهو انت جبتها من وين ؟؟ قاليها من قدام “kanon hotel” , قالت ليهو : بس المشوار دا حقو ما اقل من 200 جنيه ! قال ليها : انا حابي ال100 جنيه !! قالت ليهو : عشان نكون حبايب هاك 150 ! ناولتو ليها ! و بقت تعاين لي !!
و انا بقيت بعاين فيها و بتمتم ! بقول ليها :

! انتي ... انتي....
__هاه انا منو ؟؟
دقيقه ! انا عارفاكي والله و شايفاكي قبل كدا !
__ وااي ياريت محمد هنا عشان يصدق كلامي دا !!

قلت ليهو انك حتتذكريني هو ما صدقني !!
( بعاين فيها شديد ) انتي !!
تعالي نكمل جوا بدل ديل واقفين يعاينو فينا كدا !! يا حليل زمن كنتي مورياهم العين الحمرا ..
ليه اوريهم العين الحمرا ؟
كنتي حُمقيه بس ! ( وانحنا بندخل ) !
اااه ايوااا اتذكرتك !!! انتي هند صح !! لاني شفت صورة هنادي في تلفون امي ، يبقى انتي هند اختي و شفتك في تلفوني ! عندنا صور كميه مع بعض ، و كنت متذكرة اسأل امي بس نسيت !!!
بعد اتحمست ، بي احباط شديد ( ضربتني في راسي ضربه خفيفه ! ) عامله راسك الكبير دا والله يا امنيات ما تتذكريني كان اختلف معاك ! الليله قوة تتذكريني و قاعده حارساك ما عندي شغله غيرك ! محمد و فات عند اهلو ! الليله بس حقعد احرسك كدا بس ، شفتي ذاكرتك دي حترجع على يدي انااا !!!!!

#الجزيرة !!

#يوسف_بيحكي :

بعد دخلنا البيت ! م كنت في حال يسمح لي امشي بيت خالتي بهناك !! ما عارف انا كل ما الوقت يمشي بي انا حالتي بتسوء ولا مفترض ابقى افضل و اتصالح مع الحاصل !!
كنت بفتش لي عبير اختي الحنينه ! و فعلاً لقيتها في بيتنا بهناك ! م عند ناس خالي بكري زي ما اتوقعت حسب برامج الجمعه !! كنت حاسي بيها ما تمام ! و كأنها بتتفشى في كنيس الحوش !
قلت ليها ( وانا بشيل من يدها المقشاشه ) :
براحه على مقشاشنا ، قالت الروب !
يوسف ! كيفكم ؟
كنت تمام قبل اشوفك انتي و تطريمتك دي !!
حمدلله ( قعدت جمبي في العنقريب ) الحاصل ؟
مقلق عليك ؟ مالك ؟
متضايقه ! امنيات م رفعت فيني اتصال من ما مشت ! كأنه ما كانت في عشرة بينا !!
ما تلومي البعيد منك ، خصوصاً و انتي ما عارفه ظروفو شنو !!
الاتصال ما بياخد زمن ! للداير حاجة بيسويها لكن هي حُرة !!
امنيات عروس جديده يا عبير و اكيد ليها مشغولياتها ( م عارف بي ياتو قلب قدرت اقول الجمله دي لمن ختيت يدي على صدري و بقيت بدعك لمن حسيت بي نقزة ) !!
دا كلام شنو ؟
دا الحاصل ... عقدت ورانا بي يوم !
( ختت يدها على خشمها و وقفت ) كيف يعني ؟ يعني ما كانت متزوجة لمن كانت هنا ؟؟
لا زواجها كان تاني يوم من الحادث !!
طيب هي كيف اتزوجت هسي اذا كانت بتحبك ؟؟ يبقى فعلاً كلامي ليها صح !! حبها ليك فترة عابرة و اسي عايشه حياتها الاساسيه و بتحب زوجها !!
الموضوع معقد يا عبير ! هو بيحبها بس حسب العرفتو خطط للزواج دا بي حيل بايخه شديد ' و ماف علاقه بيناتهم!! في حين اني بقول كيف م كانت في علاقه بينهم و كانو حيتزوجو ؟؟ و شنو بيخليهو يعرسها بالطريقه دي في حين انه اصلا كان حيتزوجها قبل الحادث ؟ و اذا بتحبني عرستو ليه في وجودي ؟؟. كمية اسئله يا عبير راسي داير يطرشق ما قادر اتصرف ! و فوق لي دا غاده ما قصرت !!
__ في حاجة ما مظبوطه يا يوسف !!
في حاجة مظبوطه ولا مافي يا عبير ! امنيه ما بتلزمني ! بس ما قبل ما اعمل الحاجة اللي في راسي .... يتبع !!

قبل الاستككانه ، فضلو حلقتين ! لانه القصة 30حلقة ، يا جماعه انا ليلي نهار و نهاري ليل بي سبب الكتابه و نفسي انوم !! و ناخد السبت دا راحه لي و الاحد و الاتنين بأذن الله نختم قصتنا ...

#استتككانه❤️

#سحر_سمير ...

لحالات الواتساب المكتوبة و المصورة و الفيديوهات اشترك بالقناة

⌘❀ همسة ☆ شوق ❀⌘
○قناة منوعات
♡حالات واتساب
♧احلى المنشورات
●احلى المقاطع المرئية و الصوتية
◇كلام من القلب للقلب
https://tttttt.me/hamsat_shooq

عزيزاتي وحبيباتي الأميرات المميزات 😍
ح يبدأ التسجيل لدورة جديدة🤩

🎊🎉🎊🎉🎊🎉

👩‍❤️‍👨دورة السعادة الزوجية 💑

للمتزوجات والمقابلات على الزواج 👰🏼

محاور الدوره 📝

❤️مهارات الحب بين الزوجين


❤️سنة أولى زواج 👰🤵


❤️قشرة القشطة في الثقافة الجنسية

❤️متعة الحياه الزوجيه للرجال والنساء


❤️ شفرة الحب بين الأزواج


❤️ باي باي للزعل وأهلاً بالفرح 🤩🎊🎉


❤️ عربون الحب 😍


❤️ المساج 👌ح تتعلمي كيف تبقى خبيرة مساج بالخطوات 😉

❤️ زوجي مغترب ( ح تعرفي كيف تتعاملي مع زوجك إذا كان بعيد وعشان ما يموت الحب في الغربة وح تعرفي أنو مقولة البعيد عن العين بعيد عن القلب دي كذبة ونستبدلها بمقولة حبيبي البعيد عن العيني القريب من قلبي 😍😉😉😉😉


❤️ كيف تكوني زوجة مثيرة في الفراش


❤️ الحب يبدأ من هنا


❤️ لأني أحبك


❤️ جديدي الرومانسية في رمضان 😍 ( عارفة رمضان أنتهى بس في الرماضانات الجايات يعني 😁 في ناس طبعاً ح يقولوا لي رمضان دا شهر عبادة بس ما معنى كده أنو نقتل الحب والرومانسية في رمضان 😒 السيدة عائشة قالت في معنى الحديث ( كان رسول الله صلى الله يقبل زوجاته وهو صائم في نهار رمضان)


وفي مفاجأة ونصائح وفقرات تانية ح تجي عرضاً في الدورة الفقرات تم أختيارها بعناية لتكوني ملكة متوجة في قلب زوجك 😍

ح تبدأ الدورة بتاريخ 15 يونيو

رسوم التسجيل 200 جنيه 💷 فقط لا غير
للتسجيل راسليني @Nan120120

التسجيل رصيد زين أو تحويل عن طريق بنك الخرطوم (m Bok)

لمزيد من التفاصيل 👇https://tttttt.me/joinchat/AAAAAEZaXt3N0PXEVhYRZw

م عارفه اقول ليكم شنو بالنسبه للجِرس الحاصله ان الروايه حا تنتهي ، صدقوني القصه دي انا عشقتها بي تفاصيلها ، ببكي مع الاحداث و بفرح مع الاحداث لاني كاتباها بي حب و انا م نفسي تنتهي بس والله بقيت في حالة قلق و التزام في الكتابه بكون طوالي متوترة ان وراي كتابه عايزة انتهي منها ، و القصه دي من نوع القصص المرن شديد بقدر اكتب فيها اجزاااااااااء ما مجرد 30حلقه و خلاص !

عشان اكون واضحه معاكم ، انا ببدأ كتابه من الساعه 2:30am ، بجرها كتابه لحد 8 صباحاً مرات لي 8:30 عادي بهبش 9 في الحلقه اللي انتو بتشوفوها قصيرة دي ، لانه البيت بالنهار دوشه كحال اي بيت فا وقت كتابتي صعب ارهاق و سهر كملني عديل كداااا !

فا انا حزينه اكتر منكم ختوني في جزيرة مافيها الا انا و البحر ، صدقوني حا امتعكم عديل كدا لكن ويييين ياااااا ، الله في .. فا بحبكم و شكراً لي وجودكم معاي و لي كل كل زول وصل لي اخر حرف في كلامي دا

#قناع_العروس
بقلم سحر سمير
-٢٩-

في حاجة مظبوطه ولا مافي يا عبير ! امنيه ما بتلزمني ! بس ما قبل ما اعمل الحاجة اللي في راسي .... يتبع !!

__ يوسف ! ما عارفه اقول ليك شنو صراحه ! بس حاول تلاقي الاجوبه على اسئلتك دي ، عشان تبقى فعلاً امنية ما بتلزمك ! ( عبير قامت و جا عوض داخل ) !

عوض : عبير مالها ؟

متأثرة لسه بي غياب امنيات !

__ طيب قوم أبوي منتظرنا برا !

مع اني ما رايق و خايف افلت ، لكن كمان ما بقعد ، يلااااا !!

يوسف بيقول :

سوقنا خالي بكري و مشينا على بيت خالتي اللي هي أم غاده ! و وكلت خالي بكري انه يكلمهم بي جيتنا و فهمتو و شرحت ليهو كل حاجة من البدايه !!

مشينا و قعدنا في الصالون ( بالنسبه لي اسرة غاده بتتكون من خمسه بنات ما شاءالله ، تلاته متزوجات من غير غاده و الخامسة في تامن ، والد غاده في ليبيا من مدة فا الموجودين معانا حالياً اتنين من اعمامها و واحد خالها اخو امها طوالي يعني في الحسبه خالي برضو بحكم ام غاده و وهو اولاد خالة امي ) ، بعد السلام و القعده !

بديت كلامي أنا مع عمها ، قلت ليهو : انا زي ما عارف طلقت غاده و قبل انم كلامي **قاطعتني غاده جاية داخله و هي بتقول :

غاده : بعد طلقتني عندك شنو هنااا يا يوسف !! اطلعو من هنا انت وعوض ما عايزة اشوف وشوشكم بعد العملتوهو فيني ! نسيتو اني لحمكم و دمكم و جريتو ورا الحيوانه جعرانة القروش !!

عمها : ( بي هرشه ) اتلمي واطلعي برا عشان ما اجي و اكسر ليك راسك دا فاهمه ولالا !!

يوسف : كل مرة بتثبتي لي اني صح ! و انك انسانه بشعه شديد !!! يا غاده ، يعني ابسط مثال عندك انحنا رجال قاعدين ما مالين عينك ؟؟؟ ما عاجبنك ؟ داخله في نصنا كدا مافي اي احترام ولا اي اخلاق !! خلاص ما فارق معاك لا كبير لا صغير بتتواقحي قدامنا كدا ! طيب ياخ ع الاقل انا كنت راجلك م مشكله اشوف وقاحتك دي لكن كمان تتمادي و توصليها للناس البرا ! شايفاها حاجة ترفع من قيمتك ؟؟ ياخ حسسسسسي ، حسسسسسي ! صحّي المات جواااك دا ! الدنيا دي ما بتدوم ليك و من غير الناس الدنيا ما بتتقعد ! الله خلقك في نص الناس ! بتكرهيهم فيك و بتبعدي منهم ليه ؟؟

( جات امها خالتي بي صوتي العالي ) ! ختيت ليك العذر من اول ردة فعل ليك و قلت انا الغلطان ! و انتي ابداً ما قصرتي !! ما تحترميني انا ! م داير منك احترام يا غاده ، فانفترض في ضغينه منك تجاهي مخلياكي ما تحترميني ، لكن عيب و الله عيب ، احترمي خيلانك ديل و اعمامك ديل عييييب ! ( لمن بقيت برجف من الانفعال )

ام غاده : ( مدنقرة راسها ) الغلط في تربيتي ! عايني لي يا غاده ! مبسوطة و انا ما قادرة ارفع راسي قدام وليانك !!! انا اسفه يا حاج بكري ! اسفه ليكم كلكم .. و ختت التوب في عيونهت ومشت !!

غاده : ( مشت وراها و بتقول يا اميييي .. اميييي ) !

امها : ما امك اناااا ، اريتني عقرتا ولا ولدت وحدة عاق زيك يا غاده ! ولو كنت زي الامهات بمد يدي عليك و بلطشك ، كان حفرت و دفنتك ! و ابوك لو كان قاعد يا غاده كان حفر في نص الحوش دا و دفنك حية !!! وحدة قليله ادب ما مربيه !!!

خالهم بكري : لا حول ولا قوة إلا بالله !!

غاده : ( جات راجعه جمب باب الصالون ، مدنقره راسها ! انا اسفه يا خالي بكري ، اسفه يا عمي(... )و يا عمي (...) ويا خالي (...) عوض : انا اسفه ....

و يا يوسف ! احساس اني اتظلمته في اول ايامي م كان احساس ساهل علي و كوني احافظ على بيتي وعلى راجلي ما شي ساهل !! بس انا وحدة نفسي ما نضيفه و فاهمه الحياة غلط ! و ما حا ارمي الغلط على امنيه ! بس قبل امنيه تجي انا معاملتي مع خالتي عاشه كانت كعبه شديد و نفس الشي مع عبير شلت جواي ضغينه عشان م كانت عايزاني ليك !! انا مشكلتي في قلبي انه تقيل و بشيل من الناس و ما بنسى و بنتقم !! ...*قاطعها يوسف !!

يوسف : علاقتك شنو بي عاطف !!؟؟؟

غاده : ( سكتت و قبلت وشها ) م عندي بيهو علاقه ولا كنت بعرفو ! انا كنت عايزة اتخلص من امنيات ، فا صورتها على غفله

و نزلت صورها على الفيس ! و هوشاف الصور و اتواصل معاي و اتفقنا و وريتو انه لمن يجيكم م يجيب سيرتي ، و وريتو معلومات الحادث كلها الكنت بتحكيها لينا ! و الباقي انت بتعرفو !!

يوسف : ما نسيتي حاجة ؟؟

غاده : ( سكتت مسافه ) بعد طلقتني رجعت لي حسابي كان في واحد مرسل لي بيسال عن الصور حقت امنيات وحسيت انه بيعرفها ، انا حظرتو لمن كنت على تواصل مع عاطف ! بس اختلفت مع عاطف و بقت جواي ضغاين ! رجعت رفعت الحظر و كتبت لي محمد رساله كلها كذب و تلفيق على عاطف !!

عوض : لا إله إلا الله ، سيدنا محمد رسول الله ! الغريبه لا امك لا ابوك ولا حتى اخواتك بالبشاعه دي ! طالعه لي منو انتي !! يا بت انحنا اهلك اللي لو لفيتي الدنيا دي كلها ما حتلقي غيرنا !!

خالي بكري : ( قام على حيلو و مشي عليها ) لطشها كف لمن اترتعت لي ورا !! الضرب ما غلط لمن يكون في وحدة زيك ! رغم كل العملتيه الفي محل يوسف ما كان حينلام لو قتلك حتى !!! بتمنى عقلك يرجع ليك ( و بي امر و كوراك ) يا حجة صفية ، من الليله غاده ما تعتب برا البيت دا و تربيتها مسؤليتي اناا !! و يا انا يا انتي ! وحدة مفعوصه زيك تطاطي ريسانا احنا ! احنا اللي طول عمرنا الناس محترمانا !!! ( طلع برا ) !!!

غاده : ( بتبكي و داسه وشها بي يدها ) !!

يوسف : رغم كل حاجة انا ما بتمنى ليك الشين ! بتمنى انك تتغيري و تبقى انسانه خلوقة و كويسه و تخلي قلبك خفيف و صافي ! و اتعاملي بي نية كويسه و نضيفة ، ما كل يوم عندك فرصه للتغير ! الليله انتي عايشة و عندك فرصه ! ما معروف بكرة حا تكوني وين !! استعجلي و امشي بوسي رجلين امك و اعمامك ديل لأن ال في مكانهم كانو علقوك في حبال الغسيل !!! و عافي منك يا بت الناس ! اعفي عني ( يلا يا عوض ... اعمامنا ! عن ازنكم و بتأسف على كل حاجة ... و طلعو ) !!!

#بعد_طلعو

يوسف : خالي فات براهو !!!

عوض : ااي ! خلينا نحصلو !!

يوسف : قبل نمشي ! انا بكرة داير عربيه خالي عايز انزل الخرطوم !

عوض : شنوووووو ! اسي انحنا مش جينا من الخرطوم يا يوسف ! و بعدين سواقة شنو تاني ليك ! انت مخك دا ما تمام !!

يوسف : معليش عشان اسافر مرتاح !!

عوض : طيب ما ممكن امشي افرد ضهري دا وانوم و بكرة ربك يحلهاا ! ما ممكن انحنا يومين ساكين الخرطوم و حاة الله ، درب الخرطوم دا لو كان سُستة كان اتحلجت من كتر المروح و المجي !

يوسف : ( ههه) !

عوض : تضحك ؟؟؟

يوسف : اي بضحك ! حاسي قلبي خفيف ! موضوع غاده كان حمل تقيل علي ! بتمنى انها تتغير يا عوض عشان نفسها بس و تبدا تعيش حياتها و م داير ابقى ليها نقطه سودا في حياتها !

عوض : الخلاها تتأسف يمكن قلبها و عقلها رجعو ليها ! لمن
و حاة اسم الله يا يوسف انا ماسك نفسي منها بي جل جلاله لكن وديني و ايماني لو كانت راجل انا كان مسكتها كسرتها لكن بتفشاهو في عاطف !!

يوسف : انت مجنون ! تتفشى في عاطف ليه ! شوف يا عوض ! عاطف كذب علينا ، و هو حر لان دي حاجة لي نفسو ما لينا انحنا ! ما عندك وجهه حق انك تمد يدك عليهو ! ف النهايه وصل للدايرو و امنيات لو م دايرة كانت وقفتو عند حدو !!!

عوض : اسمع انا والله تعبته من اللخبطه و الجوطة دي ! داير اعرس بس و خلاص !

يوسف : يا راجل !! هههه انت داير ليك سبب تجيب فيهو سيرة العرس و خلاص !!!

عوض : ( احم ،) يا زول مالك ! حقي !

يوسف : حقك طيب يلااا مشينا نقعد مع خالي دا شويه !!!

#غاده_بتقول :

مافي انسان في الدنيا مهما كان كعب ، حيستحمل انه يشوف دموع امه قدامه و فوق دا يسمع منها كلام حار شديد ! لمن سألت نفسي ، انا ليه بعمل كدا ؟؟

ما لقيت اجابة تقنعني ! الاذى و الكلمة الشينة ، كل دا انا ما استفدت منه حاجة بالعكس ! طلعت خسرانه و خسرانه كتير شديد كمان !!

كتير مننا لمن نعمل حاجة و نندم عليها ! كنا بنتمنى لو حاجة بترجعنا لي ورا ! لكن للاسف مافي حاجة اسمها فرصه تانيه غير قدام رب العالمين ! ربنا هو ما بيرجعنا لي ورا لكن بيدينا فُرص عشان نحسن من نفسنا ! قدر شنو ربنا دا رحيم !؟

بس تصدقو لو قلت ليكم انا ما بتمنى لو الزمن يرجع بي لي ورا ، لاني م كنت حأغلط و اتعلم من غلطي ! كل ما اتذكر كلام خالي بكري و كلام يوسف و نظرات اعمامي و ان الناس ما شايله تجاهي غير الشين ، الحاجة دي مؤلمة و خلتني اني مُصممة اني اكون انسانه كويسه شديد ، و حأسعي اني اسمع من امي و هي بتقول لي : ( مبسوطة منك و اني بتها و انها ما ندمانه على ولادتي و انها فخورة بي و بي تربيتها لي ) و ما حأرتاح ما لم اسمع الجمله دي !

و الكف اللي اداني ليهو خالي بكري ! ما حأقبل غير انها تكون بوسة في مكانه و كلمة طيبه !

اما يوسف ! ما عندي رغبة في اني اعكس ليهو حاجة عن غاده لانه لسسسه في نظري انه غلط في حقي و كسرني بس ما بتمنى ليهو الشين و لا شايله ضغينه تجاهو ! و خالتي عاشه ، حأسعى انها تفضلني جوا بيتها بعد ما طردتني ! اما عبير ! مُصرة من اني اسمع منها اني اختها و بتحبني ، بدل مرة اخوها المكر

وهه !

حأجتهد اني ابقى غاده انسانه تانيه ، لاني جربت و عشت اني اكون مكروهه فا حابه الخيار التاني ، أني اكون محبوبه ! و مافي انسان في الدنيا ما بيستاهل انه يكون محبوب من الناس !

#اما_في جانبي_أمنيه !!

من لاقيت الزولة دي و انا نسيت اللي خليتو وراي ! خليت عاطف و ما فكرت في اي حاجة بي خصوصو ! كان عندي فضول رهيب اعرف الزوله دي م غريبه علي لي درجة انه بحس اسمها في طرف لساني !!

من جيت استلمتني و ختتني في كرسي ساخن عدديل ! حتى ما خلتني اتكلم مع امي كويس او اسلم عليها ! قلت ليها :

طيب اقوم أغير ملابسي !

___ والله يا امنيه انا اتخيلته اي شي في الحياه دي الا اني اشوفك لابسه ليك توب و ناقشه حنه و ماخده وضعيه العروس !! صحي ما واعيه لي نفسك !!

انا قلت كدا !!؟

___ خليكي من دا ، و نتكلم بجديه شويه ، انا عندي معاك برنامج زابط شديد اصلاً كلمت محمد انا حاخد لي يومين معاك بي جاي ، يشهد الله ( عاينت لي امي ) انا ضربت ليها تلفون م مشيت عليها لحد اسي !

محمد راجلك يعني ؟؟ ( لاحظت لي نظرات امي و وشها الحزين المليان كلام )

__ايوا راجلي !

( مشيت قعدت جمب امي و مسكتها من اكتفاها و حضنتها ) مالك في شنو حاصل ؟؟

( قعدت تبكي و قالت لي ) : انا والله ما قصدت اتدخل في حياتك او ادمر مستقبلك ! حتى اخواتك انا ما قيدتهم و اديتهم حريتهم في حياتهم و عرسو العاوزنهم ! !!

سمر : ( جات قعدت جمبنا وامي بقت ف النص ) ما تزعلي من كلامي في النهايه انتي زي اي ام عايزة مصلحة بتك !

خاله فاطمة : لا. انا جبرتها و ختيتها بين خيارين احلاهما مُر يا سمر !

امنيه : كيف يعني يا امي ؟؟؟

خاله فاطمة : يعني ، زواجك من عاطف كان بي سببي انا خيرتك بينه و بين ...*سمر قاطعتها !

سمر : خالتي ! دا ما وقتو !! امنيه حتعرف كل حاجة و حتتذكر كل حاجة بس من نفسها هي ! مافي زول حيحكي ليها حاجة لانه ممكن تدخل في صدمة لمن تربط بين الماضي و الحاضر !! فالأفضل تعرف من نفسها !

امنيه : لا انا عايزة اعرف كل حاجة بخصوص عاطف لاني حابه افهم انا كيف كنت حأتزوج واحد بالنداله و الوقاحه دي !

امي : حصل شنو ؟؟ عمل ليك شي ؟؟؟

سمر : انتي عرفتي ؟؟

امنيه : ما بيقدر يعمل لي حاجة يا امي ، قصدك عرفت شنو ؟؟؟

سمر : موضوعو مع الاسمها غاده دي ؟؟؟

امنيه : ايوة عرفته كل حاجة الا اني كنت حاتزوجو ليه ؟ يعني انا لمن وافقت ع العرس اسي وافقت لاني صدقتو انه كان في بينا حب و قصه ! م كنت قايله كضب وانتي زاتك يا امي وقفتي معاهو و اكدتي كلامو بي سكوتك !!

خالة فاطمة : لي اسباب ليها علاقه بي حاجات فاتت ، كنت فاكرة انها لي مصلحتك بس م كنت بعرف انه وقح زي ما بتحكو ،، عمل ليك شنو ؟؟

امنيه : وعدتو اني ما اتكلم م خوف منو لالالا ، بس عشان انا احسن منو و ما اكرهه الناس فيهو !!

سمر : امنيه ... تعالي معاي جوا !!

امنيه : ووووين ؟

سمر : غرفتك عايزة اوريك حاجة و منو تغيري !!

خاله فاطمة : خليها تغير و ناكل لقمة و نشرب شاي بعداك الكلام ملحوق !!

سمر و امنيه : طيب !!!

#عاطف_بيحكي !!

بعد كل كلمة قالتها لي امنيات ! حسيت قدر شنو انا انسان تافهه و م عندي اي اهداف في الحياة دي !!

رغم علاقتا الكعبه و الشينة شديد وشخصيتها الصعبه و اللي مافيها اي احترام ! الا انها ادتني دروس قاسيه شديد ! قدر شنو هي انسانه ما بتخاف انسانة قويه ، انسانه عارفه هي عايزة شنو كويس ! انسانة فيها الهام للبعض ! انسانه م عندها مستحيل ! انسانه لسانها اطول و امتن من حرف التيل !

من البدايه قلت ليكك انا ما داير ااذيها ! ولا ااذي غيرها ! و حتى لمن فكرت في الدواء ! كلو كان خوف من اني افقد وجودها جمبي !! م كنت داير افقدها ابداً ! شوفتها جمبي ساي كانت بالدنيا و اللي فيها يشهد الله ، و ما كنت حابي انها تكرهني اكتر من كدا عشان كدا ما اترددت من اني اعمل تصرف صح و لو مرة وحدة بس ليها .

عشان كدا اتصلت على عم عبداللطيف ...

سلام عليكم عمي كيفك ؟

__ عاطف ! و عليكم السلام

عارفك ضربت لي كتير لكن بس الحمدلله !

__ فعلاً !

كنت عايزك في موضوع الليله لاني مسافر ، اقدر اقابلك ؟؟

__ ما فاضي !

عمي في حاجة انت زعلان مني فيها ؟

__ ايواا يا عاطف و انا ما بقدر ادس ! يعني معقول تطلع بالوقاحه و البشاعه دي ! ياخ انا والله قايلك ارجل من كدااا !! وصلت للمرحله دي ؟

يبقى امنيات حكت ليكم !! انا عارف اني غلطان بس والله ما قصدت ااذيها و الدواء كان حياخر الذاكرة بس لكن ما حيضرهز و عارف انه تصرف غلط !

__ داوء !!!! دواء شنو يا عاطف ! امنيه انا ما كلمتني و لا شفتها ! مش معاك هي ولا الحاصل شنو !!

يعني انت ما بتتكلم عن الدواء !!! و امنيه فاتت مني يا عمي من قبيل ! حالياً حتكون وصلت من بدري !

__ فاتت ! و دواء !!!! عاطف ( بي صوت عالي ) انا ما عشان وافقت اعرسها ليك و وقفت قصادها معاك يبقى ما عندها ولي و لا راجل يقيف ليك ! م معنى انها غلطت قبل كد

ا يبقى ارميها زي الكلبه !! ما معنى انها بت اخوي يبقى ما بتهمني ! و عزة جلال الله يا عاطف اعرف منها بس انك اذيتها ولا سويت فيها حاجة بجي بنحرك نحر !!

دقايق اسمعني يا عم عبداللطيف ! من حقك تعمل كل القلتو دا و انا امنيات بحبها و حا اطلبها من الله في كل لحظه ، و ما بقدر اسوي فيها حاجة او اذيها ! حتى شرع ربنا انا ما قابلتها فيهو عشان م عايز اسوي حاجة مافيها رغبتها !! حالياً سبب اتصالي اني عايز اسلمك اوراق طلاقها و كل الدايرو منك انك تسلمها الاوراق دي في الوقت المناسب بعد المدة التشوفها مناسبه !

ما داير مشاكل ولا داير ااذيها و لا ناقص انا كراهيه و دعاوي من زول فيكم ! زي ما جيتكم بالمعروف اسي انا طالع منها بالمعروف ، و اذا ما بتقدر تلاقيني انا بجيك لحد المصنع بسلمك الاوراق و كل المطلوب مني و بمشي او خلي احمد يطلع لي !!

لا حول ولا قوة إلا بالله ! سلمني ليهم ! ما عايز زول يعرف الموضوع دا حالياً لا احمد لا غيرو ! تعال لي المصنع او رسلهم لي مع زول ما عايز اشوف وشك !!

__ حأرسلهم مع زول ، و انا اسف ... اسف ، سلام عليكم قفل الخط !

#بعد_غيرت و اكلته !

من طريقه الكلام ، عرفت ان سمر صحبتي ! و إلا تحكي لي اي تفاصيل عن صداقتنا !!

سمر : تعالي معاي بما انه خالتي نامت !!

طيب !!

دخلنا غرفتي و ردينا الباب ورانا ! سمر قعدت في السرير ، و قعدت جمبهاا !! لقيتها فتحت شنطتها و قالت لي : هاكي !! ( مدت لي كتاب اسود يشبه اكستاسي ) بتقول لي : امسكيها !!!

و انا عيني وقعت للشريحة حقت يوسف واقعه ديك ليها في رُكن !! ( ختيت يدي في عيوني و بقيت ببكي بالصوووت ، ببكي بي حُرقه من جوه قلبي !)

سمر : بسم الله في شنو اسي ( حضنتني ) ! روووقي في شنووو !! لاحول الله ولاقوة الا بالله يا امنيه قطعتي لي قلبي ! في شنو المذكرة دي ذكرتك بي حاجة ولا شنو. ؟؟.

( قمت منها ، مشيت رفعت الشريحه و جيت قعدت و بقيت ببكي زياده ) !

سمر : دي شريحه منو ؟ وفي شنو اتكلمي عليك الله ( بتمسح لي دموعي ) !!

يوسف !

سمر : !!! يوسف !!! يوسف منو ! اهااااا بتاع الحادث !! طويل كدا رقيق قمحي !!

( رفعت راسي ، بي لهفه ) بتعرفيهو من وين ؟؟

__ قابلتو هنا امبارح ! معاهو واحد يبقى لي اسمو عوض !

يوسف كان هنا امبارح ! بالجد يا سمر ؟؟؟ يعني كان هنا عليك الله جد ؟؟ و كان مالو ولا قال شنو ؟ احكي لي عليكي الله !!!!

__ لالا دقيقه ! دي شنو اللهفه دي كلها ! امنيه كدي عايني لي !!!! يا زوله !! حبيتيهو ؟؟؟؟

( قبلت وشي ) احكي لي عليك الله ؟؟؟

__ لا و بتبكي كمان ! و الشريحه دي قصتها شنو ؟؟؟

سمر !! ( رجعت ابكي تاني ) احكي لي ، عليك الله !

__ طيب ! لمن جينا انا ومحمد راجلي هما كانو طالعين خلاص ما سمعت ولا شوفته ! لمن حصلت جوطه بسبب الحيوان عاطف هم جو راجعين لانه اصلو م اتحركو ، و حتى كان عارف قصه غاده و عاطف ، و اتكلم كتير ! و حتى وهو ماشي حسيتو م داير يمشي و رجلو كانت تقيله شديد ، و بصراحه سمعتو كلام م حلو و رد لي رد احرجني بي ذوقو ! قدر شنو هادي كدا و رزين !!

معقول !!! يعني كان متضايق ؟؟

__ ايوا اتوقع متضايق من مرتو ! لانو قال عارف التعاون الكان بيناتهم و اعتذر و غايتو م بعرف مرتو عملت كدا ليه و هو زول كويس !!؟

عملت كدا عشاني !! و حصلت حاجات كتيرة و خلافات بي سببي وحتى وصلت لي انها تمد يدها علي !؟

__ قطعتيها طبعا ً ؟

اقطع شنو ؟

__يد غاده طبعاً !!

لالاا م اتكلمته عشان خاطر م اعمل مشاكل و برضو عبير اخت يوسف اكتشفت الموضوع ! و انطردت من البيت و موضوع طويل ! بس صدقيني عشت ايام حلوة في الجزيرة ! زكريات م بنساها !!

__ انتي متغيره ولا دا عشان الحادث و ذاكرتك !!

ما بعرف يا سمر !! ( بقيت بمسح في دموعي )!

__بتحبيهو ؟

اكتر من نفسيء اللي عملو معاي يا سمر ما قليل ! اولاً العربيه الضربني بيها م حقتو ! اتحمل التكاليف كامله ! وانطرد من شغلو ! و اتحمل مصاريفي الكبيرة و الصغيرة ! كان بجي يقرا لي القصص ، كان بيوصى لي ملاذ الممرضه ! عمل كتير عشاني و حياتو اتغيرت بي سبب الحادث !! للامانه يا سمر

"يوم 21/4/2018 " كان سبب تغير لي حياتنا الاتنين ! من بعده عشنا صراعات كميه شديد و لاان عايشنها !! م تتخيلي يوم عرفت انه متزوج دا انا دخلت في ياتو حاله ! حسيت ان اللي عملو عشاني دا كلو كان من دافع الشفقه و واجب و غلطه مفروض يصلحها !!

__ طيب ! رايك شنو لو قلت ليك ان الانسان دا بيحبك يا امنيه !!

لا ابداً كنت فاكرة بيحبني بس هو رجع مرتو تاني يوم من جابني هنا ! لو حتسالي عرفت كيف ! حا اقوليكي لاني اتصل عليهو من الشريحه دي قبل عقدي بي ساعات و ردت علي هي من تلفونو و سمعتني فارغ !! انا ما لي اي حق احب يوسف !! و لو حاتقولي لي زي كلام عبير اخته ! ان الحب دا حب م حقيقي وانه فترة و حيعدي ! خاقوليكي مستحيل لان الحب الجواي دا اكبر من ما بتتصورو !!

__ امن