انو م فترة بس لو فترة ممكن نقول نفسنه بنات من نفسنتها الانا بعرفها بس لا بقى مستمر للدرجه اللي محادثاتي معاها بقت كيفك؟
الحمدلله وانت؟
تمام الحمدلله
يعني خمول وبهتان واحساس بي انك زول ثقيل وم بتفهم و...الخ احساس بايخ شديد لما تكون انت الطرف التمسك وفارض نفسك ك زول طبيعي م حتقدر تستحملو كتير حتى ولو حاولته وجاهدته نفسك حيجي يوم وتقول لنفسكStop واذا اتماديت في التمسك بس عشان تثبت لي نفسك انو انت عملته كل البطلع بيدك علشان تتمسك بالزول دة وم يكون عليك عتب عليها
في يوم لما وصلته معاها الحد وعلى مبدأ الهظار كدة قلته ليها ي زوله انتي ارتبطتي ؟😂😂😂
اليوم الوحيد الردت لي فيهو على طول وقالت لي يب🌚
قلته ليها جد؟
قالت لي ايوااااان❤
قلته ليها يعني دة نعتبرو سبب من اسباب التغير دة؟
قالت لي انا متغيرة؟
قلته ليها انتي شايفه شنوو؟
قالت لي انا م شايفه اني متغيرة ابداً❤
قلته ليها غريبه بس انا شايف غير كدة تغير 180درجهه كمان
قالت لي اوكييييهه طالما انت شايف كدة تبقى دي مشكلتك.م مشكلتي👍
قلته ليهو المعنى؟
قالت لي تفهم زي م تفهم 😊
هنا انا جد م عارف اذا كنت صح او غلط بس اي زول مكاني كان حيفصلها من سكات ودة العملتو ردة فعلي كانت انو انا ارسل ليها دة👍وعلى كدة م بتذكر انو تاني حصل بينا تواصل كدة ممكن يتقال عليه رغم انو تواصلي مع منذر اخوها كان نوعاً ما مستمر...
..........

عدت 11شهر،11شهر لا تواصل مع ماهر ولا كلام ولا حتى سيرتو اعتقد اني نجحته تماماً في اني امنع اي تواصل ممكن يحصل بيني وبينو او حتى اي طريق ممكن يوصلني ليه،حاربته نفسي بكل الطرق علشان م اضعف ،انشغلت بحجات كتيرة سافرته الامارات 3مرات عديت فيها فترة ،نزلته كورسات انجليزي وطورته نفسي فيهو شديد ف بقت شبه م عندي مشكله فيهو ابداً وبديت اتعلم فرنسي، كنت بفكر اني بعد م اتخرج مباشرة امتحن الايلتس،ف بقيت مجتهدة شديد بخصوص الموضوع دة حتى بديت احضر كورسات الامتحان اونلاين واختبر نفسي فيه ،ناس بيتنا واخواني م كان عندهم اعتراض على اني اخد المنحه واسافر،اضافه لي اني عملته لي متجر إلكتروني بوفر فيهو طلبيات ملابس بخلي مجتبى يوفر لي الطلبيات من الإمارات من موقع وبعرضها وبتتاخد والشغل كان ماشي حنين معي وغيرته عربيتي من شغلي دة بس ،ورجعته شغلته قناتي بتاعه اليوتيوب وبقيت بعمل ڤيديوهات ميك اب وهكذا، اقتنعتهه انو في اي فترة صعبه تمر عليك في حياتك لو م استفدته منها م تسمي نفسك انت كسبان علشان اتخطيتها،لانو كل م تعدي عليك مشاكل وضغط في حياتك كل م زادتك قدرتك في الانجاز ومقدراتك بتضاعف ف كل م شغلته نفسك بي حجات انت ممكن تستفيد منها كل م حتتخطى المرحله بسرعه ❤💅💣
وبكدة اهو حالي بقى ماشي وشبه مرتاحه في حياتي على الأقل ماف شي تاعبني نفسياً م بقدر اقول اتجاوزتو لاني على قناعه انو شي غير قابل للتجاوز وم محتاجه اتجاوزو ابداً بس صنفتو ك فترة كانت في حياتي وعدت بخيرها وشرها ودي متطلبات الحياة كدة،دي كانت السنه الاخيرة لي في الجامعه وانا خريجه ومشغوله م بين الدراسه ومشروع التخرج بتاعي،لسسه ي دوب كنت في بدايه سمستر 9 بس كنت مجتهدة فيه شديد من بدايتو علشان م عايزة المواد تتراكم علي ونحن علينا ضغطه مشروع ،في يوم طلعته من الجامعه مصدعه شديد وانا راجعه على البيت جاتني مكالمه من رقم غريب،المكالمه اتكررت مرة واتنين وتلاته والرقم دة م غريب عندو قريب الاسبوع واكتر بتصل وانا م برد ف الموضوع بقى مزعج رديت الووو؟قال لي السلام عليكم،قلته ليهو وعليكم السلام منو معي؟
قال لي معاك زياد و...
فجأة الاشارة شبه قفلت وفي عربيه قدامي هدنت وانا حكيت فرامل التلفون وقع من يدي،على صداعي داك نزلته من العربيه واتشاكلته مع القدامي واصلاً انا الغلطانه م هو بس حراق روح مني ساي عملتها شكله 💔رجعته البيت وقعدته اشكي لي امي ومنذر بي نرفزة،منذر قال لي هي لكن انتي لو م بتعرفي تسوقي وم بتشوفي قدامك يعمل ليك هو؟انتي الرخصه دي مدنك ليها في زقاق بيتنا؟
قلته ليهو انننننننننن اتلهي😒قال لي امي شايفه دي نبذه من الاشكال القاعدين نعاني منها في الشوارع بلكات وعوارض ياااخ لا وكمان عاملين فيها حريفات وهم ساسهم من راسهم م عارفنو 😶💔💔💔قلته ليهو م حأرد ليك اسي لمن افضى اسي مصدعهه💅💔 بعد اسبوع من الكلام دة تاني نفس الرقم رجع اتصال لقيت منو مكالمات كميه حيرني في امري طبعاً،م حاولته ارجع ليه قلته بس ياخ دة شنو الثقيل دة،م لحقته اخت تلفوني على جنب تاني رجع اتصل ،فتحته الخط على طول الووو؟
قال لي السلام عليكم،قلته ليهو بي زهج وعليكم السلام منو معي؟
قال لي شهد عبدالله؟
قلته ليهو ابوة شهد عبدالله منو معي؟
قال لي اسف جداً اني مكرر اتصالاتي وعارف انو الموضوع مزعج جداٌ بس ضروري جداً اتكلم معاك
قلته ليهو اوكييهه اسي انت بتتكلم.معي منو معي؟
قال لي معاك زياد عمرابي،م بتعرفيني شديد بس في صدفه جمعتنا مرة واحدة اعتقد م اكتر
قلته ليهو طيب ي زياد ممكن

تختصر وتقول لي عايز شنو وسبب المكالمات دي كلها شنوو؟
قال لي لازم اتلاقى معاك لو عندك طريقه الموضوع ضروري شديد واكتر من ضروري وي ريت لو اليوم عندك زمن وصفي لي بس مكانك وانا بجيك لغااايه عندك
قلته ليهو دقيقه دقيقهه ي حبيب اتصلت وقلنا معليش كررتهه اتصالاتك برضو كلنا معليش ورديت عليك واتجاوبته معاك بس نتلاقى؟اللاقيك بصفتك منو وعلشان شنووو؟
قال لي طيب يمكن انا م اتوفقته في انو اعرفك على نفسي انا صاحب ماهر الزيني بتزكر يوم وصلتك انتي وصحبتك بيتكم يوم حفله الحنه بتاعتو،تعبتهه شديد عشان اللقى رقمك عندي حكايه بتاعه كم شهر وانا بفتش م لاقي اي طريقه توصلني بيك💔
فضلته ساكته تاني ماهر؟تاني ماهر؟
لا مستحيل افتح الباب دة تاني
قال لي الموضوع اكتر من مهم ي شهد ف بس وريني وين ممكن اللاقيك وانا بجيك اسي م حاخد من زمنك كتير عايز اتكلم معاك في موضوع مهم شديد💔
بعد مسافه قلته ليهو بي صوت مبحوح اناااا والله حالياً م عندي زمن يعني ممكن تتكلم بالتلفون
قال بي لو ينفع كان قلت بس م ينفع لازم اللاقيك والله العظيم تلاته في غايه الاهميه ي بت الناس ف علشان كدة اديني من زمنك ولو نص ساعهه وم تكلفي نفسك تجيني انا بجي لغااايه عندك في اي مكان تقولي عليهو💔
احترته طبعاً الولد كان مُصر شديد شويه كدة وحيبكي لي في التلفون كان من اصرارو،م خلى لي عذر ارفض بيهو قلته ليهو طيب اليوم صعبه بس بكرة انا حأمشي الجامعه يومي ملان بس ممكن نتلاقى نهايه اليوم؟
قال لي جداً نتلاقى نهايه اليوم بتخلصي الساعه كم انتي؟
قلته ليهو 4،قال لي طيب انا 4وربع بكون عندك اي جامعه؟
قلته ليهو جامعه ال...
قال لي تمام طيب قبليها بي وقت بتصل عليك،قلته ليهو ماشي،
بعد م قفلته الخط الافكار والاستفهامات بقت تتطاير في مخي وبقيت في قلق يعني انا فترة الشهور المضت دي كلها عديتها بسلام لغااايه م جا اسم ماهر الزيني تاني في حياتي جاط افكاري،
كل شويه بسأل نفسي سؤال ي ربي ماهر اداهو رقمي وقال ليهو اتوسط لي وشوفها مالي؟
ولا ي ربي قال ليهو حنكها وشوفها حتوافق بيك ولا لأ؟
م اعتقد ماهر يعمل كدة بس ماف شي بعيد عليهو الاولاد ديل كلهم كدة💔
يمكن وجعتو قصه انو نحن عندنا سنه وكم شهر فاصلين ف قال ليهو جِس لي نبضها وكذاا،عموماً اياً كانت افكارو هو وصحبو حأديهو من الأخر ،طلعته من البيت مشيت عمارة الدهب اشتريت لي دبله بي محبسها،ورجعته بيتنا الليل م نمت بحسب في الساعات واليوم نهائي م مشى،الصباح صحيت بدري على عكس عوايدي لاني كنت اخر من يصل المحاضر وكمان بتكون على وشك انها تخلص💔جهزته نفسي وطلعته على الجامعه وبرضو الساعه كانت ماشه ابطأ من السلحفاة💔انشغلته مع يارا اللي هي صحبتي الجديدة في الجامعه بما انو ناس لُجين اتخرجو ف كان لازم يكون عندي زول اقضي معاهو زمني💔في لحظه كدة ونحن قاعدين وبناخد وبندي في الكلام تلفوني ضرب فتحتو مستعجله لقيتو نفس الرقم لمن عايزة ارد تاني قُلت لا علشان م يقول كانت منتظراني وكدة، خليتو يتصل مرة واتنين في المكالمه التالته حتى رديت عليه قلته ليها الووو؟
قال لي السلام عليكم
قلته ليهو وعليكم السلام
قال لي انا جمب الجامعه ف لو جاهزة انا منتظرك
قلته ليهو طيب تمام ،قعدته شويه مع يارا قلته ليها انا في زول منتظرني برة،قالت لي زول منتظرك شهد ربطتي من وراي؟خنتي العهد ي شهد؟
قلته ليها يربطك كلب انتي هبله المهم انا ماشه احتمال م ارجع الجامعه هنا يلا باي،
قالت لي طيب لما بكرة نشوف الموضوع شنو
قلته ليها بلا موضوع معاك💅💣💔
شلته شنطتي دخلته الاستراحه رتبته نفسي وطلعته لما وصلته باب الجامعه طلعنهوالدبله والمحبس لبستهم ،وقفته في الشارع برة اتصلته عليه قلته ليهو انا برة،قال لي اوكيه خليك معي فجاة شوفت زول نزل من عربيتو ورفع لي يدو،جا علي كان لابس قميص كحلي غااامض بي بنطلون سمني ولابس نظارة شمس سوداءء.سلم علي بي طريقه كدة حلوة شديد كانو بعرفني عرفه شديدة م عرفه عابرة،قال لي اخييييراً ي شهد والله م عارفه انا عانيت كيف عشان ألم فيكك💔💔ابتسمته ليهو💔قال لي اتفضلي،قلته ليهو وين؟قال لي على العربيه نشوف لينا اقرب كافيه او مكان نقعد فيه،قلته ليهو لا ممكن نتكلم هنا،طلع النظارة بتاعتو قال لي صعبه شديد هنا وعلى الواقف كدة،قلته ليهو طيب انا معي عربيتي م ينفع انو...قاطعني وقال لي حنمشي ونجي راجعين لي عربيتك م حنتأخر ،اترددت طبعاً،قال لي مشينا؟
م قدرته احرجو قلته ليهو طيب💔فتح لي باب العربيه ركبته وركب هو واتحركنا،قال لي عارف نفسي ضغطتهه عليك شديد بس مجبور والله اعفي لي💔قلته ليهو العفو ،قال لي كيف انتي والاهل كلهم ان شاءالله طيبين؟
قلته ليهو الحمدلله،فضلته ساكته وهو ساكت لغاايه م وصلنا مطعم كدة وقف قدامو وبركن ،نزلنا دخلنا المطعم قال لي تشربي شنو ي شهد؟
قلته ليهو ولا حاجه شكراً
اشر للويتر وقال ليهو 2مويه 1قهوة و واحد عصير على زوقك،
قال ليهو طيب
بقيت اعاين ليهو نفس طباع ماهر الجادة وعدم التفاهم،
شويه كدة قال اخخخخ دقايق ب

س هطلع برة عندي حاجه اجيبها من العربيه واجي راجع م بتأخر تمام؟
قام مشى هنا انا في بالي شبه اتوضحت اللعبه القذرة م خطر على بالي الا انو حيجي داخل ومعاهو ماهر او هو حيمشي وماهر حيجي داخل وطبعاً علشان نحن في مكان عام انا م حأعمل قصهه بس يلا كويس انهم عملو معي كدة علشان اتم الناقصه مع ماهر💅💔زعلته واتعصبته شديد لدرجه انو حسيت الدم وقف من راسي، وانا في الحاله دي وبهز في رجولي ومترقبه دخله ماهر وصحبو زياد فجأة زياد جا داخل وشايل حاجه في يدو وانا لسه بعاين وراه مترقبه دخله ماهر لغايه م وصلني قال لي اسف اتأخرته،قلته ليهو لا م مشكله،قال لي م جابو الطلب لسسه؟اشر لواحد من الويتر قال ليهو ياخي نحن طلبنا ولسه في مشكله؟
الويتر قال ليهو دقايق بس حتكون معاك
قال ليهو طيب، وترني طبعاٌ بقيت بهز في رجلي بزيادة،كان جايب معاه لابتوب ماركه "أبل"صغير ختاهو قدامو،قال لي شهد بي تنهيدة كدة،قلته ليهو نعم
قال لي ماهر كيف؟
طبعاً عديت كم ثانيه علشان استوعب السؤال بعدها قلته ليهو كيف؟
قال لي ماهر كيف؟
قلته ليهو م عارفه بس مناسبه السؤال شنووو؟
قال لي اممممممم يعني م متواصله معاه؟
قلته ليهو هو قال ليك تسألني الاسئله دي؟
قال لي لا انا بسالك عشان عايز اعرف
قلته ليهو انت مش صحبو؟اكيد عارف هو كيف وكل اخبارو معاك❤
قال لي وانتي كمان صحبتو ولا م كدة؟
فجأة الويتر جاب الطلب نزلو ومشى
قلته ليهو طيب مناسبه الاسئله دي شنوو؟
قال لي انتي قريب م اتواصلتي مع ماهر ابداً؟
قلته ليهو أمممممم والله بدون مبالغه ماهر دة انا عندي منو فترة طويلهه شديد وتواصلي معاه شبه انعدم
قال لي لييييهه ؟
قلته ليهو ماف سبب محدد مشغوليات الحياة بس والله هو بقى زول متزوج وعندو مسؤليه بيت وشغل وهكذا وانا مع الدراسه اوضاعنا اختلفت دي كل الحكايه بس برضو مُصرة اعرف سبب الإسئله دي شنووو؟
ضحك ضحكهه خفيفهه كدة وقال لي يعني ماف اي طريقه تواصل لا من بعيد ولا من قريب بينك وبين ماهر ولا عارفاه وين ولا الحاصل معاه شنووو؟
هزيت ليهو راسي بي نفاذ صبر بمعنى "لا"

فضل ساكت مسااافه وهو ماسك الملعقه وبلخبط في القهوة وهو سرحان بعد سكتتو دي بزمن قال لي عندك علم انو ماهر مختفي ي شهد ؟
رفع عينو عاين لي وانا بعاين ليه،قال لي عندو حكايه شهر م معروف ليه اثر،
قلته ليهو كيف يعني؟اكيد مع اهلو في الإمارات او كذااا
هزة لي راسو بمعنى لا💔
قلته ليهو لو م مع اهلو حيكون مع مرتو تولين في تركيا او اي بلد تانيه م قصهه كبيرة يعني
ضحكك ضحكه حزينه وقال لي مرتو ؟ههههههه لا واضح جداً انو ماف اي تواصل بينك وبينو ابداً،
بقيت اعاين ليهو بي حيرة قلته ليهو ليييه في شنو؟
قال لي انفصل من مرتو عندو فترة ي شهد،وم كدة وبس خلا الشركه ومسؤليتها كلها رماها في ضهري وكميه بتاعه خسارات وديون في الشركه كل م نغطيها ترجع تتراكم نسبه لي انو الشغل م ماشي ابداً لانو الشغل م بمشي بدونو ،خليك من الشركه م مهمهه احكي ليك عن ماهر نفسو،ماهر من فترة ي شهد وضعو بقى متدهور جداٌ،بقى يتعاطى كل اصناف المخدرات بنقو حبوب ملصقات والسكر اي شي بقى يشربو ،
طبعاٌ بقيت اعاين ليه ببرود احساس انو دي تمثيليه وانا م مصدقهه💔قال لي بعد وفاة ابوهو اتشخص بي مرض نسبه للصدمه الدخل فيها والطريقه المات بيها ابوهو كانت سبب رئيسي في كدة بعدين المعاناة العاناها من عمو اللي هو اتزوج امو بعد وفاة اخوهو زادت حالتو سؤ عارفه ليه ي شهد؟لانو ماهر عاش افظع انواع العذاب من ضرب لي حبس لي غيرو ووصل بيهم الحد انهم كانو بربطوهو بالجنازير في غرفه وبقفلوهو عادي يوم يومين ، الجنزير دة نفسو كان بنضرب بيهو متخيله معي زول يضربوهو بجنزير الحديد ؟
حصل ليهو كل دة في فترة هو كان في اسوأ حالاتو والمفروض كان يلاقي اليد البتطبطب عليهو بس حصل العكس هو زول كان متعلق بي ابوهو شديد انتي فاهمهه يعني ابوهو دة كان فردتو وصحبو قبل م يكون ابوهو ف هو م كان بالقوة التخليهو يتحمل التحول الكبير دة في حياتو ابداً ، وكان متابع مع دكتور في الإمارات حالتو كانت شبه مُستقرة رغم التقلبات الكانت بتجيهو بس برضو كان لا بأس بها بي وقفه عمو الكبير معاهو ،بعدين نزلوهو السودان هنا بالغصب علشان يمتحن الشهادة السودانيه وي ريت لو م نزلوهو لأنو الموضوع إتفاقم اكتر واكتر اجرمو في حقو عديل لأنهم اكتفو بي انو يوفرو ليهو كل احتياجاتو الماديهه بس بالمقابل خلوهو في بيت طويل عريض عايش براه الموضوع زاد سؤ احساس الوحدة بالنسبه لزول في وضعو كان اقل التوقانتحار،عدم،عدم اهتمام من كل النواحي ام عايشه حياتها بالطول والعرض بدون اي مراعاة لي وضع ولدها او حتى تفكير فيهو،
فرغت نفسها لي تربيه اولاد راجلها ونست انو عندها ولد حوجتو اكبر من ديلك بمراحل للأسف💔
م عارف العاشو شنو في فترة نزولو السودان هنا علشان يمتحن شهادة بس حرفياً بعدها رجع اسوأ من كل النواحي ،عندك علم انو ماهر امتحن بس م قرا جامعه ابداً؟
قلته ليهو بخلعهه كيف؟؟
قال لي رغم النسبه

بتاعه ال88،9الجابها م دخل جامعه ابداً،حتقولي لي هو مبرمج وكيف و...حأحكي ليك قبل م تسألي من نحن في الاساس ماهر عندو حب التكنولوجيا حب القعدة قدام الكمبيوتر والألعاب و...الخ لما جينا للإجازة المنها ونحن ماشين على الثانوي عندو صاحب ابوهو الله يرحمو هو الاقترح علينا كورسات التصميم والمجال دة انا م ركزته مع الموضوع كتير بس ماهر على حسب حبو للمجال دة اتحمس واستفاد شديد عارفه انو من اول كم شهر اجتهد وابدع وبقى عندو حساب بنكي بصمم فيهو مواقع وببيع وبتنزل ليهو قروشو بالدولار والعمله الصعبه؟يعني هو زول كان صغير بس ذكي جداً وبالممارسه بقى بعيد شديد في التصميم والقروش الكانت بتجيهو م هينه وابوهو كان مشجعو شديد على المجال دة وداعمو وفر ليهو كل الاحتياجات الممكن تساعدو من لابتوب لي غيرو طبعاً ماهر كان من النوع اللي م بترفض ليه طلب ف اخد نصيب عظيم من كل شي في الدنيا دي،بس بعد وفاة ابوهو كل موازين حياتو اتدهورت ،
طبعاً انا قاعدة وبحاول استوعب الكلام الهو بقول فيهو دة
قال لي الفترة الوحيدة البقدر اقول فيها انو ماهر استقر فيها نفسياً بحق وحقيقة من وفاة ابوهو هي فترة وجودك انتي في حياتو ي شهد والكلام دة انا بقولو بعد م ربطتهه كل الاحداث ببعض،حتى بتزكر انو كثف جلساتو العلاجيه وكان كل شهر بسافر علشان يراجع الدكتور حتى الدكتور وقف منو الجلسات وبقى يتابع معاه بالتلفون مرة مرة ،تأكيداً لكلامي بتذكر انو في فترة م عارف الحصل بينكم شنو المهم اختلفتو فترة سنه بالتقريب او اقل المهم في الفترة دي انتكس ووضعو كان رجع اتدهور وبدأ.يتعاطى ويشرب بس على الأقل الفترة ديك كان محافظ على وجودو في شركتو وم كان بالسؤ بتاع اسي دة ابداً ،واسي جيت عشان اتاكد اذا في ولا مافي تواصل بينكم ودة السبب الخلاني اللجأ ليك عشان اقطع الشك باليقين ،قبل م يختفي بي كم يوم اتقبض سكران اخدوهو السجن اتجلد وجيت كفلتو وطلعتو ،عارف انو انتي حالياً بتشوفي كلامي دة شبه مستحيل وواثق انو ماهر م حصل جاب ليك سيرة عن تفاصيل حياتو واصلاً مستحيل يحكيها هو بفضل يموت بي معاناتو دي براه ولا يحكي لي زول انتي فاهمه انو بخاف علينا منو؟،
لسسسه كنت ساكته وبعاين لي وبحاول اربط الاحداث انا كمان علشان فعلاً م حصل ماهر حكى لي عن جامعتو حتى لما اجيب ليهو سيرتها بغير الموضوع ولا حصل مرة حكى لي حياتو ولا اي شي بخصو ،
في سكتتي ديك فتح اللابتوب بتاعو وعاين فييه مسااافه حتى قال لي دي اخر صورة لي ماهر اخدتها ليه قبل م يختفي بي كم يوم اتجه اللابتوب على اتجاهي عاينتهه للابتوب وانا مصدومه ومقلعهه عيوني م قادرة اوصف المنظر الشوفتو لا دة م ماهر مستحيل ،مستحيل انتو فاهمين بقى عبارة عن حاجه كدة ضخمه اقل شي 100كيلو ،ضحكته ليهو بإستهتار قلته ليهو مستحيل اكيد الصورة مفبركهه،
بقى يعاين لي وهو ساكت نظام بأكد لي انو لا الصورة حقيقيهه،
قلته ليهو دة ماهر؟انت بتهظر صح
قال لي للأسف ي شهد 💔
قلته ليهو مستحيل الحجم دة م حجم ماهر الصورة دي مفبركه صح؟
قال لي لو قريتي عن المرض الفقدان المبالغ في الوزن او الزيادة المبالغ فيها واحدة من اعراض المرض الهو مُصاب بيهو،
قلته ليهو بإنفعال لييييهه هو مصاب بشنوو ممكن افهم؟؟؟

سكتت مسااافهه ومسح وشو بي يديهو وضغط على عيونو شديد بي صوابعو وقال لي مصاب بي"إضطراب ثنائي القطب"...💔💔💔

💔💔💔#ذات_عناق_24

لييييهه بستصغرو مشاعرنا ليييييهه بنهون عليهم كدة لييييييهه بس؟😭😭😭😭😭 طيف ولجين كانو حاضنني وببكو معي اما مناسك كانت واقفه وبتعاين للحاله الانا فيها وهي في حاله صدمه ،بعد مسافهه حتى قالت لينا دقيقة افهم !؟في شنوووو انا م فاهمه شهههد انتيييييي؟انتي بتحبي ماهر؟
فهموني ي جماعهه شهد بتحب ماهر بجد؟
كل م مناسك تتكلم كنت بزيد في البكى
قعدت جمبي ونزلت لي يدي م وشي وقالت لي طيب بتبكي مالك؟شهد دة غباء منك انتي غبيهه عارفه لييييهه؟لأنو هو كان اقرب م يكون منك لييييهه م بينتي ليهو مشاعرك؟قلته ليها م بفهم م بفهم حتى البينتها ليهو اتجاهلها واتعامل مع الموضوع على انو عادي م ذنبي م ذنبي ابداً😭😭💔 قالت لي طيب لييييهه م اعترفتي لييهو؟لييييهه م يمكن يكون هو م اتجاهلها بس تصرفاتك م كانت كافيه علشان تبين ليهو حبك ليهو؟لجين قالت ليها قصدك انها تمشي تعترف ليهو؟انتي عارفه انو دة المستحيل بأم عينه؟قالت ليها لييييهه مستحيل؟ليييييهه مكبرين الموضوع وشايفين انو الواحدة لو عملت كدة دي جريمهه عظييييمهه وفاسدة ومُنحله اخلاقياً؟يعني زي م الطرف التاني بجي بصرح بمشاعرو ليييييهه نحن م نصرح على الأقل نرسى على بر ونعالج الموضوع من بدايته بدل م ندخل في المتاهات دي ونتعلق ونصل المراحل البعيدة دي؟الحب دة حاجه لا حول ولا قوة لينا بيها دة شعور تلقائي فكرة انك تعيش في منتصف علاقه دة ابداً م منطق او م مقبول ي اما تعيشها علاقه بكل تفاصيلها او م تعيشها ابداً فكرة انك تبقى وتكتفي بي كونك صاحب للزول الانت بتحبو علشان بس ت

كون جمبو دي حاجه مُهلكهه ومرهقة ومؤذيه وجريمه في حق نفسك لانك حاصر نفسك في زاويه الخطر كيف بترضوها على نفسكم اساساً؟
طيف قالت ليها خلاص ي مناسك💔
مناسك قالت ليها لا م خلاص لو من البدايه لقت زول اداها على راسها وختاها امام الامر الواقع م كانت حتكون بالوضع دة حالياً ابداً،واسي ي شهد اسي إنهيارك م حيفيدك بي شي ابداً وبكاك عليهو م حيرجعو ولا حيعمل ليهو رجول يمشي يحكي ليهو بي وضعك ولا حتشتغل عندو الحاسه السادسه علشان يعرف انتي بتمري بشنو حالياً،علشان م نرجع كم شهر لي ورا ونرجع لنقطه الصفر وتعيشي الحاله الكنتي داخله فيها من فترة ،حاجه كانت بين يديك وانتي بذات نفسك خليتيها تضيع منك اسي الندم عليها م ينفع ابداً هو حالياً اكيد عايش حياتو ومبسوط مع مرتو في اللحظه وعايشين البهجهه اما انتي مرميه هنا تبكي عليه،الخير فيما اختاره الله لنا شهد انتي مريتي بحجات اصعب وعديتيها ف اكيد دة برضو حتتجاوزيهو واصلاً م عندك حل غير كدة لأنو الحياة م بتقيف على زول ابداً م بقدر اقول ليك بكرة حيجي الاحسن منو بس اكيد عوض ربنا حيكون عظيم شديد دي الحاجه المفروض تكوني على يقين بيها❤

مناسك كلامها كان حار بيوجع القلب م كلام زول عايز يواسي لا كلام زول عايز يخت ملح على الجرح علشان يبرى بسرعه وحالتو م تزداد.سؤ،على قدر م كلامها بكاني على قدر م هو كان صح جداً ودة واقع لازم اتعايش معاه واتخطى الحصل دة،انا اتوجعتهه بما يكفي السنوات المضت دي ومفروض بعد كدة افكر بعقلانيه شنويه،ايوة م بنكر اني لازم ادي نفسي مساحتها في انها تعيش وجعها بس كمان لابد من انو الفترة دي م تطول وافكر بعدها انا حابه اعمل شنووو؟؟وعلى الاساس دة قررت اني اكمل وزي م قالت مناسك دة الخيار الوحيد م في يدي شي تاني اعملو،الأيام الاولى على قدر م انها كانت صعبه على قدر م سورة البقرة والتسبيح والاستغفار والصلاة على النبي جبرتني وهونت علي كتير،بقيت ملازمه للعادات دي م كنت بتنافق مع نفسي وقت م.حسيت اني عايزة ابكي ببكي،وقت م حسيت انو مكتيبه بدي نفسي مساحتها بس بعد كل مرة كنت باكد لنفسي اني قادرة اعدي المرحله دي وفعلاً دة الحصل ،م بقدر اقول انو ماهر انقطع مني لا ابداً هو م انقطع كان متواصل معي برسل لي وبسال عني وعن ماما واحياناً بتكلم معي ڤيديو هو وتولين يعني بس احساس انو عايز يوجعني كنت بحسو مع كل مكالمه معاهو يمكن هو م كدة يمكن انا الواهمه نفسي انو عايز يوجعني وخلاص ويمكن ويمكن ويمكن...
هم سافرو شهر العسل تركيا مرة مرة كان برفع صورهم استوري اوقات كتيرة كنت بقرر احذف رقمو علشان م تظهر لي استوريهاتو بس لا كانت في حاجه جواي بتقول لي استوريهاتو دي لازم تشوفيها علشان تقتنعي وتتخلصي من الوهم الانتي فيهو دة وتوعي على نفسك وتكملي وتعيشي حياتك زي م هو عايشها ومبسوط،صورهم كان فيها كميه انعكاس لي سعادتهم بطريقه يتحسدو عليها كل صورة ليهم كانت اعمق من كونها صورة عاديه احساس انو هو مبسوط بيها شدييييد كان طاغي على كل صورهم ،اوقات من سذاجتي كنت بقارن ضحكتو في صورنا مع بعض بصورو هو وتولين بعدين برجع بحزف الصورة حقتي معاه،لأنو صورهم كانهم كانت بتتكلم وبتقول"نحن مبسوطين"كل البقيت اعملو اني اتجنب التواصل معاه او م دايماً برد عليه مرة مرة وهكذا💔

عدو شهرين في تركيا بعد الشهرين دي نزلو السودان ،في يوم انا وماما ومنذر قاعدين ومع ونستنا منذر قال ليها مفروض نعزم ماهر ومرتو غداء ولا م كدة ي امي؟
ماما قالت ليهو اي والله لكن عشان قلته لي ي دوب جو من السفر انا قلته نديهم مهله شويه،قال ليها الليلن الأحد خلاص نعزمهم الجمعه الجايه كيف وكيف؟
قالت ليهو ي ولدي انا م عندي مشكله الف مرحب بيهم طوالي ❤
قال ليها بس خلاص تمام❤

م بقدر انكر انو الخوف اتملكني لحظة سماعي لي كلامهم وقلبي بدا يرف للحظات او لساعات او لأيام كمان بس انو انا اتلاقى معاهو واقيف قدامو واتصرف عادي دة كان بمثابه اختبار لإجتهادي في الشهرين المضو ديل لانو تجاهلي لي رسايلو او استوريهاتو م كافي شديد لازم الحاجه دي اقدر اعملها على ارض الواقع،حكيت لي لجين وطلبته منها تجي معي الخميس البيت علشان تشتغل معانا في الحقيقة فكرة الشغل كانت حجة انا كنت محتاجه زول يقيف جمبي ويقويني علشان م اضعف،صباح الجمعه كنت متوترة شديد كل الوقت داخله ومارقه ومركبه سماعاتي ومعليه الصوت اعلى م يكون وانا شغاله ،خلصنا شغل وكل شي بقى جاهز دخلنا الغرفه علشان نستكين ،اثناء م انا ولجين بناخد وندي في الكلام جاتني غفوة ف نمت ،م صحيت الا على صوت منذر وهو بقول "لا ي هبله م بلبسوها كدة و لجين بتقول ليها اهبل انت م انا استنى وخلي الناس تشتغل شغلها،فتحته عيوني لقيت لجين ماسكه يد منذر وبتلبسو في الساعه بعدها صلحت ليهو الطاقيهه وقالت ليهو كدة ظابط،قال ليها طيب اجيب ليك العمه تلفيها لي وتتمي الناقصه؟ضربتو في كتفو وقالت ليهو اتلهي واللحق الصلاة ي سجم 😶ضحكك وقال ليها طيب يلا،طلع لجين اتلفتت علي رفعته ليها حاجبي،قالت لي

صحيتي متين انتي؟😶قلته ليها من لحظه م انتي بتلبسيهو الساعه حبيباااااهه🌚شالت علبه مناديل إزاله المنكير المبللهه من التسريحه وقعدت في السرير وقالت لي هبلهه💣

نزلته دخلته الحمام استحميت وجيت طالعه صليت وطلعته اتفقدته المطبخ جيت راجعه جرس الباب ضرب ،دخلته بسرعه لي لجين وقلته ليها جا جا ،قالت لي بسم الله ي بت منو ؟قلته ليها جووو،
قالت لي خلاص فهمنا افتحي،
وقفته في مكاني وانا م قادرة احرك ساكن،لما الجرس ضرب كتير نزلت وشالت التوب وطلعت،
في الغرفه بقيت ارجف لا قادرة اقعد ولا قادرة اقيف ولا قادرة امشي جمب باب الغرفه،وانا في الحاله دي جات لجين وهي بتعاين لي بإستغراب،
وانا لسه بعاين ليها علشان تأكد لي جيتهم،قالت لي وعامله فيها استرونق وبتاع دقه باب تهز كيانك كدة عموماً هم لسه م جو ودة منذر جا من الصلاة بس م اكتر😶💔💔

قعدته في السرير حتى اخدتهه نفس ،افكاري جاطت بقيت م قادرة اتخيل شكلي حيكون كيف قدامو اذا انا قبل م اشوفو اتهزيت كدة،م عدت اكتر من ساعه حتى جرس الباب ضرب ،انا كنت في المطبخ لحظه سماعي للجرس،وقبل م اطلع منذر فتح وسمعتو بقول اوووووووو العريس يااااااا وبقى يسلم واظن ماما ولجين طلعو استقبلوهم وانا في مكاني دة حسيت كأنو رشو فيني بنزين وشخطو علي كبريت،بعد 10دقايق من الجوطه الكانت شبه مسموعه حتى جاتني لجين في المطبخ وهي شايله توب في يدها وبتعاين لي من سكات،لفيت وشي منها وانا بقزل ليها رجعته دفيت كل شي علشان م نتأخر في تجهيز الغداء،قالت لي ومفروض م تتأخري في انك تطلعي تسلمي صح؟
سكتت
قالت لي بسأل منك بي لهفهه برة💔
هاك اللبسي اطلعي سلمي عليهم،شلته التوب وانا بلبس فيهو قالت لي م تطلعي دقيقه جاياك،مشت وجات راجعه شايله عطر في يدها قالت لي م ممكن تطلعي ليهم من المطبخ بريحه طبيخك وسجم رمادك صح؟قلته ليها حتطلعي معي؟
قالت لي لشنوو؟
عاينته ليها !؟.قالت لي شهد اهدي مالك متوترة ومخلوعه كدة طيب اوكيه همشي معاك❤
طلعنا كنت ماشه خطوة خطوة وانا سامعه في اصواتهم وهم بضحكو كلهم مع بعض م كنت قادرة افرز بس صوت ماهر كالعادة بالنسبه لي مسموع بالقلب والله💔وصلته الهول عيني وقعت عليهو وهو بضحكك م رفعتها منو لغاااايه م وصلتو قامت تولين استلمتني قبل م اسلم عليه حضنتني وبقت تقول لي مشتأاااقين والله❤قلته ليها حبيبي كتير والله ممدلله على السلامهه،قالت لي تسلمي ❤جيت اسلم على ماهر وقف على حيلو كان لابس جلابيهه سمنيهه ومعاها طاقيه فيها شغل بالسمني الموقف كان لا يحسد عليه صراحه قبل م ابدي اي تفاعل قال لي شهد عبدالله❤كيفك ياخي مشتاقين ي زوله،قلته ليهو تمام الحمدلله انت كيفك؟قال لي الحمدلله ومالك ي زوله عيانه ولا شنو عيونك واقعه كدة؟
قلته ليهو لا والله جاريه الجامعه بس يخخخ،قال لي لا انتي جرسه شديدة عشان كدة😂💔
قعدو يضحكو ،رجعته المطبخ اخدته نفس عميق وانا بقول استغفرالله العظيم ي رب استغفر الله،جات لجين لاحقاني قالت لي الضيافه جاهزة؟قلته ليها شيلي ليهم المويه العصير لو شربوه م حيقدرو ياكلو تاني اكتفي بتقديم الشوكلاته والمعمول بس❤قالت لي اي احسن،
م مشيت قعدته معاهم انشغلته بتجهيز سُفرة الأكل ومعي لجين اما هم منذر وتولين وماما وماهر كانو ماخدين راحتهم في الونسه حقيقه م كنت مركزة غير مع صوت ماهر والبقولو حفظته كلامو حرف حرف💔شويه كدة منذر لما شافنا طالعين وداخلين كتير قال بصوت عالي طبعاً ي جماعه كتير خيركم الليله في ناس بقو نسوان ودخلو المطبخ واشتغلو بي مسؤليه كبيرة خلاص،قعدو يضحكو لجين قالت ليهو اي وفي ناس الله بس مقدرهم على التنظير وهم ساعه م بعرفو يلبسوها براهم 😶ماهر هنا ضحك بصوت عالي وتولين قالت ليهو والله ي منذر م شماته لكن شكلك انضربتهه😂😶💔 جهزنا السُفرة وطلبنا منهم يجو علشان كل شي جاهز ،تولين قالت لينا وين الحمام ممكن علشان عايزة اغسل يدي،
انا م فتحته خشمي لاني كنت بعاين ليها"كانت لابسه بنطلون مع البودي وتونك ورافعه شعرتها واحدة لفوق ومتمكيجه مكياج م اووڤر يعني حلو عليها ولافه الطرحه حوالين رقبتها وم متحننه،لجين قالت ليها تعالي ساقتها ومشت شويه كدة لجين جات راجعه ،طلعنا على الصُفرة ماهر كان برضو ماف بس في انا وماما ومنذر ولجين،لجين قالت ليهم لسسسه م جو؟منذر قال ليها ياهم جو اتلفته عليهم كانو جاين مع بعض وبضحكو ،هنا برضو انا سرحته،القعدة حقت الغداء كانت اسوا م يكون ،تولين م سكتت تضحك وتاخد وتدي مع دة ويفتحو موال وتحكي موقف حصل ليهم و...لغايه م في لحظه قالت لي طبعاً ي شهد يوم بنشرب في بيبسي وكان بارد شديد فجاة ماهر قال لي والله البيبسي دة ناقصو اقاشي وشهد وجنها بيهو😂😂😂😂😂💔
هي ظريفهع؟لا هي عامله ظريفهه وبتخفف في دمها وهي اصلاً م بتنطاق😶💔
منذر قال ليهم الجابكم شنو يخخخ كان تاخدو ليهم 4شهور على الاقل في تركيا دي،تولين قالت ليهو وريهو ي منذر وريهو عليك الله جابني من اول شهرين وقفلني في البيت 😶💔ماهر ضحك قال ليهو الشغل الشغل ياخ لو م كدة كنا

عدينا اكتر من 4والله😂💔قالت ليهو دي عواقب انك تعرسي راجل بحب الشغل شهد ولجين انصحكم اوعى تتسيكو زي عرسو رجال بحبو السفر والطلعات والنزلات وهكذا🌚ماما ضحكت قالت ليها ي بتي لكن الشغل دة لا بد منو عاد لو م اشتغل يسفرك ويطلعك من وين😂😂😂😂💔ماهر قام باس ماما في راسها مساااافه وقال ليها حاخليها معاك اسبوع علشان تشرحي ليها الموضوع دة لأنو نحن مما جينا في الموال دة😂منذر قال ليهو مشغلنها ليك ي اصلي😂💔تولين قالت ليها لا ي خالتو انتي معي ولا معاهو؟م يرشيك بالبوسه دي كلنا بنعرف نبوس قامت من محلها وباست ماما في خدها مساااافه وقالت ليها يلا ي خالتو قولي انك معي،
منذر قال ليهم رشاوي تقيلهه😂💔
ماما قالت ليهم الاتنين اولادي انتو عاد بدون رشوة انا اقعدكم معي في البيت ال2 واديكم دروس😂😂😂💔

انا م قادرة اصدق انو القعدة دي خلصت كيف لغااايه م طلعو انا كنت منزله راسي في صحن واحد وباكل من صنف واحد دة غير القعدة البعد الغداء والاستظراف الكان قاعد الحمدلله على وجود لجين جمبي
...

في بعض الأحيان في أبواب بتتفتح كده وهي م كان متوقع انها ترجع تتفتح تاني ، وانت تتخيل إنو القصهه لسه ماخلصت وتتهيئ انو العلاقه حترجع تاخد شكلها الطبيعي من جديد والمشاعر الكانت موجوده جواها بنسبه ضئيلة جدا حتبدأ تظهر وتزيد كمان بس للأسف الموضوع دا لو انت خليتو يحصل بيظهر تاني عشان تاخد ضربه تأكد ليك إنو الباب دة اتقفل نهائيا وانو العلاقه الإنتهت بعد الالاف الفرص ماينفع ترجع ،علشان كدة اخد بالك كويس في نهايه اي علاقه واتعلم انك وقت ما تقفل باب ارمي مفتاحو عشان ليالي الشوق والحنين والذكريات صعبهه شديد وبتستغل ضعفك وممكن تجبرك تقلل من نفسك بسببها علشان كدة زي م قلته ليك لما تقفل باب اقفلو نهائيا مش قفله بتاعه ترقب لرجعت الزول دة انصاف الحلول م حبابها ابداً ووجع ساعه ولا كل ساعه...💅💔الحاجه دي مفروض كان اكون واعيهه بيها من لحظه مشكلتي مع حسام م كان مفروض استنجد بي ماهر م كان مفروض ارجع علاقتي بيه وارجع اتعلق بيها من تاني ابداً ودي اكبر غلطه ارتكبتها وفاقمت الموضوع سؤ،
وعلى الاساس دة انا قررت اني ابعد من ماهر نهائياً واقطع علاقتي بيييه بشكل متدرج واقفل الباب دة من اساسو والرهيفهه التنقد...

........
شهد في فترة ما اتغيرت شديد م كان التغير ملحوظ فيها بس بالنسبه لي انا بلاحظ اصغر تفاصيل شهد ،م كانت متواصله معي بشكل دايم حتى لما اعاتبها كانت بتتعذر بأعذار واهيه م ليها اساس من المنطق لا مش كدة وبس حتى محاولاتي في اني عايز اللاقيها واقعد معاها كانت بتصدها بالف عذر كانت عندي هدايا جايبها ليها معي ومفروض اسلمها لي ف هي دايماً على مول م عندي زمن مضغوطه في الجامعه و...قلته ليها ي شهد لو سيدة اعمال م عرفناك حتقولي شنو قالت لي بي ضيق م سيدة اعمال بس انسانه مسؤله يعني دة غلط؟قلته ليها طيب اوصلها ليك البيت؟قالت لي لا عاين انا ممكن اخلي لُلجين تتلاقى معاك وتاخدهم منك طالما انت مُصر كدة مش عايز توصلهم بس وخلاص؟...💔،بقيت دايماً في حاله عتاب زن عليها وعتاب وشكل وتشغيله معاها وهي كانت بتواجه كل الحجات دي بكل البرود الفي الدنيا وعادي بقت تتفادى عتابي ليها بي كلمه"اوكيهه،طيب ،و👍او انو ارسل ليها وهي تكون اونلاين ورافعه استوريهات وم ترد عادي الموضوع بالنسبه لي بقى مستفز وفايت الحد خصوصاً انو م فترة بس لو فترة ممكن نقول نفسنه بنات من نفسنتها الانا بعرفها بس لا بقى مستمر للدرجه اللي محادثاتي معاها بقت كيفك؟
الحمدلله وانت؟
تمام الحمدلله
يعني خمول وبهتان واحساس بي انك زول ثقيل وم بتفهم و...الخ احساس بايخ شديد لما تكون انت الطرف التمسك وفارض نفسك ك زول طبيعي م حتقدر تستحملو كتير حتى ولو حاولته وجاهدته نفسك حيجي يوم وتقول لنفسكStop واذا اتماديت في التمسك بس عشان تثبت لي نفسك انو انت عملته كل البطلع بيدك علشان تتمسك بالزول دة وم يكون عليك عتب عليها
في يوم لما وصلته معاها الحد وعلى مبدأ الهظار كدة قلته ليها ي زوله انتي ارتبطتي ؟😂😂😂
اليوم الوحيد الردت لي فيهو على طول وقالت لي يب🌚
قلته ليها جد؟
قالت لي ايوااااان❤
قلته ليها يعني دة نعتبرو سبب من اسباب التغير دة؟
قالت لي انا متغيرة؟
قلته ليها انتي شايفه شنوو؟
قالت لي انا م شايفه اني متغيرة ابداً❤
قلته ليها غريبه بس انا شايف غير كدة تغير 180درجهه كمان
قالت لي اوكييييهه طالما انت شايف كدة تبقى دي مشكلتك.م مشكلتي👍
قلته ليهو المعنى؟
قالت لي تفهم زي م تفهم 😊
هنا انا جد م عارف اذا كنت صح او غلط بس اي زول مكاني كان حيفصلها من سكات ودة العملتو ردة فعلي كانت انو انا ارسل ليها دة👍وعلى كدة م بتذكر انو تاني حصل بينا تواصل كدة ممكن يتقال عليه رغم انو تواصلي مع منذر اخوها كان نوعاً ما مستمر...
..........

عدت 11شهر،11شهر لا تواصل مع ماهر ولا كلام ولا حتى سيرتو اعتقد اني نجحته تماماً في اني امنع اي تواصل ممكن يحصل بيني وبينو او حتى اي طريق ممكن

يوصلني ليه،حاربته نفسي بكل الطرق علشان م اضعف ،انشغلت بحجات كتيرة سافرته الامارات 3مرات عديت فيها فترة ،نزلته كورسات انجليزي وطورته نفسي فيهو شديد ف بقت شبه م عندي مشكله فيهو ابداً وبديت اتعلم فرنسي، كنت بفكر اني بعد م اتخرج مباشرة امتحن الايلتس،ف بقيت مجتهدة شديد بخصوص الموضوع دة حتى بديت احضر كورسات الامتحان اونلاين واختبر نفسي فيه ،ناس بيتنا واخواني م كان عندهم اعتراض على اني اخد المنحه واسافر،اضافه لي اني عملته لي متجر إلكتروني بوفر فيهو طلبيات ملابس بخلي مجتبى يوفر لي الطلبيات من الإمارات من موقع وبعرضها وبتتاخد والشغل كان ماشي حنين معي وغيرته عربيتي من شغلي دة بس ،ورجعته شغلته قناتي بتاعه اليوتيوب وبقيت بعمل ڤيديوهات ميك اب وهكذا، اقتنعتهه انو في اي فترة صعبه تمر عليك في حياتك لو م استفدته منها م تسمي نفسك انت كسبان علشان اتخطيتها،لانو كل م تعدي عليك مشاكل وضغط في حياتك كل م زادتك قدرتك في الانجاز ومقدراتك بتضاعف ف كل م شغلته نفسك بي حجات انت ممكن تستفيد منها كل م حتتخطى المرحله بسرعه ❤💅💣
وبكدة اهو حالي بقى ماشي وشبه مرتاحه في حياتي على الأقل ماف شي تاعبني نفسياً م بقدر اقول اتجاوزتو لاني على قناعه انو شي غير قابل للتجاوز وم محتاجه اتجاوزو ابداً بس صنفتو ك فترة كانت في حياتي وعدت بخيرها وشرها ودي متطلبات الحياة كدة،دي كانت السنه الاخيرة لي في الجامعه وانا خريجه ومشغوله م بين الدراسه ومشروع التخرج بتاعي،لسسه ي دوب كنت في بدايه سمستر 9 بس كنت مجتهدة فيه شديد من بدايتو علشان م عايزة المواد تتراكم علي ونحن علينا ضغطه مشروع ،في يوم طلعته من الجامعه مصدعه شديد وانا راجعه على البيت جاتني مكالمه من رقم غريب،المكالمه اتكررت مرة واتنين وتلاته والرقم دة م غريب عندو قريب الاسبوع واكتر بتصل وانا م برد ف الموضوع بقى مزعج رديت الووو؟قال لي السلام عليكم،قلته ليهو وعليكم السلام منو معي؟
قال لي معاك زياد و...
فجأة الاشارة شبه قفلت وفي عربيه قدامي هدنت وانا حكيت فرامل التلفون وقع من يدي،على صداعي داك نزلته من العربيه واتشاكلته مع القدامي واصلاً انا الغلطانه م هو بس حراق روح مني ساي عملتها شكله 💔رجعته البيت وقعدته اشكي لي امي ومنذر بي نرفزة،منذر قال لي هي لكن انتي لو م بتعرفي تسوقي وم بتشوفي قدامك يعمل ليك هو؟انتي الرخصه دي مدنك ليها في زقاق بيتنا؟
قلته ليهو انننننننننن اتلهي😒قال لي امي شايفه دي نبذه من الاشكال القاعدين نعاني منها في الشوارع بلكات وعوارض ياااخ لا وكمان عاملين فيها حريفات وهم ساسهم من راسهم م عارفنو 😶💔💔💔قلته ليهو م حأرد ليك اسي لمن افضى اسي مصدعهه💅💔 بعد اسبوع من الكلام دة تاني نفس الرقم رجع اتصال لقيت منو مكالمات كميه حيرني في امري طبعاً،م حاولته ارجع ليه قلته بس ياخ دة شنو الثقيل دة،م لحقته اخت تلفوني على جنب تاني رجع اتصل ،فتحته الخط على طول الووو؟
قال لي السلام عليكم،قلته ليهو بي زهج وعليكم السلام منو معي؟
قال لي شهد عبدالله؟
قلته ليهو ابوة شهد عبدالله منو معي؟
قال لي اسف جداً اني مكرر اتصالاتي وعارف انو الموضوع مزعج جداٌ بس ضروري جداً اتكلم معاك
قلته ليهو اوكييهه اسي انت بتتكلم.معي منو معي؟
قال لي معاك زياد عمرابي،م بتعرفيني شديد بس في صدفه جمعتنا مرة واحدة اعتقد م اكتر
قلته ليهو طيب ي زياد ممكن تختصر وتقول لي عايز شنو وسبب المكالمات دي كلها شنوو؟
قال لي لازم اتلاقى معاك لو عندك طريقه الموضوع ضروري شديد واكتر من ضروري وي ريت لو اليوم عندك زمن وصفي لي بس مكانك وانا بجيك لغااايه عندك
قلته ليهو دقيقه دقيقهه ي حبيب اتصلت وقلنا معليش كررتهه اتصالاتك برضو كلنا معليش ورديت عليك واتجاوبته معاك بس نتلاقى؟اللاقيك بصفتك منو وعلشان شنووو؟
قال لي طيب يمكن انا م اتوفقته في انو اعرفك على نفسي انا صاحب ماهر الزيني بتزكر يوم وصلتك انتي وصحبتك بيتكم يوم حفله الحنه بتاعتو،تعبتهه شديد عشان اللقى رقمك عندي حكايه بتاعه كم شهر وانا بفتش م لاقي اي طريقه توصلني بيك💔
فضلته ساكته تاني ماهر؟تاني ماهر؟
لا مستحيل افتح الباب دة تاني
قال لي الموضوع اكتر من مهم ي شهد ف بس وريني وين ممكن اللاقيك وانا بجيك اسي م حاخد من زمنك كتير عايز اتكلم معاك في موضوع مهم شديد💔
بعد مسافه قلته ليهو بي صوت مبحوح اناااا والله حالياً م عندي زمن يعني ممكن تتكلم بالتلفون
قال بي لو ينفع كان قلت بس م ينفع لازم اللاقيك والله العظيم تلاته في غايه الاهميه ي بت الناس ف علشان كدة اديني من زمنك ولو نص ساعهه وم تكلفي نفسك تجيني انا بجي لغااايه عندك في اي مكان تقولي عليهو💔
احترته طبعاً الولد كان مُصر شديد شويه كدة وحيبكي لي في التلفون كان من اصرارو،م خلى لي عذر ارفض بيهو قلته ليهو طيب اليوم صعبه بس بكرة انا حأمشي الجامعه يومي ملان بس ممكن نتلاقى نهايه اليوم؟
قال لي جداً نتلاقى نهايه اليوم بتخلصي الساعه كم انتي؟
قلته ليهو 4،قال لي طيب انا 4وربع بك

ون عندك اي جامعه؟
قلته ليهو جامعه ال...
قال لي تمام طيب قبليها بي وقت بتصل عليك،قلته ليهو ماشي،
بعد م قفلته الخط الافكار والاستفهامات بقت تتطاير في مخي وبقيت في قلق يعني انا فترة الشهور المضت دي كلها عديتها بسلام لغااايه م جا اسم ماهر الزيني تاني في حياتي جاط افكاري،
كل شويه بسأل نفسي سؤال ي ربي ماهر اداهو رقمي وقال ليهو اتوسط لي وشوفها مالي؟
ولا ي ربي قال ليهو حنكها وشوفها حتوافق بيك ولا لأ؟
م اعتقد ماهر يعمل كدة بس ماف شي بعيد عليهو الاولاد ديل كلهم كدة💔
يمكن وجعتو قصه انو نحن عندنا سنه وكم شهر فاصلين ف قال ليهو جِس لي نبضها وكذاا،عموماً اياً كانت افكارو هو وصحبو حأديهو من الأخر ،طلعته من البيت مشيت عمارة الدهب اشتريت لي دبله بي محبسها،ورجعته بيتنا الليل م نمت بحسب في الساعات واليوم نهائي م مشى،الصباح صحيت بدري على عكس عوايدي لاني كنت اخر من يصل المحاضر وكمان بتكون على وشك انها تخلص💔جهزته نفسي وطلعته على الجامعه وبرضو الساعه كانت ماشه ابطأ من السلحفاة💔انشغلته مع يارا اللي هي صحبتي الجديدة في الجامعه بما انو ناس لُجين اتخرجو ف كان لازم يكون عندي زول اقضي معاهو زمني💔في لحظه كدة ونحن قاعدين وبناخد وبندي في الكلام تلفوني ضرب فتحتو مستعجله لقيتو نفس الرقم لمن عايزة ارد تاني قُلت لا علشان م يقول كانت منتظراني وكدة، خليتو يتصل مرة واتنين في المكالمه التالته حتى رديت عليه قلته ليها الووو؟
قال لي السلام عليكم
قلته ليهو وعليكم السلام
قال لي انا جمب الجامعه ف لو جاهزة انا منتظرك
قلته ليهو طيب تمام ،قعدته شويه مع يارا قلته ليها انا في زول منتظرني برة،قالت لي زول منتظرك شهد ربطتي من وراي؟خنتي العهد ي شهد؟
قلته ليها يربطك كلب انتي هبله المهم انا ماشه احتمال م ارجع الجامعه هنا يلا باي،
قالت لي طيب لما بكرة نشوف الموضوع شنو
قلته ليها بلا موضوع معاك💅💣💔
شلته شنطتي دخلته الاستراحه رتبته نفسي وطلعته لما وصلته باب الجامعه طلعنهوالدبله والمحبس لبستهم ،وقفته في الشارع برة اتصلته عليه قلته ليهو انا برة،قال لي اوكيه خليك معي فجاة شوفت زول نزل من عربيتو ورفع لي يدو،جا علي كان لابس قميص كحلي غااامض بي بنطلون سمني ولابس نظارة شمس سوداءء.سلم علي بي طريقه كدة حلوة شديد كانو بعرفني عرفه شديدة م عرفه عابرة،قال لي اخييييراً ي شهد والله م عارفه انا عانيت كيف عشان ألم فيكك💔💔ابتسمته ليهو💔قال لي اتفضلي،قلته ليهو وين؟قال لي على العربيه نشوف لينا اقرب كافيه او مكان نقعد فيه،قلته ليهو لا ممكن نتكلم هنا،طلع النظارة بتاعتو قال لي صعبه شديد هنا وعلى الواقف كدة،قلته ليهو طيب انا معي عربيتي م ينفع انو...قاطعني وقال لي حنمشي ونجي راجعين لي عربيتك م حنتأخر ،اترددت طبعاً،قال لي مشينا؟
م قدرته احرجو قلته ليهو طيب💔فتح لي باب العربيه ركبته وركب هو واتحركنا،قال لي عارف نفسي ضغطتهه عليك شديد بس مجبور والله اعفي لي💔قلته ليهو العفو ،قال لي كيف انتي والاهل كلهم ان شاءالله طيبين؟
قلته ليهو الحمدلله،فضلته ساكته وهو ساكت لغاايه م وصلنا مطعم كدة وقف قدامو وبركن ،نزلنا دخلنا المطعم قال لي تشربي شنو ي شهد؟
قلته ليهو ولا حاجه شكراً
اشر للويتر وقال ليهو 2مويه 1قهوة و واحد عصير على زوقك،
قال ليهو طيب
بقيت اعاين ليهو نفس طباع ماهر الجادة وعدم التفاهم،
شويه كدة قال اخخخخ دقايق بس هطلع برة عندي حاجه اجيبها من العربيه واجي راجع م بتأخر تمام؟
قام مشى هنا انا في بالي شبه اتوضحت اللعبه القذرة م خطر على بالي الا انو حيجي داخل ومعاهو ماهر او هو حيمشي وماهر حيجي داخل وطبعاً علشان نحن في مكان عام انا م حأعمل قصهه بس يلا كويس انهم عملو معي كدة علشان اتم الناقصه مع ماهر💅💔زعلته واتعصبته شديد لدرجه انو حسيت الدم وقف من راسي، وانا في الحاله دي وبهز في رجولي ومترقبه دخله ماهر وصحبو زياد فجأة زياد جا داخل وشايل حاجه في يدو وانا لسه بعاين وراه مترقبه دخله ماهر لغايه م وصلني قال لي اسف اتأخرته،قلته ليهو لا م مشكله،قال لي م جابو الطلب لسسه؟اشر لواحد من الويتر قال ليهو ياخي نحن طلبنا ولسه في مشكله؟
الويتر قال ليهو دقايق بس حتكون معاك
قال ليهو طيب، وترني طبعاٌ بقيت بهز في رجلي بزيادة،كان جايب معاه لابتوب ماركه "أبل"صغير ختاهو قدامو،قال لي شهد بي تنهيدة كدة،قلته ليهو نعم
قال لي ماهر كيف؟
طبعاً عديت كم ثانيه علشان استوعب السؤال بعدها قلته ليهو كيف؟
قال لي ماهر كيف؟
قلته ليهو م عارفه بس مناسبه السؤال شنووو؟
قال لي اممممممم يعني م متواصله معاه؟
قلته ليهو هو قال ليك تسألني الاسئله دي؟
قال لي لا انا بسالك عشان عايز اعرف
قلته ليهو انت مش صحبو؟اكيد عارف هو كيف وكل اخبارو معاك❤
قال لي وانتي كمان صحبتو ولا م كدة؟
فجأة الويتر جاب الطلب نزلو ومشى
قلته ليهو طيب مناسبه الاسئله دي شنوو؟
قال لي انتي قريب م اتواصلتي مع ماهر ابداً؟
قلته ليهو أمممممم والله بدون مبالغه ماهر دة انا عندي منو فترة طويلهه شد

يد وتواصلي معاه شبه انعدم
قال لي لييييهه ؟
قلته ليهو ماف سبب محدد مشغوليات الحياة بس والله هو بقى زول متزوج وعندو مسؤليه بيت وشغل وهكذا وانا مع الدراسه اوضاعنا اختلفت دي كل الحكايه بس برضو مُصرة اعرف سبب الإسئله دي شنووو؟
ضحك ضحكهه خفيفهه كدة وقال لي يعني ماف اي طريقه تواصل لا من بعيد ولا من قريب بينك وبين ماهر ولا عارفاه وين ولا الحاصل معاه شنووو؟
هزيت ليهو راسي بي نفاذ صبر بمعنى "لا"

فضل ساكت مسااافه وهو ماسك الملعقه وبلخبط في القهوة وهو سرحان بعد سكتتو دي بزمن قال لي عندك علم انو ماهر مختفي ي شهد ؟
رفع عينو عاين لي وانا بعاين ليه،قال لي عندو حكايه شهر م معروف ليه اثر،
قلته ليهو كيف يعني؟اكيد مع اهلو في الإمارات او كذااا
هزة لي راسو بمعنى لا💔
قلته ليهو لو م مع اهلو حيكون مع مرتو تولين في تركيا او اي بلد تانيه م قصهه كبيرة يعني
ضحكك ضحكه حزينه وقال لي مرتو ؟ههههههه لا واضح جداً انو ماف اي تواصل بينك وبينو ابداً،
بقيت اعاين ليهو بي حيرة قلته ليهو ليييه في شنو؟
قال لي انفصل من مرتو عندو فترة ي شهد،وم كدة وبس خلا الشركه ومسؤليتها كلها رماها في ضهري وكميه بتاعه خسارات وديون في الشركه كل م نغطيها ترجع تتراكم نسبه لي انو الشغل م ماشي ابداً لانو الشغل م بمشي بدونو ،خليك من الشركه م مهمهه احكي ليك عن ماهر نفسو،ماهر من فترة ي شهد وضعو بقى متدهور جداٌ،بقى يتعاطى كل اصناف المخدرات بنقو حبوب ملصقات والسكر اي شي بقى يشربو ،
طبعاٌ بقيت اعاين ليه ببرود احساس انو دي تمثيليه وانا م مصدقهه💔قال لي بعد وفاة ابوهو اتشخص بي مرض نسبه للصدمه الدخل فيها والطريقه المات بيها ابوهو كانت سبب رئيسي في كدة بعدين المعاناة العاناها من عمو اللي هو اتزوج امو بعد وفاة اخوهو زادت حالتو سؤ عارفه ليه ي شهد؟لانو ماهر عاش افظع انواع العذاب من ضرب لي حبس لي غيرو ووصل بيهم الحد انهم كانو بربطوهو بالجنازير في غرفه وبقفلوهو عادي يوم يومين ، الجنزير دة نفسو كان بنضرب بيهو متخيله معي زول يضربوهو بجنزير الحديد ؟
حصل ليهو كل دة في فترة هو كان في اسوأ حالاتو والمفروض كان يلاقي اليد البتطبطب عليهو بس حصل العكس هو زول كان متعلق بي ابوهو شديد انتي فاهمهه يعني ابوهو دة كان فردتو وصحبو قبل م يكون ابوهو ف هو م كان بالقوة التخليهو يتحمل التحول الكبير دة في حياتو ابداً ، وكان متابع مع دكتور في الإمارات حالتو كانت شبه مُستقرة رغم التقلبات الكانت بتجيهو بس برضو كان لا بأس بها بي وقفه عمو الكبير معاهو ،بعدين نزلوهو السودان هنا بالغصب علشان يمتحن الشهادة السودانيه وي ريت لو م نزلوهو لأنو الموضوع إتفاقم اكتر واكتر اجرمو في حقو عديل لأنهم اكتفو بي انو يوفرو ليهو كل احتياجاتو الماديهه بس بالمقابل خلوهو في بيت طويل عريض عايش براه الموضوع زاد سؤ احساس الوحدة بالنسبه لزول في وضعو كان اقل التوقانتحار،عدم،عدم اهتمام من كل النواحي ام عايشه حياتها بالطول والعرض بدون اي مراعاة لي وضع ولدها او حتى تفكير فيهو،
فرغت نفسها لي تربيه اولاد راجلها ونست انو عندها ولد حوجتو اكبر من ديلك بمراحل للأسف💔
م عارف العاشو شنو في فترة نزولو السودان هنا علشان يمتحن شهادة بس حرفياً بعدها رجع اسوأ من كل النواحي ،عندك علم انو ماهر امتحن بس م قرا جامعه ابداً؟
قلته ليهو بخلعهه كيف؟؟
قال لي رغم النسبه بتاعه ال88،9الجابها م دخل جامعه ابداً،حتقولي لي هو مبرمج وكيف و...حأحكي ليك قبل م تسألي من نحن في الاساس ماهر عندو حب التكنولوجيا حب القعدة قدام الكمبيوتر والألعاب و...الخ لما جينا للإجازة المنها ونحن ماشين على الثانوي عندو صاحب ابوهو الله يرحمو هو الاقترح علينا كورسات التصميم والمجال دة انا م ركزته مع الموضوع كتير بس ماهر على حسب حبو للمجال دة اتحمس واستفاد شديد عارفه انو من اول كم شهر اجتهد وابدع وبقى عندو حساب بنكي بصمم فيهو مواقع وببيع وبتنزل ليهو قروشو بالدولار والعمله الصعبه؟يعني هو زول كان صغير بس ذكي جداً وبالممارسه بقى بعيد شديد في التصميم والقروش الكانت بتجيهو م هينه وابوهو كان مشجعو شديد على المجال دة وداعمو وفر ليهو كل الاحتياجات الممكن تساعدو من لابتوب لي غيرو طبعاً ماهر كان من النوع اللي م بترفض ليه طلب ف اخد نصيب عظيم من كل شي في الدنيا دي،بس بعد وفاة ابوهو كل موازين حياتو اتدهورت ،
طبعاً انا قاعدة وبحاول استوعب الكلام الهو بقول فيهو دة
قال لي الفترة الوحيدة البقدر اقول فيها انو ماهر استقر فيها نفسياً بحق وحقيقة من وفاة ابوهو هي فترة وجودك انتي في حياتو ي شهد والكلام دة انا بقولو بعد م ربطتهه كل الاحداث ببعض،حتى بتزكر انو كثف جلساتو العلاجيه وكان كل شهر بسافر علشان يراجع الدكتور حتى الدكتور وقف منو الجلسات وبقى يتابع معاه بالتلفون مرة مرة ،تأكيداً لكلامي بتذكر انو في فترة م عارف الحصل بينكم شنو المهم اختلفتو فترة سنه بالتقريب او اقل المهم في الفترة دي انتكس ووضعو كان رجع

اتدهور وبدأ.يتعاطى ويشرب بس على الأقل الفترة ديك كان محافظ على وجودو في شركتو وم كان بالسؤ بتاع اسي دة ابداً ،واسي جيت عشان اتاكد اذا في ولا مافي تواصل بينكم ودة السبب الخلاني اللجأ ليك عشان اقطع الشك باليقين ،قبل م يختفي بي كم يوم اتقبض سكران اخدوهو السجن اتجلد وجيت كفلتو وطلعتو ،عارف انو انتي حالياً بتشوفي كلامي دة شبه مستحيل وواثق انو ماهر م حصل جاب ليك سيرة عن تفاصيل حياتو واصلاً مستحيل يحكيها هو بفضل يموت بي معاناتو دي براه ولا يحكي لي زول انتي فاهمه انو بخاف علينا منو؟،
لسسسه كنت ساكته وبعاين لي وبحاول اربط الاحداث انا كمان علشان فعلاً م حصل ماهر حكى لي عن جامعتو حتى لما اجيب ليهو سيرتها بغير الموضوع ولا حصل مرة حكى لي حياتو ولا اي شي بخصو ،
في سكتتي ديك فتح اللابتوب بتاعو وعاين فييه مسااافه حتى قال لي دي اخر صورة لي ماهر اخدتها ليه قبل م يختفي بي كم يوم اتجه اللابتوب على اتجاهي عاينتهه للابتوب وانا مصدومه ومقلعهه عيوني م قادرة اوصف المنظر الشوفتو لا دة م ماهر مستحيل ،مستحيل انتو فاهمين بقى عبارة عن حاجه كدة ضخمه اقل شي 100كيلو ،ضحكته ليهو بإستهتار قلته ليهو مستحيل اكيد الصورة مفبركهه،
بقى يعاين لي وهو ساكت نظام بأكد لي انو لا الصورة حقيقيهه،
قلته ليهو دة ماهر؟انت بتهظر صح
قال لي للأسف ي شهد 💔
قلته ليهو مستحيل الحجم دة م حجم ماهر الصورة دي مفبركه صح؟
قال لي لو قريتي عن المرض الفقدان المبالغ في الوزن او الزيادة المبالغ فيها واحدة من اعراض المرض الهو مُصاب بيهو،
قلته ليهو بإنفعال لييييهه هو مصاب بشنوو ممكن افهم؟؟؟

سكتت مسااافهه ومسح وشو بي يديهو وضغط على عيونو شديد بي صوابعو وقال لي مصاب بي"إضطراب ثنائي القطب"...💔💔💔

💔💔💔

يوميا" علي قناتنا الثانيه هترشات وروايات
حلقات يوميه من الكاتبه مباشره

https://tttttt.me/joinchat/AAAAAD3Q1G-dzPGrQD8kdQ

#ذات_عناق(25)
#شهد_عبدالله

سكتت مسافهه ومسح وشو بي يديهو وضغط على عيونو بي صوابعو وقال لي"إضطراب ثنائي القطب"💔
قلته ليهو ودة شنووو كمان؟
قال لي نوع من انواع الإكتئاب بخليك متقلب يعني اسي ممكن تكون معي مبسوط شويه تدخل في نوبه اكتئاب وهكذا،دقيقهه
اخد اللابتوب لفترة دقيقتين ورجعو لي قال لي دة شرح مفصل عن المرض،فضلته ساكته مسااافه وانا بعاين للابتوب بعدها ودموعي جاريهه عيني وقعت على كلمه"انتحار"
قلته ليهو بصوت عالي ماهر م حيكون انتحر صح؟مستحيل يكون انتحر؟!
عاين لي وهو ساكت من غير م يبدي اي ردة فعل بتوحي بالنفي💔😭
قال لي الأكيد في الموضوع انو م طلع برة البلد ي شهد لأنو جوازو واوراقو الثبوتيه كلها موجودة في البيت،انا م خايف من قصه انو اختفى لانو عادي هو مرات بيختلي مع نفسو فترة وبجي راجع انا خايف من الحاله الهو اختفى بيها لانو وضعو حرج شديد المرة دي،
قلته ليهو طيب م سالته يعني اصحابكم واهلو وكدة،
قال لي ماهر م عندو اهل متواصل معاهم شديييد على الصعيد الشخصي هنا في البلد دي في حاجه بعملها انو كل فترة وفترة بلف على جزء او فئات محددة من اهلو وبياخد ليها مستلزمات بيت من مواد تموينيه لي غيرو احساس انو بعمل الحجات الكان زمان بعملها ابوهو وكدة،اما اصحابنا كلنا واقفين على رجل واحدة وبنفتش حتى بلاغات في الاقسام رفعناها وبقينا في حاله ترغب بس،قلته ليهو لييييه م كلمتني من لحظه م اختفى؟قال لي انتي اخر واحدة خطرتي على بالي م اكذب عليك اضافه لي انو انا م كنت لاقي اي طريقهه تلمني بيك تلفونك دة لميت فيه بعد طلوع روح،قلته ليهو كنت تجي بيتنا انت عارفو وين؛!!!
قال لي المهم ي شهد انا لجاتهه ليك نسبه لي انو انا متوقع تحت اي لحظه ماهر يرجع انا احتياجي ليك بعد رجعه ماهر لاني حاولته بكل الطرق اني اقنعو بي انو يرجع يتواصل مع الدكتور ورفض ،سكتت مسافهه وقال لي واحدة من اسباب طفشتو دي يمكن تكون ضغوطاتي عليهو في موضوع العلاج انتي يمكن يستجيب لكلامك ف احتماليه انو يرجع اكيدة عشان كدة انا مُستبق الاحداث وجاي طالب مساعدتك
💔قلته ليهو نحن حننتظر لمن يظهر براه؟يمكن م يظهر،يمكن يعمل حاجه في روحو انت شايف المرض قال اخر مراحلو الانتحار وانت بتقول انو هو طلع في اسوأ حالاتو يعني كل التوقعات واردة😭💔
قال لي طيب اهدي ي شهد م كدة نحن كدة م حنحل مشكلهه💔فضلته ساكته وببكي ،قال لي بعد كدة ما عندي شي اقولو ممكن نطلع عشان اوصلك؟!
قلته ليهو طيب،طلعنا وصلني الجامعه وانا الدنيا دي ضاقت بي خلاص راسي بقى لافي م عارفه اعمل شنو ولا اقول شنو ولا فكرة في راسي مافي💔وصلني الجامعه قال لي زي م قلته ليك البكى م حل نحن نتفائل بي انو يكون بخير ويرجع بعدها كلو بهون،م فتحته خشمي بكلمه،قال لي حأكون على تواصل دايم معاك واوريك التفاصيل اول بأول تمام؟هزيت ليهو راسي بمعنى تمام،نزلته من العربيه وانا م مستوعبه كل الاتقال دة معقوله؟ماهر ؟حاصل معاه كل دة وانا اخر من يعلم ؟قدر شنو الحياة دي تافهه ي جماعهه😭💔💔شويه كدة حسيت بنفسي مهبطه لدرجه انو رجولي م شايلاني مشيت على عربيتي فتحتها وركبته وطلعته تلفوني اول رقم خطر على بالي لُجين اتصلتهه عليها اول م فتحت الخط قلاه ليها لجين انتي وين؟
قالت لي في البيت بسم الله مالو صوتك؟
قلته ليها تعالي لي في الجامعه اسي ،قالت لي بسم الله ي شهد مالك في شنو بتبكي؟
قلته ليها لجين انا محتاجاك ضروري م بقدر اسوق العربيه تعالي بسرعه😭💔قالت لي طيب طيب مسافه السكه يااااا شهد جايه عليك،
قفلته منها ورميت تلفوني وبقيت ابكي، فضلتهه منتظراها اكتر من ساعه حتى جات ولما جات وشافتني بالحاله الانا فيها بقت تقول لي مخلوعه شهد،شهههد بسم الله مالك في شنوو؟احكي ي شهد!؟
وانا زايدة في البكا ضمتني عليها وبقت تهدي فيني وتتكلم معي في شنو ي شهد فهميني؟ قلته ليها ماهر ي لجين 😭😭😭😭😭😭😭قالت لي ماهر؟ماهر مالو؟
سكتت وانا زايدة في البكى
قالت لي شهد م تجنيني مالو ماهر الحاصل عليهو شنوو؟
قلته ليها عيان ومختفي ي لجين😭😭😭😭💔
قالت لي كيف يعني عيان ومختفي؟مالو عندو شنو ومختفي مع مرتو ولا كيف؟
فضلت ساكته ومنزله راسيي تحت وزايدة في البكى
قالت لي شههههد احكي م توتريني الله يرضى عليك
قلته ليها اتصل علي زياد صحبو اللي وصلنا البيت يوم حنه ماهر وطلب يشوفني و.....الخ

قالت لي بي خلعه لا حول ولا قوة الا بالله لا مستحيل مستحيل يكون جادي ي شهد مستحيل💔
قلته ليها تخيلي بس تخيلي ماهر يكون حاصل معاه كل دة وانا اخر من يعلم اخر من يعلم ي لجين😭😭😭😭😭😭😭😭😭😭😭😭😭😭😭💔
قالت لي طيب واهلو اهلو م عارفين بي وضعو دة؟
قلته ليها المفروض انا اكون اهلو،قبل كدة قالها لي بي صريح العبارة في المستشفى قال لي انا م عندي غيرك ي شهد 😭😭😭😭😭😭😭💔والله العظيم لو حصل معاه كدة بسببي حموت ي لجين حموت وربي😭😭😭😭😭😭😭😭😭😭😭😭😭😭😭😭💔قالت لي شهد اهدي علشان نعرف نتصرف م عايزين نتوقع اسوأ الفروض ابداً، شالت مني مفتا

ح العربيهه واتحركت،ونحن في الطريق عدة علي شريط كل موقف لي مع ماهر من اول م جا داخل علينا في الفصل لما كنت ممتحنه بعديها تريقتي عليه وكميه التنمر والاستفزاز اللاقاهو مني في المدرسه وشماتي فيهو قدام الطلبه وتشغيلتي ليهو في كل كبيرة وصغيرة وكل م اللقاهو في مكان،كنت بحس بالقرف من نفسي مع كل موقف اتمنيت الدنيا دي تنشق وتبلعني يعني انا كنت واحد من الاسباب في حالتو دي،ياخي مافي اسوأ من كدة مافي ابداً😭😭😭😭😭😭😭😭😭💔لجين فجاة شالت تلفونها وبعدها قالت"الووو منذر وين انت؟طيب ممكن تجي البيت؟لا بيتكم انا ماشه عليكم م وصلت معي شهد،لما نصل هناك بتعرف كل حاجه،ياخي لما نصل بحكي ليك المهم م تتأخر ،تمام يلا سلام،
وصلنا البيت لجين سندتني لغاايه م وصلنا الشقه،فتح لينا منذر لما شافني قال لينا في شنووو؟
لجين قالت ليهو ساعدني خلينا ندخلها غرفتها،قال ليها بصوت عالي مالها فيها شنووو؟
على صوتو جات ماما قالت شههههد؟
مالها؟مسكتني بقيت ابكي،ماما قالت لي بسم الله ي بتي مالك؟مالها ي لجين فيها شنووو؟
لجين قالت ليها خالتو اهدي بحكي ليكم بس خلونا ندخل جوة،عايزين يدخلوني غرفتي قلته ليهم لا م.داخله،رقدوني في الكنبه وماما لسسه بتسأل مشت جابت لي مويه وجات،لجين قالت ليها مهبطه محلول ملح بسكر بسيط ي خالتو،ماما مشت وجات راجعه شربوني جزء قليل منو ،ماما قالت ليها ي بتي م توقفو قلبي قولي لي مالها البت دي؟
قالت ليها اقعدي ي خالتو،قعدت قالت ليهم كل الحاصل انو....الخ
ماما بقت خاته يدها في راسها وبتقول لا حول ولا قوة الا بالله!؟انتو جادين؟ووين اسي هو ؟وانا اقول انقطع مننا فترة كدة مالو؟وانت ي منذر م متواصل معاهو؟
قال ليها والله ي امي كان في فترة متواصل معاهو حتى اتلاقينا كذا مرة وشربنا جبنه بس بعدين انقطع مني رسمي حتى تلفونو اغلب الوقت بكون مقفول وهو مرة كان قال لي انو ناوي يسافر مع مرتو كم شهر تركيا تاني قلت خلاص بكون سافر عشان كدة انقطع💔
قالت ليهو هي ي ولدي لكن معقوله؟زول ولد بيت زي دة م بتسألو منو؟العشرة دي كيف هي كيف؟
ماما بقت تبكي،لجين قالت ليها ي خالتو م تبكي،قالت ليها والله لو عارفاهم م متواصلين معاه انا كنت بتصل وبسأل منو هو م هين ابداً وم عندو زول اهلو بعيدين شوفي زمن مرضتو ديك 3اسابيع مرقد في المستشفى اسي ي ربي يكون وين والحاصل معاه شنو ؟
اتزكرته كلمه انتحار دي وزدته في البكى
منذر كان متضايق شديد وبهززز في رجلو💔
قلته ليهو منذر مافي مكان كنتو بتمشوهو مع بعض او كذااا ممكن يكون فيهو اسي؟هو م سافر لانو جوازو واوراقو الثبوتيه كلها موجودة يعني بس زول وطفش💔😭
ماما قالت لي اها الطفشي دة اخير منو السفر بالمطار على الاقل معروف سافر وين💔 منذر قال لي اديني رقم صحبو زياد دة،قلته لي لجين تلفوني،قالت لي م معي،قلته ليهو في العربيه معناها ،قال لي جيبي المفتاح ،لجين قالت ليهو هاك اخدو وطلع،
ماما بقت تتحسبن وتقول عليك الله في اهل بخلو ولدهم كدة؟ديل اهل ديل؟؟؟حسبي الله ونعم الوكيل حسبي الله ونعم الوكيل في دي ام💔
منذر جا راجع شايل التلفون اداني ليه طلعته ليهو الرقم شالو وطلع،
فضلنا قاعدين وساكتين وكل زول في .راسو الف فكرة م قادر يواجه بيها التاني💔قمته من محلي دخلته الحمام وانا بغسل في وشي فجأة طلعته بسرعه قلته ليهم بكون في المزرعهه،بقو يعاينو لي كلهم،قلته ليهم ماهر بكون في المزرعه حقتهم ،لجين قالت لي والمزرعه حقتهم دي وين؟قلته ليها اديني تلفوني شلتو بسرعه اتصلته على زياد اول م فتح الخط قلته ليهو زياد انت شوفتو اذا في المزرعه او لا؟
قال لي اول مكان مشينا ليه مافي هناك للأسف ي شهد 💔💔
قفلته الخط ودموعي جاريه💔
اليوم دة كان صعب علينا كُلنا بس انا كنت ماخدة النصيب الأعظم يعني احساسي بالذنب تجاهو كان كبير شديد كبير للدرجه اللي مخليني م طايقهه نفسي😭💔
م نمت ابداً عدة يوم واتنين وتلاته وعشرة ونحن م عارفين الأيام دي بتمر علينا كيف ابداً انا كنت لا اكل لا شراب لا غيرو ف ماما كانت بتأكلني بالغصب،احساس انو يكون انتحر بقى بالنسبه لي هوس بقيت حاسه نفسي بتأكل من جوة من كترة التفكير والتوقعات ،اخر الحلول كانت اني انشر صورتو في الميديا واقول عليه مختفي ،زياد م حبذ الفكرة في البدايه ومنذر كمان رفض قلته ليهم ماف حل غير كدة انا هنشر صورو في كل وسائل التواصل الاجتماعي فيس تويتر انستقرام على غيرو واليحصل يحصل، بالفعل نشرته صورو في كل مكان ونزلته ارقامنا كلنا انا منذر زياد اشرف لجين،ماما والموضوع لقى تفاعل او شبه بقى ترند معارفو طلعت كتيرة شديد فجاة لقيت كميه ناس بتقول دة الزيني اليوتيوبر داك وبتشير صورتو و...الخ في البدايهه م فهمت الناس دي قاصدة شنو ابداً وم ركزته مع الموضوع💔 عمو الزيني نزل السودان وام ماهر ومعظم اهلو اتقمصو دور المهتمين ومتفاعلين مع الموضوع ،ماما شدة م كانت متضايقهه منهم لدرجه انها قالت لي انا امو دي شدة م مزعلاني لدرجه اني نفسي اكفتها لمن اجيب اخرتها عديمه

المسؤليهه والقلب دي💔بقينا في دوامه انتظار والموضوع اخد وقت اسبوع بعد نشر الصورة م جاتنا ولا مكالمه بس اهي مجرد تنظيرات فتشو المستشفيات والمشارح على غيرو💔في يوم جاتني مكالمه رديت بسرعه بقيت اقول الووو؟الووو؟بعد مسافه حتى سمعت كلمه شهد؟
قلت اهلين منو معي؟
كانت بت قالت لي معاك تولين
تولين؟متصله يمكن ماهر معاها💔
قلته ليها بي لهفه تولين اهلين كيفكك ،قالت لي الحمدلله ،فضلته ساكته وفي انتظار انها تقول كلمه بس
قالت لي بصوت خافض ومبحوح ماهر لسسسه م ظهر ولا في منو خبر؟
سكتت مسافه حتى قلته ليها ابداً ،تولين لو عارفه عنو حاجه الله يخليك احكي لي،بقت تبكي💔
فقدتهه الأمل من نبرتها💔قالت لي انا م عرفته بالموضوع الا بعد م شوفت صورو في الميديا م كان عندي علم والله ي شهد💔
قلته ليها م مشكله
قالت لي طمنيني لو حصلت معاكم اي حاجه بلييييز ي شهد ممكن؟
قلته ليها طيب💔
تولين دي اخر أمل وفقدتو خلاص وبقيت متجرسه لأخر حد م عارفه اليوم بعدي كيف اساساً💔
في يوم حوالي الساعه 12ضهر م بين نايمه وصاحيه فجأة تلفوني ضرب شلته التلفون بي لهفه وفتحته الخط زياد قال لي ي شهد لقيناه ،لقيناه ي شهد،نطيت من السرير وانا بقول ليهو احلف ي زياد؟وين انتو؟

قال لي في امدرمان،قلته ليهو وين في امدرمان جايه عليكم انا،قال لي لا ي شهد م تتعبي تجي نحن ماشين عليه انا ومنذر واشرف حنجيبو وحنتصل عليك ،قلته ليهو ماشين عليه وين م بقدر انتظر انا بجي عليكم،قال لي خليك ي شههد م تجي،طلعته من الغرفه جريت غرفه ماما لقيتها بتصلي فتحته الدولاب شلته اقرب توب وانا جاريه وطلعته شلته مفتاح عربيتي وعلى الشارع،بعد م اتحركته رجعته اتصلته عليه م رد اتصلته على منذر م رد ،اشرف م رد بقيت اتصل عليهم كتير لغاايهوم منذر رد قلته ليهو منذر وين انتو؟قال لي في امدرمان،قلته ليهو وين في امدرمان ي منذر؟سكتت،قلته ليهو منذر انا بسأل وين في امدرمان؟ماهر كويس اتكلم ي منذر،قال لي في التجاني الماحي ي شهد،
سكتت مسافهه قلته ليهو ال ال ال م فهمت بتعملو شنو في التجاني الماحي؟
قال لي ماهر هناك💔 وقفته العربيه وفضلته ساكته بعدها قلته ليهو ماهر هناك؟طيب هو كويس؟كويس ي منذر صح؟
سكتت
قلته ليهو منذر رد علي
قال لي بي صوت مبحوح كويس ايوة
قلته ليهو انت بتكذب علي صح؟من صوتك واضح انو م كدة💔
قال لي كويس ي شهد اسي نحن جايبنو ،قلته ليهو انا جايه عليكم،قال لي لا ي شهد نحن جاين م تجي💔
قلته ليهو حتمشو بيهو وين؟قال لي بيتهم ،قلته ليهو منذر انت متأكد انو كويس؟الله يخليك طمني؟
قال لي كويس ي شهد قلته ليك وقفل على كدة،جات مكالمه من ماما فتحته الخط قالت لي شهد وين انتي وفي شنوووو؟
قلته ليها لقو ماهر ي ماما
قالت لي الف الحمدلله وشكر ليك ي رب الف الحمدلله لقوه وين؟وكيف؟هو كويس؟
قلته ليها م عارفه ي امي منذر م فهمني شي😭💔
قالت لي يارب يكون بخير وين انتي اسي؟قلته ليها حمشي على بيت ناس ماهر لغايه م يجيبوه،قالت لي ارجعي سوقيني معاك ،قلته ليها لا م بقدر ارجع تاني ي امي💔قالت لي خلاص انا لاحقاكم اعملي حسابك وانتي سايقه ي شهد سامعاني ي بت؟قلته ليها طيب،قفلته منها م تميت 10دقايق اتصلت علي لجين قالت لي شهد وين انتي؟قلته ليها لقوهو ي لجين لقوهو😭😭قالت لي عارفه ي شهد عارفه وين انتي؟؟؟
قلته ليها في الطريق ماشه على بيت ناس ماهر،قالت لي طيب نتلاقى هناك ،قلته ليها ماشي،لما وصلته بيتهم م نزلته من عربيتي ابداً لأنو ناس منذر لسسسه م وصلو ولجين م وصلت برضو فضلته قاعدة في عربيتي وبتصل على منذر م برد كلهم م كانو بردو💔لجين وصلت قالت لي مالك واقفه برة؟قلته ليها م قدرت ادخل هدخل اعمل شنوو؟قالت لي يلا ندخل وقفتنا برة م حبابها ،دخلنا ضربنا الجرس فتحت لينا الباب امو اظنهم كلهم كانو قاعدين مترقبين ومنتظرين جيتهم،كانت في مرت عمو الزيني وامو و6 وتلاته نسوان غيرهم وبنات كتار في منهم الكبير ومنهم الصغير و3اولاد 2كبار وواحد صغير،و4رجال ومرة كبيرة في العمر ،يعني بس كان نفسي اسالهم وين انتو كنتو لما هو وصل للحاله دي؟

اول م قعدنا قبل م يجيبو لينا مويه امو تشيل وتبكي والحواليها احساس بهدو فيها وكدة وشغاله تقول"انا الاولاد ديل نجضوني في دنيتي دي ،انا الاولاد ديل اعمل ليهم شنو بس عليكم الله بس كدة قولو لي؟منقصين منهم شنو؟منقصين منهم شنو عشان يعملو كدة؟الواحد يمشي للجنون بي يدو؟البخليهم يتعاطو شنو؟لكن انا انا م عرفته اربي،انا م عرفته اربي ابداً،انا ولجين بقينا نعاين لي بعض،جابو لينا مويه شربنا واحدة من البنات قالت ليها خلاص ي ماما م تبكي كفى،قالت انا لو عرفته اربي م كان الليله عيال بطني بقو لي وجع والربيتهم بس احن علي منهم،م كفايه علي اخوهو يجيني هو كمان؟عملته شنو انا في دنيتي دي؟
قلته ليها بإنفعال معليش ي خالتو بس هو مريض والهو فيهو دة مرض فاهمه يعني شنو مرض؟يعني الشي دة م بيدو ابداً وهو اليوم وصل للمرحله دي علشان م لقى اهتمام بي حالتو في حاله زي دي بدل م انتي تتحسر

ي على تربيتك المفروض انك تتحسري على وضع ولدك انت م عارفه المرة بيهو هو شنو ولا العاشو شنو مع احترامي ليك بس الامومه دي كيف هي؟انتي لو مصاحباه ولو قريبه منو زي م انتي قريبه من الما جبتيهم من بطنك ديل كنتي عرفتي البيهو والعليهو 💔
سكتت وكلهم بقو يعاينو لي،قمته على حيلي وقلته ليها لجين انا هنتظرهم برة لمن يجو عن اذنكم ي جماعه،قمته وم عاينته وراي لجين لحقتني قالت لي المرة دي دايرة دق الباطله دي وااااااااي منها وااااااااااااااي ،قلته ليها دي تندفن حيه لانها م ام عن كميه القساوة الفي القلبها حسبي الله فيها💔 قالت لي والله اليُتم ولا ام زي دي اعوذُ بالله،قلته ليها م قدرته اتجاوزها واتمالك اعصابي قدامها ابداً💔فضلنا قاعدين في جلسه الحديقه ،كررنا اتصالاتنا على منذر م برد وكذلك زياد واشرف💔 بقينا قاعدين على اعصابنا لغااايه م في لحظه سمعنا اصوات ابواب عربات بتتقفل،وقفنا على حيلنا وعيونا على اتجاه المدخل دقيقة ودقيقتين وخمسه حتى شايفين عمو الزيني جاي داخل وانا خلاص من اللهفه شبه حاسه نفسي حأجري على الباب وكانو رجولي مسمرة في الارض،فجاة لمحت منذر وبعدها بقيت واقفه مصدومه من الشايفاه لأ مستحيل مستحيل بجد مسكته في الكرسي لاني م قادرة اسند نفسي وسامعه لجين بتقول"لا حول ولا قوة الا بالله لأ لأ مستحي"
ماهر كان في شكل يبكي اليهودي احساس حاجه ضخمه بس م شديد وحالقين ليه نمرة واحد لو م اتمعنته في وشو مرة واتنين وعشرة حتكذب عيونك م حتقول انو دة هو ابداً ،عمو الزيني وشو م.كان بتفسر عاين لينا وعيونو لونها زي الشرار ومنذر واشرف وزياد نفسي الشي كانو ماشين معاه وكل واحد م قادر يعاين للتاني،انا كنت حاسه بي انو دموعي شلال م فاهمه اي شي لغايه م عبرو ماهر م رفع عينو عاين لينا ابداً ،منذر م دخل معاهم وقف وهو مدينا ضهرو وخاتي يديهو في راسو،
بقيت اقول ليها لجين دة دة دة ماهر؟المرة قدامنا دة ماهر؟
لجين م كانت قادرة تفتح خشمها بحرف
مشيت على منذر مسكتو قلوه ليهو منذر ماهر مالو؟دة ماهر؟منذر دموعو جات جاريه ،قلته ليهو منذر بتكلم معاك انا دة ماهر؟مالو؟هو كويس صح كويس ي منذر؟الوداهو التجاني الماحي شنووو؟
فجاة سمعنا اصوات بكى جايه من جوة البيت بكى بصوت عالي
منذر بعد مسافه ضماني وهو ساكت وانا ببكي بأعلى صوتي،جات لجين مسكتني وقعدتني في الكرسي قالت لي شهد اذا نحن قلنا نقابلو بالحاله دي تاكدي انو م حنساعد في عافيتو ابداً اهدي ي شهد واستغفري الله يرضى عليك عشانو 💔بعد اكتر من ربع ساعه دخلنا البيت رجولي تتطاقش،اتلاقينا مع زياد قال لينا اطلعو ليهو فوق،بقيت اعاين ليهو ياخي من الحزن والكأبه تفاصيل وشو كانت م بتتفسر ،قال لي م تبكو قدامو او كدة تمام؟منذر تعال عايزك،طلعنا انا ولجين وصلنا شايفه عمو الزيني جا طالع من غرفه كدة،لما شافنا وقف،وصلناهو قال لينا حتدخلو عليهو؟هزيت ليهو راسي،قال لينا الله يرضى عليكم ي بناتي❤ فتح لينا الباب لجين دخلت وانا فضلته واقفه ومترددة او بمعنى ادق خايفه م حاسي نفسي حأتمالك اعصابي قدامو ،انا اصلاً حيلي م شايلني م حأقدر امسك دموعي ابداً،لجين قالت لي شهد،عاينته ليها،دخلنا الغرفه كانت كبيرة وفاضيه بقينا نتلفت ،شويه كدة في باب اتفتح الشخصيه الضخمه اللي هي م ماهر الانا بعرفو ابداً جات طالعه عاين لينا الصدمه كانت انو جا سلم علينا،سلم علينا عادي عادي شديد لما مدة لي يدو وقال لي شهد كيفك انا اتسمرته في مكاني يعني متزكر اسمي وبقول لي شهد ،مديت ليه يدي قلته ليهو بصوت مبحوح تمام الحمدلله،
لجين بقت تعاين لي قالت ليهو كيفك ان شاءالله انت تمام؟
قال ليها تمام الحمدلله انتو اخباركم والحاصل معاكم شنو طولنا ياخ ،
العبرة خنقتني حسيتو كانو بعاتبني بالجمله دي😭💔
لجين قالت ليهو الحمدلله،
م عارفه اتمالكته نفسي كيف لمن طلعته من الغرفه هو واعي وبتصرف بشكل طبيعي طيب مالو مالو كدة 😭😭😭💔 فضلنا قاعدين معاهم لغايه الساعه 12ماف اي زول عندو شي يقولو بس ناس قاعدة وساكته ووشوشها حتقع منها💔بعد الساعه 12 طلعنا على البيت خلينا معاه زياد واشرف،لما وصلنا البيت منذر قعد يحكي لينا قال لينا "في واحدة اتصلت على زياد قالت ليهو انا لقيت اعلان عن مفقود مكتوب عليهو رقمك الزول البتفتشو عنو دة هو بيشن عندنا في مستشفى التجاني الماحي،على الاساس دة اتحركنا مشينا عليهو لاقتنا الزوله الاتصلت نفسها قالت لينا هو جاهم بذات نفسو وضعو كان صعب شديد جاب معاهو قروش اداها ليهم وقال ليهم عالجوني قال ليهم انا بدفع ليكم اي شي بس عالجوني وم تطلعوني من المستشفى انا م عندي مكان امشي ليهو،قالت لينا على قدر م رفضنا نستلمو على قدر م اصر علينا وكان بقول لينا انا بس عايز اتعالج عايز اتعالج💔 م لقينا في يدنا شي الا انو نخليه معانا رغم انو زول عاقل وهادي شديد م زي الحالات البتجينا ابداً كلنا كنا مستغربين كيف شاب زي دة يصل للحاله دي؟بغدين عرفنا انو بتعاطى اصلاً دة اول شي خمناهو 💔
منذر كان بيحكي ونحن كل زول ببكي

بإتجاه هو زاتو كان دموعو بتجي جاريه بمسحها قال لينا نحن جبناه بي وضع كويس شديد نحن لقينا بشكل سيء لدرجه انو انا قلته ليهم دة م ماهر ابداً الناس دي مطلسانا 💔ماما قالت لينا م عندي قلب امشي اشوفو ،م بقدر امشي اشوفو نهاااااائي😭💔

دخلته غرفتي وانا م قادرة اتنفس من البكى تخيلو مشى قال ليهم انا م عندي اهل يعني زول بفضل انو يمشي يحبس نفسو براه ولا يستنجد بأهلو؟ولا حتى بي انا؟
انا واثقهه انو حصل فيه كدة بسببي بسببي والله العظيم 😭😭😭😭😭😭😭😭💔
شلته تلفوني وعملته مكالمه الساعه تقريباً كانت قريب12ونص،م لقيت رد على مكالمتي ،صحيت الصباح بدري رجعته اتصلته على نفس الرقم كم مكالمه م رجع لي الا الساعه8ونص،اول م فتحته الخط قلته ليهو مستر عيسى كيفك؟
قال لي شهد ي بتي وعليكم السلام مالك ي بتي ان شاءالله عافيه مكالماتك قلقت بي كنت نايم والله 💔قلته ليهو محتاجه ليك شديد ي مستر ضروري اشوفك اليوم وي ريت لو اسي😭💔قال لي خير اللهم اجعله خير تمام اجيك وين ولا تجيني انتي في العيادة؟
قلته ليهو حاجيك انا انت بتكون هناك متين؟
قال لي اسي بطلع عليها لو الموضوت مستعجل،قلته ليهو ي ريت ي مستر،قال لي مسافه السكه بس،
قفلته منو جهزته نفسي وطلعته مشيت، عليهو لما وصلته لقيتو وصل قبلي ومنتظرني في العيادة،مستر عيسى هو الدكتور النفسي بتاعي اللي بابا كان مخليني اتابع معاه هو شاااااطر شديد ،استقبلني بي لهفه وبقى يسالني مالك انتي كويسه ؟
قلته ليهو انا كويسه ي مستر،قال لي طيف في شنو ي بتي؟
قلته ليهو كل الحاصل ي مستر انو.......الخ
كنت بحكي وببكي وهو ساكت وبقول لي كملي كملي،بعد م خلصته قال لي قبل كل شي حاسه بنفسك ارتحتي بعد م حكيتي؟
هزيت ليهو راسي بمعنى ايوة
قال لي عارفه انو الموضوع دة مؤثر عليك انتي كمان؟يعني احساسك بالذنب تجاهو وتحملك لمسؤليه حالتو دي في حد زاتها حاجه ممكن تتسبب في انو انتي م تقدري تساعديهو لانو كل م تقيفي قدامو حتقيفي منكسرة وحتبكي وحتكتفي بكدة م حتلقي حلول💔
قلته ليهو علشان كدة انا لجأتهه ليك ي مستر😭💔
قال لي المرض دة تقريباً نحن بصنفو من اسوأ الامراض النفسيهه لكن في نقطه مهمة انتي قلتيها انو هو متصالح مع فكرة انو مريض وبفتش على علاج لنفسو لدرجه انو مشى التجاني الماحي وطالب انو يعالجوه ف دة انسان علاجو اسهل من علاج الزول الما متقبل فكرة انو مريض،الحاجه الانا عايز اقولها ليك انو زول زي دة محتاج للإستقرار النفسي والحاصل معاه اسي دة نتيجه صدمات متواليه حصلت معاه ف كونو م فكر في الانتحار دي بشارة خير معنااها هو م في المراحل الأخيرة للمرض،قلته ليهو ي مستر يعني هو حيبقى كويس؟😭💔قال لي حيتحسن هو بس المرض دة شبه واحد من الامراض المزمنه بس زي م قلته هو محتاج للإستقرار النفسي بس م اكتر م تخافي عليه ابداً هو حيتحسن اكيد وي ستي انا حأتابع معاه وحاقدم ليهو كل اللازم من ادويه لي غيرو وم حأقصر منو ابداً بس اهم شي ي شهد استمرارو في اخد الأدويه وفي مواعيدها،قلته ليهو طيب ،قال لي م تظهري ليهو ابداً انهيارك دة عشان هو بدل م يستفيد من وقفتك جمبو ممكن يتراجع 💔قلته ليهو حاضر،قال لي حددي لي حتجو متين عشان اكون حاسب حساب كل شي❤ طلعته من المستشفى ونصايح مستر عيسى ماشه جايه في راسي م مشيت بيتنا مشيت على طول بيت ناس ماهر،لقيت عمو الزيني ومرتو استقبلوني وضيفوني قلته ليهم معليش ازعجتكم بس كنت حابه اتطمن على ماهر اليوم اصبح كيف؟
عمو الزيني قال لي ي بتي عيب البيت بيتكم تجي تحت اي لحظه ياخي هو لو م انتو م كان مرة علينا الصباح دة والله الله يرحمو عبدالله اخوي عرف يلدي ويربي❤قلته ليهو تسلم ي عمو ممكن اشوفو؟مرتو قالت لي اي على طول بدون استئذان كمان ،طلعت معي لغااايه م وصلتني الغرفه وفتحت لي الباب،ماهر كان صاحي وقاعد قدام لابتوبو وجمبو كبايه قهوة ،قلته ليهو صباااااح الخييير،قال لي شهد عبدالله اهلين صباح النور،قلته ليهو كيفك؟
قال لي الحمدلله لسسسه م خليتي إزعاجك دة انتي؟
قلته ليهو كيف؟
قال لي جايانا من الصباح كدة مالكك؟
قلتهه ليهو امممممم طالعه على الجامعه قلت امر عليك وكدة

عاين لي مسااافه قال لي كيف الجامعه معاك؟
قلته ليهو تمام الحمدلله خريجهه وكدة 😎
قال لي سبحان الله بالجد السنين بتجري امس امس دة كنتي بتبكي علشان م عايزة تدخلي الجامعه براك😶💔
قلته ليهو واااي م تزكرني😂😶💔
ضحك ضحكهه خفيفهه وسكت،قعدتهه وانا ساكته وبعاين ليييه💔عمل روحو مركز في اللابتوب،قلته ليهو اممممممممممم انا اشتقتهه ليك على فكرهه💔
بعد مسااااافهه قال بالله؟
قلته ليهو والله،
قال لي بكل برود طيب
بقيت اعاين ليهو ماهر بكل برود بقول لي طيب!؟؟
قلته ليهو اممممممممممم عارف انو انا زعلانه منك؟
قاال لي دة الطبيعي بتاعكك
كل مرة بصدمني بي ردو وبرودو
قلته ليهو لييييهه م اتصلته علي الفترة دي؟
سكتت
قلته ليهو ممكن م تطنشني؟
قال لي ممكن تقولي من الاخر عايزة شنو بدون م تلفي وتدوري وتبطلي امورك دي؟
فضلتهه

ساكته مسااافه بس كانت دي احسن لحظه اقول فيها السبب الجيت بيهو عشانو،قبل م افتح خشمي امو جات داخله،سلمت علي وقعدت تسال فيه اصبحتهةكيف و...
طلعته خليتهم م قدرته اتكلم معاه قدام امو،
عدت كم يوم نحن بنمشي ونجي على بيتهم،بس م كنت قادرة اكلمو بموضوع الدكتور دة نهاااائي حكيت لي عمو الزيني قال لي ابشري اديني رقمو انا بتواصل معاه،اديتو رقمو ، منذر رحل معاه عديل وبقى يطلع يلف بيهو هو واشرف وزياد وهكذا ،كان اغلب الوقت هادي وم متفاعل مع الناس على قدر كدة ابداً بتعامل معانا كأنو شايفنا نحن بنتنافق معاه وهو متماشي معانا على حسب نفاقنا دة بس،عمو الزيني اتصل علي في يوم قال لي ي بتي انا اتواصلته مع الدكتور والحمدلله اخدته معاهو مواعيد واي شي لكن لما جيت فاتحتو في الموضوع شبكني ليك"انا الحمدلله بقيت كويس وم محتاج دكتور م تخافو علي و....الخ خليت اصحابو يتكلمو معاه بس لا صوت لمن تنادي كدة شوفيهو انتي يمكن يسمع ليك لانو نحن والله كاننا بننفخ في قدرة مقدودة💔قلته ليهو طيب ي عمو حاضر❤اليوم التاني مشيت الجامعهه نهايه اليوم مشيت ليهم في البيت قعدته معاه برة في جلسه الحديقه بتاعتهم وجابو لينا قهوة،قلته ليهو القهوة ظريفه،
هزة لي راسو وابتسم
سكتت مسافهه وقلته ليهو عارف النجيلهه دي عايزة يظبطوها بالألة
برضو هزة لي راسو وهو ساكت وبعاين لي
قلته ليهو اوكيييهه حأقول الجايه اقولو😶
قال لي انا برضو شايف كدة احسن
قلته ليهو انت حتمشي تراجع الدكتور وحتمشي الجلسات في مواعيدها وانا بقول ليك كدة م عشان اخيرك لا انا بس عشان اخليك تكون على علم وم بقبل اي نقاش ابداً💔 وم تقول لي بأي حق بتفرضي علي كدة بكل الحقوق الفي الدنيه وم تناقشني ابداً
قال لي بالله؟
قلته ليهو م تتبارد معي ي ماهر،
قال لي انا م كدة💔
قلته ليهو حتمشي الدكتور
قال لي انتي شايفة كدة احسن؟
قلته ليهو م نحن بس انت لازم تمشي
قال لي طيب حاضر ابشري❤
بقيت اعاين ليهو بي صدمه
قال لي اي اوامر تانيهه؟
قلته ليهو حأجي بكرة اسوقك
قال لي حاضر الساعه كم؟
انا بقيت كدة😶
قلته ليهو بعد ارجع البيت بديك المواعيد💔
قال لي ابشري❤
فضلته ساكته م عندي شي اقولو طبعاً م اتوقعته منو التجاوب دة منو💔💔لما قمته ماشه قلتهوليهو رقمك شغال؟قال لي ايوة،قلته ليهو طيب بتصل عليك
قال لي تمام...
اول م طلعته منو اتصلته على مستر عيسى حكيت ليه بالحصل كلو قلته ليهو انا خايفه من برودو دة حاسه تصرفاتو م طبيعيه انا اتوقعتو يكون عنفواني او كدة بس هو لا💔
قال لي هو ابداً م حيكون عنيف لو دة فهمك ليهو💔قلته ليهو بس ي دكتور هو لما عمو واصحابو طلبو منو يراجعك رفض قال م محتاج بس انا لما جيت فاتحتو م رفض واتقبل الموضوع بكل برود،قال لي الموضوع متعلق بي منو طلب منو كدة ودة الاستقرار النفسي الانا قلته ليك عليهو،قلته ليهو طيب ي دكتور يعني ينفع بكرة نزورك؟قال لي على طول،بالفعل اليوم التاني اتصلته على ماهر الصباح رد علي قلته ليهو حأجي اسوقك خليك جاهز،قال لي طيب تمام ،جيت لقيتو منتظرني جاهز،وصلتو العيادة خليتو يدخل وانا انتظرتو برة،جا طالع منو وشايل كيس في يدو فيهو ادويه ،بعد م وصلتو اتصلته على مستر عيسى قال م تخافي عليهو ابداً،قلته ليهو بالجد يعني تصرفاتو دي طبيعيهه؟قال لي تصرفاتو تصرفات زول متصالح مع واقع انو مريض ولازم يتعالح بس م اكتر❤

........

م كنت متمني انو يحصل اي تواصل بيني وبين شهد بعد كل الفترة دي من عدم تواصلي معاها وكميه من الاحداث والتخبطات الحصلت معي مفروض انو اكون رافض لأي تواصل بينا وم مفروض يكون في اي تجاوب من ناحيتي تجاها لانو هي الاختارت كدة حتى بصورة م منطقيهه ابداً بس السبب الوحيد الكان واقف عائق في طريقي انو انا حاسب حساب انو هي خريجه السنه،م عايز ادخل معاها في مهاترات وم عايز اتعامل معاها بي طريقه تدخلها في ضغوطات و وانا زول عشته الحاجه دي وعارف حجم الكارثه الممكن تحصل ليها بسببي وشهد انا بعرفها انسانه انفعاليه في ابسط شي ممكن عادي تخرب الدنيا زي مثلاً انها م امتحنت سمستر كامل لمجرد اني مرقد في المستشفى، عشان اضمن انو هي حتعدي السنه دي على خير لازم اتجاوب معاها بكل الطرق،وعلى الاساس دة كان تصرفي معاها بس م معناها انو ناسي لا بس متناسي وكل شي واكيد ليهو وقتو ،اضافه لي انو فكرة العلاج انا م كنت ضدها ابداً لأني محتاجها بدون جدال...❤

....
عدت الايام م بقدر اقول انو عانيت من اي عناد او رفض من ماهر في شي بالعكس كان كل شي اقولو ليهو بقول لي طيب،حاضر،ابشري الكلمات دي م كانت بتفارق لسانو،الادويه بياخدها في مواعيدها وحتى الجلسات بيمشيها براه،ورجع يشتغل في الشركه حتى منذر نزل اشتغل معاهم مسكوهو الماليه ولجين نزلت ترينق معاهم ،وانا استفدته منهم شدييييد في موضوع المشروع بتاعي بالذات ماهر كنت بلجأ لييهو كتير،في حجات حتى لو هو م عارفها كان ببحث لي عنها ،دة غير انو نزل النادي بقى يعمل رياضه وصحتو بقت في نزول،تعاملي معاه رجع عادي كان ش

يئاً لم يكن لا انا سالتو عن الحصل معاه لا هو جاب لي خبر،في يوم اتصلته عليه بالليل قلته ليهو ماهر انا متضايقهه شديد💔
قال لي حاولي نومي💔
قلته ليهو م هو لو قادرة انوم م كان اتصلته عليك ابداً😭💔
قال لي طيب نعمل شنو نطلعك من الزهج دة؟
قلته ليهو لو طلبته منك طلب حتنفذو لي؟
قال لي احكي
قلته ليهو احكي لي قصه سيدنا يوسف ممكن؟
قال لي طيب م ممكن تقريها من النت؟
قلته ليهو هئهه عايزة اسمعها بصوتكك💔
قال لي طيب حأسجلها ليك ريكورد طيب؟
قلته ليهو هئهه عايزه اسمعها مكالمهه كدة😶
قال لي ياااااا شهد
سكتت
قال لي طيب حاضر بس اديني 5دقايق وارجع ليك تمام؟
قلته ليهو حاضر💔
بالفعل اتصل علي قال لي اسمعي ي ستي...

كل مرة قُربي منو كان بزيد خطوة م عارفه هل دي حاجه كانت صح او غلط💔

حُسام فاجانا بي انو نازل يتم عرسو قال انو جاهز وم عايز يأجل العرس ابداٌ،قدر م اتحايلته علييييه علشان يخليني اتخرج حتة رفض قال لي لأ ماف طريقه انا عندي اجازة وم عايز اضيع فرصتها و...الخ
ختانا اما الأمر الواقع وبدينا تجهيزات العرس رجعنا فتحنا بيتنا داك وبدينا نصين فيهو علشان حنعمل فيهو العرس زي م قال حسام،يوم الحنه بتاعه حسام،يوم هو ومنذر كانو في البيت مع العمال الشغالين،وانا وماما في الشقه بنجهز ليهم في الأكل اتصلته عليييهو علشان ماما قالت لي شوفيهم لو عايزين حاجه اضافيه نجهزها ليهم لأنهم تعبانين في الوقفه مع العمال والشركه،اتصلته عليه كتير م برد رجعته اتصلته على منذر والغريبه على طول رد قلته ليهو بتصل عليكم مالكم م بتردو؟قال لي ي زوله متين؟قلته ليهو من قبيل بتصل ماهر تلفونو مشغول وانت م داخل،قال لي ماهر بتكلم مع مرتو اما انا والله م جاتني منك مكالمه ابداً😶💔الحاجه الوحيدة البتزكرها من كلامو كلمه مرتو*بعدها م سمعته شي ،الكلمه دي جاطت اموري كلها ورجعتني كم شهر ورا،اذا منذر قال ماعر بتكلم مع مرتو معناها ماهر رجع تولين ومنذر معاه معظم الوقت يعني الحاجه دي م بتفوت عليه😭💔يعني اصلاً دة الطبيعي المتوقع انا ليييه قلبي واجعني اساساً؟
اصلاً انا انفعلته شديد في تعاملي معاه وبقيت اندفاعيه م مفروض كان اعمل كدة،مفروض حتى لو رجعته اتعامل معاه ف يكون بس علشان مصلحتو وفي حدود💔 من يومها بقيت اتعامل معاه على الاساس دة وهو اساساً م مركز شديد اتصلته او لا م بسأل وم فارقه معاه كتير،بس دة م معناه انو انعدم التواصل بينا بس بقى محدود ،يوم العرس كان المفروض منذر يجي يسوقنا بي عربيتو انا ولجين وطيف اصلاً كنا مع العروس،بس للأسف منذر اتاخر وحسام جا ساق مرتو واتحرك ونحن اتسيكنا،اتصلته على ماهر وحكيت ليه انو مفروض منذر يجينا وم جا وبقيت احنس فيه يجي يسوقنا م عندنا خيار غيرو💔قال لينا طيب خليكم مكانكم جاي عليكم،فضلنا واقفين اكتر من ساعه حتى جا كان لابس ملابس كورة شكلو جاي من التمرين هو اصلاٌ روحو ونفسو حاجه اسمها كورة واصلاً هو شبه وزنو رجع يعني بقى متوسط لا سمين لا ضعيف،وم احساس زول ماشي الحفله ابداً سلم علينا لجين قالت ليهو شنو يااا وين البدل والحركات والكشخات ي زيني،ضحك وقال ليها م انتو عوارض م خليتوني ارجع البيت اغير ،قالت ليهو انا قلته ل شهد ناخد ترحال بس رفضت💔قال ليها عارض الحياة دي كمان،قلته ليهو شكراً،قال لي عفواً،بقو هم بتونسو وانا ساكته فجأة تلفوني ضرب عايزة افتح الخط قفل علشان شحنو خلص،قلته ليهم دة منذر شكلو ماشي علينا اتصلو عليهو قبل م يصل،طيف قالت لي م معي رصيد ،لجين قالت لي انا تلفونو قامت عليه الحاله وطاشي شبكه من قبيييل لو م كدة كان هو زاتو رجع في تلفوني رفعتو وقالت لي عايني ها لسسسه عامل علامه ال🚫قلته ليهو ماهر ممكن تلفونك ثواني علشان بس اتصل عليهو واشوفو لو ماشي علينا يرجع؟قال لي طيب هاك فتحو واداني ليهو ،دخلته رقم منذر واتصلته عليهو فتح الخط وقال ي حبيبنا،قلته ليهو في عينك وين انت بتموسرنا كدة ليييييييهه؟دة بالحاله قلت حتجي مع العريس؟
قال لي انتو الوين بتصل الهطله ديك تلفونها م بدخل وانتي كان داخل بعدين قفل وصلته المحل م لاقيكم،قلته ليهو نحن طلعنا اتصلنا على ماهر جانا ماهر واسي مودينا،قال لي اقطعي وشك يلا طيب،
قفل الخط في وشي قبل م اديهو التلفون عاينته لي سجل المكالمات عيني وقعت على اسم تولين و كان في اول القائمه بعد مكالمه منذر😭💔يعني كان بتكلم معاها قبل ساعه او اقل،رجعته ليهو التلفون وانا مزاجي اتعكر خلاص واتضايقتهه ونفسي اتقفلت من كل شي وهم مواصلين ياخدو ويدو في الكلام عادي لغايه م وصلنا الصاله نزلنا قال لينا يلا سلام،قلته ليهو م حتدخل؟قال لي لا والله بي شكلي دة مستحيل طبعاً ههه،قلته ليهو يعني حتمشي تغير وحتجي؟قال لي اصلاً الحفله دي انا م شديد عليها كدة ف علشان كدة م اظن والله ،سكتت وم خطر على بالي الا حكايه انو بالفعل رجع تولين واكيد ماشي بيتو ويمكن هي منعتو من انو يحضر الحفله و...الخ كلها كانت افكار شيطانيه وسوداويهه،
لمن اتحركته من جمبو مع ناس لجين تاني وقفت