همیشه حاضریدی تا دئیه آقا گوزوم اوسته

ائشیتدی امرینه شاهِ وِلا گوزوم اوسته

همینکه بیر سوزه لب تر ائدردی قارداشی

اولاردی معنی ده سر تا به پا گوزوم اوسته

ادب الی سینه سینده دیئیه ردی امر ائیله

چاتیم بو فخره دئییم منده تا،گوزوم اوسته

حدودِ عشقیده حدّ وفا اطاعت دی

بو سوزله ثابت اولوب دی وفا،گوزوم اوسته

بجادی گر یازالار خالقِ وفا #عباس

دئییب نگارینه همیشه چشم یا،گوزوم اوسته

سنون غمون نه قَدر اولسا دیلده یئر وئررم

سنه گلَن نه قَدر وار قضا،گوزوم اوسته

امان او لحظه دن الله که سَسلییب تئز گل

اوتوردی ظلمیله تیر بلا گوزوم اوسته

ویریبلا مشکیمه اوخ،ائتدیلر خجل سیزدن

پیاده ائتدیله هرنه جفاگوزوم اوسته

ندای #هاتفی درک ائیلورم تئز گل

قوی عزتیله عنایتله پا،گوزوم اوسته

#هاتف_حضرتی
#حضرت_ابوالفضل_ع