یاهو

بو گئجه تابِ ربابی بو محن الدن آلیبدی

سوسوزوندان بالاسی سینه سی اوسته سارالیبدی


ایش ابوالفظله قالیبدی

ایش ابوالفظله قالیبدی


ویریب اصغر عطشی بیربیرینه خیمه سرانی

سو سالیب جانِ ربابه غم و اندوه و بلانی

هی دورور اگلشیر آرام ائلیور الده بالانی

سو سوزی درده سالیبدی

ایش ابوالفظله قالیبدی


اصغری خیمه ده گوزیاشلی قوجاقه آلان آغلیر

بئشیگین ترپدیب آرام ائده لای لای چالان آغلیر

صودی یوخدی سینه ده خجلتیله ال قالان آغلیر

گوزی یولاردا قالیبدی

ایش ابوالفظله قالیبدی


عطشیله ارییب اوچ گئجه ده سن کیمی جانیم

داماریمنان چکیلیب فکر ائدیرم واللهی قانیم

نه سویوم وار نه ده سینمده صوده واردی گمانیم

گولوم الده سوزالیبدی

ایش ابوالفظله قالیبدی


هی بالام وای دئیور آغلیر دلِ صد چاکینی داغلیر

چاره سیزلیقدان آچیر قونداقی بیرده گینه باغلیر

آغلاما یات بالام ایوای،بالام ایوای دئییر آغلیر

عرشه ناله اوجالیبدی

ایش ابوالفظله قالیبدی


سن گوزون یوم بالا یات من سینه می داغلییم ایوای

آغلاما سن بالا قوی دردیوه من آغلییم ایوای

اوز الیمله نئجه بو اللریوی باغلییم ایوای


داهی چارم آزالیبدی

ایش ابوالفظله قالیبدی


بالا آغلیر،آنا آغلیر،هامی اهلِ حرم آغلیر

اوتوروب خیمه دالیندا ائله صاحب عَلم آغلیر

صحنهٔ دردی گورور معنیِ جود و کرم آغلیر

بختِ عترت قارالیبدی

ایش ابوالفظله قالیبدی

#هاتف_حضرتی
#شب_عاشورا
#حضرت_علی_اصغر_ع

#شب_عاشورا
#شاه_حسین_گویان_آذرشهر_محله_دیزج
با نوای #کربلایی_امیر_منافی
شعر #هاتف_حضرتی
#حضرت_علی_اصغر_ع
#ایش_ابوالفضله_قالیبدی