⭐️اثر مشترک دوهمکلاسی وبرادران عزیزم دکتر محمد میلانی و رضا نادری سوره⭐️
یاهو
ستاره سالسا اگر بیر زمان گذار آدیوا
سوزر یانار آلیشالار اول ستاره دار آدیوا
آدین دیله گتیمیر آسمان دلیلی بودور
هراسی وار که مبادا دوشه غبار آدیوا
ال آتسا قرعه عشقه گئجه چاغی عارف
قرانلیغین اورگی ایچره گون چیخار آدیوا
اگرچه شهره عالمدی حاتمین کرمی
اولوبدی حاتمه تای چوخلی ریزه خوار آدیوا
آدون گلنده دولور عطره عالمین هاواسی
منیم جانیم اولا قربان او مشکبار آدیوا
آدون دا هانسی باغین آرزولری گووریب
کی سانجیلیب سوز ائوینده فقط بهار آدیوا
عیار عشقه سنون آدون اولدی سنگ محک
ووروبدی عشقی خدا چون تمام عیار آدیوا
گزوب تمام لغت نامه نی باشا چیخدیم
یاراشدی مین لقبون ایچره شهریار آدیوا
دلیلی وار که آدون دوشدی بنده تکراره
غزل ده هر نفسینده اولوب خمار آدیوا
یارامیاردی خدا کاش کوفه نین اهلی
که قانلا وئردیله آخیردا اعتبار آدیوا
بو رسمیدیر که دوتالار گئجه عزا اولنه
گیللر اهل و عیالی بلی قرا اولنه
ایا امام زمان سن اوزون منه کمک اول
نجور یازیم که نجه آغلادی سما اولنه
سویولدی خیمه لری غارتین زمانیده
قالان اولوبدی فقط گوزدکی بکا اولنه
علاوه سویدولا مقتلده عالمین جانین
نه قالدی کوینگی نه سالدیلار عبا اولنه
گوی اهلی اندی گئجه قتلگاه جانانه
گوروشدو اول گئجه بیر آیری ماجرا اولنه
دایاندی بیر طرف قتگهده ابراهیم
اویاندا حضرت موسی وورور باشا اولنه
پیمبران الهی باش آچدیلار بیر بیر
غریبه مجلسه ماتم دوتوب خدا اولنه
که ناگهان دولانیب اول چوخور یرین هاواسی
گلیبدی جدی پیمبر دوتا نوا اولنه
یانیندا حیدر کرار الی بلینده گلیر
دیلنده ذکرین ائدیب یاتما آی بالا اولنه
گورنده قتلگهی ختم مرسلین بویورب
آناسین گوزی کاش دوشمیردی تا اولنه
گلیبدی قارداشی قارداش اوجالدا افغانین
پوزار جهانی اگر سسلسه اخا اولنه
که ناگهان گورونوب بیر کمر شکسته خانم
اوزون یتوردی آنا اول یارا یارا اولنه
ائله ملشدی خانیم انبیا ده بیلمدیلر
که آغلاشالار آنا دردینه و یا اولنه
دئدی اوغول یارالی پیکره آنان قوربان
دامار دامار اولونان حنجره آنان قربان
من عادتیمدی گورنده سنی اوزوندن اوپم
محالیدور گله اول منظره آنان قوربان
سینونده نینیسن اوغلوم چوخور یارا یرینی
دوزتمیسن بشیکین اصغره آنان قوربان
بابان وئریبدی اوزوک سائله نماز اوسته
قناعت ائتمدون انگشتره آنان قوربان
گلن بولوردین اوغول چوخدی حاجتی گویا
کسیبدی بارماقیوی یکسره آنان قوربان
نقدر خنجرین آلتیندا قیشلارین سورونوب
گمان که قبری قازیب اکبره آنان قربان
مین عشقیلن توخویان کوینگی اینانمازدیم
دوشه بوعی اوغول اللره آنان قوربان
دوداقلارین قانی قویمور جوابیمی وئره سن
قالار بو سوزلریمیز محشره آنان قربان
#دکتر_میلانی
#رضا_نادری
▪️◾️ @HATEFFHAZRATI ◾️▪️
تاریخ ۹۵/۱۱/۰۷
یاهو
ستاره سالسا اگر بیر زمان گذار آدیوا
سوزر یانار آلیشالار اول ستاره دار آدیوا
آدین دیله گتیمیر آسمان دلیلی بودور
هراسی وار که مبادا دوشه غبار آدیوا
ال آتسا قرعه عشقه گئجه چاغی عارف
قرانلیغین اورگی ایچره گون چیخار آدیوا
اگرچه شهره عالمدی حاتمین کرمی
اولوبدی حاتمه تای چوخلی ریزه خوار آدیوا
آدون گلنده دولور عطره عالمین هاواسی
منیم جانیم اولا قربان او مشکبار آدیوا
آدون دا هانسی باغین آرزولری گووریب
کی سانجیلیب سوز ائوینده فقط بهار آدیوا
عیار عشقه سنون آدون اولدی سنگ محک
ووروبدی عشقی خدا چون تمام عیار آدیوا
گزوب تمام لغت نامه نی باشا چیخدیم
یاراشدی مین لقبون ایچره شهریار آدیوا
دلیلی وار که آدون دوشدی بنده تکراره
غزل ده هر نفسینده اولوب خمار آدیوا
یارامیاردی خدا کاش کوفه نین اهلی
که قانلا وئردیله آخیردا اعتبار آدیوا
بو رسمیدیر که دوتالار گئجه عزا اولنه
گیللر اهل و عیالی بلی قرا اولنه
ایا امام زمان سن اوزون منه کمک اول
نجور یازیم که نجه آغلادی سما اولنه
سویولدی خیمه لری غارتین زمانیده
قالان اولوبدی فقط گوزدکی بکا اولنه
علاوه سویدولا مقتلده عالمین جانین
نه قالدی کوینگی نه سالدیلار عبا اولنه
گوی اهلی اندی گئجه قتلگاه جانانه
گوروشدو اول گئجه بیر آیری ماجرا اولنه
دایاندی بیر طرف قتگهده ابراهیم
اویاندا حضرت موسی وورور باشا اولنه
پیمبران الهی باش آچدیلار بیر بیر
غریبه مجلسه ماتم دوتوب خدا اولنه
که ناگهان دولانیب اول چوخور یرین هاواسی
گلیبدی جدی پیمبر دوتا نوا اولنه
یانیندا حیدر کرار الی بلینده گلیر
دیلنده ذکرین ائدیب یاتما آی بالا اولنه
گورنده قتلگهی ختم مرسلین بویورب
آناسین گوزی کاش دوشمیردی تا اولنه
گلیبدی قارداشی قارداش اوجالدا افغانین
پوزار جهانی اگر سسلسه اخا اولنه
که ناگهان گورونوب بیر کمر شکسته خانم
اوزون یتوردی آنا اول یارا یارا اولنه
ائله ملشدی خانیم انبیا ده بیلمدیلر
که آغلاشالار آنا دردینه و یا اولنه
دئدی اوغول یارالی پیکره آنان قوربان
دامار دامار اولونان حنجره آنان قربان
من عادتیمدی گورنده سنی اوزوندن اوپم
محالیدور گله اول منظره آنان قوربان
سینونده نینیسن اوغلوم چوخور یارا یرینی
دوزتمیسن بشیکین اصغره آنان قوربان
بابان وئریبدی اوزوک سائله نماز اوسته
قناعت ائتمدون انگشتره آنان قوربان
گلن بولوردین اوغول چوخدی حاجتی گویا
کسیبدی بارماقیوی یکسره آنان قوربان
نقدر خنجرین آلتیندا قیشلارین سورونوب
گمان که قبری قازیب اکبره آنان قربان
مین عشقیلن توخویان کوینگی اینانمازدیم
دوشه بوعی اوغول اللره آنان قوربان
دوداقلارین قانی قویمور جوابیمی وئره سن
قالار بو سوزلریمیز محشره آنان قربان
#دکتر_میلانی
#رضا_نادری
▪️◾️ @HATEFFHAZRATI ◾️▪️
تاریخ ۹۵/۱۱/۰۷