شب ضربت خوردن حضرت علی ع
یاهو
الده قلم آواره گزیر سوز بوداقیندا
مین نیسگیلی مین درد وغمی وار دوداقیندا
البته که عشقین سوزونی دیل دیئیه بولمز
معشوق سرشکین که به جز عاشقی سیلمز
سوز قلبیمی اوخ تک دلیر اما دیله گلمیر
حلقیم بیچیلیر،گوز یاشیم اما سئله گلمیر
بیر سوز قفس قلبیده قوش تک چالیشیر هی
نیسگیل اود اولور،اود کیمی قلبیم آلیشیر هی
هرکس آناسیزدی بو سوزی قلبینه سالسین
ای کاش همیشه بالا ئولسون،ننه قالسین
یوخ عیبی،سوزوم قوی آچیلا ماه خدادی
هردل یانا بوغمده اگر ایندی روادی
دائم تیکیلیر منظره غم گوز ائوینده
حیدر قوناقییدی بو گئجه اوز قیز ائوینده
آرام گلیر کوچه ده،خسته،شه مظلوم
حسرت گوزی یوللاردا گورور صحنه نی کلثوم
بیر سوز دئیوری دیل دوداق آلتدا،دلی داغلیر
نیسگیل الی مین آهیله قلبین اویور آغلیر
آغلور دئیور الله،بو خزانیم باغ اولییدی
ای کاش آنام فاطمه ایندی ساغ اولییدی
باهم نه اولاردی ایکیسین ایندی گورییدیم
دل جامینی بس باده عشقیله هورییدیم
باهم نه اولاردی منه اولسیدیله مهمان
فخریله ائدیدیم اولارا جانیمی قربان
ای کاش ایکی سی بوگئجه دیداره گلییدی
زهرا آنامیلا بابام افطاره گلییدی
آرزوم واریدی عشقیله پیشوازه قاچیدیم
منده آتامیلا آناما سفره آچیدیم
فخریله گزیدیم قاباغیندا دولانیدیم
مهریله دانیشدیقجا آنام،دردین آلییدیم
نئییلم؟اوزی یوخدی،هله یادائتماقی خوشدی
زهرا آنامین هریئره باخدیم یئری بوشدی
ال بئلده،سینیخ قامتیله تک گلیر اما
خیبرشکنین حالینی هاردا گوره زهرا
الله نئجه سولدوردی گلستانیمیزی غم
بیر میخ دریله نئجه گور دوندی دونرگم
یارب!آتامی باری الیمدن داخی آلما
بسدی بیری،شال غمی شال اوستونه سالما
#هاتف_حضرتی
#شهادت_حضرت_علی_ع
#حضرت_کلثوم_س
یاهو
الده قلم آواره گزیر سوز بوداقیندا
مین نیسگیلی مین درد وغمی وار دوداقیندا
البته که عشقین سوزونی دیل دیئیه بولمز
معشوق سرشکین که به جز عاشقی سیلمز
سوز قلبیمی اوخ تک دلیر اما دیله گلمیر
حلقیم بیچیلیر،گوز یاشیم اما سئله گلمیر
بیر سوز قفس قلبیده قوش تک چالیشیر هی
نیسگیل اود اولور،اود کیمی قلبیم آلیشیر هی
هرکس آناسیزدی بو سوزی قلبینه سالسین
ای کاش همیشه بالا ئولسون،ننه قالسین
یوخ عیبی،سوزوم قوی آچیلا ماه خدادی
هردل یانا بوغمده اگر ایندی روادی
دائم تیکیلیر منظره غم گوز ائوینده
حیدر قوناقییدی بو گئجه اوز قیز ائوینده
آرام گلیر کوچه ده،خسته،شه مظلوم
حسرت گوزی یوللاردا گورور صحنه نی کلثوم
بیر سوز دئیوری دیل دوداق آلتدا،دلی داغلیر
نیسگیل الی مین آهیله قلبین اویور آغلیر
آغلور دئیور الله،بو خزانیم باغ اولییدی
ای کاش آنام فاطمه ایندی ساغ اولییدی
باهم نه اولاردی ایکیسین ایندی گورییدیم
دل جامینی بس باده عشقیله هورییدیم
باهم نه اولاردی منه اولسیدیله مهمان
فخریله ائدیدیم اولارا جانیمی قربان
ای کاش ایکی سی بوگئجه دیداره گلییدی
زهرا آنامیلا بابام افطاره گلییدی
آرزوم واریدی عشقیله پیشوازه قاچیدیم
منده آتامیلا آناما سفره آچیدیم
فخریله گزیدیم قاباغیندا دولانیدیم
مهریله دانیشدیقجا آنام،دردین آلییدیم
نئییلم؟اوزی یوخدی،هله یادائتماقی خوشدی
زهرا آنامین هریئره باخدیم یئری بوشدی
ال بئلده،سینیخ قامتیله تک گلیر اما
خیبرشکنین حالینی هاردا گوره زهرا
الله نئجه سولدوردی گلستانیمیزی غم
بیر میخ دریله نئجه گور دوندی دونرگم
یارب!آتامی باری الیمدن داخی آلما
بسدی بیری،شال غمی شال اوستونه سالما
#هاتف_حضرتی
#شهادت_حضرت_علی_ع
#حضرت_کلثوم_س