یاهو

علی نین قلبینی سیخسوز،آچیب باش قلبوزی دَلَّلم

هارا چکسوز اونی منده سینان پهلوئیله گَلَّلم

آچون تئز اللرین ایندی منیم روحوم چیخار تندن

علی نی بوشلیون هرنه حسابوز وار آچون مندن

علی جان،دلبریم،روحوم،اوجا دوت باشیوی عشقیم

منیم قاخمیر الیم تئز سیل اوزون گوز یاشیوی عشقیم

اگر سن شمعِ عرفان سان منی پروانه فرض ائیله

سن اول ساقی منی می دن دولی پیمانه فرض ائیله

رهِ عشاقیده روحِ وفا پیکردن آیریلماز

گورن بیلسین ئولر زهرا،ولی حیدردن آیریلماز

خیال ائیلیر بو ملت من خزان ویرمیش گل زردم

آدیم عورت دی،غیرتده ولی هر مردی دن مَردم

بولار اوچ یوز نفر گلسین غلاف و تیغی اللرده

منیم بیر معجریم بسدی،سالا بیر عالمی درده...

#هاتف_حضرتی
#حضرت_زهرا_س

یاهو

بعد از دفن حضرت زهرا س

غرض دریای حِلم الله،یَمِ حِلمانی دفن ائتدی

قازیب اوز صَبرینین قبرین،ولی زهرانی دفن ائتدی

غبارین سیلکییب قبرین اللیندن،غم باشا چیخدی

الینده وار یوخون دفن ائیلییب الّلر بوشا چیخدی

دئدی زهرا گوروب خَیر والوَرانی ایندی دینجلدون؟

ائدیب بی کس عَلیّ المُرتضیٰ نی ایندی دینجَلدون؟

بیر اللّی هی قنوتونده دُعاوین حاجتین آلدون

خلاص اولدون اوزون اما،منی گور نه گونه سالدون

همان حیدر کی تیترَردی ایاقی آلتدا یِئر گویلر

قالیب ایندی ائله حاله که سنسیز بیر ئولوم ایستَر

اولان اولدی منه،سنده یانیبسان منله بو اوتدا

یاتیب توپراقلار آلتیندا ائویمی ییخمیسان زهرا

فدا ایثاریوه،غمده منه سینه سپر اولدون

منه گلمیشدی درد و رنج سن مندن بَتَر اولدون

سنی میخِ در و آتش،منی بو صحنه یاندیردی

چاغیردون فضه نی گوردوم،منی بو سَس اوتاندیردی

بو دوقّوز ایلده بیر دفعه خجالت ائتمه دون زهرا

ییغیب بیر یئرده آخر لحظه تابوت ایسته دون زهرا

سنه گهواره قولی وئردیم عکسه دوندی بو باره

مُحیا ائتدی تابوتون همان اسبابِ گهواره

گرک سندن صورا لطفِ جهانی بوشلییام زهرا

ئولونجه من سنه بیر زندگالیق بوشلییام زهرا

سیخلمیش قلبیمی آرتیق غمیله سیخدیلار نئیلیم

سنی مندن آلیب آخر ائویمی ییخدیلار نئیلیم

اولان اولدی،یانان یاندی،فقط رفعِ ملال ائیله

ائویمده اینجیدون زهرا منی دیلدن حلال ائیله

سنی تاپشیردیغیم توپراقه آماجِ غبارم من

یانان کاشانه مه دور گور نه نوعی رَه سپارم من

منیم احوالیمه ایندی قرا گونده فلک آغلار

منی بو حالیله گورسه قیزون زینب اگر دیغلار

گئدیم هانچی ائوه؟بیر ائو کی سن سیز قاتلِ جاندی

منه سنسیز هله ائو هئچ،بو دنیا کلی زندان دی

بیر ائو کی خاطراتونله دوزولموش خشتی خشت اوسته

وجودونله سنون اقدم گلردی مین بهشت اوسته

بیر ائو کی هر وجب ده مین گولوش دفن اولدی ظلمیله

حسادت اللریله گلشنِ عشقیم اود ایچره سولدی ظلمیله

بو ائودن ظلم اَلی هر خاطرِ دیرین لیغی آلدی

سنی آلدی،منیم ائودن اولان شیرین لیغی آلدی

گئجه یاری بو قبر اوسته اوتورماز مرتضی بیجا

نه سندن اَل اوزه بیلَلم،نه دیز وار گئدماغا زهرا

ولی گوزلور بالالاریم ائویمده قلبی بشکسته

گرک دیز گلمسه نئیلیم،گئده م حتی اوزوم اوسته

من ایندی اولماسام ائوده،اولار اشکیله ائو دریا

هامیسی بیر طرف اما،حَسن حتما ئولَر زهرا

گلنده کوچه ده گوردوم،که بیر یرده غمه دولدی

نَنم وای سَسله دی آرام،اَل اوزده گول کیمی سولدی

بوکولدی دیزلری،آه و فغانی دیلده لمس اولدی

بیر اَل اوزده بیر ال دیواریده،اشکیله گوز دولدی

اورکدن رنگ اندوهین گئدیب ائوده سیلیم زهرا

آلیب گویلون نوازش له،گرک دردین بیلیم زهرا

بو نئچه گون آغیر سوز گوزیاشیندا گورموشم زهرا

هله تل تل آغارمیش مو باشیندا گورموشم زهرا

فدک جریانینه سنله گلَندن غم سارالدیبدی

نه غم وار بیلمیرم دیلده اونی بئیله قوجالدیبدی

#هاتف_حضرتی
#حضرت_زهرا_س
#بعد_از_دفن

یاهو

اولوب دی رنگِ گول خزانی

دیله گتیردی باغبانی

دییردی دیلده هی نهانی

یانیرام من

یانیب دی اودتدا گلستانیم

یانیر بو محنتیله جانیم

نه نوعی گور گئدیر جوانیم

یانیرام من

سنی حسن سنی حسینیم

منیم صفای عالمِینیم

دانیش منیله نور عینیم

یانیرام من

دانیش سو سَپ شرارِ آهه

بو گویلی داغلا بیر نگاهه

ترحم ائت بو بی پناهه

یانیرام من

سبب منم سولوب بهارون

من آلمیشام اولان قرارون

غم اولدی منله روزگارون

یانیرام من

دوشوبسن ای گولوم نه حاله

تنونده وار طَنینِ ناله

آچیبدی پیرهنونده لاله

یانیرام من

وار آیریلیق غمی سوزونده

نه قاندی فاطمه گوزونده؟

اوزوک نشانی وار یوزونده

یانیرام من


منیم سلامیمی آلان،دور

غمیمده فکریمه قالان،دور

منی بو درده ای سالان دور

یانیرام من

دانیشماسوندا حقلیسن سن

اولانمادون ائویمده ایمن

بو باره ده خجالتم من

یانیرام من

خزان خزان خزان،بهاریم

بو غملی قلبیده قراریم

گوز آچ همیشه لیق نگاریم

یانیرام من

سینونده لاله دوندی زرده

سالیب منی به غصه درده

نه اولدی اولدی پشتِ درده

یانیرام من

سَسون نِیِ گلویه بنزیر

تَنون شکنجِ مویه بنزیر

سینون سینیخ سبویه بنزیر

یانیرام من

ائدیب نه قدری آه و شیون

اورکلنیب دئییبدی دیلدن

گوز آچ خانیم عمو اوغلوام من

یانیرام من

□□□□

تلاطم ائتدی شوقِ دریا

یوزه دگیب دَمِ مسیحا

دیله گلیب بو سوزده زهرا

ئولورم من

دئدی عمو اووغلو گویلوی آش

بئله اشاقه سالما سن باش

گوزوه دوزمَرَم دولا یاش

ئولورم من

گوزوم گوزوه مبتلادی

بو نه سیزیلدی نه نوادی

واریم یوخوم سنه فدادی

ئولورم من

نه غم گلیب دوزوب دایاندیم

تالاندی گلشنیم،تالاندیم

قاپیم یاناندا منده یاندیم

ئولورم من

گئیب الیمدن اختیاریم

دئمه که دوزمه دی نگاریم

جالاندی شیشه قراریم

ئولورم من

قاپی،لگد،منیله،دیوار

وسط ده منله ایستی مسمار

نه حاله گور قالار بو بیمار

ئولورم من

فدک قرارینه گئده ندن

او کوچه ده گئدیب گلندن

اوتانمیشام بالام حسن دن

ئولورم من

سوروشما بو غمِ نهانی

بوراخ گوزوم ده لخته قانی

قدون اولار غمه کمانی

ئولورم من

#هاتف_حضرتی
#حضرت_زهرا_س

🍂زبانحال حضرت علی ع🍂

🍁غسل حضرت زهراس🍁

یاهو

یانام باخارام بو ارییه ن پیکره زهرا

باخ باشیوین اوسته قوجالان حیدره زهرا

(گوز آچ، زهرا اماندی_داخی صبریم تالاندی)

امتله علی نین آراسیندا گیله دوشدی

اود ویردیلار اود غنچه وبرگ و گوله دوشدی

حیدرگولونون یانماقی دیلدن دیله دوشدی

عالم بویی چاتماز بو محن آخره زهرا

دل صحبتی خوشدور دل و دلدار آراسیندا

حق دور یانا بلبل اودا گلزار آراسیندا

نیسگیلدی قالا گل در ودیوار آراسیندا

بلبل باخا حسرتله گل پرپره زهرا

مجنون غم لیلی له یانیب صبح ومساء گر

افسانه دی افسانه دی افسانه دی یکسر

بلبلدن اوتور کیم بئله عشقی گوروب آخر

خون دلیله گول یازا عشقین دره زهرا

مغسلده کمک سیز دایانیب خسرو خوبان

فرض ائیله بنادن ییخیلیب پایه ی ایمان

برهم اولونوب ظلمیله شیرازه قرآن

ناطق دایانیب غسل ائلیه کوثره ،زهرا

وار یاددا گئدیب جنگه گلیب یاره م اولاندا

بیر بیر یارامی باغلاماقون عشقیله زهرا

من بیر یاراوی باغلاماقا عاجزم اما

نئیلیم؟سینه وین قانی آخور یکسره زهرا

مین بئیله منیم یاره می باغلاردون عزیزیم

باغلاردون،اوپه ردون،سینه داغلاردون عزیزیم

خلوتده یانیب،گیزلیجه آغلاردون عزیزیم

حسرتدیم ایندی او گئچن گونلره زهرا

حاشا آتا حیدر گولونون لطف و کرامین

ای اوتدا حمایت ائدن عشقیله امامین

مهریله علی نین ای آلان ائوده سلامین

سندن صورا ایوای اولا بو حیدره زهرا

"هاتف"غم واندوهیوه دائم سینه داغلار

ایوای آنام ایوای،آنام ایوای دئییب آغلار

تاج شرفین،قاره وی آغلار باشا باغلار

آغلار گوزی قربان یومولان گوزلره زهرا

#هاتف_حضرتی
#حضرت_زهرا_س

یاهو

گلشنِ عشقه سالما خزان زهرا

آچ گوزون ای عمری آز جوان زهرا

مین گلشن سولسا،سن کیمی گول سولماز

عشق عالمی بئیله آیریلیق اولماز

گوزلرون آچسون قلبیمه قان دولماز

سن سیز من ئولَلّم والله اینان زهرا

قال سن شمع اول من عشقونده پروانه

گزیم سایونده دیوانه دیوانه

قویما باغلانسین بو درِ میخانه

دولدورما جامِ عشقیمه قان زهرا

بالالاریمی ساتما بو هجرانه

سالما نور عینیمی بیابانه

زینبین زلفون ویرماز فلک شانه

ائیلییب هجرون حالین یامان زهرا

غم چالدی داشه بو صبریمین جامین

وئردی منه دنیا هر نه آلامین

آلمیلار حتی علی نین سلامین

غریبم سن سیز ای مهربان زهرا

نیمه نفسلرون بِئیله آهیله

بند اولور دیلون هی اود ویریر دیله

گتیرمه ئولوم صحبتینی دیله

آلما حیدر دن صبر و توان زهرا

ابر غم سایه سالیب جمالیوه

ئولَلّم خجلتله سنون احوالیوه

من باعث اولدوم بو غملی حالیوه

یانان حالین درک ائیلر یانان،زهرا

"هاتف"بو درده دائم سینه داغلار

وای نَنم دئییب سینه داغلار آغلار

عشقونده شال ماتم باشه باغلار

سسلر ای غمدن تئز قوجالان زهرا

#هاتف_حضرتی
#حضرت_زهرا_س

یاهو

آنا زهرا،سولوب گول تک جمالون

گلستانی سالیب درده ملالون

سینیب سینون سینیبدی قول قانادون

یارالی قوش کیمی پوزغوندی حالون


(ئولیدیم گورمییدیم باغریوی قان

آغارمیش زلفوه زینب قربان)


سارالمیش گول عذاره طاقیم آغلار

طاقیمدا اود دوتوب یاپراقیم آغلار

قیزون ئولسون،گوزونده لخته قانه

ئولوب گئدسم گینه توپراقیم آغلار


(ئولیدیم گورمییدیم باغریوی قان

آغارمیش زلفوه زینب قربان)


گرک بو درده دائم آغلییم من

ئولونجه سینه غمدن داغلییم من

دریندی بس چیخیر پیراهنه قان

نئجه سینون یاراسین باغلییم من


(ئولیدیم گورمییدیم باغریوی قان

آغارمیش زلفوه زینب قربان)


بهارِ چشمیوین واردور خزانی

سالیب درده بو سولماخ باغبانی

آتام هرنئیله دی دیوار و دردن

سیلینمیردی یاغیلمیش سینه قانی


(ئولیدیم گورمییدیم باغریوی قان

آغارمیش زلفوه زینب قربان)


بولوط تک اشکیله دولموش ننم وای

جفادن گول کیمی سولموش ننم وای

آچیب اون سَگیز ایل عمرینده لاله

جوانلیقی یالان اولموش ننم وای


(ئولیدیم گورمییدیم باغریوی قان

آغارمیش زلفوه زینب قربان)


سنه داغلار سینه داغلار عزیزیم

محن گوزیاشیوه آغلار عزیزیم

فلک لای لای دیئیه ر بو روزگاره

آچیب غم بوخجاسین باغلار عزیزیم


(ئولیدیم گورمییدیم باغریوی قان

آغارمیش زلفوه زینب قربان)


گلنده زینب آدی وای دیئیللر

پوزلموش زولفومه ایوای دیئیللر

گورنده قارداشیم باجیم منی گر

ئولنده وای ننم لای لای دیئیللر


(ئولیدیم گورمییدیم باغریوی قان

آغارمیش زلفوه زینب قربان)

#هاتف_حضرتی
#حضرت_زهرا_س

یاهو

ای گلشنِ عشقین سارالمیش لاله سی

آی تک اوزون دوتموش جفالر هاله سی

سَس وئر بو قلبِ زاری سیخما فاطمه

کاشانهٔ عشقیمی ییخما فاطمه

(ایوای یارالی دلبریم غم پروریم)

گلزاریمه اود ویردیلار سولدوردیلار

محنتله قلبِ زاریمی دولدوردیلار

داغ داش یانیر آغلیر منیم بو حالیمه

آچ گوزلرون باخ بیر منیم احوالیمه

(ایوای یارالی دلبریم غم پروریم)

بوندان آغیر غم یوخ یقین بو دهریده

حیدر سلامین آلمیر هئچ کس شهریده

سن بیل حسینین جانی زهرا آچ گوزون

حیدر سلامین عشیقله دور آل اوزون

(ایوای یارالی دلبریم غم پروریم)

داغلار ییخانمازدی دیئیردون حیدری

داغون سنون سیندیردی بو بال و پری

من هئچ کسه یالوارمادیم عمرا ولی

اما سنه یالواریر ایندی قال علی

(ایوای یارالی دلبریم غم پروریم)

دیوار و در آلدی الیمدن وار یوخی

ویردی یارالی قلبیمه محنت اوخی

گوردوم اوزوم نارِ غمه یانماقیوی

گوردوم اوزوم قان ایجره غرق اولماقیوی

(ایوای یارالی دلبریم غم پروریم)

قوش تک چالیخلیردون نئجه گوردوم اوزوم

پیراهنونده قان گئجه گوردوم اوزوم

پیراهنونده لاله لر آچمیشدی گول

آچ گوزلرون بو بی کسه بیر یولدا گول

(ایوای یارالی دلبریم غم پروریم)

#هاتف_حضرتی
#حضرت_زهرا_س

یاهو

منیم قراریم زهرا

گل و بهاریم زهرا

منم گدایِ عشقون

وار انتظاریم زهرا


اورکده عشق و صفا وار

غمونله دیلده نوا وار


سنون عشقونده وفادارم

غمیوه گونده عزادارم


وار گوزوم سنده خانیم

سنه قرباندی جانیم


صفا و زینتِ خاتم

فدا سنه هامی عالم

گورنده پرپر اولان گول

دولور اورکلره ماتم

یادا دوشور در و دیوار

باتیر بو قلبیمه مسمار


گوزومون یاشی قوی اولسون قان

اورگون دردینه من قربان

لاله تک پرپر اولان

گول کیمی اوتدا سولان


اولور بو درده اورک قان

یارالی سینوه قربان

گدا منم ولی سنسن

عزیزِ حَیِ سبحان


آدونلا دیلده صفا وار

نه قدری درده شفا وار


ای کرامت ده اولان دریا

هاتفِ درگهیوم زهرا

عشقیویله ئولرَم

سائلم ائیله کرم

#هاتف_حضرتی
#حضرت_زهرا_س

یاهو
______
اے بانوے تمام زمین،دیدہ باز ڪن

حال دلم گرفتہ ببین،دیدہ باز ڪن

من بے تو از وجود خودم خستہ مے شوم

عنقایم و،بدون تو پر بستہ مے شوم

من باتوام،ز هست توهستم،وگرنہ هیچ

همیشہ از نگاہ تومستم،و گرنہ هیچ

هرلحظہ ڪہ گلوے مرا تنگ ڪردہ آہ

چشمم همیشہ ڪردہ بہ چشمان تونگاہ

ایڪاش جان سپاردازاین غصہ باغبان

جاڪردہ در نگاہ گلت ریشہ خزان

ایڪاش علے بمیرد و این سان نبیندت

چون گیسویت شڪنج وپریشان نبیندت

زهرا،تورابہ حضرت چشم بهارے ات

حرفے بزن،بگو ز غم بے قرارے ات

ڪارے مڪن،ڪہ دق ڪنم از زندہ بودنم

یا سر ڪنم بہ چاہ،ز شرمندہ بودنم

یڪ لحظہ اے بہ خاطراین عاشقت بخند

درهاے غم بہ دیدہ این بے ڪست ببند

آخرمگر،بہ جز توچہ ڪس دارداین علے؟

درخیر و شر،بہ جزتوچہ ڪس دارداین علے؟

برخیز و جان بہ پیڪراین خانہ ات بدہ

جامے پر ازنگاہ بہ دیوانہ ات بدہ

مشغول شو،دوبارہ بہ خانہ تڪانے ات

آبے بزن بہ باغ رخ ارغوانے ات

دستے بڪش بہ زلف پریشان زینبت

زهرا،تورابہ حق علے،جان زینبت

ازصورتت ملافہ غم را ڪنار ڪن

با یڪ نگہ،دوبارہ مرا بے قرار ڪن

حیدربگو،ڪہ جان بسپارم براے تو

جانم،تمام دار وندارم فداے تو

"هاتف"دلش گرفتہ برایت عزیز من

بر جان او تمام بلایت عزیز من

#هاتف_حضرتی
#حضرت_زهرا_س

حضرت زهراس....درد دل

اولماسون نظام فلک یقین،بیر بیره دَگر یاابالحسن

سن سیز عالمین باشینه فلک،خاکِ غم الَر یا ابالحسن

سن کیمی عدالتده گلمییب،پیکر وفا روزگاریده

محو اولان کمالونده محو اولار،قدرت حقِ کردگاریده

سنله عالم عالم اولوب اگر،سنله اخذ ائدیب اعتباریده

مسند قضاوت نه قدری وار،حسرتون چکر یا ابالحسن

کیمسه اولسا صراف او درک ائدر،عمقِ حقده دُرّ کلامیوی

پست اولان بشرده نه دل،سنون تا بیله عُلوّ مقامیوی

عیبی یوخدی قوی آلماسین سنون شهریده بیر عده سلامیوی

فاطمه سنی هم امامی هم دلبری بیلر یا ابالحسن

یوخ ایشیم کی وار گوزلرونده مین،جذبهٔ حیات و مَمات علی

یوخ ایشیم کی خلقتده نقشی وار،بذل روحیده حیدرین اَلی

یوخ ایشیم معمای خلقتون،حل اولان دئییر حشره تک،ولی

ائیله دی بو قوم دنی سنون،قدریوی هدر یاابالحسن

سنسن عِزّ و شان و شرافتیم،بی وفا بو دنیانی نئینیرم

سن یاشا،منه بسدی ئولماقیم،عشقیویله من جانی نئینیرم

گوزلرون اولان یئرده مرتضی،من صفای رضوانی نئینیرم

شانه ده قالان بیر توکون سنون،جنته دگر یاابالحسن

اللریوی حسرتله هی باخیب،غم دیزینده بئیله دراخلاما

حسِّ خجلتیله باخیب یئره،وای منه دئییب سینه داغلاما

قوی من آغلییم دردِ غربته،گوزلریوه قربان سن آغلاما

عالمین پوزار نقش و نظمینی،آغلاسون اگر یاابالحسن

عیبی یوخدی من یانمیشام ولی،قویمارام سنون حقیوی یانا

قلب اودور کی عشقِ ولایته،هر تپشده قانیله بویانا

سن خجالتیله باخاندا دیل،آز قالیر چکه شعله اودلانا

آدیمی دیئینده ندن بئله،لبلرون اَسَر یا ابالحسن

نصف شب منیم دفن و کفنیمی،ائیله گرچه مشکلدی مسئله

آغلاما داهی صبر ائله علی،گوزلرون بیر آز بلکه دینجله

هر نه قدری وار دیلده ماتمون،هر بلا وارون "هاتفه" گله

وای آنام دئییب نوحه سین یازار،دردیمه مَلر یا ابالحسن...

#هاتف_حضرتی
#حضرت_زهرا_س

یاهو

حضرت زهرا س

بو سوزلریله منیم خسته قلبیمی سیخما

غریبم آچ گوزوی،حیدرین ائوین ییخما

مگر بنا بو دگوردی همیشه باهم اولاخ

اگر چه آیری تَن اما،بو تَن ده بیر دَم اولاخ

من ایندی عم قیزی سنسیز نه چاره ائتمه لییه م

هَزارم ایندی چمن سیز نه چاره ائتمه لییه م

غروب وقتی یامان وقتیده غروب ائتدون

غریبه وقتیده آتدون غریبیوی گئتدون

نه نوعی قاره چکیم ایندی عشق لانه سینه

بالالارین نه دییم سن سیزم بهانه سینه

سوالِ عشقِ علی نین جوابینی یومدون

گوزون یوموب منیم عمروم کتابینی یومدون

منیم ازلده قاتیشمیش گیلیمده سن زهرا

ئولونجه هر یئره گئدسم دیلیمده سن زهرا

سنون گوزونده علی نین جهانی غرق اولدی

سولان یوزونله طراوت ئولوب گولی سولدی

قصور مندن اولوب،من خزانه یول وئردیم

خزانه وحی اولونان آستانه یول وئردیم

ئولونجه قلبیمی تیرِ غمیله بولمه لییه م

سنون جسارتیوه من خجالت ئولمه لییه م

یادیمدا مندن اوتور سینه وه نه غم ساشدون

نه نوعی خیبری فتح ائیلییه ن الی آشدون

همیشه مندن اوتور اشکی قانه قاتدون سن

شهامتونله منیم باشیمی اوجاتدون سن

گوزومده خاطره لر زنده دور همیشه منیم

محبتون سالیب عاشق دیلیمده ریشه منیم

گئچن او گونلری یادش بخیر فاطمه جان

وفالی اَللری یادش بخیر فاطمه جان

بو ال منیم نئچه یاره م اولیدی باغلاردی

منیم غمیم ده بو گوزلر همیشه آغلاردی

گوزون یاشین اَلییب،الده مرهمه قاتدون

قویوب یارالاریما عشقیویله توخداتدون

ولی اورک غمیوی من آلانمادیم زهرا

سنون بو بیر یاراوی توخدادانمادیم زهرا

اورکده درد و دیله بیرجه آن مجال ائیله

علی نی گوزلریوی یوممامیش حلال ائیله...

#هاتف_حضرتی
#حضرت_زهرا_س

یاهو

چون آئینه با جفایِ سنگ مشکل دارم

بشکسته دلی که با خَدنگ مشکل دارم

از کودکی ام هراسم افتاده به جان

با واژهٔ #کوچه_های_تنگ ،مشکل دارم

#هاتف_حضرتی
#حضرت_زهرا_س
#امام_حسن_ع

یاهو

دولوبدی جام دلیم باده محبتدن

گئچیم نه نوعی اورکده قالان بو محنتدن

باخاندا هر طرفه بوش یئرون سنون گورونور

گلیبدی تنگه اورک سینه ده فراقتدن

دوشوبدی گویلومه لای لای سنون آناگینه ده

یانام ئولونجه گرک دیلده آه و حسرتدن

دیئیه ردیلر آناسیزلیق چتیندی گوردوم آنا

یامان مصیبتیمیش دل یانیر بو محنتدن

آنانی هامیدان افضل گوز آختارار بوردا

خصوصا اینکه بالاسی گلسه شهرِ غربتدن

دیئیه ر که کاش آنام ایندی آلا قوجاقه منی

بو قدری حسرت اولارمیش مگر بو صحبتده

آناسیزین غمینی کیمسه بیلمییب بیلمز

مگر او کس که منیم تک یانار بو قسمتدن

فلک بولوب بیزه ده وئردی بو غم و دردی

اگر چه چوخ تئزیدی دل یانا حرارتدن

ولی نه چاره گرک بوش یئرون گوروب آلیشاخ

یاناخ ئولونجه آناسیزلیقا محبتدن

#هاتف_حضرتی
#حضرت_زهرا_س
#آنا

یاهو

باشی اوسته اگلشیب دی،ائلییب اتاقی خلوت

بیری باغبان بیری گول،ولی گولده یوخ طراوت

اَلی غم دیزینده حیدر،گوزی فاطمه گوزونده

او علی سَسینده حسرت،او گولون سَسینده حسرت

نه گلیبدی بئیله عاشق،نه گلر داهی جهانه

نه او باشلیا بیلیر سوز،نه او باشلییر حکایت

هله یوخ ایشیم نه مدت،ایکی گوز قالیبدی گوزده

ولی سیندیریب سکوتی آرادا بیر آهِ حسرت

همی آغلییب دویونجان،همی ائیلییب تبسم

گول ائدیب ایکی نگارین آرا عشقیله محبت

ائله آه چکدی زهرا،ویریب اود علی آلیشدی

دئدی فاطمه دیله گل،ائله دهریدن شکایت

دئدی آل دیز اوسته حیدر،باشیمی محبتیله

اورگیمده واردی چوخلی سن اوچون یانیخلی صحبت

دییرم کی سینون اوسته،سینه می بیرآز یاخینلاد

یانیرام،سینه مده بلکه،آزالا اولان حرارت

گوزووین فداسی بسدی،علی آغلاما عزیزیم

سیله بیلمیرم او اشکی،چکیرم فقط خجالت

ائدیرم تلاش اما، قولومون یاراسی قویمور

بولوسون کی آغلاسون سن،منی ائیلیه ر اذیت

سن اوزون یاپیش الیمنن،او آخان گوزوون یاشین سیل

بیلیرم که اولموشام من سنه دوقوز ایلدی زحمت

ولی بو گئجه حسینین شرفی منی حلال ائت

اگر ایستیسه ن که جانیم چیخا حسرتونده راحت

باخا بیلمه دیم دویونجا،بالالاریما،سنه،نه چاره

ولی نئییلیم،یازیلمیش بیزه ده بئله مَشیَت

هامی سوزلره علاوه،اوتانیر گوزوم گوزوندن

منی عفو ائله اوجور کی،ائده بیلمه دیم حمایت

شرف جهان کی سنسن،سنون آدیوه قسم که

قاپینین دالیندا دوزدوم،واریمییدی هرنه قدرت

قاپینین شیاریدن بیر سینه مه توخولدی خنجر

منه هرنه ائتدی اوندا،ائلییب همان جراحت

دئمیرم داهی آچیبلار قاپینی نه نوعی قالسین

بالام ئولدی،من ییخیلدیم،گینه ضربت اوسته ضربت

بئله فرض ائله که اوچ یوز،آدی ناکیشی اویاندا

بو طرفده بیر یارالی،اوزی حامله بیر عورت

قاپی،ایستی میخ،دیوار،قاپی دالدا من کمکسیز

لگدیله سیندیبلار،نه که آچدیلار به حرمت

اولان اولدی ایش قوتولدی،یانانین یانیب دی قلبی

بشسکت اگرچه جامی،سرِ ساقی اش سلامت

نه قَدر دئسم کی چاتماز باشا ماتمیم ولیکن

سنیله منیم جهانه غمیم ائیلیه ر کفایت

هامی درد دلدن آخر بودی دیلده اصلِ مطلب

سنه یاریوین اورکده واریدی نئچه وصیت

گئجه غسل وئر علی جان،کفنیمده زینبیمده

گئجه یاری بیرده سَسیز ائله دیلده دفنه نیت

سنه میهمانم عشقیم،داهی آخرین گئجه مدی

بیلیرم که مندن آیری،سنی ئولدورَر بو غربت

غمی چوخ،ملالی چوخدور بیلیسن بو #هاتفینده

حسن اوغلومی چوخ ایستر،اونا خاطر ائت طبابت

#هاتف_حضرتی
#حضرت_زهرا_س
#درد_دل
#وصیت

یاهو

گویدن دوشوب کمانه یئره غملی ماهتاب

گوزیاشینی اَلیر باشی اوستونده آفتاب

قلبی سینیخ بو دهری گوزوندن ائله آتیب

اولدوزلارین باشین ائله درد و غمه قاتیب

گون قلبی پارچا پارچا غم و حالِ ماهیدن

دولموش فضایِ نه فلک اندوه و آهیدن

سَسلندی عم قیزی منیم ای نیمِ دیگرم

باخ بیر عمو اوغلوام گوزلیم،بی کس حیدرم

یاتما بو نوعی آچ گوزون ای هیکلِ وفا

سن گوز یوماندا باغلانیری منظرِ صفا

سنسیز بو ائو جهانیله برزخ،نه فرقی وار

سنسیز منه بهشتیله دوزخ،نه فرقی وار

رَد ائیله غم ملافه سینی رویِ عشقیدن

قوی بیرده رَد اولوم سنیله کویِ عشقیدن

آچ گوزلرون همیشه کیمی عاشقون اولوم

مخمورِ عشقیوم گینه قوی باده دن دولوم

ویر بیر بیره او کیپریگی دنیا ایشیقلانا

گول_آتشِ محبتی دیللرده قوی یانا

فکر ائیلیسن که دردیوی من دیلده بیلمیرم؟

واردور نه قدر آه و محن دیلده بیلمیرم؟

من آغلییم بو غربته سن آغلا،عیبی یوخ

بیر یولدا باخ دوباره گوزون باغلا عیبی یوخ

من آگهم  تنونده اولان دردِ شدته

تئز تئز نفس ویریب اوزوی سالما زحمته

دوندرمه یوز،یوزونده اگر هاله گورسنیر

پیراهنونده سن دونَنی لاله گورسنیر

دورما منیم بو حالیله اصلا اَیاقیمه

اوت سالما اَل بئلونده تالانمیش تفاقیمه

آزاد ائله سینونده اولان آه و ناله نی

جمع ائیله بسترونده آچان باغِ لاله نی

آهولری اوزوندن اوزاق سالما فاطمه

طاقت بو باغبانِ غم زده دن آلما فاطمه

کیم سینه مه مدال محبت آچیب ساچار

سن اولماسون بو قولاریمی بیرده کیم آچار

سَس وئرمیینجه هی آدیوی سَسلرم خانیم

من بی کسم، آماندی که بیکس لرم خانیم

سن قال یاشا،گرک من ئولَم دیلده محنته

مین یول ئولوب دیریلسم اگر آزدی خجلته

قلبی روا ئولونجه غمه یانماقا منم

باعث بئله بو قول قانادا سینماقا منم

اهل جفا قاپیمدا هیاهو سالاندا گر

گئدسیدیم اوندا گر اوزوم اولمازدی بئیله شَر

گوردوم نه نوعی بابِ کراماتی ییخدیلار

آلتیندا قالدون اوستونه ظلمیله چیخدیلار

من اوز الیمله گلشنیمی پرپر ائیله دیم

من طایرِ وفانی شکسته پر ائیله دیم

سندن صورا بو محنت و غم ئولدورر منی

من ئولمرم خجالت و غم ئولدورر منی

#هاتف_حضرتی
#حضرت_زهرا_س
#درد_دل

یاهو

آشفته حالم یوخ قراریم_اوتدا یانیب باغ و بهاریم

الدن گئدیر در و نداریم

یانام باخدیقجا یوزوه آنا جان تَبیوه

گوزون آچیب باخ آنا زینبیوه

اماندی باغریم غمدن قاندی_اورک باشی دردیویله یاندی

آنام آنام زهرا آنام آنام زهرا آنام آنام زهرا زهرا


ئولونجه وار دیلیمده ناله_گرک یانام آنا بو حاله_سینون آچیبدی لاله لاله

لعنت اوکس سنی بوحاله سالیب_اهلِ کسانین بئله تابین آلیب

نه تئز باشا قاره سالیم آنا_نه وقتیدی دیل بئله درده یانا

من هئچ آنا باخ حَسنین اوزنه_دولوبدی قان آغلامادان گوزونه_دوا ائدیم دیلده نئجه سوزونه

نلر اولوب کوچه ده هئچ کس بیلمیر_گوزون یاشین هی اَلیور سیلمیر

آنام آنام زهرا  آنام آنام زهرا آنام آنام زهرا زهرا

#هاتف_حضرتی
#حضرت_زهرا_س
سبک:کربوبلا نبر ز یادم

یاهو

عُمر سرمایه وی گل وئر باشا منله ن زهرا

من ئولوم،سن بیل علی،قال یاشا منله ن زهرا

بیلیرم،من سنون حقونده قصور ائیله میشم

ولی سنله فقط احساس غرور ائیله میشم

گل غرورین بئله سیندیرما بو خیبر شکنین

آد وئریم گئتمیه سن جانینی آیا حَسنین؟

بیلیسن سنسیز علی نین بِئلی غمدن بوکولر

بیلیسن که باشینا خاکِ مصیبت توکولر

باغبان یاخجی بیلَر چاره سینی گول سولسا

مظلومون گوز یاشی مرهمدی نئجه زخم اولسا

توخدادیم گوز یاشیلا قوی یارالاری زهرا

گئتمه باهم بویوداخ گول بالالاری زهرا

سنی بسترده گورنده اورگیم درده گلیر

خواهشانه باخیشون قلبیمی محنتله دلیر

درد دل ائیله،دانیش،طاقتیمی آلما فقط

آیریلیق صحبتین اما من ئولوم سالما فقط

قوی قاباقلار کیمی بلکه یوزوموز بیرده گوله

سن تبسم ائله من فخر ائلییم صحنِ گوله

سن دانیشسون منی آرام ائلیه ر بیرده سسون

منی خیبر شکن ائیلر گینه بیر دَم نفسون

آند اولا زینبه گولسون جانیمی بذل ائدرم

سن اشاره ائله معراجه گینه گور گئدرم

فاطمه هر نه اولوبدی داهی کافیدی،بَسون

بسدی چک سینه دن اَل گورنه سیزیلدیر نفسون

یوزوی دوتما آچ اول منظره ی جَنتیمی

قوی گوزون ایچره گوروم حیدری شخصیتیمی

الیوی قوی الیمه عالمی گلزار ائلییم

سینمیشام،قوی اوزومی حیدر کرار ائلییم

سن ائدن خیر دعالرله نه ائتدیم ائتدیم

سنون امیدیوله جنگه زِره سیز گئتدیم

قلبیمی سنسیز الینده غم و محنت سیخاجاخ

اولماسون حیدری سنسیزلیقی حتما ییخاجاخ

دور دوتوم اللریوی یثربی باهم دولاناخ

عاشقانه دانیشیب گویلوموزی بیرده آلاخ

سن فقط امر ائله تقدیم ائلییم روح و تنی

سن اشاره من اطاعت،ولی تک قویما منی

#هاتفین جانین آخان گوزلریوین قربانی

عشقی سنسن،سنه وابسته دی والله جانی

#هاتف_حضرتی
#حضرت_زهرا_س
#درد_دل

یاهو

کوچهٔ باریکی ده زهرانی والله دویدولر

ناکیشی لر پشتِ درده سیخدیلار ئولدوردولر

حشره تک هر لحظه و هر ثانیه لعنت اولا

قلبیدن هم قنفذا هم ثانیه لعنت اولا...

#هاتف_حضرتی
#حضرت_زهرا_س

یاهو

غمِ گیسونی نه خوشدی دیل آچیب مو دانیشا

نَلر اولموش خَمِ مو اوسته بو گیسو دانیشا

روبرو آینه عشقیده خوشدور بو همین

زولفونون حالتینه خوش اولا بیر تازه گلین

دینمیرم من،یئرینه شانه می دیللنسیه خوشام

معجر آلتدا بو یانان زولفومی بیلنسه خوشام

ایسته سم سنله آچام دردو دیله صحبتمی

یا که ابراز ائلیه م دیلده اولان محنتیمی

بیلیرم گوز یاشیوی ائیلیجاق محنت قان

من کی راضی دئیرم آغلیاسان حیدر جان

باشیم اوستونده اوخورسان اوجادان هی قرآن

گوزوین یاشینه مین یول اولا زهرا قربان

علتیم واردی یقین صحبته چوخ ناز ائلورم

سنون اصرایریوله دردیمی آغاز ائلورم

دینمییم من،یئریمه خانه دانیشسین حیدر

زولفوم اوسته آلیشان شانه دانیشسین حیدر

من دانیشسام در و دیوار خجالت اولاجاق

دیلیمه گر گئتیرم دردیمی مسمار خجالت اولاجاق

درو دیوار آرا بیر دردیمی دیوار بیلیر

نلر اولدی منیله محسنه،مسمار بیلیر

منه هی گئت در و دریوار دییر فاطمه جان

بوشلا بو سینه نی میسمار دییر فاطمه جان

او الیم کی سنون عشقونده یئتیشمیر باشیما

سن کمکلیق ائله حسرتله آخان گوز یاشیما

دئمیرم که سیلینه گوز یاشیما بو گوزلر

ایستیرم گوز یاشیوی من سیلم اوزدن حیدر

من هارا،اشکِ علی؟من هارار بو عشق هارا؟

مگر اینکه دلِ دنیانی فقط تیغِ محبتله یارا

من سنون عاشقیوم باغریوا آل جانیمی آل

من ئولوم عشقویله سن ولی بو عشقیله قال

قال دیئینده هامی فکر ائیلوری سوز جاندی فقط

فکر ائدولر که دامارلاردا گزن قاندی فقط

جان علی دور،دئنه جسمینده که بو جاندی علی

نه که جان عالمه جان،روحیله ریحاندی علی

#هاتف_حضرتی
#حضرت_علی_ع
#حضرت_زهرا_س

"یاهو"
احوالات شهادت حضرت زهرا سلام الله علیها  
سعید حضرتی (هاتف)

یولوم دوشن گجه دن,کوچه عنایتینه

دولوبدی جام دلیم,باده محبتینه

نه خوشدی بیرده یولی,دیلده کوی عشقه سالاخ

اورک گوزیله باخیب,کوبه کو سینی دولاناخ

آدام سیزین اورگین چوخ ثوابی وار گر،آلاخ

گلون گداخ بوگجه,بیرمریض عیادتینه

دوشوبدی آینه فرض ائت شکسته دل گَرده

یارالی قوش کیمی زهرا,یاتیبدی بسترده

سالیبدی زاغ و زغن یاسی ائیله بیردرده

ویریبدی لطمه جفای,خزان طراوتینه

خزان لهیبی ائدیب گلشنین یولوندا کمین

برابر اولدی داشا,تنگناده دُرّ ثَمین

تمامِ هستی حیدر,اولوبدی نقش زمین

چکیبیدی نقش خزانی,بهار صورتینه

سالیبدی ظلمته ظلمت,یول اوسته قَندیلی

ائدیبدی دست جفا,یاس أبیَضی نیلی

حسن یانیندا ویریب,ثانیِ لعین سیلی

ئولونجه اولدی حسن,اشکبار محنتینه

قوتارمادی بوگولون دردی کوچه دردیلن

قویوبدی عالمی حیران,اوگون نبردیلن

تک عورت اولدی برابر,سپاه مردیلن

خطادی مرد دئسه م گر,مدینه ملتینه

توکولدی زاغ و زغن اودلادی علی قاپیسین

حریق جهل وستم,داغلادی علی قاپیسین

او اود قیامته جن,باغلادی علی قاپیسین

که سالدی ایرمی بئش ایل جه,علی نی خلوتینه

کاش اود دوتوب یانا بو دیل,گلنده گفتاره

سیخیلدی فاطمه بین دریله دیواره

برابر اولدی سیخیلمیش او سینه مسماره

دگیبدی ضربه وجودینده  ماه طلعتینه

چاغیردی فضه اماندی,هایانداسان تز گل

قاپیم الوولادی یاندی,هایانداسان تزگل

سینه م یانیب یارالاندی,هایانداسان تزگل

علی نی قویما بیله,دوزمرم خجالتینه

توکولدی قوم دنی,ائوده قیل وقال ائله دی

گلیب گئچن گولونی,یولدا پایمال ائله دی

پیمبرین سوزینه,حیدر امتثال ائله دی

اودور آپاردیلا شیری,شغال بیعتینه

آییلدی فاطمه گوردی,امیرخیبری یوخدی

امیر و فاتح عشقی,امید و دلبری یوخدی

دولاندی هریئری گوردی,وفالی حیدری یوخدی

علی دیئیه دیئیه گئتدی,علی حمایتینه

ائدیبدی خطبه سی بوبکری مسجد ایچره خراب

اولوب اوناکسین هر نقشه سی وارییدی سراب

خلاصه گلدیله اما,یول اوسته دیده پر آب

چکیردی خجلت علی,فاطمه شجاعتینه

یئتیبدی فاطمه نی,سالدی یار بسترینه

خجل یوزیله باخیب بستر ایچره دلبرینه

چکیردی آه نهانی,باخاندا گوزلرینه

ییردی آهیله حسرت,قولوندا قدرتینه

داشیبدی گوزیاشی گوزدن,دونوبدی یوزده سِئله

یاخیندی بیکس علی,درد فاطمه یله ئوله

دئشیلدی فاطمه دردی,سوز آچدی درد و دیله

علی نین آغلادی اول,دویونجا غربتینه

بویوردی آغلاما بسدی,گوزون فداسی,علی

منه گله نه قدر وار,باشون بلاسی,علی

سنه فدا اولا زهرا,اؤزی,بالاسی,علی

فدادی دار و نداریم,علی ولایتینه

إجازه وئرسون اگر,باشلییم اورک سوزومی

خیال راحتیله تا یوموم,بو غم گوزومی

اودم که قبله یه گوردون,دونوب سولان اوزومی

بوخسته نین ائله اوندا,عمل وصیتینه


علی،بوبی کسه نصف شب ائیله غسل و کفن

إئدنده غسلیمی قالسین,تنیمده پیراهن

سنیله دفنه علی,اولماسین اضافه گلن

تک اول بوخسته تنی,تاپشیراندا تربتینه

یوواندا زلفیمی شال عزامی آش یو,علی

یئتنده سینه مه اما,یاواش یاواش یو,علی

ولی گوزون سینه مه,دوشمییدی کاش,یو علی

دؤزنمه سن سینه مین,دوشسه گوز جراحتینه

گلیرقولاقیمه,,هاتف,,نداسی یاحیدر

غمیمده واردی دیلینده,نواسی یاحیدر

سن ای اولان ایکی دنیا,آقاسی یاحیدر

ألین دوت آندینی وره م,حسین شرافتینه

"فاطمیه "
#حضرت_زهرا_س

#هاتف_حضرتی

▪️◾️ @HATEFFHAZRATI ◾️▪️