یاهو

حضرت ابوالفضل ع

منشین کنار پیکرم از جا ،بلند شو

آقا تو را به حضرت زهرا،بلند شو

کافیست شرمِ آب،تو آبم مکن دگر

کمتر سرم بگیر رویِ پا،بلند شو

من نوکرِ رقیهٔ تو هستم ای امیر

کمتر خجالتم بده آقا،بلند شو

من خورده ام زمین،تو زمینگیر گشته ای

شرمنده ام به جان تو مولا،بلند شو

من قطره ای کمم،تو ولی بحرِ غیرتی

آقا بلندشو،حضرت دریا بلند شو

از دور و بر سپاهِ ستم چشمشان به توست

با خنده می کنند تماشا،بلند شو

مشکن چنین غرورِ خودت را به خاطرم

قَدت مکن به پیش عدو تا،بلند شو

این خنده ها به زخمِ دلم زخم میزنند

دیگر نمی کشد تعصّبِ سقا،بلند شو

ولله غیرتم نمی کشد اینطور می کنی

یا اشک خود مریز چنین،یا بلند شو

دستم،سرم،لِوای من و مشک پاره ام

چشمم،فدای چشمِ تو یکجا،بلند شو

حمل تنم که یک تنه کار تو نیست،پس

زحمت مده دوباره خودت را،بلند شو

تو در خیالِ پیکر من،من به فکر تو

یعنی چه می شود بدونِ من آنجا،بلند شو

من سر به پایِ مهرِ تو جان می دهم،ولی

تو با سرت چه می کنی آیا؟بلند شو

#هاتف_حضرتی
#حضرت_ابولفضل_ع

یاهو

حضرت ابالفضل ع

آهنگ:آهای عالیجناب عشق

1

امان آرخام ائلیم دور

داهی دوتمور دیلیم دور

منه سس وئر اماندی

اویان سیندی بئلیم دور

توپراق اوسته یاتیبسان

منی گوزدن آتیبسان

گوزوم یاشین گوزومده

اورک قانه قاتیبسان

*ایوای،یارالی قارداش_ائلدن آرالی قارداش*

2

منیم ای شهریاریم

منیم یورقون نگاریم

یامان گونده سنیدون

دایاغیم غمگساریم

امدادیمه گلَن یوخ

بو حالیمی بیلَن یوخ

الون یوخ تا دیئیه م سیل

گوزوم یاشین سیلَن یوخ

*ایوای،یارالی قارداش_ائلدن آرالی قارداش*

3

گوزون قربانی سس وئر

سن اصغر جانی سس وئر

قویوب آغلار سو مشکون

دل دریانی سس وئر

دور دوت الیمی قارداش

سینان بئلیمی قارداش

قویما بو نوعی آغلار

منیم اِئلیمی قارداش

*ایوای،یارالی قارداش_ائلدن آرالی قارداش*

4

مکان ائتمه ترابی

یاراد بو انقلابی

اوتانما گوزلرون آچ

داریخدیرما ربابی

سس وئر قلبیم دایاندی

باجیم دل ناگراندی

سنی گوزلور اوشاخلار

رقیه م باغری قاندی...

*ایوای،یارالی قارداش_ائلدن آرالی قارداش*

#هاتف_حضرتی
#حضرت_ابولفضل_ع

یقین دارم که از نزدیک داده با خدایش دست

همان دَم کز وفاداری دو دستش را داد عباس

#هاتف_حضرتی
#حضرت_ابولفضل_ع

یاهو

مِهر،خاموش تاپیب یئرده مهِ تابانی

گوردی تاریک گلیر گوزلرینه دنیانی

پارچالانمیش باشینی آلدی دیزی اوسته امام

دئدی کیم بئیله پوزوبدی بو گوزل سیمانی

ایسته دی لخته لنن قانینی سیلسین گوزدن

اوپدی اول،یاخیلیب صورتینه گوز قانی

دئدی یاندیم،یانا قلبی منه تای هرکس که

نقشه سین برهم ائدیبدی بو رخ زیبانی

آغلادی آغلادی سَسلندی ابوالفضلیم اویان

قویما گولسون گوزومون یاشینا بو اَعدانی

آچ گوزون،ای مهِ تابندهٔ آلِ هاشم

گوزلریم راضی ام اولسون گوزووین قربانی

سنی اصغر جانی سَس وئر لبیوه جان قربان

قویما آواره گزیم دردیله دشتستانی

دیله گل،بیرده سَسون گویلومی آچسین بلکه

اکبریمدن که بیلورسن تَنیمین یوخ جانی

اکبریم گئتدی گئدیب اکبریله دیل صبری

سن اَل آتدون بِئلیمه،ای غمیمین درمانی

ایندی بو حالیده کیم وار دوتا سینمیش بِئلدن

کیمدی یاری ائده ایندی قوجالان تنهانی

اکبری ییغدیم عبایه سن اَلیمدن دوتدون

عجب عالم یارادیبدی بو عبا جریانی

اونی باهم نئجه ییغدوق هله قالسین اما

سنه ایندی نه عبا وار،نه ده وار امکانی

ائیله دوغرانمامیسان که ییغیلا بو پیکر

گوزی قربان کیمی بولمیش یئتیرن اَعضانی

باشووین صحبتی قالسین،اونا چارم یوخدی

نوفلین ضربه سی،باشون داغیلیب هریانی

گوزووین دردی ائله درده سالیب که یانیرام

نئجه اَل سیز چیخادیبسان گوزلیم پیکانی؟

سورونوب ائیله اوزون یئرده دولوب توپراقیلا

مشک باغروندا سوکور دردی دلِ دریانی

ییغماق اولماز داغیلان عشق کتابین یئردن

برگ برگ ائیلیوب آت دیرناقی بو دیوانی

منی ناچار قویانلار قالا ناچار گوروم

نئجه ترک ائیلییم ایندی بو تنِ بی جانی

#هاتف_حضرتی
#حضرت_ابولفضل_ع

یاهو

فکر ائدیردیم منله یار اولماقدا هم پیمان دی سو

بیلمه دیم اعدا گوزونده مایهٔ عصیان دی سو

من خجالت اولدوم اما سن اوزون قیل بیر نظر

خیمه لرده باخ نئجه گور شوقیله طوفان دی ،سو

سو نه سو_سو_هی دئدیقجا یاندیریر بو قلبیمی

ایندی سقایه بو یوخلوق مایهٔ  نقصان دی سو

من یوز اوسته،من یارالی،اوز گوزوم گوردی حسین

پاراچالاندی،رنگی قاندی،آخ تالاندی،یاندی سو

سسلدیم من هئچ،بو مَشکه دَگمییون گر مَردیسوز

اهل خیمه گوزلوری چاتسین اَله چوخدانی سو

سن دئمه اوخلاندی مشکیم،منده دوشدوم توپراقا

قطره قطره آخماقی بو قلبیمه پیکان دی سو

سو طبیعتده سَریلینلیقدا مثلدی،یوخ اَخا

آخماسا وقتینده اوتدان دا بتر سوزان دی سو

من گلنده ییغمیشییدی باشه شیرین دیل بالون

هی دئییردی خیمه یه چاتسین باخون،الان دی سو

بیر آنا اوز شیرخواریندن اولوبدور شرمسار

بولمورم سو یا که دیلدن موج ائدن القان دی سو

یوخ سوزم،حتی گلایه ائتمرم تیغ عداوت نئیله دی

حیف اولسون،چیگنیم اوسته ظلیمیله دوغران دی سو

مشک چیگنیمده،ولی سو مشکی ظاهر سوزدی بو

ایندی معناده ابولفضلین اَلینده جاندی سو

ائیلییب شرمنده مادردن منی دیلسیز بالا

بولمورم سو یا که یاره دیلدن آخمیش قان دی سو

■■■■

الّلری لب ویرمادی،یا اَل فراته لبلری

ایندی ده سقّا ایشیندن،عشقینه حیران دی سو

اوخ گوزوندن دگدی،مشکی باسدی جان تک باغرینا

خونِ چشمِ ساقیِ عطشانیله ایسلاندی سو...

#هاتف_حضرتی

#حضرت_ابولفضل_ع

مراسم یاخا باغلاما 1402 محله دیزج
روضه #حضرت_ابولفضل_ع