زبانحال بزرگمرد عالم شعر مرثیه ، مرحوم سید رضا حسینی سعدی زمان با عنوان «خاتمة الکتاب»
#گریز به حضرت اباعبدالله الحسین (ع) و حضرت علی اصغر (ع)


✍️ زبدة الاشعار ✍️

🆔: @nohe_torki

مرحوم سید رضا حسینی سعدی زمان

بخش 1️⃣

نه طبع نکته سنج و سخن دان گتورمشم
نه فضل و نه قریحۀ شایان گتورمشم

نه وار تفوّقیم شعرای معاصره
نه ذرّه جه فضیلت و رجحان گتورمشم

نه عالمم نه جاهل مطلق بو قدر وار
تألیف #کنزه رنج فراوان گتورمشم

جهل بسیط و جهل مرکب تفاوتین
استاد اورگدوب اله آسان گتورمشم

نه علم صرف و نحوده وار ماهریّتیم
نه فکریمی بو عرصه ده پویان گتورمشم

نه مبتدای مطلبه حاکی اولوب خبر
طالع یازاندا نه مه تابان گتورمشم

نه جامعم علوم قدیم و جدیده من
ترکیبیدن و نه اله میران گتورمشم

نه بُلمشم تفاوت موصوف و نه صفت
نه کلمۀ غضنفره غرّان گتورمشم

نه منطق و کلام و نه حکمتده واقفم
نه شرح حاشیه اَلَه بیر آن گتورمشم

صغری ندور و یا ندی کبری بُلَنمورم
نه «جوهر نزیده» من عرفان گتورمشم

«تجرید» درسینی منه علامه ویرمیوب
طوسینی نه دبیر دبستان گتورمشم

شیخ الرّئیسدن نه «شفا» درسین آلموشام
نه درد جهلیمه اونی درمان گتورمشم

نه گردش نجوم و نه هیئتدن آگهم
نه ارضی دَورِ شمسده گردان گتورمشم

نه گورموشم علوم حساب ونه هندسه
نه کسر و جبره فرصت و امکان گتورمشم

نه رشته وار الیمده معان و بیاندن
نه من بدیع آدینلو گلستان گتورمشم

نه گزمیشم درخت «مطوّلده» شاخ شاخ
نه کمّ و کیف مطلبه برهان گتورمشم

نه علم فقه وار نه اصوله بصیرتیم
نه اصل و فرعدن اَلَه عُنوان گتورمشم

نه مطلق و مقیّدی بُلّم نه قطع و ظن
نقض یقینه شکّی نه ارکان گتورمشم

نه من «معالم» و نه «قوانینه» باخموشام
نه عرصۀ فصولده جولان گتورمشم

شاگرد اولانمادیم من آخوندا «کفایه» ده
نه شیخدن «رسائیله» امعان گتورمشم

نه «لمعه» ده بصیرم و نه شرح «لمعه» ده
نه پایۀ «شرایعه» پایان گتورمشم

نه جوه «جواهره» گنجور اولموشام
نه من «ریاضدن» گل و ریحان گتورمشم

نه مسلک مسالکه من سالک اولموشام
نه شیخ تک «طهارت» پنهان گتورمشم

نه ائتمشم «مکاسب» انصاریه نظر
نه پر بها متاعی من ارزان گتورمشم

علّامه یاخشی شرح ویروبدور «قواعده»
افسوس من قواعده نیسان گتورمشم

«لُبّ الاصول» گورممشم دوزدوزانیدن
چون طبعه گئتمیوب اودی حرمان گتورمشم

نه آدیما دیلّه منیم بارئ البدیع
نه حکمتیله شیوۀ لقمان گتورمشم

«انوار» و «درّه» دن نه واریمدور فنون شعر
شعر او خواجه تک نه غزلخوان گتورمشم

نه پیرواَم علوم «خلیل ابن احمده»
نه اوزگه اوستاده من اذعان گتورمشم

نه وزن و سجع و قافیه بُلّم نه رسم شعر
سلطان آدی یازاندا نه فرمان گتورمشم

نه صنعت عروضده وار خُبرَوِیَّتیم
هیچ بُلمورم سوزی هارا هاردان گتورمشم

تشبیهیله تناسب و تجنیسی ...


ادامه دارد ⬇️⬇️


#مناجات #حسینیه_شهادت #اصغریه_شهادت
#سعدی_زمان
#نه_طبع_نکته_سنج_و_سخن_دان_گتورمشم
#کنزالحسینی2 (کلیات ص 607)
#ترکی

✍️ #زبدةالاشعار ✍️

🆔: @nohe_torki

زبانحال بزرگمرد عالم شعر مرثیه ، مرحوم سید رضا حسینی سعدی زمان با عنوان «خاتمة الکتاب»
#گریز به حضرت اباعبدالله الحسین (ع) و حضرت علی اصغر (ع)


✍️ زبدة الاشعار ✍️

🆔: @nohe_torki

مرحوم سید رضا حسینی سعدی زمان

بخش 2️⃣

تشبیهیله تناسب و تجنیسی بُلمورم
نه زلف یاری جمع و پریشان گتورمشم

ترسعیله کنایه و ابهام و تجزیه
تأخیر یوز ویرنده شتابان گتورمشم

سرباز و باز و بازی ایدن وقت لفّ و نشر
چنگال و درب و عرصۀ میدان گتورمشم

ایطاء اولار جلی و خفی چونکه بُلمورم
علت اودور که جانیله جانان گتورمشم

ترکیب و ردّ العجز علی الصّدره جاهلم
اوز عجزیمه مقرّم و نقصان گتورمشم

نه شاهباز اوج کلامم نه مدح باز
سرباز وار، تحفۀ سلطان گتورمشم

شیرین ایدوب کلامیمی بوشور گوزیاشی
فرهاد وار کلک خروشان گتورمشم

پای ملخدی یازدیقیم اشعار مور تک
فرش ایتمشم #حسینی ، سلیمان گتورمشم

یوخ یوخ، فزوندی شأن سلیمان کربلا
چون جبرئیل گفتۀ یزدان گتورمشم

اولماز اولا شرفده سلیمان حسینه مور
نوح و خلیلی جدیّمه دربان گتورمشم

بیر روسیاه اؤز آقاسندان قاچان قولام
سرحدّ جسمی اشگیله ویران گتورمشم

چوخ چوخ خطا ایدوبدی گنهکار گوزلریم
امّید عفوه دیدۀ گریان گتورمشم

حدّن گیچوب گناه کبیر و صغیره ده
آهیمله دلده آتش نیران گتورمشم

قاره ایدوب منیم یوزیمی لوث معصیت
بیر عمر شکر نعمته کفران گتورمشم

یوز مین مین اعتذاریله دربار رحمته
بیر قانلو یوز شفاعته الآن گتورمشم

نه یوز؟ ، که وجه باقیۀ ذوالجلالدور
بو وجهی بُلمشم رُخ رُحمان گتورمشم

هم اوخ یاراسی وار او یوزین هم قلج یری
بیر یوزدی نچّه قانیله غلطان گتورمشم

قارداش اوغول قانی او یوزی ارغوان ایدوب
هم باش قانی ایدوب اونی الوان گتورمشم

آنّیندا واردی داش یری باشینده زخم تیغ
شقّ القمر او باشدا نمایان گتورمشم

مین توبه قانی گر چه منیم گردنمیده دور
بو قانلارین مقابلی بیر قان گتورمشم

الله قانی دیولّه حسین قانی دور او قان
ظاهرده قطره باطناً عُمّان گتورمشم

یوزمین کبائرون عوضی بیر صغیر اوشاق
حلقینده زخم ناوک پیکان گتورمشم

فریاد او وقتیدن که حسین ابن فاطمه
سسلردی حق ثبوتینه اعلان گتورمشم

بیر سود امر اوشاقدی پیمبر سلاله سی
عطشاندی غنچه گل کیمی خندان گتورمشم

هر مذهب اهلی اولسا بونا رحم ایدر یقین
حجّتده معتنا بِهِ ادیان گتورمشم

جان قویموشام ئولنده علی اکبر اوسته من
جانانه ویرماقا گینه بیر جان گتورمشم

گوزلور آناسی خیمه ده بیر شربه سو ویرون
رحم ایلیون بو طفلی من عطشان گتورمشم

قرآن اهلیوق دیوسوز امّت رسول
منده همان او مصحفه ایمان گتورمشم

اکرام ضیفی واجب ایدوب حیّ لم یزل
بیر تشنه بیر ایچیم سویا مهمان گتورمشم

قرآن ناطقم اوزوم ای اشقیا شام
اتمام حجّته ولی قرآن گتورمشم

رحم ایله ای خلایقه راحم #حسینی یَم
بیر تحفه دور حضورووه پژمان گتورمشم

بیر عمر عقلی ایلمشم نفسیمه اسیر
اؤز لغزشندن ایمدی پشیمان گتورمشم


زندگینامه مرحوم سید رضا حسینی سعدی زمان را مطالعه بفرمایید


#مناجات #حسینیه_شهادت #اصغریه_شهادت
#سعدی_زمان
#ترکی

✍️ #زبدةالاشعار ✍️

🆔: @nohe_torki

اتمام حجت امام (ع) به لشگر کوفه در طلب آب به حضرت علی اصغر (ع)

✍️ زبدة الاشعار ✍️

🆔: @nohe_torki

مرحوم شأنی تبریزی

ای لشگر کین بو شیرخواره
ذرّیۀ ختم انبیادور
اود تک بدنی دوتوب شراره
بو تشنه لیق آتشی بلادور



گورمورسوز ایا گروه کینه
بو طفل نجه یانور عطشدن
ذرّیه دی ختم مرسلینه
نی اهل فرنگدن حبش دن
آخر بو رضیع دل حزینه
بیر هوشه گلوب آییلسا غشدن
قطعاً گلی نالیه دوباره
نی تک قوری نائی پُر نوادور


هر گوز گوره بو فسرده حالین
مطلق اورگی یانار بو حاله
گل تک سارادوب عطش جمالین
بلبل نجه باتماسون ملاله
بو بال شکسته نطق لالین
عمّه باجیسی چکلّه ناله
چون گل سولا پیشه هزاره
شیوندی فغاندی آه و وادور


یازدوز که نچه رساله نامه
ایتدوز منی بو دیاره دعوت
بس نولدی سبب بو احترامه
آیا بودی راه و رسم حرمت
بو طفل صغیر و تشنه کامه
سو ویرمه ماقوزدا وار نه علت
دوشموش نفسی باخون شماره
آثار مماتی بر ملادور


گرمغرب و مشرق جهانی
ای قوم تمام ایله سوز سیر
بیر دختر مصطفا نشانی
دنیاده فقط منم دگل غیر
دنیاده کی ملک جاودانی
شر اهلینه یتمز عاقبت خیر
ناچاردی یوخ بو امره چاره
هر بیر عمله عوض جزادور


بیر امردی بو جهاندا معلوم
بو سود امرین ندور گناهی
نه ظالم اولان قالور نه مظلوم
نه یرده یاتار ستمکش آهی
جان تشنه ویره بو ماهپاره
انصاف ایلیون گورون روادور



تاپشوردی سیزه رسول طاها
اولادینی بیرده حق کلامین
ایتدوز هر ایکی جهتدن اجرا
تمرین او رسول لاینامین
فرمایش مصطفانون آیا
ساخلالا بو نوعی احترامین
اولاد رسول تاجداره
عالمده بو ظلملر سزادور



از بسکه یانقلی دل دیدی شاه
یاندی او اسفلی حاله لشگر
قالموب او قدر او قوم گمراه
مطلق تاپا راه حقه رهبر
افسوس جفای چرخدن آه
ای دادگر و رؤف و داور
دشمن که یانوب او شهریاره
شیعه اوزین ئولدوره بجادور



سعد اوغلی گوروب که اشقیاده
وار اوزگه بیر انقلاب و شورش
گیتسون هاموسی یاخوندی باده
ایتمشدی نقدر سعی و کوشش
بیر قصد ایلدی او نحس اراده
سالدی دل مصطفایه سوزش
ایتدی اوخ آتانلارا نظاره
بیر حرمله گوردی بیحیادور



نه ظلم ایلدی او ظالم شوم
#شأنی دیمه حرمله جفاسین
نه حاله قالوب او طفل معصوم
نه حالته سالدی اوز آتاسین
اوتاندی بیوردی شاه مظلوم
گل باغلا باجی بو اوخ یاراسین
سال باشیوه قاره اوسته قاره
توک اشگوی موسم عزادور



آهسته گل اوپ سولان یوزیندن
قویما آتاسی بو حالی گورسون
سیل قانی تلیندن اوز گوزیندن
گوسترمه بورنگ آلی گورسون
چخسون یری وار رباب اوزیندن
اوز سود امرین یارالی گورسون
توکسون گوزی خون دل عذاره
وار حقی اورک یانور آنادور



من فکر تمام ماسوانی
عباسیم ئولنده باشدان آتدیم
تا اوخلادیلار بو ناتوانی
مقصوده یتوب مرامه چاتدیم
حلقندن او تیر جانستانی
الله بولوری نجه چخاتدیم
گور گوش بگوش اولوبدی پاره
بیر پارچا هامی بوغاز یارادور


#سبک_قارداش_یارالی_باشیم_قالوبدور


#اصغریه_شهادت
#ای_لشگر_کین_بو_شیر_خواره
#شانی_تبریزی
#ترکی

✍️ #زبدةالاشعار ✍️

🆔: @nohe_torki