#حضرت_ابوالفضل_ع
#استمداد
ایلوری اهلِ جفا هلهله قارداش ئولورم
گَل دوشوب السیز علمدار اله قارداش ئولورم
جنگ ایدردیم آتامیز حیدرِ کرّار کیمی
سالدولار قولّاریمی جعفرِ طیّار کیمی
سن علیسن منه ، من میثمِ تمّار کیمی
دوشموشم معرکه ده مشگله قارداش ئولورم
ماء و طیندن گَله بیر سن کیمی گوهر حاشا
ایکی دنیا بوئی سنسن منه سَرور ، مولا
سسلینده سنی امدادیمه ، گوردوم زهرا
قارداشون سسله بویوردی گَله قارداش ئولورم
فَلکین ملکینه حق ایتدی سنی کشتیبان
اختیاروندادی یرگوی ، سنه جانیم قربان
قانلی دریاده غریقم گَل آپاردی منی قان
چک بو یَمدن منی بیر ساحله قارداش ئولورم
گزمیشم مشعریله سعی و صفاده یارالی
دوشموشم قوچ کیمی بو کوهِ مناده یارالی
دورهء کعبهء مقصودِ وفاده یارالی
خستیَم ، ایلموشم هروله قارداش ئولورم
گر بولم موقعِ تشریفوی پَرباز ایدرم
اوجِ عشقونده پرستو کیمی پرواز ایدرم
یوزوم اوستونده سورونّم سنی پیشواز ایدروم
سالارام دامنِ وصلون اله قارداش ئولورم
ای جمالیندا ایدن شعشعه ، نورِ ازلی
کوی عشقونده نثار اولدی ابوالفضلین الی
سنده گَل ، گلدی باشیم اوستونه زهرا و علی
قویما حسرتله بو سقّا ئوله قارداش ئولورم
موجه گلدی بو جَدَلگاهیده قان دریاسی
تازه لندی بو بیاباندا اُحُد دعواسی
آلوب اون یدّی نفر دور و برِ عبّاسی
وار باشیم اوسته بیوک هلهله قارداش ئولورم
دوشدی بیر حادثه دن زورقِ عمروم خطره
مرگیمی ، باشه یتنده خطر ، آلدیم نظره
پرچمیم اوپدی باشیمدان یخلان وقته یره
دوندی آهیم شرری مشعله قارداش ئولورم
یخلان عرصه گهه شیرِ دلیروندی سنون
کسیلن پنجه سی شمشیریله شیروندی سنون
دوشن الدن اله ای شاه وزیروندی سنون
گَل ، باشیمدادوشوب الدن اله قارداش ئولورم
برقِ تیغیم ایله یاندیردی دلِ اعدانی
گوزلرینده قوشونون تنگ ایلدیم میدانی
داغیدوب صفلری تسخیر ایلدیم دریانی
سو ایشی آچدی بیوک مرحله قارداش ئولورم
دولدروب مشگی سودان تازه منه جان گلدی
چوخ شتابیله گلیردیم یولی طوفان گلدی
ناگهان اوندا بیر اوچ شعبه لی پیکان گلدی
مشگیمه دگدی سو آخدی چوله قارداش ئولورم
گر چه احساس ایلدیم تشنه لیقن شدّتی وار
ایچمدیم شطّ فراتین سویونی علّتی وار
دئدیم عبّاس دایان سنده علی غیرتی وار
ویرمادیم آبِ فراتی دله قارداش ئولورم
مندن ای شاه سلام ایله اوغلسوزلاروا
آلِ هاشم فَلکینده چیخان اولدوزلاروا
سو یولی گوزلمیین سویله سوسوز قیزلاروا
بیرده مشگل اوزی سقّا گَله قارداش ئولورم
ای یگانه گهرِ کنزِ حقِ لم یزلی
وی جگر گوشهء پیغمبر و زهرا و علی
(صالحین) یتموری ششگوشه او بیر قبره الی
ویر صله ، قبریوه ایسته گَله قارداش ئولورم.
التماس دعای فرج
#استمداد
ایلوری اهلِ جفا هلهله قارداش ئولورم
گَل دوشوب السیز علمدار اله قارداش ئولورم
جنگ ایدردیم آتامیز حیدرِ کرّار کیمی
سالدولار قولّاریمی جعفرِ طیّار کیمی
سن علیسن منه ، من میثمِ تمّار کیمی
دوشموشم معرکه ده مشگله قارداش ئولورم
ماء و طیندن گَله بیر سن کیمی گوهر حاشا
ایکی دنیا بوئی سنسن منه سَرور ، مولا
سسلینده سنی امدادیمه ، گوردوم زهرا
قارداشون سسله بویوردی گَله قارداش ئولورم
فَلکین ملکینه حق ایتدی سنی کشتیبان
اختیاروندادی یرگوی ، سنه جانیم قربان
قانلی دریاده غریقم گَل آپاردی منی قان
چک بو یَمدن منی بیر ساحله قارداش ئولورم
گزمیشم مشعریله سعی و صفاده یارالی
دوشموشم قوچ کیمی بو کوهِ مناده یارالی
دورهء کعبهء مقصودِ وفاده یارالی
خستیَم ، ایلموشم هروله قارداش ئولورم
گر بولم موقعِ تشریفوی پَرباز ایدرم
اوجِ عشقونده پرستو کیمی پرواز ایدرم
یوزوم اوستونده سورونّم سنی پیشواز ایدروم
سالارام دامنِ وصلون اله قارداش ئولورم
ای جمالیندا ایدن شعشعه ، نورِ ازلی
کوی عشقونده نثار اولدی ابوالفضلین الی
سنده گَل ، گلدی باشیم اوستونه زهرا و علی
قویما حسرتله بو سقّا ئوله قارداش ئولورم
موجه گلدی بو جَدَلگاهیده قان دریاسی
تازه لندی بو بیاباندا اُحُد دعواسی
آلوب اون یدّی نفر دور و برِ عبّاسی
وار باشیم اوسته بیوک هلهله قارداش ئولورم
دوشدی بیر حادثه دن زورقِ عمروم خطره
مرگیمی ، باشه یتنده خطر ، آلدیم نظره
پرچمیم اوپدی باشیمدان یخلان وقته یره
دوندی آهیم شرری مشعله قارداش ئولورم
یخلان عرصه گهه شیرِ دلیروندی سنون
کسیلن پنجه سی شمشیریله شیروندی سنون
دوشن الدن اله ای شاه وزیروندی سنون
گَل ، باشیمدادوشوب الدن اله قارداش ئولورم
برقِ تیغیم ایله یاندیردی دلِ اعدانی
گوزلرینده قوشونون تنگ ایلدیم میدانی
داغیدوب صفلری تسخیر ایلدیم دریانی
سو ایشی آچدی بیوک مرحله قارداش ئولورم
دولدروب مشگی سودان تازه منه جان گلدی
چوخ شتابیله گلیردیم یولی طوفان گلدی
ناگهان اوندا بیر اوچ شعبه لی پیکان گلدی
مشگیمه دگدی سو آخدی چوله قارداش ئولورم
گر چه احساس ایلدیم تشنه لیقن شدّتی وار
ایچمدیم شطّ فراتین سویونی علّتی وار
دئدیم عبّاس دایان سنده علی غیرتی وار
ویرمادیم آبِ فراتی دله قارداش ئولورم
مندن ای شاه سلام ایله اوغلسوزلاروا
آلِ هاشم فَلکینده چیخان اولدوزلاروا
سو یولی گوزلمیین سویله سوسوز قیزلاروا
بیرده مشگل اوزی سقّا گَله قارداش ئولورم
ای یگانه گهرِ کنزِ حقِ لم یزلی
وی جگر گوشهء پیغمبر و زهرا و علی
(صالحین) یتموری ششگوشه او بیر قبره الی
ویر صله ، قبریوه ایسته گَله قارداش ئولورم.
التماس دعای فرج