✺ ہماری اردو پیاری اردو ✺

*ایک مصری عالم دین کا درد دل*

✍️حیدر حسن علیمی
10جون 2021

اعلی حضرت اور تعلیمات اعلی حضرت سے واقفیت کے بعد مصری عالم دین *محمد خالد ثابت* نے " *من أقطاب الامۃ* " نامی ایک کتاب لکھی، جس میں انہوں نے *تین عبقری شخصیات* کے احوال و افکار اور ان کے بے مثال کارناموں کو ذکر کیا، ان تین شخصیات میں سے ایک سرکار اعلی حضرت بهی ہیں، جبکہ اپنی دوسری تصنیف بنام " *انصاف الإمام* " میں انہوں نے صرف اعلی حضرت کا تذکرہ کیا ہے.
اعلی حضرت اور متبعین اعلی حضرت کے بارے میں ان کا نظریہ کیسے تبدیل ہوا، اور تعلیمات اعلی حضرت تک ان کی رسائی کیسے ہوئ یہ سب انہوں نے اسی کتاب مذکور میں تفصیل سے بیان کر دیا ہے.
اسی کتاب " انصاف الإمام " کے اخیر میں وہ لکھتے ہیں *: امام احمد رضا خان علیہ الرحمۃ و الرضوان تصوير کشی کو ناجائز و حرام قرار دیتے تھے اور آج جبکہ ان کی وفات کے تقریباً نوے سال بعد دنیا میں زبردست تبدیلیاں رونما ہو چکی ہیں؛ فوٹو اور ویڈیو کی وہ حیثیت ہو گئ ہے جو زمین والوں کے لیے ہوا اور پانی کی ہے، (آج ) کوئی ایسی زندگی کا تصور بهی نہیں کر سکتا جس میں فوٹو اور ویڈیو نہ ہو.*
*اس کے باوجود جلیل القدر شیخ محمد اختر رضا (رحمہ اللہ) کی مؤلفات میں مجھے ایک کتاب ملی جو فوٹو اور ویڈیو کی حرمت پر مشتمل ہے،* ان کے مریدین و متوسلین سے مجھے یہ بهی معلوم ہوا کہ وہ اپنی مجلسوں اور نشستوں میں تصویر کشی کی بالکل اجازت نہیں دیتے، حیرت تو یہ ہے کہ (اس زمانے میں بھی ) ان کی ایک بهی متداول تصویر نہیں موجود ہے.
اب وہ اپنا درد دل بیان کرتے ہوئے آگے لکھتے ہیں :
*میں اسی مسئلہ پر غور کر رہا تھا اور دل ہی دل میں کہہ رہا تھا : "کاش کہ علماء امت نے فوٹو اور ویڈیو کے متعلق یہی ( حرمت کا ) موقف اختیار کیا ہوتا تو دنیا میں اس قدر فحاشی و بے حیائی عام نہ ہوتی جس کا ہم مشاہدہ کر رہے ہیں، ذرا ان حیا سوز برائیوں کے بارے میں غور تو کریں جو سب کی سب اسی فوٹو اور ویڈیو کے ذریعے دنیا میں عام ہوئیں".*
غور کریں!
غور کریں!
غور کریں! تاکہ ان الله والوں کی ثابت قدمی اور خدمت دین میں ان کی جد و جہد کی قدر کر سکیں.
مجھے اچھی طرح یاد ہے بیسویں صدی میں پہلی بار ٹیلیویژن مصر میں داخل ہوا، اور شراب نوشی، رومانیت اور عریانیت کے مناظر ہر گھر میں عام ہو گئے، حتى کہ ایک فاضل شخص نے نہایت تلخی سے کہا : "میں نے اپنی پوری زندگی میں کبھی سوچا بھی نہیں کہ میں اپنی بیوی اور بچوں کو تهیئٹهر میں لے جاؤں گا، *لیکن اب ٹیلیویژن کے بعد ٹهیئٹهر خود میرے گهر میں زبردستی داخل ہو گیا وہ بھی ہر وقت"*.
یقیناً یہ سچے اللہ والے اور مخلصین کے فتاوی ہیں، جو ہمیشہ حق پر ثابت قدم رہتے ہیں، اور اس میں وہ ماسوا اللہ کے کسی کی رعایت نہیں کرتے، وہ ہر زمانے میں ہمیں یہ اہم سبق پڑهاتے ہیں کہ *''اہل حق کی جانب سے باطل کو مسترد کر دیا جانا چاہیے خواہ کتنا ہی وہ عام ہو اور جو بهی اس کی حیثیت ہو''.*
آگے حضور تاج الشریعہ کے دیدار کا منظر بیان کرتے ہوئے لکھتے ہیں👇👇👇

1.32K views16:43