*درسِ ہجرت*

ہجرت ،، جو کہ تاریخ اسلامی کا ایک اہم واقعہ ہے
جس کی یاد میں اسلامی کیلینڈر کا نام تقویم ہجری رکھا گیا، ہجرت اور اسکے پس منظر کی ساری داستان ، عزم و ہمت ، ایثار و قربانی ، صبر و استقلال ، غلبۂ و شوکت سے لبریز ہے جسمیں اہل ایمان کے لیے عظیم سبق اور پیغام موجود ہے...
نئے ہجری سال کے آغاز پر یہ نظم ، بنام درسِ ہجرت پیش ہے ، ملاحظہ فرمائیں،
جملہ اہل حق کو نیا ہجری اسلامی سال ١٤٤١ھج بہت بہت مبارک ہو...

°°°°°°°°
وصلِ راحت، بَعدِ عُسرَت، درسِ ہجرت
زحمت کے پردے میں رحمت، درسِ ہجرت


ظاہر میں مجبوری سے نکلے تھے مومن
باطن میں اعزاز و شوکت، درسِ ہجرت


اپنوں میں جب اپنے پہنچے، طاقت آئ
حق کی عظمت، دیں کی رفعت، درسِ ہجرت


اہلِ ایماں ، فاتح بن کر، مکہ لوٹے
کَسرِ کثرت ، فتحِ قلت ، درسِ ہجرت


یکجائ سے، وہ مٹھی بھر، غالب آئے
نقشِ جرات، بَہرِ امت ، درسِ ہجرت


ہم بھی مل کر، اب اُٹّھیں تو، دشمن کانپے
تَرکِ غفلت ، نقل و حرکت، درسِ ہجرت


اب ہم ساری بندش توڑیں، دل کو جوڑیں
اہلِ حق سے، دائم قربت، درسِ ہجرت


وہ منظر اور ان کے جذبـے، ہم مت بھولیں
ہر حالت میں، عزم و ہمت، درسِ ہجرت


مومن کی جاں، دائم قرباں، آقا پر ہو
حق پر مر مٹنے میں سبقت، درسِ ہجرت


اپنوں میں ہو یا غیروں میں، دونوں دَر پر
مومن کو پیغامِ نصرت، درسِ ہجرت


ہجری سن ہے، اُن یادوں کا، فکری قاصد
مانگے ہم سے، پھر وہ طاعت، درسِ ہجرت


ہر مشکل میں، امیدوں کا، تازہ جلوہ
ہمکو فریدی ! ہے اک نعمت، درسِ ہجرت

عُسرَت ... تنگی، مشکل حالات

°°°°°°°°°
از فریدی صدیقی مصباحی، بارہ بنکوی ،مسقط عمان 0096899633908

*کمال کی تحریر*
ﺍﯾﮏ ﺳﻨﺎﺭ ﮐﮯ ﺍﻧﺘﻘﺎﻝ ﮐﮯ ﺑﻌﺪ ﺍﺱ ﮐﺎ ﺧﺎﻧﺪﺍﻥ ﻣﺼﯿﺒﺖ ﻣﯿﮟ ﭘﮍ ﮔﯿﺎ.ﮐﮭﺎﻧﮯ ﮐﮯ ﺑﮭﯽ ﻻﻟﮯ ﭘﮍ ﮔﺌﮯ.
ﺍﯾﮏ ﺩﻥ ﺍﺱ ﮐﯽ ﺑﯿﻮﯼ ﻧﮯ ﺍﭘﻨﮯ ﺑﯿﭩﮯ ﮐﻮ ﻧﯿﻠﻢ ﮐﺎ ﺍﯾﮏ ﮨﺎﺭﺩﮮ ﮐﺮ ﮐﮩﺎ 'ﺑﯿﭩﺎ، ﺍﺳﮯ ﺍﭘﻨﮯ ﭼﭽﺎ ﮐﯽ ﺩﮐﺎﻥ ﭘﺮ ﻟﮯ ﺟﺎﺅ.
ﮐﮩﻨﺎ ﯾﮧ ﺑﯿﭻ ﮐﺮ ﮐﭽﮫ ﭘﯿﺴﮯ ﺩﮮ ﺩﯾﮟ.بیٹا ﻭﮦ ﮨﺎﺭ ﻟﮯ ﮐﺮ ﭼﭽﺎ ﺟﯽ ﮐﮯ ﭘﺎﺱ ﮔﯿﺎ.
ﭼﭽﺎ ﻧﮯ ﮨﺎﺭ ﮐﻮ ﺍﭼﮭﯽ ﻃﺮﺡ ﺩﯾﮑﮫ ﺍﻭﺭ ﭘﺮﮐﮫ ﮐﺮ ﮐﮩﺎ بیٹا، ﻣﺎﮞ ﺳﮯ ﮐﮩﻨﺎ ﮐﮧ ﺍﺑﮭﯽ ﻣﺎﺭﮐﯿﭧ
ﺑﮩﺖ ﻣﻨﺪﺍ ﮨﮯ.تھوڑا ﺭﮎ ﮐﺮ ﻓﺮﻭﺧﺖ ﮐﺮﻧﺎ ، ﺍﭼﮭﮯ ﺩﺍﻡ ﻣﻠﯿﮟ ﮔﮯ.
ﺍﺳﮯ ﺗﮭﻮﮌﮮ ﺳﮯ ﺭﻭﭘﮯ ﺩﮮ ﮐﺮ ﮐﮩﺎ ﮐﮧ ﺗﻢ ﮐﻞ ﺳﮯدﮐﺎﻥ ﭘﺮ ﺁﮐﺮ ﺑﯿﭩﮭﻨﺎ. اﮔﻠﮯ ﺩﻥ ﺳﮯ ﻭﮦ ﻟﮍﮐﺎ ﺭﻭﺯ ﻣﺮﮦ ﺩﮐﺎﻥ ﭘﺮ ﺟﺎﻧﮯ ﻟﮕﺎ ﺍﻭﺭ ﻭﮨﺎﮞ ﮨﯿﺮﻭﮞ ﻭ ﺟﻮﺍﮨﺮﺍﺕ ﮐﯽ ﭘﺮﮐﮫ ﮐﺎ ﮐﺎﻡ ﺳﯿﮑﮭﻨﮯ
ﻟﮕﺎ.
ﺍﯾﮏ ﺩﻥ ﻭﮦ ﺑﮍﺍ ﻣﺎﮨﺮ ﺑﻦ ﮔﯿﺎ.
ﻟﻮﮒ ﺩﻭﺭ ﺩﻭﺭ ﺳﮯ ﺍﭘﻨﮯ ﮨﯿﺮﮮ ﮐﯽ ﭘﺮﮐﮫ ﮐﺮﺍﻧﮯ ﺁﻧﮯ لگے
ﺍﯾﮏ ﺩﻥ ﺍﺱ ﮐﮯ ﭼﭽﺎ ﻧﮯ ﮐﮩﺎ، ﺑﯿﭩﺎ ﺍﭘﻨﯽ ﻣﺎﮞ ﺳﮯ ﻭﮦ ہاﺭ ﻟﮯ ﮐﺮ ﺁﻧﺎ ﺍﻭﺭ ﮐﮩﻨﺎ ﮐﮧ ﺍﺏ ﻣﺎﺭﮐﯿﭧ ﻣﯿﮟ ﺑﮩﺖ ﺗﯿﺰﯼ ہﮯ، اﺱ ﮐﮯ ﺍﭼﮭﮯ ﺩﺍﻡ ﻣﻞ ﺟﺎﺋﯿﮟ ﮔﮯ.
ﻣﺎﮞ ﺳﮯ ﮨﺎﺭ ﻟﮯ ﮐﺮ ﺍﺱ ﻧﮯ ﭘﺮﮐﮭﺎ ﺗﻮ ﭘﺎﯾﺎ ﮐﮧ ﻭﮦ ﺗﻮ جعلی ﮨﮯ.
ﻭﮦ ﺍﺳﮯ ﮔﮭﺮ ﭘﺮ ﮨﯽ ﭼﮭﻮﮌ ﮐﺮ ﺩﮐﺎﻥ ﻟﻮﭦ ﺁﯾﺎ.
ﭼﭽﺎ ﻧﮯ ﭘﻮﭼﮭﺎ، ﮨﺎﺭ ﻧﮩﯿﮟ ﻻﺋﮯ؟
ﺍﺱ ﻧﮯ ﮐﮩﺎ، ﻭﮦ ﺗﻮ ﺟﻌﻠﯽ ﺗﮭﺎ.
ﺗﺐ ﭼﭽﺎ ﻧﮯ ﮐﮩﺎ ﺟﺐ ﺗﻢ ﭘﮩﻠﯽ ﺑﺎﺭ ﮨﺎﺭ ﻟﮯ ﮐﺮ ﺁﺋﮯ ﺗﮭﮯ، اﺳﻮﻗﺖ ﺍﮔﺮ ﻣﯿﮟ ﻧﮯ ﺍﺳﮯ ﺟﻌﻠﯽ ﺑﺘﺎ ﺩﯾﺎ ﮨﻮﺗﺎ ﺗﻮ ﺗﻢ ﺳﻮﭼﺘﮯ ﮐﮧ ﺁﺝ ﮨﻢ ﭘﺮ ﺑﺮﺍ ﻭﻗﺖ ﺁﯾﺎ ﺗﻮ ﭼﭽﺎ ﮨﻤﺎﺭﯼ ﭼﯿﺰ کو ﺑﮭﯽ ﺟﻌﻠﯽ ﺑﺘﺎﻧﮯ ﻟﮕﮯ.
ﺁﺝ ﺟﺐ ﺗﻤﮩﯿﮟ ﺧﻮﺩ ﻋﻠﻢ ﮨﻮ ﮔﯿﺎ ﺗﻮ ﭘﺘﮧ ﭼﻞ ﮔﯿﺎ ﮐﮧ ﮨﺎﺭ ﻧﻘﻠﯽ ﮨﮯ.
ﺳﭻ ﯾﮧ ﮨﮯ ﮐﮧ ﻋﻠﻢ ﮐﮯ ﺑﻐﯿﺮ ﺍﺱ ﺩﻧﯿﺎ ﻣﯿﮟ ﮨﻢ ﺟﻮ ﺑﮭﯽ سوﭼﺘﮯ، ﺩﯾﮑﮭﺘﮯ ﺍﻭﺭ ﺟﺎﻧﺘﮯ ﮨﯿﮟ، ﺳﺐ ﻏﻠﻂ ﮨﮯ.
ﺍﻭﺭ ﺍﯾﺴﮯ ﮨﯽ ﻏﻠﻂ ﻓﮩﻤﯽ ﮐﺎ ﺷﮑﺎﺭ ﮨﻮ ﮐﺮ کچھ دوست علماء کرام کو غلط کہنا شروع کردیتے ہیں
مولویت سے نفرت کرتے ہیں ہم نے اچھے اچھے خود کو دین دار کہلانے والے دوستوں کو بھی اس مرض میں گرفتار دیکھا ہے۔

*یادِ اہلِ بیت*

رضی اللہ عنھم ورضوا عنہ

🌹❣🌹

رضائـے خـدا کی کَلِید ، اہلِ بیت
زمانےمیں سب سے سعید اہلِ بیت


ہے اُمّت کو انکی مَوَدّت کا حکم
خلائق میں سب سے مجید اہل بیت


علی فاطمہ اور حُسین و حَسَن
ہمارے رئیس و عَمِید اہل بیت


ہیں قرآن میں اُنکی مدحت کے بول
بڑے حق پرست و رشید اہل بیت


نبی کی قرابت کا اُن کو شَرَف
ہیں ملت کے حَبْلِ وَرِید اہل بیت


سراجًا مُنیرا ، ہے جن کا لقب
اُسی ذات سے مستفید اہل بیت


ہوئے کشتئِ نوح کے مثل وہ
نجاتِ اُمَم کی نَوِید اہل بیت


سبھی عظمتیں جنکی عظمت میں گُم
فضیلت میں فردِ فرید اہل بیت


ہر اک چشم بینا میں وہ محترم
سب اہل وفا کے حَمید اہل بیت


محبِّ نبی پر ، کریم و شفیق
منافق پہ بیحد شدید اہل بیت


پہونچتی ہے اُنکی مدد ہر جگہ
ہمارے خبیر و شہید اہل بیت


لگاتے ہیں منگتے صدا بار بار
دئیے جارہے ہیں مزید اہل بیت


یہاں صرف سچی طلب چاہیے
عطاکرتے ہیں اپنی دید اہل بیت


غلاموں پہ رکھتے ہیں چشمِ کرم
غموں کو بناتے ہیں عید اہل بیت


یہ کہکر فریدی ، قلم اپنا رکھ
کمال و شَرَف میں وحید اہل بیت

°°°°°°°°°
کَلید )کنجی ...
سعید) طبعًا نیک ، اقبال مند ..
مَوَدَّت) محبت ، وفاداری
عَمید ) سردار
مستفید) فیض پانے والے
رشید ) اطاعت گزار ، ہدایت یافتہ اور ہدایت دینے والا ..
حبلِ وَرید ) شہ رگ ، رگِ جاں ..
نوید ) خوش خبری
حمید ) پسندیدہ
شہید ) دیکھنے جاننے والے ،،، گواہ ...
وحید) بـے نظیر

🌴🍁🌴🍁🌴

از فریدی صدیقی مصباحی، بارہ بنکوی، مسقط عمان 96899633908+

ﺍﯾﮏ ﻣﭽﮭﻠﯽ ﻓﺮﻭﺵ ﻧﮯ ﺍﺩﯾﺒﻮﮞ ﺍﻭﺭ ﺷﺎﻋﺮﻭﮞ ﮐﮯ ﮐﺴﯽ ﻣﺤﻠﮧ ﻣﯿﮟ ﺩﻭﮐﺎﻥ ﮐﮭﻮﻟﯽ ﺍﻭﺭ ﺑﻮﺭﮈ ﻟﮕﺎ ﺩﯾﺎ..
" ﯾﮩﺎﮞ ﺗﺎﺯﮦ ﻣﭽﮭﻠﯽ ﺩﺳﺘﯿﺎﺏ ﮨﮯ"
ﺍﯾﮏ ﺍﺩﯾﺐ ﺻﺎﺣﺐ ﮐﺎ ﻭﮨﺎﮞ ﺳﮯ ﮔﺬﺭ ﮨﻮﺍ .. ﺍﻧﮩﻮﮞ ﻧﮯ ﺑﻮﺭﮈ ﭘﮍﮬﻨﮯ ﮐﮯ ﺑﻌﺪ ﻣﭽﮭﻠﯽ ﻓﺮﻭﺵ ﺳﮯ ﮐﮩﺎ .. " ﻣﯿﺎﮞ ! ﺍﺗﻨﺎ ﻟﻤﺒﺎ ﺟﻤﻠﮧ ﻟﮑﮭﻨﮯ ﮐﯽ ﮐﯿﺎ ﺿﺮﺭﻭﺕ ﺗﮭﯽ .. ﺍﺗﻨﺎ ﮨﯽ ﮐﺎﻓﯽ ﺗﮭﺎ ﮐﮧ " ﺗﺎﺯﮦ ﻣﭽﮭﻠﯽ ﺩﺳﺘﯿﺎﺏ ﮨﮯ "ﻣﭽﮭﻠﯽ ﻭﺍﻟﮯ ﻧﮯ ﻟﻔﻆ " ﯾﮩﺎﮞ " ﻣﭩﺎ ﺩﯾﺎ ..
ﺍﺱ ﮐﮯ ﺑﻌﺪ ﺍﯾﮏ ﺍﻭﺭ ﺻﺎﺣﺐ ﺍٓﺋﮯ .. ﺍﻧﮩﻮﮞ ﻧﮯ ﺑﻮﺭﮈ ﭘﺮ ﻧﻈﺮ ﮈﺍﻟﻨﮯ ﮐﮯ ﺑﻌﺪ ﻓﺮﻣﺎﯾﺎ .. " ﺑﮭﺌﯽ ﻣﭽﮭﻠﯽ ﮐﮯ ﺳﺎﺗﮫ " ﺗﺎﺯﮦ " ﻟﮑﮭﻨﮯﮐﯽ ﮐﯿﺎ ﺣﺎﺟﺖ ﮨﮯ .. ﻇﺎﮨﺮ ﮨﮯ ﻣﭽﮭﻠﯽ ﺗﻮ ﺗﺎﺯﮦ ﮨﯽ ﻓﺮﻭﺧﺖ ﮐﯽ ﺟﺎﺗﯽ ﮨﮯ ".. ﻣﭽﮭﻠﯽ ﻓﺮﻭﺵ ﻧﮯ ﻟﻔﻆ " ﺗﺎﺯﮦ " ﻣﺤﻮ ﮐﺮﺩﯾﺎ ..
ﺍﺏ ﺗﺤﺮﯾﺮ ﮐﭽﮫ ﺍﺱ ﻃﺮﺡ ﻧﻈﺮ ﺍٓ ﺭﮨﯽ ﺗﮭﯽ .. "ﻣﭽﮭﻠﯽ ﺩﺳﺘﯿﺎﺏ ﮨﮯ"
"ﭘﮭﺮ ﺍﯾﮏ ﺍﻭﺭ ﺻﺎﺣﺐ ﺍٓﺋﮯ .. ﺍﻧﮩﻮﮞ ﻧﮯ ﻋﯿﻨﮏ ﺳﯿﺪﮬﯽ ﮐﺮﺗﮯ ﮨﻮﺋﮯﺑﻮﺭﮈ ﮐﻮ ﭘﮍﮬﺎ ﺍﻭﺭ ﺗﺒﺼﺮﮦ ﻓﺮﻣﺎﯾﺎ .. " ﻣﭽﮭﻠﯽ ﺩﺳﺘﯿﺎﺏ ﮨﮯ " ﻟﮑﮭﻨﮯ ﮐﯽ ﮐﯿﺎ ﺣﺎﺟﺖ ﭘﯿﺶ ﺍٓﮔﺌﯽ ﺑﮭﺎﺋﯽ ؟.. ﻣﭽﮭﻠﯽ ﺗﻮ ﺩﺳﺘﯿﺎﺏ ﮨﯽ ﮨﻮﺗﯽ ﮨﮯ ﺟﺒﮭﯽ ﺗﻮ ﺑﮑﺘﯽ ﮨﮯ .. ﺑﺲ ﺍﺗﻨﺎ ﮨﯽ ﮐﺎﻓﯽ ﺗﮭﺎ .. " ﻣﭽﮭﻠﯽ .."
ﻟﮩٰﺬﺍ ﺍﺏ ﺑﻮﺭﮈ ﮐﭽﮫ ﯾﻮﮞ ﺩﮐﮭﺎﺋﯽ ﺩﮮ ﺭﮨﺎ ﺗﮭﺎ.. "ﻣﭽﮭﻠﯽ "
ﺍﺱ ﮐﮯ ﺑﻌﺪ ﺍﯾﮏ ﺑﮩﺖ ﺑﮍﮮ ﺍﺩﯾﺐ , ﺑﮭﺎﺭﯼ ﻣﯿﻨﮉﯾﭧ ﮐﮯ ﺳﺎﺗﮫ ﺍٓﺋﮯ ﺍﻭﺭ ﺍﻧﮩﻮﮞ ﻧﮯ ﺗﺒﺼﺮﮦ ﻓﺮﻣﺎﯾﺎ .. " ﺑﮭﺌﯽ ﯾﮧ ﺑﻮﺭﮈ ﻟﮕﺎﻧﮯ ﮐﺎ ﺗﮑﻠﻒ ﮨﯽ ﮐﯿﻮﮞ ﮐﯿﺎ .. ﻣﭽﮭﻠﯽ ﺗﻮ ﭼﯿﺰ ﮨﯽ ﺍﯾﺴﯽ ﮨﮯ ﮐﮧ ﺍﺱ ﮐﯽ ﺑﻮ ﺩﻭﺭ ﺳﮯ ﻣﺤﺴﻮﺱ ﮨﻮﺟﺎﺗﯽ ﮨﮯ "..ﻟﮩٰﺬﺍ ﻣﭽﮭﻠﯽ ﻓﺮﻭﺵ ﻧﮯ ﻭﮦ ﺑﻮﺭﮈ ﮨﭩﺎ ﮐﺮ ﺳﺎﺋﯿﮉ ﭘﮧ ﺭﮐﮫ ﻟﯿﺎ ....
یهی حال همارے ملک کا هے..
ﮨﻢ ﻧﮯ ﺟﺐ ﯾﮧ ﻣﻠﮏ ﺣﺎﺻﻞ ﮐﯿﺎ ﺗﻮ ﺍﺱ ﮐﮯ ﺑﻮﺭﮈ ﭘﺮ ﺑﮍﺍ ﺑﮍﺍ ﻟﮑﮭﺎ ﺗﮭﺎ ..
" ﻻ ﺍﻟٰﮧ ﺍﻻ ﺍﻟﻠﮧ ﻣﺤﻤﺪ ﺭﺳﻮﻝ ﺍﻟﻠﮧ "
ﭘﮭﺮ ﮐﭽﮫ ﻣﻔﮑﺮﯾﻦ ﭘﯿﺪﺍ ﮨﻮﺋﮯ .. ﺍﻧﮩﻮﮞ ﻧﮯ ﺭﺍﺋﮯ ﺩﯼ ﮐﮧ ﺍﺗﻨﺎ ﺗﮑﻠﻒﮐﺮﻧﮯ ﮐﯽ ﺿﺮﻭﺭﺕ ﮨﯽ ﮐﯿﺎ ﺗﮭﯽ ؟..
ﺟﺐ ﯾﮩﺎﮞ ﻣﺴﻠﻤﺎﻥ ﺭﮨﺘﮯ ﮨﯿﮟ , ﻟﻮﮒ ﻧﻤﺎﺯ ﺭﻭﺯﮦ ﮐﺮﺗﮯ ﮨﯿﮟ ﺗﻮ ﭘﮭﺮ ﮐﯿﺎ ﺣﺎﺟﺖ ﮨﮯ ﺩﻧﯿﺎ ﺳﮯ ﭘﻨﮕﺎ ﻟﯿﻨﮯ ﮐﯽ ..
ﻟﮩٰﺬﺍ ﮨﻤﺎﺭﮮ ﻣﭽﮭﻠﯽ ﻓﺮﻭﺷﻮﮞ ﻧﮯ ﻭﮦ ﮐﻠﻤﮧ ﮨﯽ ﻏﺎﺋﺐ ﮐﺮﮐﮯ ﺭﮐﮫ ﺩﯾﺎ ﮨﮯ ﺍﻭﺭ ﮨﻢ ﺍﺳﮯ ﮈﮬﻮﻧﮉ ﮈﮬﻮﻧﮉ ﮐﺮ ﺗﮭﮏ ﮔﺌﮯ ﮨﯿﮟ ..
ﮐﮩﯿﮟ ﻧﻈﺮ ﻧﮩﯿﮟ ﺍٓ ﺭﮨﺎ ..
ﻧﮧ ﺍﻗﺘﺪﺍﺭ ﮐﮯ ﺍﯾﻮﺍﻧﻮﮞ ﻣﯿﮟ _
ﻧﮧ ﻣﻌﯿﺸﺖ ﮐﮯ ﺑﺎﺯﺍﺭﻭﮞ ﻣﯿﮟ _
ﻧﮧ ﻋﻠﻤﯽ ﺩﺭﺳﮕﺎﮨﻮﮞ ﻣﯿﮟ ___
ﻧﮧ ﮔﻠﯿﻮﮞ ﺍﻭﺭ ﻣﺤﻠﻮﮞ ﻣﯿﮟ !

●▬▬▬▬▬▬ஜ

*حضرت فاروق اعظم نے قبر میں فرشتوں کا امتحان لینا شروع کر دیا*

چَھٹی صدی کے محدّث امام شیخ ابو جعفر احمد طبری روایت نقل کرتے ہیں:

”وعن النبي صلى الله عليه وسلم قال: " إذا وضع الرجل في قبره أتاه منكر ونكير، وهما ملكان فظان غليظان أسودان أزرقان ألوانهما كالليل الدامس أصواتهما كالرعد القاصف عيونهما كالشهب الثواقب أسنانهما كالرماح يسحبان بشعورهما على الأرض بيد كل واحد منهما مطرقة لو اجتمع الثقلان الجن والإنس لم يقدروا على حملها يسألان الرجل عن ربه وعن نبيه وعن دينه " . فقال عمر ابن الخطاب: أيأتيانني وأنا ثابت كما أنا؟ قال نعم!! قال: فسأكفيكهما يا رسول الله، فقال صلى الله عليه وسلم: " والذي بعثني بالحق نبياً لقد أخبرني جبريل أنهما يأتيانك فتقول أنت: الله ربي فمن ربكما؟ ومحمد نبي فمن نبيكما؟ والإسلام ديني فما دينكما؟ فيقولان: وا عجباه!! ما ندري نحن أرسلنا إليك. أم أنت أرسلت إلينا؟ “

یعنی:

مروی ہے کہ حضور سیدِعالَم صلی اللہ علیہ وآلہ وسلم نے ارشاد فرمایا کہ جب مردہ قبر میں رکھ دیا جاتا ہے تو وہاں دو فرشتے منکر نکیر آ جاتے ہیں- جو تندخُو اور سخت دل ہیں جنکے چہرے ایسے نیلے اور سیاہ ہوتے ہیں جیسے تاریکی ہوتی ہے- انکی آواز گرجتی بجلی کی مانند، آنکھیں گرنے والے ستاروں کی طرح، اور دانت نیزوں کی طرح ہیں- وہ اپنے بالوں میں زمین پر تیرتے آتے ہیں ( یعنی سارا وجود بالوں میں چھپا ہوتا ہے گویا بالوں کا مجموعہ زمین پر تیرتا آ رہا ہے) ہر ایک کے ہاتھ میں اتنا وزنی ہتھوڑا ہوتا ہے کہ تمام جن و انس مل کر اسے نہیں اُٹھا سکتے- دونوں (فرشتے) قبر والے سے سوال کرتے ہیں :

من ربك؟ یعنی تیرا رب کون ہے ؟
من نبیّك ؟ یعنی تیرا نبی کون ہے ؟
ما دینك؟ یعنی تیرا دین کیا ہے ؟

یہ سُن کر امیر المؤمنین حضرت فاروقِ اعظم رضی اللہ عنہ نے عرض کیا: یارسول اللہ جب وہ (نکیرین فرشتے) میرے پاس (قبر میں) آئیں گے تو میں اسی طرح صحیح سالم ہوں گا- جیسے اب ہوں ؟
فرمایا: ہاں
عرض کی یارسول اللہ پھر تو میں انہیں آپ کی طرف سے خوب جواب دوں گا-
سرکار صلی اللہ علیہ و آلہ وسلم نے فرمایا: اے عمر مجھے اس رب کی قسم جس نے مجھے حق دے کر بھیجا- جبریل امین نے مجھے بتایا ہے:
کہ وہ دونوں فرشتے (عمر) جب تمہاری قبر میں آئیں گے اور سوالات کریں گے تم یوں جواب دو گے-
میرا رب اللہ ہے مگر (ذرا تم بتاؤ) تمہارا رب کون ہے ؟
میرا دین اسلام ہے مگر (تم بتاؤ) تمہارا دین کیا ہے ؟
میرے نبی مــــــــحـــــــــمـــــــد صلی اللہ علیہ و آلہ وسلم ہیں مگر (تم بتاؤ) تمہارا نبی کون ہے؟

وہ (دونوں فرشتے) کہیں گے:
بڑی تعجب کی بات ہے-

ہمیں تو یہ پتہ نہیں چل رہا کہ

ہــم (امتحان کیلئے) تـمـــہاری طــــرف بھیـــــجے گــــئے ہـیـــــں ؟
یا
(اے عـــــــــــمـــــــــر ہمارا امتحان لینے) تــــم ہـمــــــاری طـــــرف بھیـــــجے گئـــے ہـــــو ؟

[ الریاض النضرۃ، جلد 1، صفحہ 346، مطبوعه دار الکتب العلمیة بیروت ]


”وا عجباہ!“ کا پنجابی صوفیانہ ترجمہ یہ بنے گا : بَلّے "بئی بَلّے"

ما ندري نحن أرسلنا إليك. أم أنت أرسلت إلينا؟ “
فرشتے کہیں گے کہ ہمیں تو یہ ہی نہیں پتہ چل رہا کہ ہم امتحان لینے آئے ہیں یا امتحان دینے آئے ہیں..

سبحان الله کیا شانیں عطاء فرمائیں ہیں الله نے حضرت سیدنا فاروقِ اعظم رضی اللّٰہ تعالٰی عنہ کو۔۔ اگر پھر بھی کوئی کالے منہ والا نہ سمجھے تو اس کی بد بختی میں کوئی شک نہیں۔۔ الله تعالٰی اولیاء کا ادب نصیب فرمائے۔۔۔۔۔۔۔۔ آمـــین

_*مدینے پاک کا بھکاری*_
_*محمداویس رضاعطاری*_

کیا حضرت عمر (رضي الله عنه) كا يوم شهادت يكم محرم الحرام کسی کتاب میں مذکور نہیں؟

--------------------------
روافض کی طرف سے بالعموم اور اپنے آپ کو "سنی" بنا کر پیش کرنے والے رافضیوں (انجینیئر محمد علی مرزا اور ہمنواؤں) کی طرف سے بالخصوص یہ راگ الاپا جاتا ہے کہ مرادِ رسول ، دامادِ علي حضرت عمر بن الخطاب رضي الله عنه کا یوم شہادت یکم محرم الحرام ہونے کی کوئی دلیل نہیں ، یہ یونہی حضرت حسين رضي الله عنه کی شہادت سے توجہ ہٹانے کے لیے اپنی طرف سے گھڑ لیا گیا ہے ....... تو آئیے مختصر طور پر جائزہ لیتے ہیں کہ تاریخ و سیر کی کتابوں میں یہ بات مذکور ہے یا نہیں؟

محمد بن احمد بن تمیم التميمي (م 333 هـ) نے اپنی سند کے ساتھ حضرت عبدالله بن زبير (رضي الله عنهما) سے یہ روایت ذکر کی ہے کہ: حضرت عمر رضي الله عنه کو بدھ کے روز جبکہ ذي الحج کے تین دن باقی تھے زخمی کیا گیا، پھر آپ تین دن زندہ رہے اور پھر آپ کی وفات ہوئی ...(كتاب المحن، صفحه 66، تحقيق ڈاکٹر يحيى وهيب الحبورى ، طبع دار الغرب الاسلامي)

ابن الأثير الجزرى (م 630 هـ) نے اپنی سند کے ساتھ یہ روایت ذکر کی ہے کہ : حضرت عمر (رض) کو جب زخمی کیا گیا تو ذي الحج 23 هجرى کی چار راتیں باقی تھیں، اور آپ کو یکم محرم 24 هجرى بروز اتوار کی صبح دفن کیا گیا. (أسد الغابة في معرفة الصحابة، جلد 4 ، صفحه 166 ، دار الكتب العلمية بيروت)

حافظ ابن عساكر (م 571 هـ) نے اپنی مکمل سند کے ساتھ یہ روایت ذکر کی ہے کہ : حضرت عمر (رض) کو ذي الحج کی چند راتیں باقی تھیں جب زخمی کیا گیا، آپ تین راتیں اسکے بعد زندہ رہے اور یکم محرم سنہ 24 هجرى کو آپ کی وفات ہوئی. (تاریخ دمشق ، جلد 44، صفحه 478 ، دار الفكر بيروت)

سر دست یہ تین حوالے سامنے تھے جو ذکر کر دیے ... مزید کتب کے حوالے بھی موجود ہیں ، اگرچہ کتب میں کچھ دوسرے اقوال بھی مذکور ہیں لیکن زیادہ صحیح اور جمہور کے نزدیک راجح قول یہی ہے کہ حضرت عمر رضي الله عنه کی وفات یکم محرم سنہ 24 هجرى کو ہوئی ... لہذا یہ دعوا کہ اہل سنت کی کسی کتاب میں یہ مذکور نہیں کہ حضرت عمر رضي الله عنه کا یوم وفات یکم محرم ہے جھوٹ اور دھوکہ ہے .

ایک رافضی عجوبہ :
------------------
ایک رافضی عجوبہ بھی ملاحظه ، معروف رافضی نعمة الله الجزائرى اپنی کتاب "الأنوار النعمانية" میں لکھتا ہے کہ حضرت عمر (رض) کو 9 ربيع الأول کو قتل کیا گیا" (الأنوار النعمانية، جلد 1 ، صفحه 84 ، نور سماوى ، طبع دار الكوفة)
اس کتاب کا محشى جانتا تھا کہ یہ بات حقائق کے خلاف ہے اس لیے اس نے اسی صفحے کے نیچے حاشیے میں تسلیم کیا کہ یہ بات ان مشہور روایات کے خلاف ہے جن کے مطابق حضرت عمر (رض) کی شہادت ذي الحج کے آخری ایام میں بیان ہوئی ہے، اور پھر محشى نے ان اقوال میں یہ بھی ذکر کیا ہے کہ آپ کی شہادت یکم محرم کو ہوئی ...

حضرت عمر رضی اللہ عنہا کی شہادت کی تاریح پراعتراض کا جواب

اعتراض: حضرت عمر فاروق رضی اللہ عنہا کی شہادت ١ محرم کو نہیں ہوئی بلکہ سنی کتابیں ٢٦ زل حج ٢٣ ہجری کو بتاتی ہیں

حوالہ جات ہیں

طبقات ابن سعد جلد ٣ صفحہ ١٤٧
تاریخ طبری جلد ٣ صفحہ ٦٣٥
تاریخ ابن خلدون جلد ١ صفحہ ٣٨٤
تاریخ الماسودی جلد ٦ صفحہ ٦٤٠
تاریخ ابن کثیر جلد ٧ صفحہ ٦٧٩

جواب:

پہلا حوالہ طبقات ابن سعد (ج 3 ص 123 اردو ایڈیشن نفیس اکیڈمی کراچی) کا ہے۔ اول تو امام ابن سعد نے اس معاملے میں از خود کوئی واضح تاریخ معین نہیں فرمائی۔ دوسرا کہ انہوں نے اس باب کا عنوان ہی یہ بنایا ہے کہ حضرت عمر کی مدت خلافت اور حضرت عمر کی عمر کے متعلق مختلف اقوال۔ پھر ان میں پہلے ترجمۃ الباب کی روایت کمزور ہے۔ ابوبکر بن محمد بن سعد نامی راوی کا تذکرہ کیا تو اس میں اختلاف نہیں کہ وہ مہجول الحال ہے۔ اس طرح سے 26 ذی الحجہ والی روایت نہایت کمزور ہے

دوسرا حوالہ تاریخ طبری (ج 3 ص 217 تا 218 اردو ایڈیشن نفیس اکیڈمی کراچی) کا ہے۔ امام طبری نے بھی ابن سعد کی طرح ان کی تاریخ وفات کے اختلاف کا تذکرہ کیا ہے۔ چنانچہ پہلا قول تو 27 ذی الحجہ کا بتایا ہے جو کہ شیعہ ذاکر کے ثبوت کی نفی کرتا ہے۔ اور یہ روایت بھی نہایت کمزور ہے کیونکہ اس کے دو راوی سلیمان بن عبد العزیز اور جعفر بن عبد الرحمن تو مجہول الحال ہیں اور ایک راوی عبد العزیز بن عمران متروک ہے۔ دوسرا قول عبد العزیز بن عمران کا ہی ہے جو کہ بغیر کسی جرح کے 1 محرم کا بتایا ہے۔ تیسرا قول وہی ابن سعد کا ہی ذکر کیا ہے کہ 26 ذی الحجہ کو ہوئی لیکن جیسا پہلے واضح ہو چکا کہ وہ روایت انتہائی کمزور ہے۔ چوتھا قول ابو معشر کا 26 ذی الحجہ کا ہے جو احمد بن ثابت الرازی کے طریق سے ہے جو کہ کذاب تھا۔ پانچواں قول ہشام بن محمد کا 27 ذی الحجہ کا ہے جو کہ بلا سند اور منقطع ہے جو نہایت ہی کمزور ہے

تیسرا حوالہ تاریخ ابن خلدون (ج 3 ص 236 اردو ایڈیشن دار الاشاعت کراچی) کا ہے۔ ابن خلدون نے اگرچہ 27 ذی الحجہ کا بتایا ہے مگر بلا سند ہے اور اس کا مضمو

ن تقریبا وہی ہے جو تاریخ طبری کا پہلا قول ہے جس کی سند نہایت کمزور ہے۔ اگرچہ یہ بھی نہایت ہی کمزور قول ہے لیکن بہرحال شیعہ ذاکر کی دی ہوئی تاریخ سے تو مختلف ہے

چوتھا حوالہ تاریخ مسعودی کا ہے۔ علی بن حسین المسعودی شیعہ رافضی ہے جس کا قول ہمارے لئے حجت نہیں۔

پانچواں حوالہ تاریخ ابن کثیر (البدایہ والنہایہ ج 7 ص 184 اردو ایڈیشن نفیس اکیڈمی کراچی) کا ہے۔ حافظ ابن کثیر نے کئی اقوال نقل کر کے پہلے قول ہی کو ترجیح دی ہے جو کہ 1 محرم الحرام کا ہے۔

اس کے علاوہ یہ بات نہایت اہم ہے کہ کم و بیش تقریبا ہر مورخ نے ہی ان پر ابولولو فیروز کے حملہ کرنے سے شہادت کے دن تک کا درمیانی حصہ تین یا چار دن ذکر کیا ہے۔ ہمارا بھی یہی موقف ہے کہ حضرت عمر رض پر حملہ 26 یا 27 ذی الحجہ کو ہوا اور ان کی شہادت اس واقعہ کے تیسرے یا چوتھے دن بعد 1 محرم الحرام کو ہوئی اور حجرہ عائشہ میں اسی روز دفن ہوئے۔ اس بارے میں حافظ ابن کثیر کی صراحت اصح ہے۔ واللہ سبحان وتعالی اعلم

#تحقیق_تاریخ_شہادت_سیدنا_عمر_رضی_اللہ_عنہ

کسی کی تاریخ ولادت یا شہادت میں اختلاف کوئی نئی بات نہیں ہے لیکن کچھ لوگ اسے بغض اہلبیت بتا کر لوگوں کو گمراہ کر رہے ہیں کہ اہلسنت والجماعت نے حضرت عمر رضی اللہ تعالیٰ عنہ کی اصل شہادت تاریخ بدل دی اور وہ اس لئے کہ انہیں حسین رضی اللہ تعالیٰ عنہ کا مقابلہ کرنا ہے۔ اور اصل تاریخ یکم محرم نہیں بلکہ 26 ذی الحج ہے۔ اور اس پر ایک پوسٹر بنا کر جگہ جگہ پوسٹ کرتے پھر رہے کہ حضرت عمر رضی اللہ تعالیٰ عنہ کی شھادت محرم میں نہیں بلکہ ذی الحج کے مہینے میں ہے۔ سب سے پہلے تو ان روایت کا حال دیکھ لیں۔

🔴حوالہ جات کی حقیقت:🔴
♦1۔پہلا حوالہ طبقات ابن سعد (ج 3 ص 123 اردو ایڈیشن نفیس اکیڈمی کراچی) کا ہے۔ اول تو امام ابن سعد نے اس معاملے میں از خود کوئی واضح تاریخ معین نہیں فرمائی۔ دوسرا کہ انہوں نے اس باب کا عنوان ہی یہ بنایا ہے کہ حضرت عمر کی مدت خلافت اور حضرت عمر کی عمر کے متعلق مختلف اقوال۔ پھر ان میں پہلے ترجمۃ الباب کی روایت کمزور ہے۔ ابوبکر بن محمد بن سعد نامی راوی کا تذکرہ کیا تو اس میں اختلاف نہیں کہ وہ مہجول الحال ہے۔ اس طرح سے 26 ذی الحجہ والی روایت نہایت کمزور ہے۔
♦2۔دوسرا حوالہ تاریخ طبری (ج 3 ص 217 تا 218 اردو ایڈیشن نفیس اکیڈمی کراچی) کا ہے۔ امام طبری نے بھی ابن سعد کی طرح ان کی تاریخ وفات کے اختلاف کا تذکرہ کیا ہے۔ چنانچہ پہلا قول تو 27 ذی الحجہ کا بتایا ہے جو کہ آپ کی بت کے بھی خلاف ہے۔ اور یہ روایت بھی نہایت کمزور ہے کیونکہ اس کے دو راوی سلیمان بن عبد العزیز اور جعفر بن عبد الرحمن تو مجہول الحال ہیں اور ایک راوی عبد العزیز بن عمران متروک ہے۔ دوسرا قول عبد العزیز بن عمران کا ہی ہے جو کہ بغیر کسی جرح کے 1 محرم کا بتایا ہے۔ تیسرا قول وہی ابن سعد کا ہی ذکر کیا ہے کہ 26 ذی الحجہ کو ہوئی لیکن جیسا پہلے واضح ہو چکا کہ وہ روایت انتہائی کمزور ہے۔ چوتھا قول ابو معشر کا 26 ذی الحجہ کا ہے جو احمد بن ثابت الرازی کے طریق سے ہے جو کہ کذاب تھا۔ پانچواں قول ہشام بن محمد کا 27 ذی الحجہ کا ہے جو کہ بلا سند اور منقطع ہے جو نہایت ہی کمزور ہے۔
♦3۔تیسرا حوالہ تاریخ ابن خلدون (ج 3 ص 236 اردو ایڈیشن دار الاشاعت کراچی) کا ہے۔ ابن خلدون نے اگرچہ 27 ذی الحجہ کا بتایا ہے مگر بلا سند ہے اور اس کا مضمون تقریبا وہی ہے جو تاریخ طبری کا پہلا قول ہے جس کی سند نہایت کمزور ہے۔ اگرچہ یہ بھی نہایت ہی کمزور قول ہے لیکن بہرحال آپکی بتائی ہوئی تاریخ کے سے تو مختلف ہے.
♦4۔چوتھا حوالہ تاریخ مسعودی کا ہے۔ علی بن حسین المسعودی شیعہ رافضی ہے جس کا قول ہمارے لئے حجت نہیں۔
♦5۔پانچواں حوالہ تاریخ ابن کثیر (البدایہ والنہایہ ج 7 ص 184 اردو ایڈیشن نفیس اکیڈمی کراچی) کا ہے۔ حافظ ابن کثیر نے کئی اقوال نقل کر کے پہلے قول ہی کو ترجیح دی ہے جو کہ 1 محرم الحرام کا ہے۔
اس کے علاوہ یہ بات نہایت اہم ہے کہ کم و بیش تقریبا ہر مورخ نے ہی ان پر ابو لولو فیروز کے حملہ کرنے سے شہادت کے دن تک کا درمیانی حصہ تین یا چار دن ذکر کیا ہے۔ ہمارا بھی یہی موقف ہے کہ حضرت عمر پر حملہ 26 یا 27 ذی الحجہ کو ہوا اور ان کی شہادت اس واقعہ کے تیسرے یا چوتھے دن بعد 1 محرم الحرام کو ہوئی اور حجرہ عائشہ میں اسی روز دفن ہوئے۔ اس بارے میں حافظ ابن کثیر کی صراحت اصح ہے۔اگر کوئی قول 26 ذی الحج کا مل بھی جائے تو بھی اس بات سے اختلاف نہیں کیا جاسکتا کہ دونوں اقوال ملتے ہیں پر مشھور قول جیسا کہ اوپر بیان ہوا کہ امام ابن کثیر اور دیگر آئمہ اہلسنت کے نزدیک یکم محرم ہی ہے۔

* اعتراض :*******************
ایک دوست نے ان بکس میں سوال کیا ہے کہ کچھ لوگ کہہ رہے ہیں کہ یہ بات غلط مشہور ہے کہ حضرت عمر فاروق رضی الله عنه کی شہادت یکم محرم الحرام کو ہوئی ... یہ در اصل دشمنان اہل بیت کی طرف سے پھیلایا گیا ہے جھوٹ ہے ..
جواب :
سر دست تین حوالے پیش خدمت ہیں .. جنکے اندر صاف طور پر ذکر ہے کہ حضرت عمر فاروق رضي الله عنه کی وفات محرم کی پہلی تاریخ کو ہوئی تھی ... اور یہی بات مشہور ہے ...
🔹حواله نمبر 1:
ابن اثير جزرى اپنی سند کے ساتھ بیان کرتے ہیں کہ "حضرت عمر رضي الله عنه کو جب زخمی کیا گیا تو وہ دن بدھ کا دن تھا، اور ماه ذو الحج ختم ہونے میں تین دن باقی تھے ، اور آپ کی تدفین اتوار کی صبح ہوئی اور اس دن محرم کا پہلا دن تھا " ۔(اسد الغابة في معرفة الصحابة ، ج 4 ص 166)
نوٹ: ابن اثیر نے آگے ایک اور روایت ذکر کرنے کے بعد لکھا ہے کہ "والاول اصح ما قيل في عمر" کہ پہلی بات جو حضرت عمر رض کے بارے میں کہی گئی ہے وہ زیاہ صحیح ہے (یعنی آپ کی تدفین یکم محرم کو ہوئی تھی)
🔹حواله نمبر 2:
ابو حفص الفلاس کی روایت ہے کہ "ذو الحجة کی چند راتیں باقی تھیں کہ حضرت عمر رضي الله عنه حملے میں زخمی کیے گئے ، اسکے بعد آپ تین راتیں زندہ رہے اور سنہ 24 ہجری کے محرم کی پہلی تاریخ کو آپ کی وفات ہوئی"

(تاريخ مدينة دمشق يعني تاريخ ابن عساكر ،ج 44 ص 478)

🔹 حواله نمبر 3:
"حضرت عبدالله بن زبير رضي الله عنه سے روایت ہے کہ آپ نے فرمایا : حضرت عمر رضي الله عنه کو بروز بدھ جب ذو الحج کے تین دن باقی تھے زخمی کیا گیا پھر آپ تین دن تک زندہ رہے پھر اسکے بعد آپ کی وفات ہوئی" (كتاب المحن ، صفحه 66)

ایک عجوبہ :
میں اسی موضوع پر تحقیق کرتے کہ حضرت عمر رضي الله عنه کی وفات کس تاریخ کو ہوئی تو ایک كتاب میں یہ الفاظ ملے ..کتاب کا مصنف "رافضی" ہے اور متشدد قسم کا رافضی ہے ... نام ہے "نعمت الله جزائرى" لکھتا ہے کہ :
"دوسرے کا قتل 9 ربيع الاول کو ہوا" (دوسرے مراد خلیفہ دوم ہیں) (الانوار النعمانية ، جلد 1 صفحه 84)
اور اس پر مزید مزے کی بات یہ ملی کہ اس کتاب پر حاشیہ میں یہ لکھا گیا کہ "قتل عمر في اليوم التاسع منه كان مشهوراً بين الشيعة" یہ بات شيعه میں مشھور تھی کہ حضرت عمر (رض) کا قتل 9 ربيع الاول کو ہوا تھا۔۔

🏳 *خلافت فاروق اعظم رضی اللہ تعالی عنہ* 🏳
🔗 *قسط :1*

ارشاد باری تعالی ہے:

*وَعَدَ اللّٰهُ الَّذِیْنَ اٰمَنُوْا مِنْكُمْ وَ عَمِلُوا الصّٰلِحٰتِ لَیَسْتَخْلِفَنَّهُمْ فِی الْاَرْضِ كَمَا اسْتَخْلَفَ الَّذِیْنَ مِنْ قَبْلِهِمْ۪-وَ لَیُمَكِّنَنَّ لَهُمْ دِیْنَهُمُ الَّذِی ارْتَضٰى لَهُمْ وَ لَیُبَدِّلَنَّهُمْ مِّنْۢ بَعْدِ خَوْفِهِمْ اَمْنًاؕ-یَعْبُدُوْنَنِیْ لَا یُشْرِكُوْنَ بِیْ شَیْــٴًـاؕ-وَ مَنْ كَفَرَ بَعْدَ ذٰلِكَ فَاُولٰٓئِكَ هُمُ الْفٰسِقُوْنَ(۵۵)*

*(پ 18، النور:55)*

*ترجمہ کنز العرفان:* اللہ نے تم میں سے ایمان والوں اور اچھے اعمال کرنے والوں سے وعدہ فرمایا ہے کہ ضرورضرور انہیں زمین میں خلافت دے گا جیسی ان سے پہلوں کوخلافت دی ہے اور ضرورضرور اِن کے لیے اِن کے اُس دین کو جما دے گا جو ان کے لیے پسند فرمایا ہے اور ضرور ضروران کے خوف کے بعد ان( کی حالت)کو امن سے بدل دے گا۔ وہ میری عبادت کریں گے، میرے ساتھ کسی کو شریک نہ ٹھہرائیں گے اور جو اس کے بعد ناشکری کرے تو وہی لوگ نافرمان ہیں۔

*تفسیر:* علامہ علی بن محمد خازن رحمۃ اللہ تعالی علیہ  فرماتے ہیں: اس آیت میں  حضرت ابوبکر صدیق رضی اللہ عنہ اور آپ کے بعد ہونے والے خلفاءراشدین رضی اللہ تعالی عنھم کی خلافت کی دلیل ہے کیونکہ ان کے زمانے میں  عظیم فتوحات ہوئیں  اور کسریٰ وغیرہ بادشاہوں  کے خزانے مسلمانوں  کے قبضہ میں  آئے اور امن، قوت و شوکت اور دین کا غلبہ حاصل ہوا۔

📙 *(صراط الجنان،ج 6،ص 660)*

*احادیث طیبہ*

⚪ میرے بعد ابو بکر اور عمر کی پیروی کرنا۔"

📘 *(ترمذی،کتاب المناقب)*

⚪ ایک شخص بارگاہ رسالت صلی اللہ علیہ وسلم میں حاضر ہوا اور عرض کی:" یارسول اللہ صلی اللہ علیہ وسلم میں اپنے مالی صدقات کس کی بارگاہ میں پیش کروں؟ فرمایا: مجھے دیا کرو، اس نے عرض کی آپ صلی اللہ علیہ وسلم کے وصال ظاہری کے بعد؟ فرمایا : ابو بکر صدیق کو، اس نے عرض کی ان کے وصال ظاہری کے بعد؟ فرمایا: عمر فاروق اعظم کو۔پھر آپ صلی اللہ علیہ وسلم نے ارشاد فرمایا:" میرے بعد یہی خلفاء ہوں گے۔"

📗 *(تاریخ ابن عساکر)*

*اجماع صحابہ*

شارح مسلم علامہ نووی رحمۃ اللہ علیہ فرماتے ہیں: سیدنا فاروق اعظم رضی اللہ عنہ کی خلافت پر سیدنا ابو بکر صدیق رضی اللہ عنہ نے جس عہد نامے کا نفاذ فرمایا تھا اس پر تمام صحابہ کرام علیھم الرضوان متفق تھے۔

📔 *(شرح صحیح مسلم، کتاب الامارۃ، الاستخلاف و ترکہ)*

*خلیفہ بننے کے بعد پہلا خطبہ*

امیر المومنین حضرت سیدنا عمر فاروق رضی اللہ عنہ جب خلیفہ بنے تو منبر پر تشریف فرما ہوئے اور خطبہ دیتے ہوئے ارشاد فرمایا:
"اللہ پاک مجھے اس بات کی ہمت نہ دے کہ میں اپنے آپ کو حضرت سیدنا ابو بکر صدیق رضی اللہ عنہ کی جگہ بیٹھنے کے قابل سمجھوں۔" پھر آپ رحمۃ اللہ علیہ ایک درجہ نیچے تشریف لائے، اللہ پاک کی حمد و ثنا بیان کی اور ارشاد فرمایا:
🔷 قرآن پڑھتے رہو تمھیں اس کی معرفت حاصل ہوجائے گی۔
🔶 اور قرآن پر عمل کرتے رہو اہل قرآن بن جاؤ گے۔
🔹اور اپنے نفس کا محاسبہ کرتے رہو قبل اس سے کہ تمہارت اعمال کا محاسبہ کیا جائے۔
🔸 اور قیامت کے اس دن کے لئے تیار رہو جس دن اللہ پاک کی بارگاہ میں پیش کیے جاؤ گے اور تم میں سے کوئی بھی اس پر مخفی نہیں ہوگا۔
🔵 کوئی بھی شخص اللہ پاک کی نافرمانی میں کسی کی اطاعت کر کے حقدار کا حق ادا نہیں کر سکتا۔

📚 *(المجالسۃ و جواہر العلم)*

*مختلف عادات*

حضرت سیدنا سعید بن مسیب رضی اللہ تعالی عنہ نے امیر المومنین حضرت سیدنا عمر فاروق اعظم رضی اللہ عنہ کی مختلف عادات کو یوں بیان فرمایا:
✨ آپ رضی اللہ نے کبھی بھی بلاوجہ نرمی و سختی نہ فرمائی بلکہ جہاں نرمی کرنی چاہیے تھی وہاں نرمی کی اور جہاں سختی کرنی چاہیے تھی وہاں سختی کی۔
⭐ آپ رضی اللہ عنہ نے جنگ پر گئے ہوئے مجاہدین کے اہل و عیال کے ساتھ ایسا محبت بھرا سلوک کیا گویا کہ آپ ان کے لئے خاندان کے سربراہ بن گئے۔
🌟 آپ رضی اللہ عنہ مجاہدین کے دروازے پر جا کر ان کے گھر والوں سے کہا کرتے تمہیں کسی نے تکلیف تو نہیں دی؟ حاجت ہو تو بازار سے تمہیں کچھ خرید کر لادوں؟ کیونکہ خرید و فروخت میں تمہیں کوئی دھوکہ دے یہ مجھے پسند نہیں۔
☀ جب لوگ پڑاؤ والی جگہ چھوڑ کر آگے نکلتے تو آپ رضی اللہ عنہ وہاں آکر دیکھتے ، اگر کسی کی کوئی چیز گری ہوتی تو اسے اٹھا لیتے کسی کو چلنے میں دقت یا سواری کو تکلیف پہنچی ہوتی تو اسے دوسری سواری حاصل کرنے کے لئے کرایا مہیا کرتے اور لوگوں کے پیچھے سفر کیا کرتے۔
⭐ اگر کسی کا سامان گرجاتا یا کسی کو چلنے میں پریشانی ہوتی تو اس کی مدد فرماتے، رات بھر چلنے میں جس کسی کا کچھ سامان گم ہوجاتا تو وہ آپ رحمۃ اللہ علیہ سے حاصل کرلیتا تھا۔

📕 *(ریاض النضرہ)*

*خلافت فاروقی کے بنیادی اصول*

1⃣: اپنی اصلاح کی کوشش
2⃣: تمام معاملات خود حل فرماتے
3⃣: مشاورت
4⃣: عدل و انصاف کا قیام اور ظلم کی روک تھام
5⃣: جان و مال اور امل

اک کا تحفظ
6⃣: مالی حقوق کی ادائیگی کا عہد
7⃣: رعایا کے اصلاحی پہلو پر خصوصی توجہ
8⃣: سخت دلی سے نفرت
9⃣: سابقہ ادھورے کاموں کی تکمیل
🔟: صلاحیتوں کے مطابق ذمہ داریوں کی تقسیم

📚 *(مصنف ابن ابی شیبہ، کتاب الفضائل، باب فی فضل العرب)*

*نوٹ:* یہ پوسٹ مکتبۃ المدینہ (دعوت اسلامی) کی شائع کردہ کتاب *فیضان فاروق اعظم رضی اللہ عنہ جلد 2* سے بنائی گئی ہے، آپ رضی اللہ عنہ کی خلافت کے بارے میں مزید جاننے کے لئے اگلی قسط ضرور پڑھیں اور اچھی نیت سے شیئر کریں۔

✍🏻 *ابو بنتین محمد فراز عطاری مدنی عفی عنہ*
📱
*+92-321-2094919*

🏳 *خلافت فاروق اعظم رضی اللہ عنہ* 🏳
🖇 *قسط: 2*

*عہد فاروقی کا نظام عدلیہ*

فاروق اعظم رضی اللہ عنہ کے تین فرامین:

1⃣: امیر المؤمنین رضی اللہ عنہ رب قدیر عزوجل کی بارگاہ میں یوں دعا فرمایا کرتے تھے:" اے اللہ! جب دو شخص اپنا جھگڑا لے کر عدل و انصاف کے لیے میرے سامنے آئیں، اگر میں اس وقت حق سے عدول کرنے والے کی کچھ پرواہ کروں خواہ وہ میرا کوئی اپنا قریبی عزیز رشتہ دار ہو یا کوئی غیر ہو تو مجھے اس دنیا میں اتنی دیر بھی نہ رکھنا جتنی دیر آنکھ جھپکنے میں لگتی ہے۔"

📒 *(شعب الایمان، باب فی طاعۃ اولی الامر)*

2⃣: ارشاد فرمایا: میں کتنا بُرا حاکم ہوں اگر میں خود تو اچھا کھاؤں اور اپنی رعایا کو روکھا سوکھا کھلاؤں۔

📕 *(طبقات کبری)*

3⃣: اگر دریائے فرات کے کنارے بکری کا ایک چھوٹا بچہ بھی (بھوک سے) مرجائے تو مجھے ڈر ہے کہ اللہ پاک مجھ سے اس کے متعلق بھی باز پرس فرمائے گا۔

📗 *(صفۃ الصفوۃ)*

جب فاروق اعظم رضی اللہ عنہ کے دور میں فتوحات کا دائرہ وسیع ہوا تو نظام عدلیہ کو مختلف صوبوں اور اضلاع میں تقسیم کردیا گیا، گورنروں کے اختیارات کو وسعت دی گئی، انتظامیہ کی ساخت مضبوط ہوگئی پھر امیر المؤمنین رضی اللہ عنہ نے عدلیہ اور انتظامیہ دونوں کو علیحدہ کردیا۔

📚 *(مصنف ابن ابی شیبہ،کتاب المغازی)*

فاروق اعظم رضی اللہ عنہ نے اپنے عدالتی ججوں کو شریعت کے مطابق فیصلہ کرنے کا پابند کیا تھا۔چناچہ سیدنا قاضی شریح رحمۃ اللہ علیہ کو ایک مکتوب روانہ فرمایا جس کا مضمون کچھ یوں تھا:
🔶جس کا فیصلہ قرآن میں مل جائے تو قرآن ہی سے فیصلہ کرو اور احتیاط سے کام لو کہ لوگ کہیں تمھیں اس سے ہٹا نہ دیں۔
🔹قرآن میں نہ ملے تو رسول اللہ صلی اللہ علیہ وسلم کی سنت یعنی احادیث سے اس کا فیصلہ کرو۔
🔸پھر لوگوں کے اجماع کے مطابق فیصلہ کرو۔
🔷پھر دو معاملوں میں سے جسے چاہے اختیار کرلو۔
پھر اپنی رائے کے ساتھ اجتہاد کرنا چاہو اور اسے مقدم کرنا چاہو تو مقدم کردو اور اگر اسے موخر کرنا چاہو تو موخر کردو میں یہ سمجھتا ہوں کہ موخر کرنا تمہارے لئے زیادہ بہتر ہے۔

📘 *(ایضا)*

آپ رضی اللہ عنہ نے ایک مکتوب حضرت سیدنا ابو موسی اشعری رضی اللہ عنہ کو روانہ کیا جس میں عدل و انصاف کے قیام کے عمومی اصولوں کو نہایت ہی خوبصورت انداز میں بیان فرمایا، جس کا مضمون کچھ یوں ہے:
🔵لوگوں کے درمیان کسی معاملے میں فیصلہ کرنا ایک اہم و پختہ فرض اور قابل عمل طریقہ ہے۔
🔴پس اس بات کو بھی اچھی طرح سمجھ لو کہ جب تمہارے پاس کوئی ایسی واضح دلیل آجائے جس کے ذریعے فیصلہ کرنا ممکن ہو تو فی الفور اسے نافذ کردو کہ عملی نفاذ کے بغیر فقط حق بات کہنے کا کوئی فائدہ نہیں۔
🔵اپنے چہرے، بیٹھنے کی جگہ اور اپنے فیصلے سے لوگوں کے مابین برابری قائم رکھو تاکہ کوئی کمزور شخص تمہارے عدل سے مایوس نہ ہو اور کوئی معزز شخصیت تمہارے ظلم کی طمع نہ کرے۔
⚪مسلمانوں کے درمیان وہ صلح کروانا جائز ہے جو شرعی ہو یعنی جس کے ذریعے نہ تو حرام کو حلال کرنا پایا جائے اور نہ ہی حلال کو حرام کرنا پایا جائے۔

📓 *(دار قطنی، کتاب فی الاقضیہ و الاحکام)*

⚖ فاروق اعظم رضی اللہ عنہ نے قاضیوں کو مشکل معاملات میں مشورہ کرنے کا حکم دے رکھا تھا
⚖ بغیر ثبوت کے کاروائی کرنے سے منع فرمایا تھا
⚖ تحائف لینے سے روکا تھا
⚖ فیصلہ کرنے میں رشوت لینے کی سختی سے ممانعت فرمائی
⚖ مقدمے کی اجرت لینے سے باز رکھا
⚖ معاملے کی مکمل تحقیق کرنے کا حکم جاری فرمایا
⚖ فریقین کو صلح کے لئے چھوڑ دینے کی تلقین فرمائی
⚖ مجرم کو سزا دینے سے پہلے صفائی کا موقع دیا جانے کا حکم صادر فرمایا
⚖ فریقین کے ساتھ یکساں برتاؤ رکھنے کی تاکید فرمائی
⚖کمزوروں کی ہمت افزائی کی ترغیب دی
⚖ غیر شہری یا غیر ملکی کے ساتھ اچھا سلوک رکھنے کا مشورہ دیا
⚖ قاضی کو وسعت قلبی اور تحمل مزاجی سے کام لینے کا ارشاد فرمایا
⚖ غصہ اور بھوک پیاس میں فیصلہ نہ کرنے کا فرمان جاری فرمایا۔

📚 *(کتب شتی)*

*نوٹ:* یہ پوسٹ مکتبۃ المدینہ (دعوت اسلامی) کی شائع کردہ کتاب *فیضان فاروق اعظم رضی اللہ عنہ جلد 2* سے بنائی گئی ہے، آپ رضی اللہ عنہ کی خلافت کے بارے میں مزید جاننے کے لئے اگلی قسط ضرور پڑھیں اور اچھی نیت سے شیئر کریں۔

✍🏻 *ابو بنتین محمد فراز عطاری مدنی عفی عنہ*
📱 *+92-321-2094919*

🏳 *خلافت فاروق اعظم رضی اللہ تعالی عنہ* 🏳
🖇 *قسط: 3*

*عہد فاروقی کا مشاورتی نظام*

حضرت سیدنا فاروق اعظم رضی اللہ عنہ نے منصب خلافت پر فائز ہونے کے بعد ایک مجلس شوری بنائی تھی جس سے آپ رضی اللہ عنہ مختلف امور میں مشورہ فرمایا کرتے تھے۔
امیر المؤمنین رضی اللہ عنہ کی مشاورت کا دائرہ کار بہت وسیع تھا اس لیے مجلس شوری کے تمام اراکین کی تعداد معلوم کرنا مشکل ہے البتہ اس شوری میں عثمان غنی،علی المرتضی، معاذ بن جبل، زید بن ثابت اور ابن عباس رضی اللہ عنھم اجمعین جیسے جلیل القدر صحابہ سر فہرست ہیں

📙 *(طبقات کبری، ذکر استخلاف عمر)*

عہد فاروقی میں مدینہ منورہ میں ہونے والے اکثر مشورے مسجد نبوی شریف میں ہوا کرتے تھے۔جب کسی اہم معاملے میں مشورہ کرنا ہوتا تو پہلے ایک منادی یوں ندا کرتا: "الصلاۃ جامعۃ" جب لوگ جمع ہوجاتے تو فاروق اعظم رضی اللہ عنہ مسجد نبوی آتے اور دو رکعت نماز پڑھاتے پھر اللہ پاک کی حمد و ثنا بیان کرنے کے بعد مشورہ شروع کرتے۔

📗 *(تاریخ طبری)*

اس مجلس شوری کے مشورے دو طرح کے ہوتے:
1⃣ روز مرہ کے معمولی اور عمومی مشورے۔
ان مشوروں میں فقط شوری کے مشورے پر اکتفا کرکے نفاذ کردیا جاتا۔

2⃣ مخصوص اور اہم معاملات کے پیچیدہ اور مشکل مسائل۔
ان معاملات میں اولاً مجلس شوری پھر دیگر اکابرین و صائب الرائے حضرات سے مشورہ ہوتا اور پھر تمام عوامی نمائندوں کے سامنے اسے رکھا جاتا پھر متفقہ فیصلے پر عمل ہوتا۔

📘 *(ایضا)*

*عہد فاروقی میں محکمہ پولیس*

عہد فاروقی میں بازاروں کے مختلف معاملات کو دیکھنے کے لئے آپ رضی اللہ عنہ نے عبد اللہ بن عتبہ رضی اللہ عنہ کو تفتیشی افسر مقرر فرمایا تھا۔

📘 *(بخاری، کتاب المغازی)*

آپ رضی اللہ عنہ نے جیل خانے بنائے جن میں مختلف جرائم پیشہ لوگوں کو قید کیا جاتا تھا اور یہ جیل خانے تادیبی کاروائی کے لئے استعمال ہوتے تھے۔

📗 *(تذکرۃ الحفاظ)*

فاروق اعظم رضی اللہ عنہ کے دور میں فوج کی دو طرح تقسیم تھی
1⃣ ہر وقت دشمن کے مقابل محاذ پر رہتی تھی
2⃣ مدینہ منورہ میں ٹھری رہتی تھی ان کو ضرورت کے وقت طلب کیا جاتا تھا۔
ان تمام فوجیوں کی بھی دو قسمیں تھیں
1⃣ عام فوجی
2⃣ اہم ترین کمانڈر حضرات۔
فاروق اعظم رضی اللہ عنہ نے مشاورت کے بعد رجسٹر مرتب کرنے کا حکم دیا جس میں تمام حضرات کا ریکارڈ رکھا گیا۔

📕 *(مصنف ابن ابی شیبہ)*

مفتوحہ علاقوں میں فوج کا ایک مخصوص حصہ تعینات کردیا جاتا تھا جو وہاں کے انتظامات سنبھالتا اور ان کے لئے چھاؤنیاں قائم فرمائیں اور ان کی رہائش کا انتظام فرمایا۔
فاروق اعظم رضی اللہ عنہ اسلامی فوج میں کبھی کمی نہ آنے دیتے۔آپ رضی اللہ عنہ جنگی تدابیر کے ماہرین کو ہی سپہ سالار مقرر فرماتے۔

📙 *(تاریخ طبری)*

آپ رضی اللہ عنہ نے فوجیوں کے وظائف مقرر فرمائے گھریلو اخراجات کا الگ سے انتظام فرمایا ساتھ ہی دیگر ضروریات کا سامان بھی فراہم کیا جاتا تھا بلکہ تنخواہوں میں سالانہ اضافہ بھی ہوتا تھا۔اضافی صلاحیتوں پر خصوصی انعام سے نوازا جاتا۔

📒 *(ایضا)*

*نوٹ:* یہ پوسٹ مکتبۃ المدینہ (دعوت اسلامی) کی شائع کردہ کتاب *فیضان فاروق اعظم رضی اللہ عنہ جلد 2* سے بنائی گئی ہے، آپ رضی اللہ عنہ کی خلافت کے بارے میں مزید جاننے کے لئے اگلی قسط ضرور پڑھیں اور اچھی نیت سے شیئر کریں۔

✍🏻 *ابو بنتین محمد فراز عطاری مدنی عفی عنہ*
📱 *+92-321-2094919*

🏳 *خلافت فاروق اعظم رضی اللہ تعالی عنہ* 🏳
🔗 *قسط: 4*

*عہد فاروقی کی فتوحات*

اولا اسلامی لشکر کے چند اصول ملاحظہ ہوں
1⃣ اسلامی لشکر کے سربراہ کا تعین فقط امیر المؤمنین فاروق اعظم رضی اللہ عنہ ہی فرمایا کرتے تھے، جبکہ مختلف علاقائی محاذ یا چھوٹے دستوں کے سپہ سالار کا تعین مرکزی کمانڈر کرتا تھا، البتہ اس میں صحابیت، تقوی و پرہیزگاری کے ساتھ جنگی صلاحیتوں کو بھی پیش نظر رکھا جاتا تھا۔
2⃣ اسلامی لشکر اپنے امیر کی اطاعت کا پابند تھا جبکہ کمانڈر فاروق اعظم رضی اللہ عنہ کا پابند اور فاروق اعظم رضی اللہ عنہ قرآن و سنت کے سختی سے پابند تھے۔
3⃣ صلح و جنگ میں صلح کو ترجیح تھی.
4⃣ ہر جنگ کی تفصیل فاروق اعظم رضی اللہ عنہ کے پاس پہنچائی جاتی.
5⃣ معاہدے کی پاسداری اسلامی لشکر کے اولین اصولوں میں سے تھا۔
6⃣ لشکر کے ہر سپاہی کو حقوق العباد کی خصوصی تاکید کی گئی تھی۔
7⃣ مختلف جنگوں میں اسلامی لشکر کے دو نعرے ہوا کرتے تھے۔نعرہ تکبیر و نعرہ رسالت۔
8⃣ احکام شرعیہ پر پابندی کی سختی سے ہدایت تھی۔
9⃣ جنگ کے بڑے معاملے میں امیر المؤمنین کی طرف رجوع کیا جاتا، چھوٹے معاملات کو موقع محل کے اعتبار سے خود حل کرلیا جاتا
🔟 شہر کو فتح کرنے کے بعد سپہ سالار ماہرین کا دستہ ترتیب دے کر شہر پر مقرر کرتا جو وہاں کے معاملات دیکھتا اور اسلامی تعلیمات بھی دیتا۔

📚 *(فتوح الشام، تاریخ طبری)*

*فتوحات کا اجمالی خاکہ*

🏳 سرزمین عراق
🏳 سرزمین فارس
🏳 سرزمین شام
🏳 سرزمین فلسطین
🏳 سرزمین مصر و لبیا

📗 *(ایضا)*

*فتوحات کی وسعت*

نبی کریم صلی اللہ علیہ وسلم کے وصال شریف کے وقت اسلامی حکومت کا کل رقبہ تقریبا نو لاکھ ستائیس ہزار 927000 مربع میل تھا۔سیدنا صدیق اکبر رضی اللہ عنہ کے دور میں مزید دو لاکھ پچہتر ہزار ایک سو چونسٹھ 275164 مربع میل کا اضافہ ہوا۔فاروق اعظم رضی اللہ عنہ کی کل مدت خلافت کم و بیش دس سال چھ ماہ آٹھ دن ہے۔آپ کے عہد خلافت میں سلطنت اسلامیہ میں تیرہ لاکھ نو ہزار پانچ سو ایک 1309501 مربع میل کا اضافہ ہوا۔

📙 *(ایضا)*

*عہد فاروقی کی تعمیرات*

🔹 مسجد نبوی شریف کی توسیع
🔸 غلاف کعبہ کی تبدیلی
🔹مساجد کی تعمیر
🔸سرایوں کی تعمیر
🔹مقام ابراہیم کی جگہ میں تبدیلی (آج تک تقریبا اسی مقام پر ہے)
🔸 دار الامارہ کی تعمیر
🔹 دیوان یعنی سرکاری کاغذات رکھنے کے کئے عمارت
🔸 بیت المال کا قیام
🔹 مسافروں کے لئے پانی کی سبیلیں
🔸 قید خانوں کی تعمیر
🔹 سڑکوں کی تعمیر یعنی سڑک کے احاطے میں جو بھی کانٹے دار جھاڑیاں وغیرہ آتیں انہیں صاف کردیا جاتا، پتھروں کو ہٹا دیا جاتا اور گڑھوں کو بھر دیا جاتا
🔸 مہمان خانوں کی تعمیر
🔹نہروں کی کھدائی
🔸دریائی راستوں پر پلوں کی تعمیر

📗 *(کتب شتی)*

*نوٹ:* یہ پوسٹ مکتبۃ المدینہ (دعوت اسلامی) کی شائع کردہ کتاب *فیضان فاروق اعظم رضی اللہ عنہ جلد 2* سے بنائی گئی ہے، آپ رضی اللہ عنہ کی خلافت کے بارے میں مزید جاننے کے لئے اگلی قسط ضرور پڑھیں اور اچھی نیت سے شیئر کریں۔

✍🏻 *ابو بنتین محمد فراز عطاری مدنی عفی عنہ*

📱 *+92-321-2094919*

سوگ کرنا ، ماتم کرنا ، چہرہ یا سینہ پیٹنا، غم.و.بےصبری کا اظہار کرنا ، نوحےکرنا، نوحے سننا، غم میں کالے کپڑےپہننا سب ناجائز و گناہ ہیں،
حوالہ جات شیعہ کتب سے.................!!
.
①میت پر(وفات کےفورا بعد والے)تین دن سے زیادہ سوگ.و.غم منانا جائز نہیں...(شیعہ کتاب مستدرک الوسائل2/448)
.
②شیعوں کے مطابق حضرت سیدنا علی رضی اللہ عنہ نے فرمایا:
لا تلبسوا السواد فإنه لباس فرعون
ترجمہ:
کالے کپڑے نہ پہنو کہ بےشک یہ فرعونی لباس ہے...(شیعہ کتاب من لا یحضرہ الفقیہ1/251)

③ليس منا من لطم الخدود، وشق الجيوب، ودعا بدعوى الجاهلية
ترجمہ:جو چہرہ پیٹے اور گریبان پھاڑے(ماتم کرے) اور جاہلی چیخ و پکار کرے(آواز سے رونا دھونا کرے، نوحے کرے)وہ ہم میں سے نہیں...(بخاری حدیث1294)
یہ حدیث اہل تشیع کی کتاب مستدرک الوسائل جلد2 صفحہ452 میں بھی ہے
.
④النياحة من أمر الجاهلية
نوحہ کرنا جاہلی کاموں میں سے ایک ہے
ابن ماجہ حدیث1581
یہ حدیث اہلِ تشیع کی کتاب من لایحضر4/376 اور بحار الانوار جلد82 ص103 میں بھی ہے...
.
⑤لعن رسول الله صلى الله عليه وسلم النائحة والمستمعة
ترجمہ:
رسول کریم علیہ السلام نےنوحہ کرنے والوں اور نوحہ سننےوالوں پر لعنت فرمائی.(ابوداؤد3128)
شیعہ کتاب مستدرک وسائل2/453

.
⑥مولا علی نےفرمایا
جزع کرنا(غم و بےصبری کا اظہار کرنا،نوحےماتم کرنا)گناہ ہے.(ماخذ شیعہ کتاب مسکن الفواد ص4)
.
.
اہم نوٹ:
شاید کسی کے ذہن میں آئے کہ شیعہ اپنی کتابوں میں ایسا لکھیں اور عمل اسکے برخلاف کریں یہ کیسے ہوسکتا ہے،شیعوں کے پاس بھی کوئی نہ کوئی دلیل ضرور ہوگی.....؟؟
.
جواب:
ٹوٹی پھوٹی کمروز جھوٹی دلیل ہر ایک کے پاس ہوتی ہے اس سے
دھوکہ مت کھائیے حتی کہ شیطان نے بھی ٹوٹی پھوٹی کمزور جھوٹی دلیل دے کر سجدہ آدم سے انکار کیا تھا....شیعہ کتب جھوٹ و تضاد مکر و فریب سے بھری پڑی ہیں، ماتم نوحے غم کالے لباس وغیرہ کے متعلق بھی انکی جھوٹی روایات موجود ہیں.........شیعہ کتاب سے وہی بات معتبر کہلائے گی جو قرآن و سنت کے موافق ہو
.
امام جعفر صادق نے فرمایا:
الناس ﺃﻭﻟﻌﻮﺍ ﺑﺎﻟﻜﺬﺏ ﻋﻠﻴﻨﺎ، ﻭﻻ ﺗﻘﺒﻠﻮﺍ ﻋﻠﻴﻨﺎ ﻣﺎ ﺧﺎﻟﻒ ﻗﻮﻝ ﺭﺑﻨﺎ ﻭﺳﻨﺔ ﻧﺒﻴﻨﺎ ﻣﺤﻤﺪ
ترجمہ:
امام جعفر صادق فرماتے ہیں کہ لوگ جو(بظاہر)ہم اہلبیت کے محب کہلاتے ہیں انہوں نے اپنی طرف سے باتیں،حدیثیں گھڑ لی ہیں اور ہم اہلبیت کی طرف منسوب کر دی ہیں جوکہ جھوٹ ہیں،
تو
ہم اہل بیت کی طرف نسبت کرکے جو کچھ کہا جائے تو اسے دیکھو کہ اگر وہ قرآن اور ہمارے نبی حضرت محمد کی سنت کے خلاف ہو تو اسے ہرگز قبول نہ کرو
(رجال کشی ﺹ135, 195،بحار الانوار2/246,250)
.
.

①دوستو، بھائیو ، اور احباب ذی وقار خاص کر سوشل میڈیا چلانے والے حضرات......خوب ذہن نشین کر لیجیے کہ کسی بھی کتاب یا تحریر یا تقریر یا پوسٹ میں کوئی بات کوئی حدیث لکھی اور اور اہلبیت بی بی فاطمہ ، حضرت علی یا امام جعفر صادق یا کسی بھی اہلبیت کا نام لکھا ہو
تو
اسے فورا سچ مت تسلیم کیجیے، اگرچہ بظاہر اچھی بات ہو
کیونکہ اچھی بری بہت سی باتیں شیعوں نے،لوگوں نے اپنی طرف سے گھڑ لی ہیں اور نام اہلبیت میں سے کسی کا ڈال دیا ہے....اور یہ سلسلہ آج تک جاری و ساری ہے
.
ویسے تو ہربات کی تصدیق معتمد عالم سے کرائیے مگر بالخصوص جب اہلبیت کے نام سے لکھا ہوا ہو تو اب ڈبل لازم ہے کہ اسکی تصدیق کرائیے پھر بےشک پھیلائیے
کیونکہ
امام جعفر صادق نے صدیوں پہلے متنبہ کر دیا تھا کہ نام نہاد جھوٹے محبانِ اہلبیت نے اہلبیت کی طرف ایسی باتیں منسوب کر رکھی ہیں جو اہلبیت نے ہرگز نہیں کہیں....
.
.
②وہ جو کہتے ہیں کہ اسلام کے نام پر بننے والے فرقوں میں سے سب سے زیادہ جھوٹے شیعہ ہیں......بالکل سچ کہتے ہیں، جس کی تائید امام جعفر صادق کے قول سے بھی ہوتی ہے
.
.
③امام جعفر صادق کے قول سے واضح ہوتا ہے کہ اہلبیت بالخصوص حضرت علی، بی بی فاطمہ، امام جعفر صادق، حسن حسین وغیرہ کی باتیں اگر قرآن و سنت کے متصادم ہوں تو سمجھ لو کہ یہ انکا قول ہی نہیں بلکہ کسی نے اپنی طرف سے جھوٹ بول کر انکی طرف منسوب کر دیا ہے
لیھذا
کسی بھی صحابی رضی اللہ تعالیٰ عنہ یا اہلبیت رضوان اللہ علیھم اجمعین یا کسی بھی عالم مفتی صوفی پیر فقیر کسی کی بھی بات یا عمل قرآن و سنت کے خلاف ہو تاویل.و.تطبیق ممکن نہ ہو تو وہ ہرگز معتبر نہیں بلکہ قرآن و سنت معتبر و مقدم ہے...........!!
.
.
④فقہ اہلسنت دراصل قرآن سنت صحابہ اہلبیت کا نچوڑ ہے...فقہ اہلسنت ہی دراصل فقہ جعفریہ ہے.... باقی جو شیعہ والی فقہ جعفریہ ہے وہ شیعوں کا جھوٹ ہے جو امام جعفر صادق وغیرہ آئمہ و اہلبیت کی طرف منسوب کیا گیا ہے
.
✍تحریر:العاجز الحقیر علامہ عنایت اللہ حصیر

🌹 *فیضانِ قرآن*🌹

اللہ تعالیٰ سے کئے ہوئے وعدوں سے متعلق مسلمانوں کا حال



وَ مِنْهُمْ مَّنْ عٰهَدَ اللّٰهَ لَىٕنْ اٰتٰىنَا مِنْ فَضْلِهٖ لَنَصَّدَّقَنَّ وَ لَنَكُوْنَنَّ مِنَ الصّٰلِحِیْنَ(۷۵) فَلَمَّاۤ اٰتٰىهُمْ مِّنْ فَضْلِهٖ بَخِلُوْا بِهٖ وَ تَوَلَّوْا وَّ هُمْ مُّعْرِضُوْنَ(۷۶)

ترجمہ

اور ان میں کچھ وہ ہیں جنہوں نے اللہ سے عہد کیا ہوا ہے کہ اگراللہ ہمیں اپنے فضل سے دے گا تو ہم ضرور صدقہ دیں گے اور ہم ضرور صالحین میں سے ہوجائیں گے۔ پھر جب اللہ نے انہیں اپنے فضل سے عطا فرمایا تو اس میں بخل کرنے لگے اور منہ پھیر کر پلٹ گئے۔

تفسیر


*{وَ مِنْهُمْ مَّنْ عٰهَدَ اللّٰهَ:اور ان میں کچھ وہ ہیں جنہوں نے اللہ سے عہد کیا ہوا ہے۔}* شانِ نزول: ایک شخص ثعلبہ نے رسولِ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ سے درخواست کی کہ اس کے لئے مالدار ہونے کی دعا فرمائیں۔ حضور اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے فرمایا :اے ثعلبہ تھوڑا مال جس کا تو شکر ادا کرے اس بہت سے بہتر ہے جس کا شکر ادا نہ کرسکے۔ دوبارہ پھر ثعلبہ نے حاضر ہو کر یہی درخواست کی اور کہا اسی کی قسم جس نے آپ کو سچا نبی بنا کر بھیجا کہ اگر وہ مجھے مال دے گا تو میں ہر حق والے کا حق ادا کروں گا ۔حضورِاقدس صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے دعا فرمائی، چنانچہ اللہ تعالیٰ نے اس کی بکریوں میں برکت فرمائی اور اتنی بڑھیں کہ مدینہ میں ان کی گنجائش نہ ہوئی تو ثعلبہ ان کو لے کر جنگل میں چلا گیا اور جمعہ و جماعت کی حاضری سے بھی محروم ہوگیا۔ حضور پُرنور صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے اس کا حال دریافت فرمایا تو صحابۂ کرام رَضِیَ اللہُ تَعَالٰی عَنْہُم نے عرض کیا کہ اس کا مال بہت کثیر ہوگیا ہے اور اب جنگل میں بھی اس کے مال کی گنجائش نہ رہی۔ نبی کریم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے فرمایا کہ ثعلبہ پر افسوس پھر جب حضورِ اقدس صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے زکوٰۃ کے وصول کرنے والے بھیجے تو لوگوں نے انہیں اپنے اپنے صدقات دئیے، جب ثعلبہ سے جا کر انہوں نے صدقہ مانگا اس نے کہا یہ توٹیکس ہوگیا، جاؤ میں پہلے سوچ لوں۔ جب یہ لوگ رسولِ کریم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی خدمت میں واپس آئے تو آپ صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے ان کے کچھ عرض کرنے سے قبل دو مرتبہ فرمایا ، ثعلبہ پر افسوس۔ اس کے بعد یہ آیت نازل ہوئی پھر ثعلبہ صدقہ لے کر حاضر ہوا تو سرورِ عالم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے فرمایا کہ اللہ تعالیٰ نے مجھے اس کے قبول فرمانے کی ممانعت فرما دی، وہ اپنے سر پر خاک ڈال کر واپس ہوا۔ پھر اس صدقہ کو خلافت صدیقی میں حضرت ابوبکر رَضِیَ اللہُ تَعَالٰی عَنْہُ کے پاس لایا انہوں نے بھی اسے قبول نہ فرمایا۔ پھر خلافت فاروقی میں حضرت عمر رَضِیَ اللہُ تَعَالٰی عَنْہُ کے پاس لایا انہوں نے بھی قبول نہ فرمایا اور خلافتِ عثمانی میں یہ شخص ہلاک ہوگیا۔(مدارک، التوبۃ، تحت الآیۃ: ۷۵، ص۴۴۶، ملتقطاً)

*ثعلبہ کی توبہ کیوں قبول نہ ہوئی:*

ثعلبہ کی توبہ اس لئے قبول نہیں ہوئی کہ اس کا توبہ کرنا اور رونا دھونا دل سے نہ تھا بلکہ لوگوں کے درمیان اس کے مردود ہونے کی وجہ سے جو ذلت ہورہی تھی وہ اس سے بچنے کیلئے واویلا کررہا تھا تو چونکہ توبہ صدقِ دل سے نہ تھی اس لئے مقبول نہ ہوئی۔

*ثعلبہ کے نام سے متعلق ایک اہم وضاحت:*

یہاں ایک وضاحت کردینا مناسب ہے اور وہ یہ کہ تفسیرحدیث اور سیرت کی عام کتب میں اس شخص کا نام ’’ثعلبہ بن حاطب‘‘ لکھا ہو اہے، علامہ ابن حجر عسقلانی اور علامہ ابنِ اثیر جزری کی تحقیق یہ ہے کہ اس شخص کا نام ’’ثعلبہ بن حاطب‘‘ درست نہیں کیونکہ ثعلبہ بن حاطب بدری صحابی ہیں اور وہ جنگ اُحد میں شہید ہو گئے تھے اور بدری صحابہ کے بارے میں قرآن و حدیث میں جو کچھ فرمایا گیا ہے اس کی روشنی میں دیکھا جائے تو ثعلبہ بن حاطب اس آیت کا مِصداق نہیں ہو سکتے نیز جب وہ جنگ ِ احد میں شہید ہوگئے تو وہ اس کے مِصداق ہوہی نہیں سکتے کہ یہ شخص تو زمانۂ عثمانی میں مرا تھا۔ اس سے ظاہر ہے کہ آیت میں جس شخص کا واقعہ مذکور ہے وہ ثعلبہ بن حاطب کے علاوہ کوئی اور ہے اور تفسیر ابن مردویہ میں مذکور حضرت عبداللہ بن عباس کی روایت کے مطابق وہ شخص ’’ثعلبہ بن ابو حاطب‘‘تھا۔ علامہ محمد بن یوسف صالحی رَحْمَۃُ اللہِ تَعَالٰی عَلَیْہِ نے’’سبل الہدٰی والرشاد‘‘ میں اور علامہ زبیدی رَحْمَۃُ اللہِ تَعَالٰی عَلَیْہِ نے اتحاف میں اس تحقیق سے اتفاق کیا ہے۔ اسی طرح اعلیٰ حضرت امام احمد رضا خان رَحْمَۃُ اللہِ تَعَالٰی عَلَیْہِ فرماتے ہیں ’’یہ شخص جس کے باب میں یہ آیت اتری ثعلبہ ابن ابی حاطب ہے اگرچہ یہ بھی قوم اَوس سے تھا اور بعض نے اس کانام بھی ثعلبہ ابن حاطب کہا۔ مگرو

ہ بدری خود زمانۂ اقدس حضور پُرنور صَلَّی اللہُ تَعَالٰی عَلَیْہِ وَاٰلِہٖ وَسَلَّمَ میں جنگ اُحد میں شہیدہوئے اور یہ منافق زمانۂ خلافت امیرالمومنین عثمان غنی رَضِیَ اللہُ تَعَالٰی عَنْہُ میں مرا۔(فتاویٰ رضویہ، فوائد تفسیریہ وعلوم قرآن، ۲۶ / ۴۵۳-۴۵۴)

اور علامہ شریف الحق امجدی رَحْمَۃُ اللہِ تَعَالٰی عَلَیْہِ فرماتے ہیں ’’صحیح یہ ہے کہ (وہ شخص) ثعلبہ بن ابی حاطب ہے جیسا کہ خازن اور اصابہ میں ہے۔ ثعلبہ بن حاطب بن عمرو صحابیٔ مخلص تھے جو بدر اور اُحد میں شریک ہوئے اور احد میں شہید ہوئے،اور یہ ثعلبہ بن ابی حاطب خلافت عثمانی میں مرا۔ (فتاوی شارح بخاری، عقائد متعلقہ صحابۂ کرام، ۲ / ۴۳)



فَاَعْقَبَهُمْ نِفَاقًا فِیْ قُلُوْبِهِمْ اِلٰى یَوْمِ یَلْقَوْنَهٗ بِمَاۤ اَخْلَفُوا اللّٰهَ مَا وَعَدُوْهُ وَ بِمَا كَانُوْا یَكْذِبُوْنَ(۷۷)

ترجمہ

تو اللہ نے انجام کے طور پر اس دن تک کے لئے ان کے دلوں میں منافقت ڈال دی جس دن وہ اس سے ملیں گے کیونکہ انہوں نے اللہ سے وعدہ کرکے وعدہ خلافی کی اور جھوٹ بولتے رہے۔

تفسیر


*{فَاَعْقَبَهُمْ نِفَاقًا فِیْ قُلُوْبِهِمْ:تو اللہ نے انجام کے طور پر ان کے دلوں میں منافقت ڈال دی۔}* امام فخر الدین رازی رَحْمَۃُ اللہِ تَعَالٰی عَلَیْہِ فرماتے ہیں کہ اس آیت سے ثابت ہوتا ہے کہ عہد شکنی اور وعدہ خلافی سے نفاق پیدا ہوتا ہے تو مسلمان پر لازم ہے کہ ان باتوں سے اِحتراز کرے اور عہد پورا کرنے اور وعدہ وفا کرنے میں پوری کوشش کرے۔(تفسیرکبیر، التوبۃ، تحت الآیۃ: ۷۷، ۶ / ۱۰۸-۱۰۹)

حضرت ابو ہریرہ رَضِیَ اللہُ تَعَالٰی عَنْہُ سے روایت ہے، نبی اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے ارشاد فرمایا ’’ منافق کی تین نشانیاں ہیں (1) جب بات کرے جھوٹ بولے۔ (2) جب وعدہ کرے خلاف کرے۔ (3) جب اس کے پاس امانت رکھی جائے خیانت کرے ۔ (بخاری،کتاب الایمان، باب علامۃ المنافق، ۱ / ۲۴،الحدیث: ۳۳)

*آیت ’’ فَاَعْقَبَهُمْ نِفَاقًا فِیْ قُلُوْبِهِمْ‘‘ سے حاصل ہونے والی معلومات:*

اس آیت سے مزید 4باتیں یہ معلوم ہوئیں ،

(1)… بعض گناہ کبھی بد عقیدگی تک پہنچا دیتے ہیں۔

(2)… غریبی میں خداعَزَّوَجَلَّ کو یاد کرنا اور امیری میں بھول جانا منافقت کی علامت ہے۔

(3)… آدمی کا ایمان و تقویٰ سے محروم ہو جانا بھی عذاب ِ الٰہی ہے۔

(4)… حضور صَلَّی اللہُ تَعَالٰی عَلَیْہِ وَاٰلِہٖ وَسَلَّمَ سے وعدہ کرنا اللہ تعالیٰ سے وعدہ کرنا ہے کیونکہ ثعلبہ نے حضو ر صَلَّی اللہُ تَعَالٰی عَلَیْہِ وَاٰلِہٖ وَسَلَّمَ سے وعدہ کیا تھا۔

*اللہ تعالیٰ سے کئے ہوئے وعدوں سے متعلق مسلمانوں کا حال:*

ثعلبہ کے طرزِ عمل کو سامنے رکھ کر ہم اپنے حالات میں غور کریں تو یہ نظر آئے گا کہ ہم میں بھی بہت سے لوگ ایسے ہیں جن کے پاس مال نہیں یا کہیں سے مال ملنے کی امید ہے تووہ یہ دعا ئیں کرتے ہیں کہ اے اللہ !عَزَّوَجَلَّ، تو ہمیں مال عطا فرما، ہم اس مال کے ذریعے فلاں نیک کام کریں گے ،اس سے فلاں کی مدد کریں گے اور تیرا دیا ہوا مال غریبوں کی بھلائی اور ان کی بہتری میں خرچ کریں گے ۔ اسی طرح بعض لوگ کسی بڑے مالی نقصان ، شدید بیماری یا حادثے سے بچ جانے کے دوران یا بچ جانے کے بعد اللہ تعالیٰ سے بہت سے وعدے کرتے ہیں کہ اے اللہ! عَزَّوَجَلَّ، تو ہماری فلاں مشکل اور پریشانی دور فرما دے اور ہمیں فلاں بیماری یا حادثے کی وجہ سے ہونے والے زخموں سے شفا عطا کردے ، ہم اب کبھی تیری نافرمانی نہیں کریں گے اور تیری فرمانبرداری والے کاموں میں اپنی زندگی بسر کریں گے ،نماز روزے کی پابندی کریں گے، اپنے مالوں کی زکوٰۃ دیں گے، ہم نے جن لوگوں کے حقوق ضائع کئے ہیں وہ پورے کر دیں گے ،خود بھی نیک بنیں گے اور دوسروں کو بھی نیک بنانے کی کوششوں میں مصروف ہوجائیں گے ۔ اسی طرح کچھ لوگ اپنے کسی قریبی عزیز کے اچانک فوت ہوجانے پر دنیا کے عیش و عشرت اور اس کی رنگینیوں سے دور ہونے اور اپنی قبر و آخرت کی تیاری میں مصروف ہونے کے وعدے کرتے ہیں لیکن جب انہیں مال مل جاتا ہے اور ان پر آنے والی مصیبت ٹل جاتی ہے اور اللہ تعالیٰ انہیں شدید بیماری اور زخمی حالت سے شفا عطا کر دیتا ہے اور قریبی عزیز کے انتقال کو کچھ وقت گزر جاتا ہے تو یہ لوگ اللہ تعالیٰ سے کئے ہوئے سب وعدے بھول جاتے ہیں اور مال ملنے کے بعد اسے نیک کاموں میں خرچ کرنے کا سوچتے نہیں اور غریبوں کو اچھی نظر سے دیکھنا تک گوارا نہیں کرتے اور اپنی سابقہ گناہوں بھری زندگی میں مشغول ہو کر قبر و آخرت کی تیاری سے بالکل غافل ہو جاتے ہیں۔قرآن اس طرزِ عمل کو منافقوں کا طرز ِعمل قرار دیتا ہے اور یقینا یہ ایک سچے مسلمان کا کردار نہیں ہوسکتا۔ اللہ تعالیٰ مسلمانوں کو ہدایت نصیب کرے اور انہیں کامل مسلمان بننے کی توفیق عطا کرے،اٰمین۔

*طالبِ دعاابوعمر*

🌹 *فیضانِ قرآن*🌹

آیت’’ اَلَّذِیْنَ یَلْمِزُوْنَ الْمُطَّوِّعِیْنَ‘‘ سے حاصل ہونے والی معلومات:

اللہ تعالیٰ کی بارگاہ میں مال کی مقدار نہیں بلکہ دل کا اخلاص دیکھا جاتا ہے:

اَلَمْ یَعْلَمُوْۤا اَنَّ اللّٰهَ یَعْلَمُ سِرَّهُمْ وَ نَجْوٰىهُمْ وَ اَنَّ اللّٰهَ عَلَّامُ الْغُیُوْبِۚ(۷۸) اَلَّذِیْنَ یَلْمِزُوْنَ الْمُطَّوِّعِیْنَ مِنَ الْمُؤْمِنِیْنَ فِی الصَّدَقٰتِ وَ الَّذِیْنَ لَا یَجِدُوْنَ اِلَّا جُهْدَهُمْ فَیَسْخَرُوْنَ مِنْهُمْؕ-سَخِرَ اللّٰهُ مِنْهُمْ٘-وَ لَهُمْ عَذَابٌ اَلِیْمٌ(۷۹)

ترجمہ

کیا انہیں معلوم نہیں تھا کہ اللہ ان کے دل کی ہرچھپی بات اور ان کی ہر سرگوشی کو جانتا ہے اور یہ کہ اللہ سب غیبوں کو خوب جاننے والا ہے۔ اور وہ جو دل کھول کر خیرات دینے والے مسلمانوں پر اور ان پر جو اپنی محنت مشقت کی بقدر ہی پاتے ہیں عیب لگاتے ہیں پھر ان کا مذاق اڑاتے ہیں تو اللہ انہیں ان کے مذاق اڑانے کی سزا دے گا اور ان کے لیے دردناک عذاب ہے۔

تفسیر


*{اَلَمْ یَعْلَمُوْا:کیا انہیں معلوم نہیں تھا ۔}* یعنی ان منافقین کو معلوم تھا کہ اللہ تعالیٰ پر کچھ مخفی نہیں ، وہ ان کے دلوں کی بات بھی جانتا ہے اور جو آپس میں وہ ایک دوسرے سے کہیں وہ بھی جانتا ہے اور جب اللہ عَزَّوَجَلَّ کی شان یہ ہے کہ وہ ہر چیز کو جانتا ہے تو ان کا حال اللہ تعالیٰ سے کیسے مخفی رہ سکتا تھا۔ (خازن، التوبۃ، تحت الآیۃ: ۷۸، ۲ / ۲۶۵)

{اَلَّذِیْنَ یَلْمِزُوْنَ:وہ جو عیب لگاتے ہیں۔} شانِ نزول :جب آیتِ صدقہ نازل ہوئی تو لوگ صدقہ لائے، ان میں بعض بہت زیادہ مال لائے انہیں تو منافقین نے ریا کار کہا اور کوئی تھوڑا سا مال لے کر آیا تو منافقین نے ان کے متعلق کہا: اللہ تعالیٰ کو اس کی کیا پرواہ، (یعنی اتنا تھوڑا دینے کا کیا فائدہ۔) اس پر یہ آیت نازل ہوئی۔ حضرت عبداللہ بن عباس رَضِیَ اللہُ تَعَالٰی عَنْہُمَاسے مروی ہے کہ جب رسولِ اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے لوگوں کو صدقہ کی رغبت دلائی تو حضرت عبدالرحمٰن بن عوف رَضِیَ اللہُ تَعَالٰی عَنْہُ چار ہزار درہم لائے اور عرض کیا: یا رسولَ اللہ !صَلَّی اللہُ تَعَالٰی عَلَیْہِ وَاٰلِہٖ وَسَلَّمَ، میرا کل مال آٹھ ہزار درہم تھا چار ہزار تویہ راہِ خدا میں حاضر ہے اور چار ہزار میں نے گھر والوں کے لئے روک لئے ہیں۔ حضورِ اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے فرمایا جو تم نے دیا اللہ تعالیٰ اس میں برکت فرمائے اور جو روک لیا اس میں بھی برکت فرمائے۔ حضورِاقدس صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کی دعا کا یہ اثر ہوا کہ ان کا مال بہت بڑھا یہاں تک کہ جب ان کی وفات ہوئی تو انہوں نے دو بیویا ں چھوڑیں ،انہیں آٹھواں حصہ ملا جس کی مقدار ایک لاکھ ساٹھ ہزار درہم تھی۔ حضرت ابو عقیل انصاری رَضِیَ اللہُ تَعَالٰی عَنْہُ چار کلو کے قریب کھجوریں لے کر حاضر ہوئے اور انہوں نے بارگاہِ رسالت صَلَّی اللہُ تَعَالٰی عَلَیْہِ وَاٰلِہٖ وَسَلَّمَ میں عرض کیا کہ’’ میں نے آج رات پانی کھینچنے کی مزدوری کی، اس کی اجرت دو صاع کھجوریں ملیں ، ایک صاع تو میں گھر والوں کے لئے چھوڑ آیا اور ایک صاع راہِ خدا میں حاضر ہے۔ حضوراکرم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے یہ صدقہ قبول فرمایا اور اس کی قدر کی۔ (خازن، التوبۃ، تحت الآیۃ: ۷۹، ۲ / ۲۶۵)

*اللہ تعالیٰ کی بارگاہ میں مال کی مقدار نہیں بلکہ دل کا اخلاص دیکھا جاتا ہے:*
اس سے معلوم ہوا کہ اللہ عَزَّوَجَلَّ کی بارگاہ میں مال کی مقدار نہیں دیکھی جاتی بلکہ دلوں کا خلوص دیکھا جاتا ہے۔ حضرت ابو ہریرہ رَضِیَ اللہُ تَعَالٰی عَنْہُ سے روایت ہے، نبی اکرم صَلَّی اللہُ تَعَالٰی عَلَیْہِ وَاٰلِہٖ وَسَلَّمَ نے ارشاد فرمایا ’’بے شک اللہ تمہاری صورتوں اور مالوں کو نہیں دیکھتا بلکہ تمہارے دلوں اور عملوں کو دیکھتا ہے ۔ (مسلم، کتاب البرّ والصلۃ والآداب، باب تحریم ظلم المسلم وخذلہ واحتقارہ۔۔۔ الخ، ص۱۳۸۷، الحدیث: ۳۴(۲۵۶۴))

*آیت’’ اَلَّذِیْنَ یَلْمِزُوْنَ الْمُطَّوِّعِیْنَ‘‘ سے حاصل ہونے والی معلومات:*

اس آیت سے تین چیزیں معلوم ہوئیں۔

(1)… جو لوگ صحابۂ کرام رَضِیَ اللہُ تَعَالٰی عَنْہُم کی ہر عبادت کو نفاق یا دکھلاوے پر محمول کرتے ہیں اور صحابہ رَضِیَ اللہُ تَعَالٰی عَنْہُم پر طعن کرتے ہیں وہ منافقین ہیں۔

(2)…نیک لوگوں کا نیکی پر مذاق اڑانا منافقین کا کام ہے۔ آج بھی بہت سے مسلمان کہلانے والوں کو فلموں ، ڈراموں سے تو تکلیف نہیں ہوتی البتہ دینی شَعائر پر عمل کرنے، دینی حُلیہ اپنانے، دین کا نام لینے سے تکلیف ہوتی ہے اور اس کا مذاق اڑاتے ہیں۔

(3)… نیک بندوں کا مذاق اڑانا، انہیں تہمت لگانا، رب تعالیٰ سے مقابلہ کرنا ہے اور اللہ تعالیٰ اپنے بندوں کا بدلہ لیتا ہے۔

*طالبِ دعاابوعمر*

ہمارے علاقے کے ایک مقرر ، تقریر کرتے ہوئے کہنے لگے:

آج میں ایسی دلیل دوں گا جس سے ثابت ہوجائے گا کہ بارہ ربیع الاول ہی تاریخِ میلاد ہے ۔

پھر دس پندرہ منٹ کی شعر و شاعری کے بعد گویا ہوئے:

لو سنو دلیل!

” اِس دفعہ جنرل راحیل شریف نے بھی توپوں کی سلامی بارہ ربیع الاول کو دی ہے ۔ “

اسی طرح ایک خطیب صاحب کہتے تھے:

امام حسین نے زندگی کی آخری نماز پڑھنا تھی۔۔۔۔۔۔۔۔۔چاروں طرف لشکر یزید آگیا ۔
خیال آیا سُترہ ہونا چاہیے۔۔۔۔۔۔۔، جب سُترہ نہ ملا ، عباس کے بازو کاسُترہ بنالیا ۔

لاحول ولاقوة الاباللہ العلی العظیم

یہ کیا ہے ؟؟ !!

اللہ پاک ان خطیبوں ، واعظوں ، مقرروں کوسچ بولنے اور علمی گفتگو کرنے کی توفیق عطافرمائے!

ذکرِرسول کریں یا ذکرِ شہزادۀ رسول ، کسی حال میں بھی سچ کا دامن نہ چھوڑیں ۔
ہمیشہ علمی اور تحقیقی گفتگو کریں تاکہ لوگ کچھ حاصل کرسکیں اور آپ کو بھی کچھ حاصل ہو ۔

✍ لقمان شاہد
3/9/2019 ء

مولانا محمد علی جوہر کی غزل ، جس کا ایک شعر زبان زد عام ہے ، بلکہ ضرب المثل کی حیثیت رکھتا ہے :

دورِ حیات آئے گا قاتل ، قضا کے بعد
ہے ابتدا ہماری تری انتہا کے بعد

جینا وہ کیا کہ دل میں نہ ہو تیری آرزو
باقی ہے موت ہی دلِ بے مدعا کے بعد

تجھ سے مقابلے کی کسے تاب ہے ولے
میرا لہو بھی خوب ہے تیری حِنا کے بعد

اک شہرِ آرزو پہ بھی ہونا پڑا خجل
ھَل مِنْ مزِید کہتی ہے رحمت دعا کے بعد

لذت ہنوز مائدہٴ عشق میں نہیں
آتا ہے لطفِ جرمِ تمنّا ، سزا کے بعد

" قتلِ حُسین اصل میں مرگِ یزید ہے
اسلام زندہ ہوتا ہے ہر کربلا کے بعد "

غیروں پہ لطف ہم سے الگ حیف ہے اگر
یہ بے حجابیاں بھی ہوں عُذرِ حیا کے بعد

ممکن ہے نالہ جبر سے رُک بھی سکے مگر
ہم پر تو ہے وفا کاتقاضا جفا کے بعد

ہے کس کے بل پہ حضرتِ جوہر یہ روکشی
ڈھونڈیں گے آپ کس کا سہارا خدا کے بعد

( کلیات جوہر ، ص 66 ، 68 ، دارالاشاعت مصطفائی دھلی )

یہ کلام بحر مضارع ( مفعول فاعلاتُ مفاعیل فاعلاتُ ) میں ہے -

✍لقمان شاہد
17/8/2017