‍ شعر فره رگین لکی👇

هاوا دلگیرو هوگه دویرو رویاری چنی سخته
حکیم ناشی لشت هوکاره بیماری چنی سخته

پژاره راحتت نیلی گری چو دردِ کاکیله
چو کاومل تا سحر آساره بشماری چنی سخته

شفق شال و کلاو بستن و تا ایواره گیونالک
ولکت ار نزیکِ دوس گلا باری چنی سخته

گری و زاری اَر درمونِ رنجِ روزگارت بو
نقارنی، نتونی دنگت ایر آری چنی سخته

یِ عمری عارو ننگ داشتن و ایسکه چو قمار بازَل
تِلکه بین و بین اَر تُنِ بی عاری چنی سخته

گپت چو سازِ قناری خَوَر ای رازِ گُل باری
ولی ای نوم قفس سینت آشاری چنی سخته

نه زنجیر اَر دس و پات بو نه دشمن اَر پرِ جات بو
دروینت بو و زندون و گرفتاری چنی سخته

ولات ای خواو، من و بایه قوش ایمشو هر چریکُنمُ‌ن
خوا ای چم و خیفه دل،نوه داری چنی سخته

هِنا کرد ای دنِ دیوار، مَلی ای رسمِ دلداری
"کرم"بیماری آسانه پرستاری چنی ساخته

شعر از استاد #کرم‌دوستی

🎤دکلمه #خلیل‌محمدی‌هزاری

🔥 @kakavndLakstan🔥