وهاره مای

هم دنگ پا وهاره مای
انگویر و پل، پلاره مای
چئم ری و دس و دعا
لاله‌ی سر و حواره مای
جِم جویل کت ئه مور و مَلُو
آو درونه ل و تاره مای
دلبرِ ناز و سر پتی
دلخوشی روژگاه مای
ار دس تنگه، ار دل پره
گلئی نکن گه یاره مای
درمونِ بیزه، بیزه کَر
شمومه و خیاره مای
نازکیشِ غمزه ناز کرل
تیمار کَرِ بیماره مای
سردی و زوخ چی تا بچو
کئنیِ ور نساره مای
کوئگ و بط و بورچین و غاز
قیژ و قلا ، قطاره مای
زمسون سی ئه نوم گه چی
تلیفه آوِشاره مای
رئن و رمی، چیت و پچی
دنگ هاوه هاو گایاره مای
قوت قلب بی کَسه ل
داوت کاوسواره مای
خصه و خم نکئ دلت
هم دنگِ پا وهاره مای

#مرتضی_قبادی_پور #وهاره_مای
#شعر_لکی #دکلمه_لکی

کانال تلگرامی گلونی
🌹🌹🌹🌹


@Golvani_lak