داستان محلی به زبان شیرین #لکی با گویش #خواجه_وندی

نقل: خانم ژیلا شاه بهرامی از لک های شهرستان کلاردشت مازندران روستای کلنو

💢پشیمانی😔

یازه سالِم بی ،اَر مدرسه فرار کردم،اَرا خاطر یه کی مال بنم گیر نین، یه خرپیر داشتمین ، گرَده چیمه جنگل راش اَرا هزم، چیمه بان یه دار نیمه خشک،هرجورکو فنداره میاتم، تینگیلی فنداره، گیرکرد گده یه شاخه، تا کیشام،و کله هاتِمه وار، ژیر دارچند دانه کوچِگ بی شانس اوردم سرم نگرتی ، و گده شان کَتِمه سر کوچگ؛نمزانستم چه هاتیه سه سرم،بی حالو بی هوش، سوار خر بیم و هوژم رساندمه مال،ننم وکاکم ونم بردنَ لا دایی کیفعلی، ونم اِوت کرده بینو اَویشه هر شانمه مکیشا، دلم ضعف کرد.وت:جا اوشتم، هاتمینه مال، دیم هرجور میژه! چییمینه لا دایی جواد خان، اَویشه یکم تَقلا کردو وت:د جا کته،ونم بردنَ مال،دیم درد امانم براندیه،ونم بردنَ ولوال لا یه پیرمردی، کته بیه ملم و هر دسمه مکیشا،شانم دسه میات،دلم غش مَکرد، براکم و ددم ونم اِوت کرده بین، اَر چمم هر اسره مات،کم منده بی بیهوش بیاتام، وقتی تقه کرد، وت:اِسَه ده جا کت. یه ضمادیشه دا ددم و وت:کوکولیشه ارانه دوروس کن تا ضربه بگره.ددم وقتی دی رنگم جور زرده جوا بیه،وبی حال کزکه کردمه سه یه گوشه، وت:بَبه، اَخنه دردسروبلا کیشایت، خاس بی یا مدرسه ممندیت و درس مخوندیت؟

لغات #لکی با ترجمه #فارسی👇👇

۱-تینگلی: نوک
۲-کتمه: افتادم
۳-میژه:درد
۴-چیمین : رفتیم
۵-لا: کنار
۶ـ تقه : صدا

#زبان_لکی_را_پاس_بداریم

کانال تلگرامی گلونی
🌹🌹🌹🌹


@Golvani_lak