مه لکم مه،صوفی صافی منم
نغمه ی شور ولاتم،شوق هر تافی منم
وات زرتشت،گات زرتشت
شور مزدک،رنج مانی
ئه چراخی که گِران وه نویر یزدانی منم
خوین بابک،زویخ الحاد
کفر فیلسوف جوانم
نام بغداد،نویر آذر
صدستوین و بغ ستوینم
مور دردم،زخم مردم
چوی مه لی رنگ زرد و سردم
ئه دنگی که یادگاره هول ویرانی منم
نویر اشراقم وه بان دار خلافت تا ابد
گل الحادم وه بان هر کویِ به رزی صد وه صد
لشکر چه رمی کلاوم
مه سوار زند و وندم
بردیای کیشیا وه بندم
وه هزار سال هوشکه سالی
ئه کسی که منیه وه شوق وارانی منم
....                                                      .........

شاعر #بختیار_منصوری
#شعر_لکی

کانال تلگرامی گلونی
🌹🌹🌹🌹


@Golvani_lak