#አንድ_አዝማሪ_ነበር.......
.
.
ማሲንቆውን 'ሚገርፍ ስንኝ እያጀበ
የከበበው ጠጪ ብሶት ገረበበ
ሚስቱ የፈታችው ተቀበል በሚል ቃል
ብሶቱን ሲያበርደው ቤቱ ግን ይሞቃል

ተቀበልልል
.
.
ሚስቴ የሰው ገፊ መሄድ ነው ሚደላት
እንደ ቀልድ ፈታችኝ አርግዢልኝ ብላት
ከጎኑ ሚገችም አንድ ቀለም ቀቢ
ደግሞ ያሽሟጥጣል ምን ጉድ ነው በረቢ

እሱም እንዲህ አለ

ክብር ጠለቀብን አዳም ደበዘዘ
ሄዋን በምትሰራው ወንዱ እያረገዘ
(ህመም አይደል ፅንሱ )
.
.
ስካር የጀመረው ሳይገባው ይስቃል
ከሆደ ከደረሰ ብቅል ያሳቅቃል
ከቀቢው ፊት ለፊት ስራ የፈታ ወጣት
ተበድሮ ይጠጣል ቀፋፊ ነው ማጣት

እሱም አቀበለ...
.
.
ሆዴን ይብሰኛል ብሶቴን ስደግመው
እኔን መሳይ የታል
ተመረኩኝ ቢልም ትምህርት የረገመው
.
.
ትካዜን ሲያጣጥም ከእንባው ተናንቆ
ችግር ያስተጋባል ቢቸገር ማሲንቆ
ያንሳል አትልቆ!
.
እኔ እንዳለሁ አለ

አንዴ ሰካራሙን ሲልም አዝማሪውን
ስገረም ስታዘብ መከራ ሲተውን
ወጣት ሽማግሌው ቃል እየተራጨ
ስንቱ ነው ያለፈው
ባ'ለም መቅጫ እድሜው ባ'ለም 'የተቀጨ

#እኔ_እንዳለሁ_አለሁ....

✍ናታን ኤርሚያስ
@UniqueDy


@getem
@getem
@getem