Futbolinfo

⚽️ 1950-ci ildə Uruqvay final oynamadan futbol üzrə Dünya Çempionu olan yeganə ölkədir.

...Çünki bu Dünya Çempionatında nə final olub, nə də yarımfinallar. FİFA-nın qərarı ilə 1950-ci ildə Dünya Çempionatının sistemi dəyişdirilmişdi. Çempionatda 13 ölkə iştirak edirdi. İlk turda bu ölkələr 4 qrupda oynayırdılar. Daha sonra bu 4 qrupun liderləri ayrıca bir qrupa salınırdı. Qrup lideri olan ölkə isə dünya çempionu olurdu. "1950" - Dünya Çempionatı tarixindəki ən fərqli tur sistemi olan çempionatdır.

İkinci turda qrupda Uruqvay həmin son oyunda Braziliyanı 2-1 hesabı ilə udaraq xal fərqli ilə çempion olmuşdu. Bu oyunu "final" saymaq olar, amma bildiyimiz final anlayışından fərqlidir. Çünki oyunda Braziliya bərabər qalsa, xal çoxluğuna görə çempion ola bilərdi. Bu matçı Marakana stadionunda təxminən 200 000 insan izləmişdi. Çox böyük rəqəmdi.

Ümumiyyətlə 1950-ci il Dünya Çempionatı çox qəribə keçib. II Dünya müharibəsinə görə 12 il idi ki, insanlar Dünya Çempionatı görmürdülər. Türkiyə və Hindistan bu Dünya Çempionatına qatılmaq haqqı qazansalar da, gedə bilməmişdilər. Çempionat uzaqda - Braziliyada keçirildi və Türkiyə maddi sıxıntılara görə milli komandanı çempionata göndərə bilməmişdi. Hindistan isə həm maddi sıxıntılara görə, həm də futbolu çılpaq ayaqla oynadıqlarına görə çempionata qatıla bilməmişdilər.

ℹ️ 22-ci Dünya Çempionatına - 2022 Dünya Çempionatına cəmi 3 gün qaldı...

✅ İstinad: History of Soccer, GOAL
✅ Hazırladı: Albert Eynişeydi

📌 Qeyd: Burada sizin reklamınız ola bilər. Məsələn, idman mağazaları, fintess salonları, fitness avadanlıqları, turizm agentlikləri və s.

#futbol #dünyaçempion #idman #final #çempion #dünya #tarix

463 views12:09