مقرأة النور فاتحة ٣ مسارات للتحفيظ ، ادخلوا قبل الرابط يقفل 😩

مدارج = تحفظي في ٦ سنة

معارج = تحفظي في ٣ سنة

مثاني = تحفظي في سنة ونص
📖🤍
يرجى قراءة التعليمات التالية قبل الانضمام:

🌟 لكل برنامج قناة تسجيل مستقلة، لذا اختاري البرنامج المناسب بعد الاطلاع على تفاصيله.
🌟 لا يُسمح بالتسجيل في أكثر من برنامج.
🌟 تأكدي من الانضمام إلى قناة البرنامج الصحيح فقط.

روابط الانضمام:

🤍 مدارج👇
https://xn--r1a.website/+YVwmeNCoHC9lMDlk

🤍 معارج👇
https://xn--r1a.website/+74mCeAr3AtI4NTlk

🤍 مثاني👇
https://xn--r1a.website/+GjzQDzOrW9BjMWZk

وأهدِ ضَالة قَلبي؛
وألهِمنِي رُشدِي،
وأعِذنِي مِن شَرِّ نَفسِي
يا ربّ ! 🤍

اذكر الله عز وجل وصلِ علي النبي. وذكر غيرك
فاللهم ارزقنا الجنه وما قرب اليها من قول و عمل واجرنا من النار وما قرب اليها من قول و عمل🤍

-
لو جُمعت للمرء أشكال المواساة وألوانها
فلن يجد شيئاً يمسح على قلبه
مثل تفويض أمره لله، واستشعاره أنه في ظلال معيّته، وأنّ اللّه مُتوّل أمره،
وكافيه همّه. ❤️

بيغير مسار حياتك عشان يرحمك من سوء اختيارك ويعوضك بجميل اختياره
ربنا جميل .. ربنا قريب❤️

ليّ كم يوم مُعلقة في الأنشودة دي:

بُشراكِ اليومَ أيا عُمري فالآن تحققَّ ما رُمْنا
بحلالِ الله تجمعنا و لأجله كُنّا قد صُمّنا
فحفظتي قلبكِ ليّ وحدي بعفافٍ و بطُهرٍ بادي
وقطعتُ لأجلكِ أشواطًا لتكوني الأم لأولادي

ف حقيقي أي علاقة مبنية على الحلال والصبر ربنا ببارك فيها وبخليها تكبر وتثمر
و أي طريق فيهو استعجال وخوض في الحرام نهايتو بتكون فاضية حتى لو بدت حلوة

ربنا يرزقنا الحلال ويجنبنا الحرام وما يسوقَ إليه!❤️

اذكر الله عز وجل وصلِ علي النبي. وذكر غيرك
فاللهم ارزقنا الجنه وما قرب اليها من قول و عمل واجرنا من النار وما قرب اليها من قول و عمل🤍

أَحْببتُ ذِكرَ مُحمّدٍ بلساني، والشوق ضَجَّ بمُقْلتي وجَنانِي
ودَعوتُ ربِّي أنْ أَنالِ لِقاءَهُ، يوم الجزاء برحمة المنّانِ
هذا النبيُّ فلا تَسلْ عَنْ حُبِّهِ، روحًا به هُدِيتْ إلى الإيمانِ
ياربّ صلّ على النبيّ وجَازِهِ، عنّا جَزاء الخيرِ والإحسانِ

اللهم صلّ وبارك على سيدنا وحبيبنا ورسولنا وشفيعنا وخاتم الأنبياء محمد وعلى آله وصحبه وسلم ♥️.

تعلم حاجتي فامنن علي بها
ان لم اكن اهلاً فإنك اكرم 🤍✨

طيّب الله جمعتكم بذكر الله
اللهم اجعلها جمعة خير وبركة وطمأنينة..

جمعة طيبة مباركة بالصلاة على النبي ﷺ❤️

إمرأة كلما تعثر أحد أبنائها اخلاقيا تصدقت وأطعمت الطعام وقالت: "خذ من أموالهم صدقة تطهرهم وتزكيهم بها".. اللهم هذه لتزكية أخلاق ابني فانها أشد علي من مرضه.

وإمرأة ثانية لا تجد ما تتصدق به، عيشها كفاف، فاذا أرهقها ابنها او زوجها قامت الليل بسورة البقرة ودعت وقالت: اللهم ان هذه صدقتي فتقبل مني واصلحه لي..

تعبدوا إلى الله بنية إصلاح الأبناء.. فإن غلبوا جهدكم فإنهم لن يستطيعوا أن يغلبوا نياتكم..

"وليخش الذين لو تركوا من خلفهم ذرية ضعافا خافوا عليهم "فليتقوا الله" وليقولوا قولا سديدا"..🤎

ان الله وملائكته يصلون على النبي يا أيها الذين آمنوا صلوا عليه وسلموا تسليما ..❤️

قال رسول الله ﷺ:
﴿مَنْ أَصْبَحَ مِنْكُمْ آمِنًا فِي سِرْبِهِ، مُعَافًى فِي جَسَدِهِ، عِنْدَهُ قُوتُ يَوْمِهِ، فَكَأَنَّمَا حِيزَتْ لَهُ الدُّنْيَا بِحَذَافِيرِهَا﴾.

كم من نعمٍ نعيشها كل يوم، ونغفل عن شكرها...
أمنٌ وعافيةٌ ورزقٌ يكفينا

فإذا اجتمعت هذه النعم، فقد آتانا الله خيرًا كثيرًا، يستحق أن نحمده عليه صباحًا ومساءً.

اللهم لك الحمد حتى ترضى، ولك الحمد إذا رضيت، ولك الحمد بعد الرضا.
اللهم أدم علينا نعمة الأمن والعافية، وبارك لنا في أرزاقنا، واجعل قلوبنا راضيةً شاكرةً، ولا تحرمنا فضلك وكرمك أبدًا. 🤍🌿

حضرت فيديو لواحد بحكي قال
الراجل اللي صلّى جنبو في المسجد، طول ما هو ساجد كان بكرر بصوت باكي كده جملة واحدة بس
ويشيل ويكرر فيها ويشيل ويكرر فيها لمن الناس رفعت من السجود هو كان بقول بصوت مبحوح
"اللهم حاسبني حسابًا يسيرا، اللهم حاسبني حسابًا يسيرا"

فاللي بحكي القصة قال أول ما الناس انصرفت من الصلاة زولنا داك مرق سريع قبل ما ده يسألو عن الدعاء

فـ مشى البيت وبقى يبحث عن معناهو
لقى إنو في مرة من المرات السيدة عائشة رضي الله عنها سمعت النبي ﷺ يشيل ويدعي بالدعاء ده
فسألت رسولنا الكريم عن معناهو
فقال ليها فيما معناه
يا عائشة الحساب اليسير
أن يُنظَرَ في كتابك
فيُغفر لك❤️‍🩹

بقيت اتأمل في جمال الدعاء ده سبحان الله
وفي كرم ربنا عز وجل
تخيل
كل السواطة السايطنها في الدنيا دي
تمحوها ليك استجابة دعوة واحدة!!

صحيفة ملانة ذنوب ومعاصي وحقوق ناس ونميمة وقطيعة وتقصير في عبادات، وصلوات ما صليناها وناس ظلمناهم وتقصير من ساسنا لي راسنا
وحبة عمل نافع كده تقابل بيو الله ماف

وتجي شايل نفس الصحيفة الما تعرف تودي بيها وشك وين دي
فـ ربنا عز وجل بي كرمو
ينظر ليها
ويغفر ليك ده كلو!

حقيقي ما لاقاني أجمل من كده
فاللهم حاسبني حسابًا يسيرا♥️

صفيه مصطفى

وانا بقرأ في القصه دي شبعت بكاء من لُطف ربنا وكرمه ورحمته بعباده مهما ضاقت ربنا بفرجها 😭😭😭😭♥️♥️♥️♥️♥️♥️♥️♥️♥️❤️❤️❤️❤️❤️❤️❤️❤️

من القصص الواقعية الرائعة..*

قال

كنت في ضيقة مالية لا يعلم بيها إلا الله وحده.. أصلاً أنا مزارع.. وعندي غنمايتين ساعيهن عشان لبن أسرتي.

في السنة العايز أحكي ليك عنها دي حصل معاي موقف ما بنساه نهائيا غير لي مجرى حياتي كلها..

زوجتي كانت تامة وعلى وشك الوضُوع.. والزراعة فشلت.. لأنه كانت سنة جدباء.. ما جاء فيها مطر، والدنيا ضاقت بي.. ...

أنا دارس محاسبه تلاته سنين لكن قلت أرجع لشغلتي القديمة الورثتها من ابوي.. بناء الجالوص والطين مع أطلع منها مصاريفي وأحاول أجهز منها للولادة.....

زوجتي كانت صابرة، ومحتسبة، ومقدره ظرفى

وأمي كانت شفقانة علي، وخايفة يجي وقت الولادة ويكون الحال ياهو نفس الحال.....

المهم مرت الأيام ثقيلة.. ودخلنا في أيام الولادة وما جهزنا أي شيء، لأنه الدخل أقل من المنصرف، ودخلت علينا حاجات كثيرة: مدارس، ومرض، وعلاجات...

وأمي بدت تتوتر، وشايله همي، وأنا ذاتي بقيت نوم ما قادر أنوم.....

يوم طلعت للشغل كالعادة بعدما صليت الصبح.. وشربت قهوتي، وأول ما الشمس بدت تشرق، أشوف ليك من بعيد أمي تجري وتنادي علي بلهفة، وشفقة، ووصلتني، وعرقها يتصبب.. وتلهث من التعب والجري:

يا ولدي... يا ولدي... زوجتك بتتوجع للولادة....

أها الخبر دا نزل علي زي الصاعقة، وحصل الكنت خايف منه، إنه يجي يوم الولادة وما يكون عندي قروش....

.نفضت يديني من الطين وغسلتهم وقلت:

يا رب ساعدني، أنا من غير حولك.. وقوتك.. ما عندي شيء....

المهم أول ما رفعت رأسي من الماسورة البغسل فيها أيدي، شفت (خالد) ود عمك (حسن) بطلع في بكسيه الـ83 من باب ديوانهم الكبير....

جريت عليه جرى.. وأنا لا بسمع، ولا بشوف، قلت ليهو من دون سلام توديني مستشفى الحصاحيصا الولادة..؟؟ زوجتي على وضُوع اظني ما اديته خيار تاني غير يوصلنا..

قال لي بهدوء، وإبتسامة لطيفة.. وهو ممسك بكوب قهوه بيده اليمين.. وسجارة بيده الشمال

أبشر.. بس البس جلابيتي وأجيك..

المهم مشينا سقناها، وأنا سارح بعيد، ورأسي يودي ويجيب.. أعمل شنو..؟؟ وأتصل على منو..؟؟ وكل الناس البعرفهم أنا حالي أفضل منهم، وفايتني بالصبر والحمد.. والشكر لله....

خالد وصلنا المستشفى.. وفات بعد ما سألنا محتاجين حاجة..؟؟ وأنا لساني انعقد وما قدرت أقول ليهو شيء من العبرة الخانقاني اومأت ليه براسي ما محتاجين شيء.. وهو كان ركز شوية كان من تعابير وشي عرف إني محتاج كل شيء...

قابلنا الدكتور وقال

*..جهزوا كرتونة العملية..*

وأنا ما عندي قدرة أجهز حقنة فاضية..

شلت تلفوني، وخدمتي كانت مقطوعة، رسلت رسالة لأخوي الشغال كهربائي في الخرطوم رزق اليوم باليوم، قلت ليهو اتصل.. وفعلاً اتصل، وحكيت ليهو الحاصل..

قال لى دبر حالك لحد ما أشوف ليك حل.. لأنه أنا الليلة أصبحت ما عندي ولا جنيه حديد.. ولحد الآن ماجاتني شغلة

وأنا في طريقي لصيدلية المستشفى، خطواتي كانت متثاقلة، ورجولي غلبهم المشي، والهم والحرج بلغ مني مبلغ عظيم.

دخلت على الصيدلي وحكيت ليهو الحاصل كله بالتفصيل.. قدر ظرفي جزاه الله خير.. وكان من أولاد (اربجي)، واداني كل المطلوب.

فرحت فرح، شلت الكرتون وجريت جرى على انتظار غرفة العمليات، سلمتهم الكرتونة، ودخلوها عملية على طول.

وأنا وأمي منتظرين بتوتر الدنيا كلها.

في الظروف دي ما اتكلمت معاي.. ولا أنا اتكلمت معاها، كنا بنتكلم بعيونا.. هي فاهماني وأنا فاهمها.. بحكي ليها في مواجعي، وهي بتطمن فيني وبتهمهم همهمة ما فاهمها، لكن الإحساس واصلني...

ما لفت نظري أول ما دخلت المستشفى بكاء مرير من طفل حديث الولادة، وكل الموجودين في المستشفى والمرضى والمرافقين بيسألوا عن سبب بكاه.

صراحة ما اهتميت من الفيني وانشغالي بزوجتي وهموم كثيرة.

وأنا في عز أفكاري السوداء، وتوتري، وضيقي من الفات والجاي، قطع شرودي صوت الدكتور وهو بيقول لى مبروك... الولد..ما عرفت افرح.. ولا أبكي.. لكن كم دمعه طفرن من عيوني غصبا عني.. اظنهن دموع فرح بالمولود وسلامة أمه..

وأنا صراحة ما كنت عارف إنه ولد ولا بنت، لأنه ما مشينا مقابلة إلا مرة واحدة في بداية الحمل، وصراحة ما اهتميت بمعرفة النوع، لأني كنت مقتنع إنه الجاي من الله كله خير وكله رزق.

أمي أول ما سمعت الدكتور ببارك لي.. شفت دموعها تتقطر.. تمسح فيها بطرف توبها الأبيض الفيه نقط سودا صغيرة.. والكان مديها هيبة ووقار مع خصلات الشعر والشيب.. والكانت صاره في طرفه كل ما تملك من قروش.. وكل مره تفكها من طرفها وتديني ليها وتحلف.. وأنا أحلف إنه عندي قروش.. وهي بقلب الأم عارفه كل شيء.

طلبوا مني أجيب ناس يشيلوها معاي من غرفة العملية للعنبر.. وبدت تفوق.. وحمدنا الله على السلامة.

وكانت مبسوطة.. ومبتسمة ابتسامتها الطيبة.. وبتفتش بيدها الراجفه.. وروحها الواجفه.. عن المولود.. وهي ما عارفاه ذكر ولا أنثى..

رغم التعب الظاهر عليها من آثار العملية والتخدير وبين صاحيه وما صاحية وبإدراك قليل.

بعدما فاقت.. سمعت جارتها في السرير الجمبها بتطلب منها بتودد.. وصوت مكسور حزين.. وفيه شفقه.. ورجاء.. ترضع ليها ولدها الببكي من الجوع.. لأنها ما عندها ليهو لبن من أمس.. لأنها قبل الولادة بأيام كانت مريضة ملاريا.

ما سمعت طلبها دا استغربت واضايقت للحظة وسكت.. ما اتكلمت وطلعت ما اهتميت.

المهم زوجتي أخدت الولد ورضعته لحد ما شبع.. قبل ما ترضع ولدها وتشوفه حتى.. لكن دا السودان الأم من دارفور.. ورالمرضعه من الجزيرة..

وأهلنا بعد سمعوا بخبر الولادة، الأعمده تتطاقش فطور وغدا وسرامس لحد ما أصبح صباح اليوم الثالث المفروض نطلع فيه.

صحيت.. وأنا شايل هم الدنيا كله.. كيف أسدد رسوم العملية والمستشفى..؟؟ ومن وين أدفع قروش الصيدلية..؟؟

شايل لي عصاية أكتب وأرسم وأمسح في الواطة.. آخر رسمه قبل امسحها كانت لي ولامي وزوجتي والمولود في السجن لعدم سداد المستحقات..

فجأة لقيت شاب وسيم كدا.. لابس ليه عراقي وسروال سمحات.. ومركوب أصله.. مادي لي التلفون وبقول لى

*..المكالمة دي ليك..وكان المتكلم والد الطفل الكان بيبكي من الجوع.. وزوجتي رضعته مع ولدي

قال لي إنت زوج فلانة..؟؟

قلت ليهو بنحنا لينا خمستاشر سنة منتظرين الولد دا..

وبعد ما جاء ما قدرنا نوفر ليهو رضعة من أمه.. وزوجتك ما قصرت.. ثلاث أيام بترضع فيه.. والحمد لله أمه الآن جاها لبن.. وبتقدر ترضعه.

وأنتو قالوا لي طالعين أنا ما كنت قادر أقاطعه.. وأتكلم من لهفته.. وامتنانه..

وكل ما أجي أتكلم يقول لى دقيقة أكمل كلامى

واعتذر لي إنه مسافر في السعودية، وإلا كان جانا واتشرف بمعرفتكم

.قلت ليهو

دا الواجب، والولد ولدنا

قام قال لى

علي الطلاق، ولادتكم دي.. تكاليفها من الولادة للسماية على.. والله ما تقول ولا كلمة.. وأخوي الإداك التلفون دا.. توريه الآن دفعت كم.. وهو يحاسبك عليها كلها.. وتتفق معاه على يوم يجهز ليك مستلزمات السماية كلها..

وهو يحلف.. وأنا أبكي..

وهو مستغرب أنا ببكي ليه..؟؟

أنا بكيت من رحمة ربنا بالعباد،

وعدم صبر العباد على الرحمة البتتنزل بأسباب وبدون أسباب..

بعد قفلت التلفون، ختيت يدي في الحيطة.. وبكيت قدرتي..

فى محلى داك جا عم الولد بالبوكسى وماليهو من كل الخيرات، وخروف (الكرامة)

يعاين لي بعين المعجب.

وزوجتي وأمي راكبات ويتبسمن، أظنهن غمتو ليهن.

وفعلاً، قبل يوم من السماية اتقابلنا في سوق الحصاحيصا، واشترى لي خروفين بمقاضيهن وخضارهن والفواكه..

وعزمتهم للسماية هو وأهله، وجونا وما قصروا..

وبقت معرفة وعِشرة..

وحالياً شغال معاهم محاسب في محلاتهم، وربنا فتح علي فتح كبير، واشتريت عربية.. والرزق صابي فيني صب.. وكابي فيني كب.. زي ما كانت أمي بدعي لي ونحن منتظرين خارج غرفة العمليات..*

وبقت عندي عادة، وأنا طالع من السوق بغشى مستشفى الولادة لأنها في طريقي، بوقف عربيتي.. وأسأل وأستفسر.. إذا في حد ناقصاه حاجة.

وبكون مبسوط لما ألقى واحد محتاج وأساعده.

وأظن التجربة دي كانت سبب رزق.. وتغيير كبير في حياتي.. ونقلتني من الضيق للسعة في كل شيء.هذا هو السودان الذي نعتز به.. ونعرفه.. وباخلاقه..

منقول