كيف يتجسس فيسبوك علينا؟
كتابة هامة من الخبير نضال فاعور ننقلها لكم بالحرف:

#تجربة
تمت على جهاز تابليت سامسونغ لا يحوي شريحة اتصال A 2016 10.5 انش
تم حذف نسخة الاندرويد المثبتة من شركة سامسونغ اصدار 8.1
تم تثبيت نسخة اندرويد خام معدلة ١٢L
احد المميزات الجميلة في اندرويد ١٢ اضافة خيارين بين الاختصارات تعطيل الكميرا وتعطيل المايك
التجربة كالتالي
تم فصل gps وفصل الكميرا والمايك
وقمت بتثبيت تطبيق الفيسبوك وفتحت حسابي
الهدف من هذه التجربة
التأكد من ان الفيسبوك يقوم باستخدام المايك والكميرا لعرض المحتوى من خلال التنصت على المستخدم
النتيجة
بعد فصل وتعطيل الكميرا والمايك ونظام تحديد المواقع
اول ساعتين مافي اي اقتراحات جديدة
بعد ساعتين تم اقتراح صفحة كيف 😮
حسب الصفحة اللي اقترحها الفيس لقيت صورة شبيهة بمجلد الصور عن الموضوع
يعني بعد ما عطيت صلاحيات للتطبيق انه يوصل للصور شاف كل الصور اللي عندي واقترحلي صفحة من خلال تقريبا رابع صورة
وايضا اتاكدت من انه الفيسبوك حدد موقع الجهاز بدون وصول لل gps بطريقتين
الاولى
عبر ايبي الجهاز والراوتر المتصل فيه وعبر شركة الاتصالات السورية
الثانية
عبر الصور الموجودة في داخل مجلد الكميرا عبر قراءة بيانات الصور والتي تحوي على موقع وتاريخ التقاط الصور
قمت بتفعيل المايك
بالفعل وصل اقتراح جديد عن موضوع متداول بالمنزل كان عن الرسم واقلام التلوين
قمت بتفعيل الكميرا
وصورت بقعة موجودة على يدي بهدف البحث عن شي يشبهها
اقترح الفيس صفحات عن اطباء الجلد
استمرت التجربة ٣٠ يوما
انتهت التجربة

#الخلاصة
فيسبوك يقوم بجمع المعلومات عن جميع التفاصيل الموجودة والمخزنة في داخل الجهاز
عبر استخدام امكانات الجهاز نفسه

#دمتم_سالمين

عم تخلص باقة الراوتر عندك من تاني ليلة....؟
مافي غير انت و خيك واهلك عالراوتر و مابتعرف كيف عم تخلص هالباقة؟
ماتركت شي بموبايلك تطبيقات مشكوك فيها تسحب نت بالخلفية غير حذفتن؟
ماعم تلحق تكش ولاد الحارة من تحت بيتكن شافطينا للشبكة شفط؟
جبنالك الحل...
حاسس حالي عم قدم دعاية لشي منتج
منفوت بالمهم...
نظرا لمحدودية باقات الانترنت عنا الحمدلله "سوريا"
و نظرا لتعدد وسائل اختراق الراوتر
و نظرا لخاصية مشاركة كلمة المرور في الأجهزة الحديثة
لا وفوق هيك بتبين كلمة السر من خلالها
مافي بين دياتك غير عمك ال Mac filter "اللي يمكن معروفة لكتار منكن"
"خاصية تتيح لك حظر المتطفلين عن الراوتر الخاص بك حتى رغم حصولهم على كلمة المرور وحتى لو كانت الشكبة مفتوحة"
الخطوات على راوتر D-link
ونحنا شابكين عالراوتر
منفوت عالمتصفح
منكتب ب شريط البحث192.168.1.1 و مندخل
بيطلب كلمة سر و اسم مستخدم وهنن admin بالخانتين
بتفتح معنا صفحة الراوتر "صورة1"
مندخل ع advanced
اول خيار من جهة اليسار advanced wireless
منضل كابسين عليها بتطلع عنا خيارات "صورة2"
منفوت ع access control
بتطلع عنا متل "صورة 3"
اول خيار بمنتصف الصفحة"wirless access control mode" بكون محطوط disable
منكبس عليها بيطلع عنا تلات خيارات "صورة4"
منختار "allow listed" اللي هيه الاجهزة اللي فقط مسمحلها تتصل بالراوتر
وبعدها منكبس apply changes
بيطلع عداد ثواني منتركو ت يخلص
و مننتقل للخانة اللي تحت اللي اسمها "Mac address"
منضيف الماكات اللي بدنا ياهن يشتغلو عالراوتر بحيث منكتب الماك المطلوب بالخانة "دون نقطتين"و منكبس add
بس نخلص منكبس apply changes و بعدها بيرجع عداد ثواني منتركو ت يخلص
هيك منكون عملنا الفلتر ل الراوتر ومابقا حدا فيه يتصل بالراوتر غير اذا رحنا دخلنا الماك تبعو للراوتر
#بعض_الملاحظات

#كيف_منعرف_الماكات؟
كل موبايل مندور ع شي بالاعدادات اسمو Mac address
بعض الموبايلات منلاقيه بس نفوت عالواي فاي ب اعدادات الواي فاي
و بعض الاجهزة منلاقيها ب" حول الهاتف"
هاد الماك بكون مكون من أحرف وأرقام و بين كل خانتين فيه :
رحنا منكتب هالماكات ع ورقة و مندخلن عالراوتر وحدة وحدة دون : (في حالة ال d-link) مع الانتباه لكل حرف و رقم
#تنويه_هام
الموبايلات الحديثة فيها ميزة الماك العشوائي "يعني بتتصل بكل شبكة ب ماك مختلف عن الماك الاصلي للجهاز
ف رحنا وقت نشبكو لهالموبايل ع الواي فاي تبعنا
باعدادات هالشبكة" بعد الضغط عليها مطولا" مندور فيها ع شي اسمو "استخدام ماك عشوائي"و منعملو" استخدام الماك الخاص بالهاتف"ومنعمل حفظ
منشان ما يغير هالماك العشوائي بعد كل ضبط مصنع او سوفت لهالموبايل
#الخلاصة
خلي شبكتك مفتوحة وانت متطمن و لك وزع الباسوورد اذا مارضيت تخليها مفتوحة لكل حارتك واقعود اضحك عليهن من الشباك
#يتبع.....