عم يشكي البعض من انخفاض جودة بطارية جهازه
والقصة الها عدة اسباب رح اذكرها بهاد المنشور ورح رتب الاسباب من الاعلى استهلاكا للبطارية

١ -التغطية والشبكة
بقسم التغطية الموجود داخل اجهزتنا في قطعة بتتصل بالانتينات الموجودة داخل الجهاز اسمها سويتش هاد السويتش بضل يفتح ويسكر ليلقط الشبكة وبعدين بيعطيها لمعالج بيحلل الشبكة وبيعرف على اي طبقة لازم يشتغل الجهاز
وعادة اقل طبقة بيحملها السويتش للجهاز صرفا للبطارية هي GSM بعدين 2G بعدين 3G بعدين 4G و 5G مرفق معهن شبكة GPS
مابدي فوت بالتفاصيل لانه الموضوع معقد
المهم لازم الجهاز يضل متصل بالشبكة الاولى بشكل مستمر حتى ما نطلع برى التغطية

٢- موارد الجهاز
الشاشة والاضاءة
الوايفاي والبلوتوث
ال GPS
والحساسات واليوم اقل جهاز فيه عالقليلة ٥ حساسات

٣- التطبيقات
الاكثر صرفا الفيسبوك واتس اب انستغرام تيليجرام
وبتختلف كمية الصرف حسب اصدار الجهاز
كل ماكان السوفتوير اقدم كل مازادت نسبة صرف الطاقة
وتحديث التطبيقات بشكل دوري من قبل الشركات المبرمجة
عم يخلي هي التطبيقات تتعامل بشكل افضل مع الاصدارات الاحدث وبيترك الاصدارات القديمة لمشاكلها
وهاد العمل مقصود وبيهدف لدفع المستخدم ليبحث عن اجهزة احدث ويرجع للسوق

٤-عمر البطارية
جميع بطاريات الاجهزة المحمولة مصنوعة من مادة الليثيوم
وهي المادة الها عدد مرات شحن بيسموها دورات الشحن
وكمان البطارية بيقل عمرها بكثرة الضغط
والمشكلة الاكبر انو نحن ماعم نشحن بطارية الجهاز دورة كاملة بسبب وضع الكهربا
كمان في مشكلة تانية وهي البور بانك والشواحن المختلفة اللي عم تأثر على اداء البطارية

٥- التطبيقات المعدلة والغير شرعية والفيروسات
وهي اكثر المشاكل اللي بتعاني منها اجهزتنا في حال نزلنا واتس معدل مثلا وفي منكم عنده تجربة كاملة بالنسبة لهاد الموضوع

#الحلول
تحسين جودة التغطية واذا كان الجهاز محطوط بكفر نوعية غير جيدة الافضل فك الكفر
تخفيض اضاءة الشاشة
تقليل نسبة التطبيقات وحذف التطبيقات الغير مستخدمة
تفعيل وضع توفير البيانات في تطبيقات متل فيسبوك واليوتيوب
البحث بشكل مستمر عن التطبيقات التي تستنزف البطارية وازالتها من اجهزتنا وخاصة المعدلة
اغلاق GPS و حساس الدوران التلقائي هدول اغلبنا ما بيستعملهن بشكل مستمر
اختيار شواحن وكابلات شحن من نوعية جيدة
اختيار بوربانك نوعية جيدة
المحافظة على الجهاز بعيد عن الحرارة والرطوبة

#منقول من نضال فاعور

أدمن #حسن