بیر چوخ یازیلاریمیزدا #قادین-کیشی ناتوراسینی (طبیعتینی) آییرد ائتمک اوچون « #قادینسل و #ائرککسل» اصطلاحلاردان استفاده اولونور. بورادا مناقشه‌لی اصطلاح «کیشی» ناتوراسینی بللندیرن: #ائرکیل، #ائرککسل، #کیشیسل و... اصطلاحلاری‌دیر. باشقا سؤزله کیشی‌نین جینسیتینی گؤسترمک اوچون «ائرکک»، اونون ناتوراسینی، طبیعتینی گؤسترمک اوچون ایسه «ائرککسل، ائرکیل» ایفاده‌لریندن استفاده ائدیرلر.
من بونلارلا راضی دئییلم. بونلار استانبول تورکجه‌سینده او محیطده اؤز آنلامینی آلمیش ایفاده‌لر اولسا دا بیزده باشقا معنالار وئریر. «ائرکک» کلمه‌سی بیزده حیوان جینسی‌نین ائرکک-دیشی فرق‌لرینی بللندیرمک اوچون استفاده اولوناراق اؤز آنلامینی دا تاپمیشدیر. مثلا دئییلیر: ائرکک‌قویون (قوچ)، دیشی قویون، یا حتتا ائرکک ایت (کؤپک)، قانجیق (دیشی) ایت» عبارت‌لری ده ایشلنمکده‌دیر. بونا گؤره بو کلمه‌لری بیر انسان اولاراق کیشی #ناتوراسینی گؤسترمک اوچون اویغون گؤرمورم. «کیشیسل» ایسه، کیشی‌نین شخصیتینه اشاره کیمی ایشله‌نیر.
_&&&&____
#آذربایجان_شعرینده_مدرنیزم کیتابیمین
۹۶۲.جی صفحه‌سی‌نین اتک یازیسیندا گلن بیر یادداشت
https://telegram.me/dusharge
Telegram
@dusharge || همت شهبازی
@dusharge
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.