کیچیک یادداشت|| #همت_شهبازی
بعضی‌لری «کئچمیشده بیزیم ادبیاتیمیزدا ایش گؤرن انسانلار اولماییب یا آز اولوب» دئیه اونلاری قیناماغا باشلاییرلار. بونو قبول ائتسک، اونون کناریندا معین داش‌دیغیرلادیجی عامیل‌لری ده نظره آلمالییق. تاملیق داشییان بو کیمی ایفاده‌لر ایله، کئچمیشده امه‌یی کئچن‌لرین امه‌یینه ده نانکور اولوروق. هر شئیی اؤز یئرینده، اؤز آنیندا اؤلچوب بیچمک یاخشی اولور.
چوخ اوزاق زامانا گئتمه‌یک، اؤزومون #ادبیاتا گلدییم ۶۰.جی اون ایللیین سونوندان بویانا آلدیغیم #قزئت و #درگی‌لره باخیردیم. بونلاردا نه قدر انسانلارین ادبیاتیمیزا قویدوغو امک‌لرینی گؤردوکده، قیناقلارین بیر سیراسینی انصافسیزلیقلا یاناشیلماسی نظرینه یئتیشیردیم. دوغرودور بو یئترینجه جهدلر دئییل. آنجاق اولونان جهدلر ده تام اولاراق قیراغا قویولمامالیدیر. بیر ده کی اونوتمایاق کی کئچمیشده اولان چاپ امکانلاری دا، ایندیکی امکانلارلا مقایسه ائدیله‌جک شرایطده دئییل.
بو #نشریاتی ۱۳۶۹ عرفه‌لریندن ایندییه‌جک بیر چوخلارینی ساخلامیشام. یعنی امکان قدر آلدیغیم نشریه‌لری اوخودوقدان سونرا زیبیل قابینا توللامامیشام. آرتیق #آنام دا سانکی منیم بو حیسیمی دویوبدور. نئچه ایل اولار #آنام هر بیر سو، اود و زیبیلدن گؤز ببه‌یی کیمی بونلاری قورویوبدور منیم اوچون.
دونن بو #نشریاتی یئنیدن سایجا سیرالاماق ایسته‌ییردیم. بیرینی کنارا قویموشدوم. آنام دئدی بونو نه اوچون کنارا قویوبسان دئیه سوروشدو. «اونو قاب ائله‌ییب رمکه‌یه ووراجاغام» دئیه بیر آز ایسته‌دیم زارافاتلاشام. آنام جیددی توتاراق «رمکه‌نی نئیلیرسن» دئیه سانکی منه دئییردی من اونلاری #رمکه‌ده اولدوغوندان دا یاخشیجا ساخلاییرام.
سوندا ییغیشدیردیم. یئرده چوخ خیرداجا بیر کاغاذ پاراسی قالمیشدی. ائودن ائشییه چیخدیقدا آنام اونو گؤستره‌رک دئدی: بالا بو قالدی. گولومسه‌دیم. قاییدیب اوره‌ک دولوسو آنامی باغریما باسدیم.
https://telegram.me/dusharge
بعضی‌لری «کئچمیشده بیزیم ادبیاتیمیزدا ایش گؤرن انسانلار اولماییب یا آز اولوب» دئیه اونلاری قیناماغا باشلاییرلار. بونو قبول ائتسک، اونون کناریندا معین داش‌دیغیرلادیجی عامیل‌لری ده نظره آلمالییق. تاملیق داشییان بو کیمی ایفاده‌لر ایله، کئچمیشده امه‌یی کئچن‌لرین امه‌یینه ده نانکور اولوروق. هر شئیی اؤز یئرینده، اؤز آنیندا اؤلچوب بیچمک یاخشی اولور.
چوخ اوزاق زامانا گئتمه‌یک، اؤزومون #ادبیاتا گلدییم ۶۰.جی اون ایللیین سونوندان بویانا آلدیغیم #قزئت و #درگی‌لره باخیردیم. بونلاردا نه قدر انسانلارین ادبیاتیمیزا قویدوغو امک‌لرینی گؤردوکده، قیناقلارین بیر سیراسینی انصافسیزلیقلا یاناشیلماسی نظرینه یئتیشیردیم. دوغرودور بو یئترینجه جهدلر دئییل. آنجاق اولونان جهدلر ده تام اولاراق قیراغا قویولمامالیدیر. بیر ده کی اونوتمایاق کی کئچمیشده اولان چاپ امکانلاری دا، ایندیکی امکانلارلا مقایسه ائدیله‌جک شرایطده دئییل.
بو #نشریاتی ۱۳۶۹ عرفه‌لریندن ایندییه‌جک بیر چوخلارینی ساخلامیشام. یعنی امکان قدر آلدیغیم نشریه‌لری اوخودوقدان سونرا زیبیل قابینا توللامامیشام. آرتیق #آنام دا سانکی منیم بو حیسیمی دویوبدور. نئچه ایل اولار #آنام هر بیر سو، اود و زیبیلدن گؤز ببه‌یی کیمی بونلاری قورویوبدور منیم اوچون.
دونن بو #نشریاتی یئنیدن سایجا سیرالاماق ایسته‌ییردیم. بیرینی کنارا قویموشدوم. آنام دئدی بونو نه اوچون کنارا قویوبسان دئیه سوروشدو. «اونو قاب ائله‌ییب رمکه‌یه ووراجاغام» دئیه بیر آز ایسته‌دیم زارافاتلاشام. آنام جیددی توتاراق «رمکه‌نی نئیلیرسن» دئیه سانکی منه دئییردی من اونلاری #رمکه‌ده اولدوغوندان دا یاخشیجا ساخلاییرام.
سوندا ییغیشدیردیم. یئرده چوخ خیرداجا بیر کاغاذ پاراسی قالمیشدی. ائودن ائشییه چیخدیقدا آنام اونو گؤستره‌رک دئدی: بالا بو قالدی. گولومسه‌دیم. قاییدیب اوره‌ک دولوسو آنامی باغریما باسدیم.
https://telegram.me/dusharge
Telegram
@dusharge || همت شهبازی
@dusharge
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.
کانالدا کی یازی‌لاری کانالین لینکینی وئرمک شرطی ایله پایلاشماق اولار.
اشتراک‌گذاری مطالب کانال به شرط ارائه لینک آن مجاز است.