✨ Ассалому алайкум ва роҳматуллоҳи ва барокатуҳ!

🤲 Барчамизга бошланган янги кун омадли ва барокатли келсин.

🤲 Режалаштирган ишларимиз ортиғи билан амалга ошсин!

https://tttttt.me/drabllar

Аввал ўзингга боқ

Турсунбой автобусда катталарга жой беришдан қочиб ўзини ухлаганга соладиганларни ёқтирмайди, уларга нафрат билан бир ўқраяди-ю, бошини ойнага қўйиб уйқусида давом этади.

Хуршид Абдурашид

https://tttttt.me/drabllar

Илтимос

− Йиғладингми?
− Қаердан билдинг?
− Илтимос, бу гал дафтаримни нари суриб йиғла... Сенга ёзган хатларим бўялиб кетибди.

Эзо Исматова

https://tttttt.me/drabllar

Зиқналар

Дарвозанинг қаттиқ чертилиши хонадон аъзоларини хавотирга солди.
— Светдандир...
— Газдандир...
— Ишқилиб гадой ҳам бўлмасин, пул бергим йўқ...
— Ваҳима қилмасдан бориб очсаларинг, биламиз,-деди уйнинг каттаси ўдағайлаб.
— Бобо, қўрқманглар, қўшни маҳалладаги Ориф ака вафот этибди, жанозага айтгани келишибди,-деди эшикка қараган болакай.
Ҳамма баравар чуқур нафас олиб бир овозда жўр бўлди:
— Худога шукр...

Меҳригиёҳ Бозорова

https://tttttt.me/drabllar

Эҳтиётсизлик

Яйловда чорвани ўтлатиб юрган вақтда ҳолдан тойган онани тўсатдан новвос сузиб олди.
— Кўзга қараш керак эди, ойи, – деди барзангидай ўғил тўшакка михланган онага...

Абдулазиз Аҳмад

https://tttttt.me/drabllar

Чин муҳаббат

Йигит мотоциклни катта тезликда учириб кетяпти.
Қиз:
— Илтимос, мен қўрқяпман, тўхтатинг!
Йигит:
— Йўқ, ахир бу ниҳоятда завқли-ку.
Қиз:
— Мен завқли томонини кўрмаяпман. Илтимос,
сал секинлатинг!
Йигит:
— Айт, мени севасанми?
Қиз:
— Ҳа, сизни севаман! Энди тўхтатинг!
Йигит:
— Энди мени қаттиқ қучиб ол ва кўзларингни юм!
Қиз йигитнинг айтганини қилди. Бироз вақт
ўтгач, йигит яна қизга сўз қотди:
— Бошимдагини ечиб, ўзинг кийиб ол! У менга халақит қиляпти...
Эртаси куни газеталарда мақола пайдо бўлди:
“Бошқарувни йўқотган мотоцикл тўрт қаватли бино ёнида ҳалокатга учради. Бу бахтсиз ҳодиса туфайли мотоциклдаги икки кишидан бири омон қолди.
Воқеа бундай бўлганди. Ярим йўлда йигит мотоцикл тормози ишдан чиққанини фаҳмлади. У севгилисига билдирмай, сўнгги марта уни севишини айтишини ва қаттиқроқ қучишини илтимос қилди. Ўз ҳаёти эвазига қизни ўлимдан асраб қолиш учун бошидаги темир каскани кийишга мажбурлади”.

Том Форд

https://tttttt.me/drabllar

#aforizm

Қўшнисининг ёнаётган уйида ловиясини қовуриб олишни эплаштирадиганлар ҳамиша топилади.

Ли Мун Ёл

https://tttttt.me/drabllar

Мушкулот

Ака-ука ҳамма нарсани талашиб тенг иккига бўлиб олишди. Фақат тугунини қучоқлаганча мўлтираб турган қари оналарига танлов имкониятини беришди:
— Ким билан кетасиз?

Аржумандбегим

https://tttttt.me/drabllar

Кечирдим дедим, аммо…

https://tttttt.me/drabllar

Гиперинфлация

— Сер, сизни кузатиб турган эдим, ерда ётган пулни тагига қараб, ўзини олмай кетяпсиз?!
— Буни тйшунмайдиган жойи йўқ, пулнинг тагида арзигулик нарса йўқмикан, деб қарадим, холос.

https://tttttt.me/drabllar

Соф севги

Қиз каравотга чўкди. Бола қиз айнан унинг ёнига ўтирганидан хурсанд бўлиб кетди. Фурсатдан фойдаланиб дилидаги гапни изҳор қилди:
— Мен сизни жуда қаттиқ яхши кўраман.
— Биламан. Мен ҳам, — деди қиз. Сўнгра унинг пешонасидан ўпиб секингина ўрнидан турди. Кетаётиб қайрилиб қаради:
— Энди ухлаш керак.
— Хўп, — деди Бобур. Хонадан чиқиб кетаётган боғча опасига жилмайиб боқди-да, кўзчаларини юмди.

Эркин Шоназаров

https://tttttt.me/drabllar

✨ Рамазон келди, Рамазон!

https://tttttt.me/drabllar

​​Кўз илғамас уммоннинг бор адоғи,
Боғ-у дала, ўрмоннинг бор адоғи,
Ҳатто мовий осмоннинг бор адоғи,
Аммо олий тафаккурда сарҳад йўқ.
Поён бордир барча азим дарёда,
Поён бордир тоғларда-ю саҳрода.
Поён бордир ҳатто ёруғ дунёда,
Аммо фараз деганларда сарҳад йўқ.
Бу оламнинг жумбоғи кўп,
Бу оламнинг сўроғи кўп,
Бу оламда савол чексиз,
Бу оламда хаёл чексиз...

Анвар Обиджон

https://tttttt.me/drabllar

Фақат менга, менга дейдиган теша каби бўлма!
Фақат сенга, сенга дейдиган ранда каби ҳам бўлма!
Ҳам сенга, ҳам менга дейдиган арра каби бўл!

Жалолиддин Румий

https://tttttt.me/drabllar

#шоирона

Аёл

Аёл - опа,
Аёл - ёринг,
Аёл - сингил.
Аёлга бер фақатгина меҳр, кўнгил.
Аёл - ҳаёт, аёл - сабр, аёл - она,
Оғир кунда бўлади у
Чин парвона!
Аёл асар - сўнгсиз китоб,
Аёл - шамол.
Аёл борки,
Бутун борлиқ топар камол.
Аёл борки, яшайверар
Зоти инсон,
Унга бош эг,
Бунга ҳужжат-далил - Қуръон.
Аёл зотин бор вужуди фақат меҳр,
Мумкин эмас унга асло қилмоқ қаҳр.
Хўрламагин уни дебон бир ожиза,
Аёл - бизга Худо берган бир мўъжиза!..

Умархонов Ғиёсхон

https://tttttt.me/drabllar

Мурожаатнома

— Исмингиз?
— Умар Раҳимов.
Стулда ўтирган киши ҳужжатларни орасини қидира кетди.
— Йўқ, ака сизнинг мурожаатингиз ҳануз жавобсиз...
— Ука, тушунинг менинг аҳволим ростдан ёмон. Мана шу рухсатномасиз даволанишга ёта олмаяпман. Келаси сафар сиздан жавоб ҳақида сўрагани кела оламанми йўқми билмайман.
— Нима қилай мен ҳам?! Ахир бир буйруқ бўлмаса, рухсат бўлмаса мен ҳеч нарса қила олмайманда.
"Умар Раҳимов, эл билан эллашган одам эди, раҳматлик" — деб фотиҳа тортишди қишлоқ аҳли юзига.
Маҳалла идорасида Умар Раҳимовнинг мурожаатномаси жўнатилмасдан ётгани аламли эди...

Нуриддин Зиё

https://tttttt.me/drabllar

Ҳамма ўз жойида бўлиши керак

Жамиятимиздаги муаммоларнинг катта қисми бировнинг чегарасини бузиш ортидан юзага келмоқда. Канални қисқа ҳикоя ёзишни яхши кўрган, бу йўналишни йўқолиб кетмасдигини хоҳлаган бир инсон сифатида очгандим. Рекламалар берилмасди, кам бўлса ҳам ўзимнинг содиқ обуначиларим бор эди. Ўқишим, ишим, оилам билан бўлиб ойлаб каналга ҳикоя ташламасдим. Улар мени тушунишарди. Кутишарди, бот’дан давом этинг деб илиқ фикрлар юборишарди.

Бироз ўз ишларимдан бўшаганимда яқин дугонамнинг “ёрдам бераман, ривожлантирайлик” деган ташаббуси билан яна канал фаолиятини тиклаяпман. Ва бунинг учун реклама алмашиш керак. Бусиз иложи йўқ.

Тушунаётган, қўллаб-қувватлаётган обуначиларимизга минг раҳмат! Бизни тушунмаганларни эса ушлаб турмаймиз.
Ҳамма ўзига ёққан жойда, ўз ўрнида бўлиши керак.

Ҳаммага яхшиликлар тилаб МЕН🩷

Ишсиз

Уйдаги 10 кишининг ош-овқати, кир-чири, юв-йиғиштирини қиладиган аёл янги туғилган боласига ўзини таништирди:
— Ҳеч қаерда ишламайдиган бекорчи онажонинг билан таниш, болажоним.

Мафтуна Равшан | обуначилардан

https://tttttt.me/drabllar

Ҳеч қачон ўзингиз ҳақингизда бошқаларга кўп гапирманг!
Эсда тутингки, ҳасад лаҳзаларида кўрлар кўра бошлайди, соқовлар гапира бошлайди, карлар эса эшита бошлайди...

https://tttttt.me/drabllar