Маъруза пайти масжид имоми деди:
— Умримнинг энг яхши дамлари жуфти ҳалолимдан бошқа бир аёл билан бирга ўтди.

Одамлар бу сўзни эшитиб сесканиб кетишди ва даҳшатга тушишди. Имом эса таъсирчан овоз билан, хотиржам ҳолда:
— Ҳа! Дарҳақиқат умримнинг энг яхши дамлари онам билан ўтказган кунларимдир, — деб сўзини тугатди.

Масжиддагилар бу сўзни эшитиб хурсанд бўлишди, ҳатто, баъзиларининг кўзлари ёшланди. Суҳбатда қатнашганлардан бири маърузадан таъсирланган ҳолда уйига кириб келди. Нимагадир она ҳақидаги ўша сўзларни такрорлагиси келиб кетди. Кечки таом тайёрлаётган хотинига қараб деди:
— Умримнинг энг гўзал қисми жуфти ҳалолимдан бошқа бир аёл билан ўтди...

Касалхона бош врачи беморнинг яқинларига:
— Амалиёт муваффақиятли ўтди. Темир лаганни бош қисмдан ажратишга кўп вақт кетди. Худо ҳохласа тузалиб кетади, — деди-ю, ўтиб кетди.

У бечора "онамжоним билан бирга ўтказган дамларим" деб айтишга улгуролмай қолган эди...

https://tttttt.me/drabllar

БИТТА ОДАМ ОРТИҚЧА
( ҳажвия)

Эрталаб. Бекат. Автобус тиқилинч. Йўловчилар унинг устига чиққудек бўлиб осилмоқда. Қий-чув, шовқин-сурон...
— Сал сурилинг, ака! Э, яшанг, яна бир сантиметр!..
— Ўв, секинроқ! Кўз қаёқда, оёқни эздинг-ку, номард?!
— Қани, қани, яна жиндек сурилинглар-чи, азаматлар! Битта яхши одам қолиб кетмасин! 
— Э, қаёққа чиқаман? Оёқ қўядиган жой йўқ-ку, амаки!
 — Шу-у... аптобусни резинкадан ишлаб чиқарилса бўлмасмикан-а! Ҳаммамиз сиғиб кетардик!..
Буларга қўшимча микрофон орқали гапираётган ҳайдовчининг бўғиқ товуши қулоққа чалиниб қоларди: 
 — Агар эшиклар ёпилмаса, ҳеч қаёққа қимирламайман!..
Боз устига қўлига бир даста пул ушлаб олган бақалоқ чиптачи хотин ҳам ҳали олд, ҳали орқа эшик олдида чирқиллагани-чирқиллаган эди:
— Йўл ҳақи тўлашни унутманглар! Автобусга сиғмай қолганлар хафа бўлишмасин. Орқадан бошқаси келяпти... Ҳо-ой, сизни чиптангиз қани яхши, йигит? Қани, қани, тез-тез қимирлай қолинглар! График бузилмасин. Орқа эшик ёпилмагунча автобус юрмайди. Чиқинглар, чиқа қолинглар!..
 — Қаёққа чиқамиз, опа? — дейман бўғилиб. — Томига чиқиб бўлмайди-ку, ахир?
— Буниси менинг ишим эмас, — дейди у. — Чиқинглар! Бўлмаса, ортиқча йўловчилар тушиб қолишсин!
— Тўғри айтасиз, — ҳиринглайди эшикка осилиб турган талаба йигитчалардан бири. — Шу, битта одам ортиқчалик қилиб турибди-да!
— Ким ортиқча? — дўриллаб бўйнини чўзади унинг орқасида осилиб турган барзанги йигит.
— Сизни айтмаяпман-ку, ака, — бўйнини қисади талаба йигитча.
— Қани азаматлар, яна бир уриниб кўрайлик! Қолган-қолди, кетган-кетди! — хитоб қилади бошқа бир йўловчи.
... Ҳансираш, чираниш, инқиллаш, оҳ-уҳ бошланди ва ниҳоят эшиклар ғирчиллаб аранг ёпилди. Автобус йўлга тушди. Бир бекат юрди, икки бекат. Негадир бақалоқ чиптачи хотиннинг овози эшитилмай қолди.
— Тўғри, битта одам ортиқча экан! — енгил нафас олди йўловчилар...

Эркин Усмон

Драбллар | Қисқа ҳикоялар

#ибрат

Шифокорлар Босния президенти Али Иззатбегович тўшаги қатидан, вафотидан олдин ўз қўли билан ёзган мактубни топиб олишди. Қоғозга бўшноқ тилида қуйидаги мазмунли байт ёзилганди:

"Ўзингга насиҳат... Агар бошинг осмонларга етган бўлсада, барибир ниҳоянг ўлимдир. Агар шарқу ғарбни кезган бўлсангда, ибтидойинг сокинликдир.

Ҳаётингда кўп меҳмонларга пешвоз чиққан бўлсангда, сен хоҳламаганинг бир меҳмон ҳам  қўноғинг бўлур. Ўлимдан кейинги ҳаётингни бошлашингчун, ҳамма нарса тугайди. Бу олам ҳам ўлади.. Шунинг учун тўғри йўлда юр!!".

https://tttttt.me/drabllar

#ибрат

Фотиҳ Султон Меҳмет Хон болалигида жуда шўх, тўполончи бир ўқувчи эди. Дарс вақтида қилган тўполонлари билан устози Оқшамсиддинни жаҳлини чиқарар эди. Устози унга танбеҳ берса, дарҳол: "Мен подшоҳнинг ўғлиман, ҳеч нарса қилолмайсан", дейишдан ҳам тоймасди.

Сўнгра бу ҳақида устози Оқшамсиддин отаси Мурот Иккинчига маълум қилади, Отаси эса унга пичирлар бир режасини айтади.

Эртаси куни Меҳмет дарсда яна тўполонини бошлайди. Устозининг танбеҳига одатдагидек, отаси билан таҳдид жавобини беради. Айни шу пайт тўсатдан эшик очилиб, подшоҳ ичкарига киради. Бу ҳолатдан ғазабланган Оқшамсиддин подшоҳга қараб бақиради. Бир тарсаки уриб дейди: "Ҳеч ким дарс вақтида ичкарига бундай тарзда кириши мумкин эмас".  Изн сўраб кириши лозимлигини айтиб, ташқарига ҳайдайди.

Подшоҳ маҳжуб шаклда бўйнини эгиб, узр сўрайди ва ташқарига чиқади. Бу ҳодиса қаршисида Меҳметнинг тили калимага келмай, нима қилишини билмай қолади. Ишонгани - подшоҳ отаси кўз ўнгида тарсаки еган эди. Меҳметнинг ички дунёси ағдар-тўнтар бўлганди.

Бир оздан сўнг эшик тақиллайди, ва подшоҳ ҳижолатли ҳолатда ичкарига узр сўраб киради. Режа ажойиб шаклда амалга ошган эди. Ўша кундан сўнг, Меҳмет асло ярамаслик қилмади.

P.S.: Устозга шундай ҳурмат қилишни ўргатишгани учун Меҳмет келажакда буюк фотиҳ бўлди. Биз эса болаларимиз кўз олдида устозларини беҳурмат қилаётганимиз учун улар кетмонга даста ҳам бўлишолмаяпти...

https://tttttt.me/drabllar

Гарвард талабаларини руҳлантириш учун қандай гаплар айтилишини биласизми? Ўқинг, сизга ҳам фойдаси тегади!

• Ҳозир ухласанг, албатта, орзуларингни тушингда кўрасан. Агар уйқунинг ўрнига ўқишни танласанг, орзуларингни ҳаётда кўрасан.
Қачонки сен ҳаммасига жуда кеч бўлди деб ўйласанг, аслида ҳали эрта бўлади;
• Ўқиш азоби — вақтинчалик. Билмаслик азоби — абадий;
• Ўқиш — бу вақт сарфлаш эмас. Ўқиш — ҳаракат қилиш;
• Ҳаёт фақат ўқишдан иборат эмас. Ҳаётнинг мана шу қисмини ҳам босиб ўта олмасанг, нимага ҳам қодир бўла олардинг?
• Қийинчилик ва тинимсиз ҳаракатдан роҳатлан;
• Кимки ҳаммасини эрта қилса, ўзининг муваффақиятидан ҳаққоний роҳатлана олади.
• Ҳаммасига улгуриш имконияти барчага берилмаган, лекин муваффақият ўз устида ишловчи ва муаммоларни тезда ҳал қиладиганларга келади;
• Вақт учади. Ҳозирги сўлагинг эртага кўз ёши бўлади;
• Агар сен бугун пиёда юришни хоҳламасанг, эртага югуришга мажбур бўласан;
• Келажаги учун нимадир қиладиган одам реалистдир;
• Сенинг топадиган пулинг – олган билиминг даражасига пропорционал;
• Бугун ҳеч қачон қайтиб келмайди.
• Ҳозир, ҳатто, душманларинг очларча китобларни варақламоқда;
• Қийинчиликларсиз мақсадга етиб бўлмайди.

https://tttttt.me/drabllar

Соғлиқ ва бойлик тиламанг, омад тиланг, ахир, Титаникда деярли барча бой ва соғлом эди, аммо омад эса камчиликка кулиб боқди.

© Уинстон Черчилл

https://tttttt.me/drabllar

РАШК

Ўлим ёқасидаги аёл эридан сўрабди:
- Мен ўлсам қанча вақт ўтиб уйланасиз?
- Қабринг қачон қуриса, ўшанда.
- Ваъда берасизми?
- Ҳа.
Маълум вақтдан кейин аёл вафот этибди. Эр ҳар куни аёл қабрига борар, аммо қабр ҳеч қуримас эмиш.
Эр бир куни тунда қабр олдига борса, аёлнинг укаси қабрга сув қуяётган экан. Нега бундай қилаётганини сўраса
- Опам ҳар куни қабримга сув қуйгин деб васият қилганлар - деб жавоб берибди...

P.S.: Биласизми шунақа инсонлар бор  вужуди билан севади, фақат ўзиники бўлишини хоҳлайди. Шунақа инсонингиз бўлса қадрига етинг!

https://tttttt.me/drabllar

Кекса одамнинг кампири вафот этибди.
Шундан сўнг у одам кўзойнагини тақишдан воз кечибди.
Сабабини сўрашганда у шундай жавоб берибди:
- Ундан кейин қарашга арзирли бир нарса қолмади...

https://tttttt.me/drabllar

Энг қисқа филм

"Дунёнинг энг яхши 10 дақиқалик фильми" унвонини олган қисқа метражли филмни кўриш учун кинотеатрга одамлар йиғилди. Фильм бошланди ҳамки катта экранда уйнинг оппоқ шифтидан бошқа ҳеч нима кўринмасди. Тўртинчи дақиқада ҳам шу аҳвол, бешинчида ҳам.

Саккизинчи дақиқада ҳам шифтдан бошқа ҳеч нарса йўқ эди, одамлар бетоқатлана бошлади, баъзилари кинотеатрни тарк этди, баъзилари кетган вақтига ачинди. Тўққизинчи дақиқада экранда ҳасталик туфайли бир умр фалажликка маҳкум бўлган бола ва унинг ётоғи кўринди.

Экрандаги ёзув: "Бу болакай яна неча йилларни шу зайлда давом эттиради, сиз эса 8 дақиқа чидолмадингиз... "

P.S.: Сиз-чи, сиз! Оёқ-қўлингиз саломатлиги учун шукрона айтдингизми!?

https://tttttt.me/drabllar

Бир кишининг яккаю ягона ўғли бор экан. У балоғат ёшига етибди. Бир кун отасидан қандай касб танлаш ҳақида маслаҳат сўрабди:
— Бирор касбни танлашинг ўзингга боғлиқ, — дебди ота.
— Энг яхши касб ўғрилик бўлса керак, — дебди ўғил.
— Майли, кўшнимизнинг қўчқорини ўғирлаб кўр-чи, — дебди ота.

Ўғил қўшнисининг қўчқорини ўғирлаб келибди. Отаси ўзини хурсанд кўрсатиб:
— Яша, ўғлим, зўр иш қилдинг. Энди иккимиз маза қилиб уйдан чиқмай шу қўйни еймиз.

Ота-ўғил бир ҳафта маза қилишибди. Кўйни батамом еб бўлишгач, ўзларини тарозига тортишибди. Ота ўн кило семирибди, ўғил эса ўн килога озибди. Ўғил ҳайрон бўлиб отасига боқибди. Ота кулиб:
— Эй нодон, сен ўғирлаган қўйнинг пулини ўша куни кўшнига бериб кўйганман. Шунинг учун, хотиржам семирдим. Сен бўлса бир ҳафта азоб ичида яшадинг! Шу сабаб оздинг. Ўзингга ҳалол касб танла, шунда у дунёйинг хам, бу дунёйинг ҳам обод бўлади, — дебди.

https://tttttt.me/drabllar

​​Эр ва хотин бирга 30 йил умр кечиришди. 30 йиллик ҳаёти давомида аёл ҳар куни эрталаб ширмой нон ёпар эди. Бу иш анъанадек бўлиб қолганди. Нонушта вақти аёл ширмой нонни ўртасидан кесиб, икки қисмига ҳам сарёғ суртди-да, одатдагидек ноннинг тепа қисмини эрига бераётганда бирданига тўхтаб қолди...

У ўйлади:
- Бирга яшаганимга 30 йил тўлган бу кунда, ширмой ноннинг мен яхши кўрадиган седанали, қизариб пишган тепа қисмини ўзим ейишни хоҳлайман. Мен буни 30 йил мобайнида егим келди, ахир. Шу кунгача у учун намунали аёл бўлдим, ажойиб фарзандларни тарбия қилдим, қариндошларини иззат, дўстларини ҳурмат қилиб келдим. Вафодор, яхши бека бўлиб, уй хўжалик ишларига қарадим, оиламиз учун қанча- қанча куч ва соғлигимни сарф қилдим. Ҳозир эсимга келмаётган бўлса ҳам, яна кўплаб яхши ишларни қилгандим... Шундай экан ширмой ноннинг тепа қисмини менинг ҳам ейишга ҳаққим бор...

Ўз фикрини маъқуллаб, 30 йиллик анъанани бузиб, ширмой ноннинг паст қисмини эрига узатди. Кутилмаган ўзгаришга нисбатан эр:
- Азизам! Бугун мен учун нақадар бебаҳо совға қилдинг. Буни қарагина, ширмой нонниниг менга севимли бўлган паст қисмини емаганимга ҳам 30 йил бўлибди. Бу қисмини ҳар эрта ейишни хоҳлар эдим, лекин ширмой ноннинг ширин бўлган паст қисми сениниг ҳаққинг бўлганлиги ва мен сенга ҳар доим яхшисини илинганим учундир, - деб аёлига миннатдорчилик билдирди...

Аёл аслида яхшилик эгаси ким эканини тушуниб, табассум билан қалб тубидан шукр қилибди...

https://tttttt.me/drabllar

Ҳар тонг, уйқидан туриб, фикрла: "Бугун менинг омадим келди, - мен уйғондим. Мен ҳаётман, менда мана бу бебаҳо инсон ҳаёти бор ва мен уни беҳуда сарфламайман".

©️ Далай Лама

https://tttttt.me/drabllar

Бир мусофир одам тунда йўлда адашиб, бир одамнинг эшигини тақиллатиб, бир кеча тунаб қолишни сўрабди. Мусофир одам уйга кирса, уйда битта шолча ва жойнамоздан бошқа ҳеч нарса йўқ экан. Шунда мусофир қизиқсиниб савол берибди:
— Нимага уйингизда битта шолча билан жойнамоздан бошқа ҳеч нарса йўқ?
— Ўзингиз нимага ортиқча нарса олволмадингиз!?
— Ахир, мен мусофир бўлсам, ортиқча нарса олиб, сафаримни оғирлаштириб нима қиламан!?
— Ана, кўрдингизми, мен ҳам бу дунёда мусофирман. Ортиқча нарса менга ҳам оғирлик қилади...

https://tttttt.me/drabllar

Ёшликда, талабалик даврида — сиз ҳали ҳеч ким бўлмаган, ўзаро муносабатлар фақат тенглик ва самимият асосига қуриладиган даврда пайдо бўлган дўстлик ҳақиқий дўстликдир. Шу пайтда орттирган дўстларингиз чинакам оғайниларингиздир.

©️ Ш.М.Мирзиёев

https://tttttt.me/drabllar

Луқмони ҳаким занжи қул эди. Бир яхши одам уни хизматкорликка сотиб олди. Луқмон бир қанча вақт хожасига хизмат қилиб юрди. Хожаси бир куни унинг оқиллигини синаб кўриш учун қўй сўйиб, энг ёқимли жойни олиб келишни буюрди.

Луқмони ҳаким қўйни сўйиб, унинг юрагини ва тилини кесиб келди. Бир неча кундан сўнг хожа қулига яна бир қўйни сўйиб, энг ёқимсиз жойни олиб келишни буюрди. Луқмони ҳаким қўйни сўйиб, яна унинг юраги ва тилини олиб келди. Хожаси ҳайрон бўлиб:
— Бу ишингни қандай тушуниш керак? — деб сўради. Луқмони ҳаким жавоб берди:
— Дунёда энг ширин нарса — покиза юрак ва ширинсўз тилдир.
Дунёда энг ёқимсиз нарса — бемеҳр тош юрак ва иғвогар тилдир.

https://tttttt.me/drabllar

• Сенга жон берилган вақтда Аёл қорнида эдинг.
• Йиғлаганингда, Аёл Бағрида эдинг.
• Ошиқ булганингда эса Аёл қалбида эдинг.

Аёл омонатдир. Эркаклар ..

Имтиҳонга кирганда саволларни ўқийсиз, жавобларни бир чизиққа тизасиз. Ёзишга ҳозирлик кўрасиз. Энди ёза бошлаганингизда: "Бўлди имтиҳонга ажратилган вақт тугади, қоғозларни топширинглар" деган овоздан чўчиб тушасиз. Энди ёзишни бошладим-ку, дея ғудраниб, қоғозларни топширасиз. Ҳаммаси тугади. Озгина берилган имконият учун келажагингиз ҳал этилади. Нимадандир ё мўъжизадан умид қилиб, чиқиб кетасиз.

Умримиз ҳам шунақа...

https://tttttt.me/drabllar

Ҳазрати Мавлоно Румий қуддиса сирруҳу:
- Хафа бўлма! - дейдилар ва яна шундай давом эттирадилар: - Сенга нисбатан ноҳақлик қилган ҳеч кимсадан жаҳлинг чиқмасин, Аксинча:
• сенга садоқатни ўргатганлари учун, сенга хиёнат қилганларга ташаккур эт;
• рост ва ёлғонни ажрата олишлик имкониятини берган ёлғончилардан, миннатдор бўл;
• бахтиёрликни янада чуқурроқ ҳис эттирганлари ва ҳар кимнинг ҳаётига муҳаббат тушунчаларини олиб кирганлари учун, сени бахтиёр эта олмаганларни дуои хайр қил;
• "қора"лар "оқ"ни фарқлаш учундир...

Ҳаёт мана шу сабаблар билан яна ҳам гўзалдир...

https://tttttt.me/drabllar

Ёш бола сартарошхонага кирди. Сартарош уни кўриши билан ўз мижозларига вайсай кетди:
- Қаранглар. Бу дунёдаги энг аҳмоқ бола! Ҳозир мен буни исботлайман.

Сартарош бир қўлига 1 долларни, иккинчи қўлига эса 25 центни олиб боланинг ёнига чақирди ва ундан қайси бирини оласан, деб қўлидаги пулларни кўрсатди. Бола ўйлаб ҳам ўтирмай 25 центлик пулни танлади. Шунда ҳамма кулиб юборди. Бола пулни олиб сартарошхонани тарк этди.

Бундан хайрон бўлган бир мижоз бола ортидан югуриб унга етиб олди ва ундан нега бундай қилганлиги сабабини сўради. Шунда бола:
- Сэр, мен 1 долларлик пулни танлаган куним ўйин ўз ниҳоясига етади, лекин мен буни хоҳламайман.



https://tttttt.me/drabllar

#кулгидрабл

— Дадаси, дубилникни соат 5га
қўйниг.
— Дубилникмас, ўқимаган. Бубилник...

п.с: Сиз қандай бўлсангиз, хотинингиз ҳам шундай бўлади!

https://tttttt.me/drabllar