📚"Ali va Nino": Batumicha hayot yoxud ishq afsonasiga o'zbekcha qarash

Qurbon Said "Ali va Nino"da ikki din vakillarining bir-biriga oshiqligi orqali o‘sha jamiyatning xarakterini, muammolarini ko‘rsatib berishga urinadi. Ishq bilan omuxta qilingan vatan tushunchasini odamning ensasi qotmaydigan bir shaklda e’zozlashga undaydi...

Batafsil o'qish:👇

https://telegra.ph/Ali-va-Nino-07-14

🖋Qora qalam - adabiyot haqida!

ДЎСТ

– Мен сени дўстинг бўлмоқчиман!
– Бор-е..
– Илтимос, мени ўзингга дўст қил.
– Йўқ, кет..
– Дўстинг бўлай...
У унинг ортидан тинмай юраверди. Ташқаридан қараганлар унинг бу инсонда нима иши бор экан, деб ҳайрон бўлишлари табиий эди.
– Кел, дўст бўламиз!
– Йўқ, дедим-ку!
– Дўст бўлсак, яхши эди-да..
У тинмай ушбу таклифини қайтараверди, у таслим бўладиганга ўхшамасди.
– Мен дўстинг бўлишни хоҳлайман...
– Йўқ, бўлмайди!
– Дўст бўлақолайлик!
– Бўлмайди...
– Дўстинг бўлай!
– Йўқ, дедим-ку!!! - у бироз овозини баланд қилди, - кет, дедим, бор!
У хафа бўлди.
– Мен шунчаки, дўстинг бўлишни хоҳлагандим..
У хафа бўлганини сезиб қолди.
– Хафа бўлма, мен сен билан дўст бўлолмайман...
– Нега, нега мен билан дўст бўлолмайсан?
– Мен сен билан дўст бўлганимдан кейин, сен ҳақингда қайғуришим керак, сени ўзимни яхши кўргандек яхши кўришим керак, яхши ва ёмон кунингда сен билан бирга бўлишим керак, булар ҳали бошланиши, - деди ҳалиги бир дона ҳам дўсти йўқ одам, - мен буни уддалай олмасам керак деб қўрқаман, кечир, - деди-ю, дўстлик таклиф қилган одамдан узоқлашди...

Аҳмад Али Муҳаммад

Драбллар | қисқа ҳикоялар

БАХТ ҲАҚИДА БАЛЛАДА

Мен бахтни кўрганман. Кўрганман. Аниқ.
Ўрдада ногаҳон келган рўбарў.
Қиш куни. Палтога олган ўраниб,
Бесас бир ҳайратда қотганман: – Вой-бў!..

Йўлкалар четида баланд чинорлар,
Қатор тизилишган. Беҳаракат. Жим.
Донг қотган бекатлар, қорлар, шиорлар...
Аммо бахт эканин билмаган – ҳеч ким.

Бахт жуда чиройли эди! Чиройли!
Чиройли! – совуқда юзин яшнаши.
Ҳатто қор пойида ғирчиллар эди,
Танини эзса ҳам ўткир пошнаси.

Юзи теграсида рўмоли – туман.
Бир учи кифтига ташланган эди.
Лолликдан бошқа ҳол бўлган эди манъ –
Уни кўриб бу иш бошланган эди.

Мен бахтни кўрганман. Кўрганман. Аниқ.
Ҳатто кўзларимиз учрашган бир зум.
Ўртада бўлмаган салому алик,
Фақат лабларига қўнган табассум.

Шу тарз ўтиб кетган ёнимдан. Ташхис:
Жоним чиқмасликка у дам яраган.
Ўгрилиб қарасам, ортимга илкис,
Ишонинг-ишонманг, бахт ҳам қараган!

Шундан буён менга бу дунё бир пул!
Номард ғалвалари беролмас озор.
Юрагим эрта-кеч шеър билан машғул –
Бахтни учратганман! Нима ғамим бор!

Ёниб кириб келсам (юришим – сарбаст!) –
Фасод давраларга – ғийбат тинади,
Ахир, менга ҳеч ким келолмайди бас –
Бахтга дуч келганим барча билади.

Мардлигим билишар (дўсту ёв огоҳ!):
Нечун “юр” деб бахтни қистамаганман,
Бахтни этмаганман не учун ҳамроҳ?..
Бебахт бўлишини истамаганман.


© Усмон Азим

https://tttttt.me/drabllar

Бола эдим.
Онамга «Дарахтга чиқаман, ёрдам беринг!» дедим. «Биров чиқариб қўйган жойдан тушолмайсан, қулайсан» деди.

Бир умр бу гапни унутмадим...

https://tttttt.me/drabllar

Бир каттакон амалдор йиғилишда.
— Мана, ўртоқлар, кризисни бошдан ўтказаяпмиз, бу йил гўшт маҳсулотларининг нархи ошиб кетиш арафасида, шунга қандай чора кўрасизлар?

Ҳамма жим турса, бир отахон туриб:
— Энди кўпрок ишлашимизга тўғри келади. Кунига 8 соат эмас 12 соат ишлаймиз.
— Яшанг, отахон. Кейинги йил сут маҳсулотларининг ҳам нархи ошиб кетса, нима киласизлар?

Яна ҳамма жим, бироз вакт ўтиб, ўша отахон туриб:
— Унда 12 соат эмас 16 соат ишлаймиз.
— Барака топинг, отахон. Ҳамма шу отахондек фикр қилиши керак. Айтайлик ундан кейинги йил нон маҳсулотларининг ҳам нархи ошса, унда нима чора кўрасизлар?

Отахон яна туриб:
— Агар шундай бўлса, ноилож 24 соат ишлашга мажбурмиз...
— Барака топинг, ота. Кечирасиз, сиз ўзи нима иш қиласиз, отахон?
— Гўрковман, болам, гўрков...

https://tttttt.me/drabllar

Гапиришни ўрганиш учун одам боласига икки йил кифоя. Тилни тийишга ўрганиш учун олтмиш йил керак.

©Расул Ҳамзатов

https://tttttt.me/drabllar

#Табассум

Бир фақиҳ вақти-вақти билан шифти қисирлаган товуш чиқарадиган уйда ижарада турар экан. Уйнинг эгаси ижара пулини сўраб келибди.
Фақиҳ: ʼʼУйнинг шифтини тузатиш керак, қисирлаган товуш чиқаряптиʼʼ, дебди.
Уйнинг эгаси: ʼʼҚўрқма, у Аллоҳга тасбеҳ айтяпти!ʼʼ, деб жавоб берибди.
Шунда фақиҳ: ʼʼТасбеҳ айтса-ку, майли, лекин ҳушуъга берилиб, сажда қилиб юборишидан қўрқаман-да!ʼʼ, деган экан. 

Доктор Оиз Қарнийнинг "Табассум қилинг" китобидан

https://tttttt.me/drabllar

                 ТЎҒРИЛИК

Совчи дер: — Отахон, берингиз дуо,
Жуда тўғри йигит бўлғуси куёв.
Ота дер: — Тўғрилик яхши-ю, аммо
Бундайлар рўзғорин боқолмайди-ёв.

                               2008 йил 22 июль

✍️Абдулла Орипов

https://tttttt.me/drabllar

Ичиб олиб хар куни уйида жанжал кўтарадиган ва ичкилик сабаб оғир дардга чалинган бир ароқхўрнинг ўғли онасига қараб айтди:
— Ойижон, мен катта бўлсам жудаям кўп ича оладиган кучли йигит бўламан!

Бу гапдан қўрқиб кетган она, кўзлари ола-кула бўлиб фарзандидан сўради:
— Нималар деяпсан, болам?
— Агар бутун дунё ароқларини ичиб юбора оладиган йигитга айлансам, фарзанди бор бошқа дадалар ичмайди ва, хеч бўлмаса, уларнинг дадаси ичкиликдан касал бўлмайди! Тўғрими, ойижон?

Она бу гапдан маюс тортиб, деворга суяниб қолди. Касалликдан қийналиб нариги хонада ётган ота бу гапни эшитиб, жимгина йиғларди...

Хулоса ўзингиздан!

https://tttttt.me/drabllar

Ҳаётимизда учта энг муҳим инсон бор:
— отамиз;
— онамиз;
— устозимиз.

• Агар пул билан муаммо бўлаётган бўлса, демак отамиз билан муаммо бор.
• Агар жамиятдаги обрўйимизга путур етаётган бўлса, онамиз билан муаммо бор.
• Агра илмда ўсиш бўлмаса, устоз билан муаммо бор.

Шу учаласини рози қилмаганча ҳаётда биров бирор нарсага эриша олмайди.

https://tttttt.me/drabllar

#ибрат

АЧЧИҚ ҲАҚИҚАТЛАР

• Негадир доим кўнглимизни оғритгандан эмас - кўнглимизга қарайдиган инсонлардан аламимизни оламиз...
• Бизни севганларга озор берамизу - севмаган инсонларга пояндоз бўламиз...
• Тўғри йўл кўрсатганни ёмон кўрамизу - эгри йўлга бошлаганни ортидан доим қолмаймиз...
• Яхши кўрган яқинларимизга, касал биродарларимизга вақтимиз йўғу, етти ёт бегонаникига ошга боришга ҳар доим вақт топамиз...
• Оиласи ночорроқ синглимизга ҳар хил бахоналар билан ёрдам бермаймизу лекин - халқни кўзига қозон - қозон ош қилиб зиёфат берамиз...
• Ота - онамизни ҳафтада бир бора кўриб келишга фурсат йўқ - аммо улфатлар билан ўтиришга ҳар доим ҳам тайёрмиз...
• Аёлимизга бир неча калима ширин сўзимизни аяймизу - лекин кўчадаги аёлларга гўзал калималар орасидан гўзалларини аямаймиз.
• Озгина пулимизни йўкотиб қўйсак қанча асабимиз бузилиб хафа бўламизу - аммо хеч қандай бойликка сотиб олиб бўлмайдиган вақтимизни арзимаган нарсаларга сарфлаётганимизга ачинмаймиз..

https://tttttt.me/drabllar

#Табассум

Аёл эрига деди:

- Нима сабабдан никоҳдан олдин менга касодга учраганингни, фақир, камбағал эканингни айтмадинг?

- Сенга миллион марта менинг бу дунёда сендан бошқа ҳеч нарсам йўқ, деб айтдим. Сен бўлсанг соддагина бўлиб кулиб қўявердинг.

https://tttttt.me/drabllar

Яшашни ёш боладан ўрганинг...
• ҳеч сабабсиз табассум қиладилар;
• йиқилсалар, дархол ўрнидан туриб кетадилар;
• қизиқтирган нарсасини англаб етмагунларича уларни хеч нарса тўхтата олмайди;
• асло қўрқувни билмайдилар;
• уришиб койисангиз хам, хафа бўлиб, гина қилмайдилар, дарҳол унутадилар.

https://tttttt.me/drabllar

Аҳмоқ инсоннинг икки ҳислати орқали аниқлаш мумкин:
биринчиси, у ўзи учун умуман алоқаси йўқ нарсалар ҳақида кўп сўрайди;
иккинчиси, ундан сўралмаган нарса ҳақида кўп гапиради.

©️ Платон

https://tttttt.me/drabllar

#ибрат

ҚАЛБ ЧАРЧАЙДИ

Ҳазрати Али каррамаллоҳу важҳаҳу Хайбар дарвозасини бировнинг ёрдамисиз бир қўлда суғуриб олиб қалқон қилган эдилар. Расулуллоҳ саллоллоҳу алайҳи ва салламнинг озод қилган қуллари Абу Рофиъ бу дарвозани саккиз киши бўлиб ердан уза олишмаганини айтган.

Аммо Али розиёллоҳу анҳу Фотима розиёллоҳу анҳонинг тобутини кўтарганда "Менга ёрдам беринглар!", деганлар.

Иш севган кишингга боғлиқ бўлганида қалбинг чарчайди, қадамларинг оғир бўлиб қолади!

©️ Абдулқодир Полвонов

P.S.: Севганларингизни эҳтиёт қилинг!

https://tttttt.me/drabllar

ЯХШИ ГУМОНДА БЎЛИНГ!

Уч дўст кечаси йўлда кетаётиб, йўл четида бир кишининг ўра қазиётганини кўриб қолишибди.

Шунда улардан бири шерикларига: “Қаранглар, ана у киши йўлнинг чеккасида ўра қазияпти. Менимча, у кимнидир ўлдирган бўлса керак, тунда кўммоқчи шекилли?!”, дебди.

Иккинчиси: “Йўқ, йўқ, у киши қотил эмас! У киши ҳеч кимга ишонмас экан, шунинг учун мол-мулкини кечаси одамлардан яшириб беркитяпти шекилли”, дебди.

Учинчиси эса уларга қараб: “Ундай ҳам эмас, бундай ҳам эмас. Бу киши солиҳ инсон, бу киши одамлар фойдаланиши учун қудуқ қазияпти”, дебди.

Ҳа, ҳар бир инсон ўзининг ҳолатидан келиб чиқиб фикр юритади. Яхши инсон ўзга одамлар ҳақида яхши гумонда бўлади. Ёмон инсон эса ўзгалар ҳақида ёмон гумонда бўлади.

https://tttttt.me/drabllar

Йиғламасдан ўқий олмайсиз...

Бир кишига қўнғироқ қилиш сабаб, телефоним контактидан унинг рақамини қидирар эканман, бошқа рақам эгасига кўзим тушиб қолди. Кўзим тушди-ю, этим жимирлади, бутун вужудимни қайғу қамраб олди. Бу рақам эгаси билан туғилганимдан буён бирга эдим. Ўн ой аввал ҳам кунда кун олис суҳбатлашиб турардик.

Рақамга кўзим тушаркан, аламли хотиралар бирин-кетин кўз олдимдан ўта бошлади. Чидаб бўлмади, ўпкам тўлиб кетди, чуқур-чуқур хўрсинардим. Афсус чекардим. Бу рақам эгаси, менинг раҳматли падари бузрукворим эди.
Манашу рақамдан дадам хаётликларида, ҳар доим ҳам эмас, онда-сонда:
— Иқболжон болам, телефонимни пули тугаб қолади-да, иложи бўлса беш-ўн минг пайнет қилиб юборгин, — дердилар.
— Хўп бўлади, дада.

Алам қиладигани, армон қиладигани, баъзи-баъзида ўзим билан ўзим бўлиб (дунёвий ташвишларга берилиб), айтган илтимосларини унутиб қўйган кунларим бўлганди. Ўзлари телефонларига пул тушириб, яна қўнғироқ қилардилар. Телефон экранида рақамларини кўришим билан бояги илтимослари ёдга тушиб, "эҳ эсимдан чиқибди-ю" деганча коловланиб, қўнғироқни олганимда:
— Иқболжон! Хавотир олма, ўғлим, ўзим пул тушириб олдим, ишларингни қилавер, фақат эҳтиёт бўлгин! Бошинг омон бўлсин! — деб дуо қилиб қўярдилар.

Аламли хотираларни ёдга олар эканман, қанчалар бепарво эканлигимдан хафа бўламан, ўпкам тўлиб, кўзларимдан ёш думалаб, экрандаги "Дадам" деб ёзилган телефон рақамига думалайди. Хаёлга бериламан. Қани энди хозир шу рақамдан қўнғироқ бўлсайди, 34 йиллик таниш овоз жаранглаб:
— Ўғлим, яхшимисан? Ишларинг бўляптими? Қийналмаяпсанми? Бизлардан хавотир олма, биз яхшимисиз, ўзингни эҳтиёт қил, болам! — десалар.

Йўқ, энди қўнғироқ бўлмайди! Қўнғироқ бўлмаслигини билганим учун ҳам бугун чуқур қайғудаман! Жаннатларда кўришишлик насиб қилсин, дадажон!

P.S.: Ота-онаси ҳаёт бўлган дўсти биродарларим, сизлар бахтлисизлар! Ҳаммаси ўз қўлингизда, имкон борлигида уларга эътиборсиз бўлманглар! Сиз учун оддий кўринган, анашу пайнет мисол кичик ҳолатлар, улар ўтгандан кейин катта бир армон бўлиб қоларкан. Ҳар қандай ишни йиғиштириб бўлса ҳам уларнинг, хоҳ катта бўлсин, хоҳ кичик илтимосларини қўлларингдан келганча бажо келтиринглар, кейин жуда-жуда кеч бўлади...

©️ Иқбол Юсуф

https://tttttt.me/drabllar

Отахондан сўрашди:
— Тўйни эркак тараф қилиши нима?!
— Суннат.
— Тўйни келин тараф қилишичи?!
— Бидъат.
— "Куёв чақирди"?!
— Исроф.
— "Юз очар"?!
— Яхшимас.
— "Келин салом"?!
— Макруҳ.
— "Куёв салом"?!
— Туррей, ўлганинг тузук...

©️ Ғолиб Сафо

https://tttttt.me/drabllar

#ибрат

Мулойим бўлсанг, латта экан деювчилар топилади. Қаттиққўл бўлсанг, бемеҳр, бағритошга чиқаришади. Илмдан гапирсанг амал ҳам қилиш керак дейишади. Амал қилсанг олдин яхшилаб ўрган дейишади.

Бидъатларни тарк қилсанг ваххобийга, зикрларни кўпайтирсанг сўфийга чиқаришади.
Мақтасанг маддоҳ бўласан, танқид қилсанг ичи қорага айланасан.

Ҳақни гапирсанг ўрнимас дейишади, Индамасанг қўрқоққа чиқаришади.
Бой бўлсанг ҳаромдан топган, камбағал бўлсанг дангаса бўласан.

Одамлар шундай биродар. Улар барибир гапиришади. Улар барибир тинч қўйишмайди.
Улар барибир рози бўлишмайди.
Сен уларга кўп ҳам аҳамият берма!
Сен сени Яратганни рози қилишга урин!
Сенга ҳақиқий баҳони У қўяди.

© Нишондаги гаплар

https://tttttt.me/drabllar