‍ ‍ ‍
مەبارک جەژنەت، یانەت ئاوا بۆ
دەن٘گی مەعنەویت، خود٘ای یاوا بۆ

ئانە گیاندارا، ڕازی بۆ چەنەت
مەعسییەت گرد٘ش گێڵابۆ وەنەت

پێسەو وەهاری ڕەن٘گین بۆ دڵت
نەسیسیۆ باخ و گۆڵزار و گۆڵت

سۆبح و وێرەگا، هەر یالەیل واچی
بە میقرازی سەبر، مۆشکڵات پاچی

#حامی_غەریبی
٭٭٭٭٭٭٭٭٭٭٭٭٭٭٭٭٭٭٭٭٭
بە نامێ خود٘ای مێهرەبانی و بێ هەمتای!

مسڵمانە بەڕێزەکا،
ئەندامە وەشەویسەکاو کاناڵەو؛
#دەنگوو_دیوه زناوی

وێڕاو سڵامێوە گەرمی بە قووڵایی دڵی،
ئاگادارتا کەرمێ، سەبا یەکشەمە ٤ـوو "چێڵکڕی/جۆزەردان"، (۱)ـوو مان٘گەو شەوواڵ ـوو ۱٤٤۱ـی کۆچی مان٘گی ـین و یەکەم ڕۆ جەژنەو پیرۆزەو #ڕەمەزان ـین.
پی بۆنەوە جە لایانوو کاناڵەو #دەنگوو_دیوه زناوی، پیرۆزبایی وێما پێشکەشوو شمەی ئازیزی و سەرجەم مسڵمانا جیهانی و بەتایبەت خەڵکوو مسڵمانوو کوردەواری هەر چوار پارچەو کوردستانی ڕەن٘گینی، کەرمێ.
جە خود٘ای گەورەی داواکارێنمێ تاعەت و
عیباد٘ەتوو گردیما قەبووڵوو درگانەو "حەق تەعالا"ـی بۆ. سپاس پەی اللە ـی مۆتەعالی کە مۆڵەتش دایمێ تا مێمانداری مان٘گەو پیرۆزوو #ڕەمەزان ـی کەرمێ و جە خزمەتشنە بیمێ.

جارێوەتەر جەژنەو #ڕەمەزان ـیتا پیرۆزە
بۆ، تا ساڵێوەتەر و "ڕەمەزان"ـێوەتەر گردیتا بە خود٘ای بێ شەریکی مسپارمێ،
خود٘اتا چەنی، ماڵئاوا🙌
٭٭٭٭٭٭٭٭٭٭٭
اللە اکبر، اللە اکبڕ، اللە اکبر!
لا الە الا اللە، واللە اکبر، اللە اکبر!
وللە الحمد🌹🌹🌹🌹
٭٭٭٭٭٭٭٭٭٭٭٭٭٭
جەژنەتا پیرۆز/جەژنتان پیرۆز
عیدتان مبارک، عیدکم مبارکُُ🌹

🌹 دەنـــــــــگـوو دێــــــــــوەزناوی🌹
💜💜 @divaznav 💜💜

▪️شۆناسوو یەرە کۆڵبەرە کۆشیاکا جە ڕووداوو هۆروێڵیاو "پژۆ"ـەکەی جە ملەگاو #تەتە ـی وارتەر جە سێڕاو مڵەندووی[داڵانی]، پیجۆرنە:👇
#حامێد_عەبدۆڵڵاهی
#جەبار_ئەسەدی
#بەختیار_ئەیوازە
▪️ئی کۆڵبەرا، خەڵکوو دەگایەکاو؛
#گۆمارەلەنگ #تووەسووران و #قەڵاشێخان ـینێ.
▪️شۆناسوو یەرە کۆڵبەرە زامد٘ارەکا هشتای میدیایی نەکریان بەڵام، جە نەوەشخانەو شاروو #پاوە ـینە ئینێ چێروو چەمداری پزیشکینە.
▪️جە لایانەو کاناڵەو #دەنگوو دیوه زنا یـوە پەرسە و سەروەشی و هامخەمیما هەن جە بنەماڵەو ئی کۆچکەردا. خود٘ای گەورە بەخشۆشا و بریندارەکایچ شەفا بد٘ۆ. ئامین

🌹 دەنـــــــــگـوو دێــــــــــوەزناوی🌹
        🍀🌸@divaznav🌸🍀