#حەکایەت

⭕️جە مان٘گەو #ڕەمەزان ـینە چن گەنجێ، پیرەمەردێوەشا دی کە پەنامەکی دوور جە چەموو خەڵکی خەریکا چاشتی وەرۆ.
واتشا پەنە:
"هەی کابرا، مەگەر تۆ ڕۆچێ نییەنی؟"

پیرەمەردەکە واتش:
"چی نا، ڕۆچێنا بەڵێ بەڵام، تەنیا ئاو و نان وەروو."
جوانەکا خوێش پەنە و واتشا:
"بەخود٘ا برا سەیرا؟"

پیرەمەرد واتش:
"بەڵێ؛ دروێ مەد٘ەو، گول وردوو کەسی مەبووە، بە حیچکەسی گاڵتە مەکەروو، دژمانی بە کەسی مەد٘ەو، کەسی عەزیەت و ئازار مەد٘ەو، چەموو تەماعێم بە ماڵوو کەسی نییا و.........
وەلێم چوون نەوەشی ناعەلاجم هەن، بەداخەوە مەتاوو "مەعیدە"ـیم، ڕۆچەوان کەروو."

دماو ئانەی، پیرەمەرد بە گەنجەکا واتش:
"شمە چێش؟ ئایا شەمەیچ ڕۆچێندێ؟"

یۆشا جە حاڵێوەنە کە خەجاڵەتیێنە سەرەش وستەبێرە، یەواشێوە واتش:
"ناوەڵڵا، ئێمە تەنیا نان مەوەرمێ!!!!"


🌹 دەنـــــــــگـوو دێــــــــــوەزناوی🌹
💜💜 💜💜