HisobMate bilan umumiy xarajatlar endi muammo emas

🏷Dekabr oyida bo‘lib o‘tgan “Founders Circle” startap asoschilari uchrashuvida ko‘plab startaplar o‘z loyihalari bilan ishtirok etdilar. Ular orasida Abbos Ibrohimov ham o‘zining “HisobMate” startapi bilan qatnashdi.

❓HisobMate qanday muammoni hal qiladi?

Bugungi kunda Toshkentda minglab talabalar va yosh mutaxassislar ijara uylarda yoki jamoada birga yashashadi. Har kuni tushlik, ijara yoki kommunal to‘lovlarni hisob-kitob qilishda chalkashliklar yuzaga keladi. Eng yomoni yaqin odamdan pul so‘rashdagi noqulaylik.

❗️Loyiha nimalarga qodir?

HisobMate — umumiy xarajatlarni avtomatik boshqarish uchun eng qulay yechim. Loyiha asoschisi Abbosning ta’kidlashicha, ilova bir qator afzalliklarga ega:

➡️Tezkorlik - qarzdorlikni soniyalar ichida hisoblaydi;
➡️ Avtomatlashtirish - eslatmalarni inson emas, balki tizimning o‘zi avtomatik yuboradi;
➡️Smart funksiya - QR-kod orqali chekdagi summani guruh a’zolariga avtomat taqsimlaydi.

✅“HisobMate xonadoshlar va hamkasblar o‘rtasida moliyaviy shaffoflikni ta’minlashga va kundalik hayotni soddalashtirishga xizmat qiladi”, — deydi loyiha asoschisi.

👨‍👦‍👦Tadbir doirasida Abbos yangi strategik hamkorlar bilan tanishib, loyihani yanada rivojlantirish uchun yangi aloqalarni yo‘lga qo‘ydi.

➡️Videoni Youtube kanalimizda to'liq talqinda tomosha qiling


🌐Sayt 🚀Telegram 🔵Facebook
📷 Instagram 🎬YouTube 🎰Linkedin

Har yili “Besh million sunʼiy intellekt yetakchisi” dasturi doirasida 5 ming nafar harbiy oʻqitiladi

⚜️Bu haqda, Oʻzbekiston Respublikasi Prezidenti, Qurolli Kuchlar Oliy Bosh Qoʻmondoni Shavkat Mirziyoyev raisligida 13-yanvar kuni Xavfsizlik kengashining mamlakatimiz harbiy xavfsizligi va mudofaasini mustahkamlash masalalari boʻyicha kengaytirilgan yigʻilishida aytib oʻtildi.

➡️Xabarga koʻra, har yili 5 ming askar saralab olinib, “Besh million sunʼiy intellekt yetakchisi” dasturi doirasida oʻqitiladi.

➡️Askarlarga muddatli harbiy xizmatni oʻtash davrida harbiy qismning oʻzida oliygohga oʻqishga kirish uchun imtihon topshirish imkoniyati yaratiladi.

➡️Test sinovlaridan muvaffaqiyatli oʻtib, talabalikka qabul qilingan askarlar muddatli harbiy xizmat yakunlanishi bilan oliygohda oʻqishini boshlaydi.

➡️Shu bilan birga, armiyadan qaytib, oliy oʻquv yurtlarida tahsil olmoqchi boʻlgan yoshlarga xorijiy til va fan sertifikati olish xarajatlari qoplab beriladi.

🌐Sayt 🚀Telegram 🔵Facebook
📷 Instagram 🎬YouTube 🎰Linkedin

14 yanvar – Vatan himoyachilari kuni!

📖O‘zbekiston Respublikasi Qurolli Kuchlari tashkil topganiga 34 yil to‘ldi. Vatan taraqqiyoti va ravnaqi yo‘lida astoydil mehnat qilayotgan barchaga mustahkam sog‘liq, uzoq umr tilaymiz.

🎉Bayram muborak bo‘lsin!

🌐Sayt 🚀Telegram 🔵Facebook
📷 Instagram 🎬YouTube 🎰Linkedin

Kompensatsiya qilinadigan xalqaro AT-sertifikatlar ro‘yxati yangilandi

🏷Qadrli yoshlar, Sizlarning talablaringiz hamda yangi raqamli texnologiyalar tendensiyalarini inobatga olgan holda, kompensatsiya qilinadigan xalqaro AT-sertifikatlar ro‘yxati yangilandi.

🔰Yangilangan ro‘yxatga hozirda talabgir bo‘lgan kiberxavfsizlik, sunʼiy intellekt, bulutli texnologiyalar, ma’lumotlar ilmi hamda maʼlumotlar tahlili kabi yo‘nalishlar qo‘shildi.

🔗Eslatma: 2026-yil 14-yanvarga qadar avvalgi ro‘yxat bo‘yicha o‘qib, sertifikat olingan, o‘quv kurslari va imtihon xarajatlari uchun to‘liq to‘lov qilingan shartnoma va unga muvofiq amalga oshirilgan to‘lov kvitansiyasi taqdim qilingan taqdirda (31-martga qadar murojaat qilinsa), kompensatsiyalar avvalgi ro‘yxat asosida qoplab beriladi.

📝Xalqaro AT-sertifikatga o‘qish va olish xarajatlarini kompensatsiya qilish uchun arizalarni my.gov.uz portali orqali yuborishingiz mumkin.

🌐Sayt 🚀Telegram 🔵Facebook
📷 Instagram 🎬YouTube 🎰Linkedin

Seero — kuchli xotira va to‘g‘ri metodika

💠 Toshkent shahridagi Turin politexnika universiteti talabasi Muhammadayub Alibekov “Founders Circle” startap asoschilari uchrashuvida o‘zining “Seero” startapi bilan qatnashdi.

❓Seero qanday muammoni hal qiladi?
Tadqiqotlarga ko‘ra, insonlar yangi o‘rgangan ma’lumotlarining qariyb 70 foizini bir hafta ichida esdan chiqarishadi. Bu talabalar, til o‘rganuvchilar va mutaxassislar uchun eng katta to‘siqdir.

❕Loyiha nimalarga qodir?
Seero - inson xotirasi va diqqatini ilmiy asoslangan algoritmlar yordamida rivojlantiruvchi startap. Kuchli xotira tug‘ma emas, to‘g‘ri metodika natijasidir. Loyiha asoschisining ta’kidlashicha, loyiha bir qator ustunliklarga ega:

➡Bo‘laklash — ma’lumotni kichik va oson qismlarga ajratish;
➡Oraliqli takrorlash — ma’lumotni unutilishidan oldin qayta takrorlash;
➡Faol eslash — shunchaki o‘qish emas, miyani eslashga majburlash;
➡Assotsiativ yodlash — obraz va bog‘lanishlar orqali oson yodlash;

⚜Tadbir doirasida yosh mutaxassis yangi strategik hamkorlar bilan tanishib, loyihani yanada rivojlantirish uchun yangi aloqalarni yo‘lga qo‘ydi.

➡Videoni Youtube kanalimizda to'liq talqinda tomosha qiling

🌐Sayt 🚀Telegram 🔵Facebook
📷 Instagram 🎬YouTube 🎰Linkedin

Dasturlash men uchun shunchaki kasb emas — Javohir Raxmonberganov

⚜️Bugungi qahramonimiz Javohir. U 18 yoshda va “Muhammad al-Xorazmiy vorislari” loyihasi bitiruvchisi hisoblanadi. Hozirda Javohir Toshkentdagi xalqaro Westminster universitetining birinchi bosqich talabasi.

✅Javohir frilanser dasturchilik qilib oyiga oʻrtacha $500 daromad topmoqda. Uning dasturlashga boʻlgan qiziqishi karantin paytida boshlangan.

🔗“O‘sha paytlarda boshqalar yozgan kodlarni tahrir qilib, o‘rganardim. Hali ham eslayman birinchi topgan daromadim 30 ming so‘m edi. 5-6-sinf o‘quvchisi edim. Bu natija menga kuch, ishonch va yangi orzular berdi”, - deb eslaydi u.

⚡️Batafsil videolavhamizda tomosha qiling!

🌐Sayt 🚀Telegram 🔵Facebook
📷 Instagram 🎬YouTube 🎰Linkedin