#شعرگیلکی(هیمه )

بوما چله زمستون هوا سرما دکته
نسیم باد بزا همه جا تعرمی بگیته


بشوم بیرون بدعیم وارش نم نم دگیته
چی چول دوم آب هنه صدا وگیته


برر خاخور بشم داز و لاخوند وگیتیم
هیمه وسئر بشیم دامون دکتیم


هیمه فچیم دوکول بار بزعیم کولاکوت
بیعردیم کله چال دگودیم قشنگ سوت

✍ #رمضان_نظرتواسونی
۱۳۹۷/۱۱/۷

❤️دیارمن رودسر❤️
@diarmanrodsar

🔰 #شعرگیلکی(سیم آخر )

می دل خَنه مِلجه وَکوم پر بزنوم
بی أم شمی محله دل سر بزنوم


فَک چاکونوم کندوجِ بامِ چاچِ بُن
سری به اون خانه بی در بزنوم


اِندی بَگِردُم جیر و جارِ باغِ دل
خَسِٓه بابام جیک جیکِ گَتّر بزنوم


تی باغِ برگ و بار همه طلا دَرِه
دَسٓی به اون کیسهِ پُر زَر بزنوم


دانه بریزی زِمی حالِ دور و بر
جیب پُر هابا شلوارِ لَم بَر بزنوم


خشکِ زِوان خَسٓه نفس بیأم اوجه
لبی به اُون پیالهِ تر بزنوم


دَس به دعا پاکوتِنا تی خانه دل
گُر بگیرُم به سیمِ آخر بزنوم


دل دِبیسُم تی باغِ برگ و بارِ سر
سُبُک وَکوم نارِنجِ می گَر بزنوم


شعر 📜 و خوانش🎧🎤

#سیداسحق_فاطمی تنکابن

❤️دیارمن رودسر❤️
@diarmanrodsar

‍ #شعرگیلکی«سرد زمسسون»

هوا سردِ زمین سردِ زمون سـرد
می سینهکی دِلی داد وفغـون سـرد


می چشمون د بدر، سَرشو زومسسون
می دل سردُ می چشم سردُ می جون سرد

📝بهروزهاشم پور(هلامان)

❤️دیارمن رودسر❤️
@diarmanrodsar