دەروون سەرچەمەی ئاوی سەراوەن
شەفاف و بێ‌گەرد چمان شەتاوەن

جه بنچەق سافەن سەردەن گەواران
مەکەرۆش لێڵاو هام‌دەمی یاران

هام‌دەمی و سوحبەت یارانی ئێ دەیر
کەسش نەکەردەن عاقیبەت به خەیر

هەر دۆسێوەم گێرت ئجیام تاسەمەن
نەزانام دژمەن دەسەکاسەمەن

بی به نەشتەر و ئەشکاواش ئازام
زام ئاوەرد دەروون زام وە بانی زام

هەر زامێ سەدٚ زام نیا وە دەروون
ڕۆحم زایف بی ڕەوانم زەبوون

وەیلانی یاران بێ‌ماوا و بێ‌شۆن
هەتا قیامەت زامشان به سۆن

«خادٚم» کەی عاقڵ نا چەنی یاران
عاقڵ کەسێوەن تەنیاش ویاران


#خلیفه_محمد_کردستانی
#هامفردان
#خه‌رمان

@dangenoryav