چَقاچَق جفتِ گیلاسِت وَبِن گوش
سیاتی شو وَ تُر پاتا کفن پوش
تو بوری باوِشی اَژ گُل بِنو لا
وهاری بار وُ بیتی‌تِرمَرِین بوش!

دَمِت باخِ شقایق اَر بِنارَه
شقایق ئِه دِلا داخی هِزاره
مِه اَژ داخِ دَمِت سُزیامَه بوری
بوری داخی بِنَر داخِم دووارَه

یِه گِلْ تیر اَژ کَمون بِرمَه مَکیشی
گِلی گیس اَر دَمون دِلمَه مَکیشی
یِه گل تا کاسَه چَم ساتورَه ماری
گِلی هَر بی اَمون سورمه مکیشی

شراو اَر جومِ جمشیدِت وَ تیمار
بوری برشن خراوِم ئِه خَمِت یار
وَ زلفِت سازِ دل اَر پَرده جوری
بِگردِن تا بوازن شیت وهوشیار

گِلابارا گلابارا گِلارا
تو وِژتَر چَم بِلاگِرتی نَشارا
گلابارا چَمِت ار ناز بِقویچن
اَرا درمون دِلَل کُل هایمَه دارا
نَچو بوری بِچویچن لارَه شوگار
رَشی زلفت بِگِر بِرشِن عه وارا
گلارا گَرتِ دویری پِشتَه داسی
تو بیل جارو بِکیم دَرمال خدارا
توبوری تا گُلاو اَرگُل بپوریم
چَکاچَک کُلکُلاو اَرگوش وهارا
گلارا لا بِگِر پات اَرگِلارَم
دَسِم اَر دَس بِگِر جا نِیلَه جارا

وَخِر بالات بام یا گه بامَه خِر
کَلکَه دِل جامه باو دسم بگر
چنی چن ساله سیلت وَ لافَه
گوشه چئم تونو مِنِ گوشه گِر

سیلِت ؛ نگاهت
لاف ؛ سیلاب
کلکه ؛ ویرانه

#باخ_لیمو

بَخَل آکه دِراخَل باخِ لیمو

دَمِت بارو بِریژِن شاخِ لیمو

فقیری ئِه وِلاتَل دویرِ عشقم

بَراتِم دَه وَماچی کاخِ لیمو

#رضا_رضائی
🙏🙏🙏
#چمچمال
https://telegram.me/joinchat/DPzMfj6Hl8xZBe4wC8y0Yw