Па невядомых прычынах зачынілі цэнтральную прахадную «Белшыны» – паведамляюць працоўныя.

Меркавана, каб людзі не збіраліся ў адным месцы. Выпускаюць з заводу і ўпускаюць праз іншыя прахадныя.

Крыніца: гледачы @belsat

Журналістка Алена Доўнар выходзіць на волю з ізалятару на вуліцы Акрэсціна ў Менску пасля 30 сутак арышту.

Відэа: ТК / @belsat

⚡️КДБ Беларусі заявіў, што экстрэмісцкія дзеянні пратэстуючых можна кваліфікаваць як акт тэрарызму.

Крыніца: БелТА

Зміцер Дашкевіч: «Я ніколі не быў у такіх умовах за ўсю гісторыю сваіх зняволенняў у розных месцах Беларусі».

Актывіста затрымалі 25 кастрычніка, ноч ён правёў у ІЧУ, а сёння на судзе распавёў: «Змясцілі ў карцар, не дазволілі адшпіліць ложак ад сцяны. То-бок спаць прапанавалі на голым халодным бетоне. Запытаўся ў начальніка ІЧУ, ці гэта па законе, той сцвярджае, што так, гэта нібыта законна. Змыў не працуе, вады ў карцары няма зусім, не далі нават бутэльку вады, каб змыць туалет«.

Крыніца @nashaniva

На плошчы Якуба Коласа ў Менску працягваюць стаяць людзі ў ланцугу салідарнасці.

Відэа даслалі чытачы @belsat

Сёння ў Пінску а 16.00 каля медыцынскага каледжа 15 жыхароў горада выйшлі і сталі ў ланцуг.

Частка людзей сышла пасля папярэджання міліцыі аб магчымым затрыманні. Пасля гэтага міліцыянты зʼехалі. Прыблізна 7 чалавек засталіся стаяць.

Крыніца: гледачы @belsat

У спісах цэнтру "Вясна" ўжо 207 імёнаў тых, каго схапілі сёння сілавікі.

Калі вас ці вашых блізкіх затрымалі, паведамляйце праз тэлеграм-бот @viasna_bot ці на гарачую лінію: +375 44 734 45 51

Пенсіянерам Віцебску не атрымалася сабрацца разам у адной кропцы.

На фота прысутнічае жанчына, якая адмовілася падтрымліваць «рублём» крывавы рэжым у дзяржаўнай арганізацыі і сышла па ўласным жаданні.

Крыніца: гледачы @belsat

Жыхары менскага мікрараёна Захад-4 разбураюць мур.

Відэа даслалі чытачы @belsat

Вядомая беларуская баскетбалістка Алена Леўчанка вылецела на лячэнне ў Грэцыю.

Яна планавала зрабіць гэта яшчэ 30 верасня, але тады спартоўку затрымалі наўпрост у аэрапорце і асудзілі на 15 содняў за ўдзел у мірных маршах.

Крыніца: @vybory_smotri

Да Завадскога РУУС прыехала машына хуткай дапамогі

Крыніца @spiski_okrestina

Калона моладзі выйшла ад плошчы Незалежнасці ў бок Кастрычніцкай. Відэа ад гледачоў @belsat

У Магілёве на заяўленым месцы збору – плошчы Леніна – людзей няма.

Але стаіць мікрааўтобус з АМАПам і машына ДАІ. Некалькі АМАПаўцаў праводзяць размову з мужчынам.

Крыніца: @belsat

Як толькі калона прайшла плошчу, сілавікі зачынілі праход.

Фота даслалі гледачы @belsat

Міліцыя затрымала менчука, які «зліваў» дадзеныя сілавікоў у сеціва.

Па дадзеных СК 25-гадовы менеджар дзяржпрадпрыемства выкарыстоўваў службовае становішча, збіраў і распаўсюджваў канфідэнцыйныя звесткі грамадзян.

Супраць яго распачалі крымінальную справу за ўмяшанне ў дзейнасць супрацоўнікаў органаў унутраных спраў. Таксама ў ходзе расследавання дзеянні падазраванага будуць правераны на прадмет выдавання камерцыйнай таямніцы, а таксама распальвання сацыяльнай варожасці або розні.

У дачыненні да фігуранта абрана мера стрымання ў выглядзе заключэння пад варту, ён актыўна супрацоўнічае са следствам.

Крыніца @pressmvd