У 13-й гімназіі, у якой нядаўна завуч зганяць выкладчыкаў на праўладны мітынг, вучні таксама вырашылі зрабіць акцыю падтрымкі гэтым настаўнікам, студэнтам і рабочым. Выйшлі на перапынку пасля першага ўрока. Да іх адразу спусцілася адміністрацыя, завуч і дырэктар, акцыю забаранілі, вучняў некалькіх па адным выклікалі, адразу тэлефанавалі бацькам.

Крыніца: чытачы @belsat

У МДПЛ №10 студэнтам пагражваюць адлічэннем за ўдзел у забастоўцы.

Студэнтам пагражаюць «адлічэннем без разгляду», а таксама пераконваюць, што бел-чырвона-белы сцяг - сцяг «нацыстаў».

Крыніца: @belsat

Студэнты, якія пратэстуюць у дворыку БДУ, сталі ў ланцуг салідарнасці на вуліцы Ленінградская.

Крыніца: @belsat

Відэа таго, як спрабавалі разагнаць студэнтаў у дворыку БДУ, а яны пасля гэтага перакрылі вуліцу Ленінградская.

Крыніца: @belsat

Гімназія #3 🤗

Відэа гледача @Belsat

Выбухі каля ПВТ.

Відэа гледача @Belsat

Што адбываецца на некаторых заводах Беларусі?

МАЗ і МТЗ. Страйкоўцы раніцай хадзілі маршамі па заводах, нягледзячы на ціск кіраўніцтва. На абодвух прадпрыемствах рабочыя плануюць зноў выйсці на тэрыторыю пасля абеду. Рабочыя МТЗ, як і раніцай, хочуць прайсці маршам па цэхах.
МЭТЗ. Тут забастоўка пачалася яшчэ ноччу. Цяпер на заводзе спынены асноўныя цэхі. У 16-м цэху працаўнікі выставілі кіраўніцтву патрабаванні: адстаўка Лукашэнкі, спыненне гвалту і вызваленне палітвязняў.
ММЗ. Тут раніцай таксама збіраліся страйкоўцы на тэрыторыі прадпрыемства. Працаўнікоў запалохвае кіраўніцтва завода – пагражаюць звальненнем, калі акцыі працягнуцца. Таксама актывісты паведамляюць пра ператрусы на працоўных месцах.
«Гродна Азот». Нягледзячы на жорсткія захады сілавікоў і ўгаворы кіраўніцтва, так і не перадалі змены ў цэхах «Аміяк-3» і «Карбамід-4». Адміністрацыя двойчы спрабавала пераканаць актывістаў прыступіць да працы – але марна, працаўнікі стаяць на сваім. Актывісты паведамляюць, што два згаданых цэха – гэта палова магутнасцяў усяго заводу.

Крыніца: @belsat

Ланцуг Салідарнасці у Менску каля Асмалоўкі!

Фота: чытачы @belsat

Такі картэж стаяў у 13:30 каля 5-га корпусу БДЭУ на вуліцы Свярдлова. Ва ўнутраным дворыку БДУ, які знаходзіцца праз дарогу, сілавікі раз-пораз спрабуюць разагнаць студэнтаў, але няўдала.

Крыніца: @belsat

Менскія настаўнікі ратуюць аўтарытэт настаўніцтва! Паслухайце іх зварот! 👩‍🏫👨‍🏫

Відэа гледача @Belsat

Студэнты БДУКІ спяваюць «Тры Чарапахі».

Відэа гледача @Belsat

💥Галоўнае на гэты час:

- Страйкі працаўнікоў на прадпрыемствах па ўсёй Беларусі.

- Студэнты падтрымалі рабочых і таксама аб’явілі страйк.

- Міліцыянты спрабуюць разагнаць студэнтаў.

- На рабочых ціснуць і патрабуюць спыніць забастоўкі.

СТРЫМ! Масавая забастоўка пачалася. 79 дзень пратэстаў: https://www.youtube.com/watch?v=13_l1alMLBM


Крыніца: @belsat

На свабоду выйшаў магілёўскі медык, за якога заступіліся гараджане. Андрэй Вярбіцкі адбыў 26 содняў арышту

Сёння ў Андрэя адбыўся трэці суд за ўдзел у мірнай акцыі пратэсту. Сваякі і сам Андрэй былі гатовыя да чарговых содняў, але суддзя Аксана Ратнікава абрала іншую меру пакарання – штраф 20 б.в.

«Я думаў, накінуць яшчэ 10 содняў, але рады, што гэтага не адбылося. Зараз няма асаблівых думак, толькі хутчэй дадому, да сям'і. Хачу павіншаваць дачку з Днём нараджэння, які прайшоў, пакуль я быў на соднях», – сказаў Андрэй на выхадзе з ізалятара.

Справа Андрэя Вярбіцкага атрымала моцны рэзананс праз жорсткае затрыманне мужчыны. На пратэсце 27 верасня яго збілі, а праз пару дзён змясцілі ў ізалятар.

Пакуль Вярбіцкі сядзеў на соднях, жыхары Магілёва ладзілі акцыі ў яго падтрымку. За якія іх таксама затрымлівалі і судзілі.

Андрэй падаў заяву ў Следчы камітэт па факту свайго жорсткага затрымання, адказу пакуль не было.

Крыніца: @belsat

⚡️Менск. Шмат бусаў і адзін аўтазак праехалі зараз па Ленінградскай, дзе страйкуюць студэнты.

Крыніца: @belsat