Працяг суду над Аленай Леўчанкай.

Суддзя зачытвае сведчанні міліцыянта, які сцвярджае, што спадарыня Леўчанка ішла па пр-це Пераможцаў, трымала ў руках плакат «Народ – чэмпіён», і ўдзельнічала ў складзе групы грамадзянаў у несанкцыянаваным шэсці.

Абаронца Алены патрабуе выклікаць сведку ў суд. Але суддзя ахіляе гэтую просьбу.

Крыніца: @belsat

Бацькі Алены Леўчанка здолелі паглядзець на сваю дачку праз манітор толькі на адлегласці 10 метраў.

Чаму так – ім нават не патлумачылі.

Крыніца: @belsat

Прысуд Алене Леўчанка будзе агалошаны а 14:30.

Крыніца: @belsat

Студэнты МДЛУ ізноў выйшлі на акцыю.

Відэа: @MSLUstud

Легенда Купалаўскага тэатра, Заслужаны артыст Беларусі Георгі Маляўскі ўпершыню за 50 гадоў пагадзіўся згаліць вусы, каб сыграць Петруся Броўку ў серыяле «Лабірынты» на Белсаце!

Пакуль праходзяць здымкі, паглядзіце фільм пра Юдаля Пэна, настаўніка Марка Шагала, дзе Маляўскі ў галоўнай ролі яшчэ з вусамі: https://www.youtube.com/watch?v=ytYtwip2Gqk&feature=emb_title

❗️Адвакатку збітага ўладальніка кветкавай крамы Максіма Харошына пазбавілі ліцэнзіі.

Крыніца: @kyky_org

Канада ўвяла санкцыі супраць беларускіх чыноўнікаў, як рэакцыю на агромністыя і масавыя парушэнні правоў чалавека ў краіне.

Але ў спісе няма Лукашэнкі, Ярмошынай і іншых высокапастаўленых людзей.

Крыніца: Government of Canada

Хлопцу з відэа адарвала ступню ў ноч з 10-га на 11-е жніўня ля ст.м. Пушкінская, каля яго ўзарвалася светлашумавая граната.

У Чырвонага касцёла ў Менску збіраюцца ўдзельнікі маршу людзей з інваліднасцю.

Відэа: @belsat

⚡️ Алене Леўчанцы далі штраф у 30 базавых (Br 810).

Крыніца: @belsat

Прычынаю спыненне адвакацкай ліцэнзіі Юліі Леванчук стала асабістая перапіска.

З рашэннем яна не згодная, плануе абскарджваць яго ў судовым парадку. А да суда яна яшчэ будзе з'яўляцца членам Берасцейскай абласной калегіі адвакатаў

«Да моманту разгляду справы ў судзе я не хацела б дзяліцца падрабязнасцямі, усё ж такі гэта ў далейшым будзе прадметам судовага разбору. Магу сказаць толькі, што прычынаю стала асабістая перапіска».

Крыніца: TUT.by

Журналістку з Віцебску Алену Шабуню, якая супрацоўнічае з «Белсатам», сёння аштрафавалі на 5 базавых велічынь (Br 135).

Яе судзілі за ўдзел у «несанкцыянаваным масавым мерапрыемстве».

Крыніца: @belsat

Рэакцыя маці Алены Леўчанкі на прысуд.

Відэа: @radiosvaboda

Моцны плакат на марша людзей з інваліднасцю.

Фота даслалі чытачы @belsat