☕️ Вітаем, шаноўныя!

Сабралі для вас найбольш цікавыя матэрыялы «Белсату», які вы маглі прапусціць:

🔸 «Ары як конь, нараджай як кошка

Улады «пацешылі» беларусак у Год беларускай жанчыны ідэяй забараніць аборты ў прыватных медцэнтрах. Як беларускі адрэагавалі на прапанову чыноўнікаў.

🔸 Чаго чакаць ад трохбаковай сустрэчы ЗША, Украіны і Расеі

Выглядае, што ў гэтым міратворчым аб'яднанні амерыканскі прэзідэнт можа рабіць стаўку больш на свае інтарэсы, чым на рэальнае ўрэгуляванне канфліктаў.

🔸 «Не верце ў беларускую абыякавасць»

Што гаварыў на сустрэчы ў Вільні палітык і былы палітвязень Павел Севярынец.

На фоне мірных перамоваў Расея нанесла масіраваны ракетна-дронавы ўдар па Украіне

▪️ У выніку атакі ў Кіеве вядома пра загінулага і чатырох пацярпелых. На левым беразе ўкраінскай сталіцы ўзніклі перабоі з цепла- і водазабеспячэннем.

▪️ У Харкаве дроны ўдарылі па жылых дамах. 14 чалавек, сярод іх дзіця, пацярпелі.

📍 Чытайце па спасылцы

💥 Ранішняе шоу на «Белсаце»

Сёння пагаворым пра аварыі на цепласетках, «спажывецкі кошык», які не адпавядае рэальнаму жыццю, і палітычнае ўмяшанне ў працу ЖКГ.
Таксама гаворым пра мужчынскае здароўе, фізічную актыўнасць і спосабы выжыць у зімовых маразах.

Далучайцеся да нашага эфіру!

У Расейскіх Чэбаксарах згарэў аўтобус вядомай маркі🤗

Узгаранне адбылася 22 студзеня прыкладна 16:00. Загарэўся маторны адсек аўтобуса МАЗ.

Заўважыўшы дым, кіроўца экстранна спыніў транспарт і выпусціў пасажыраў. Абышлося без пацярпелых.

🇩🇪 Нямеччына адмовіла ў прытулку расейскаму дэзерціру Георгію, які тройчы ўцякаў з фронту

Мужчыну мабілізавалі на вайну супраць Украіны ў верасні 2022 году. Ён уцёк з фронту, але яго злавілі і змясцілі ў «падвал для адмаўленцаў». Мужчына ўцякаў яшчэ двойчы і ўрэшце дабраўся да Нямеччыны.

Аналітыкі праекту «Прощай, Оружие» лічаць, што нямецкія чыноўнікі паставілі пад сумнеў існаванне катавальных падвалаў, у якіх незаконна ўтрымліваюць расейскіх вайскоўцаў, і палічылі, што пры вяртанні ў Расею Георгію і яго сям’і пагражае не больш як штраф.

📍 Чытайце па спасылцы

🪖У гомельскай вобласці пачалі будаваць вайсковы палігон коштам больш 500 млн рублёў

Будаўніцтва буйнога вайсковага палігона пачалі ў раёне чыгуначнай станцыі Якімаўка ў Рэчыцкім раёне — паведамляе «Флагшток».

Гэта пацвярджаюць звесткі з дзяржаўных закупак і спадарожнікавыя здымкі, на якіх відаць высечку лесу. Паводле тэндэраў, работы па высечцы лесу мусяць завяршыць да канца сакавіка 2026 году. У 2026 годзе на палігон плануюць выдаткаваць 15 мільёнаў рублёў, а асноўныя сродкі — у 2027–2028 гадах. Побач таксама будуецца вайсковы гарадок у раёне вёскі Прыбор.

Эксперты мяркуюць, што палігон звязаны з узмацненнем вайсковай прысутнасці на поўдні Беларусі пасля пачатку вайны ва Украіне.

😢🇱🇻 Рэгулярныя аўтобусы ў Латвію — усё

Першым закрыюць маршрут «Рыга – Віцебск» — ён перастане працаваць з 1 лютага 2026 года. Улады не ўводзяць прамую забарону на паездкі, але не падаўжаюць ліцэнзіі перавозчыкам, і пасля іх заканчэння рэйсы проста спыняюцца. Зараз у Беларусь ездзяць дзве латвійскія кампаніі, але іх дазволы сканчаюцца ў розныя тэрміны ў 2026 годзе.

Пасля гэтага рэгулярных аўтобусных зносін паміж Латвіяй і Беларуссю не застанецца, тое самае тычыцца і рэйсаў у Расею. Раней улады тлумачылі гэтыя абмежаванні пытаннямі бяспекі і ростам нерэгулярных перавозак

🔗Падрабязнасці — па спасылцы

📺 Навіны за 9 хвілін

▶️ Каб не дапусціць «венесуэльскага сцэнара»: Азаронак пра тое, чаму Лукашэнка ладзіць сакрэтную праверку арміі

🔻У Беларусі павялічылі бюджэт спажывецкага мінімуму

🔻 Жудаснае ДТЗ на М-7 каля Смаргоні: сутыкнуліся тры аўтамабілі

🔻Тры аўта сутыкнуліся ў Менску на Нямізе

🔻 Надзвычайнае здарэнне: згарэў чарговы «МАЗ» у Расеі ў Чэбаксарах

🔻 «Атлас» запусціў два новыя маршруты: «Варшава-Беласток-Горадня»

🔻 Пазняк: далучэнне ў Рады міру – карыснае для Беларусі. Пра палітку ЗША да Лукашэнкі

🔻 Перамовы ў Абу-Дабі: стрыманы аптымізм. Каментуе Уладзімір Зяленскі

🔻 Тэмы перамоваў Украіны і Расеі ў ААЭ: энергетычнае перамір’е?

🔻Чарговы ўдар па Украіне: ракеты і беспілотнікі па Кіеву

🔻Каля Горадні абвясцілі паляванне на ваўка

🔻Беларускія цяжкаатлеты будуць дапушчаныя да міжнародных спаборніцтваў

Глядзіце ў кароткім выданні навін на Белсаце 💻

🔒 Украіна, Расея і ЗША працягваюць перамовы ў закрытым фармаце

Абмяркоўваюцца дакументы, якія датычаць тэрыторый, гарантый і іншых пытанняў. Reuters адзначае, што учорашні дзень прайшоў без бачных вынікаў і прарыву не чакаюць і сёння.

«Кіеў знаходзіцца пад нарастаючым ціскам з боку ЗША з мэтай дасягнення мірнага пагаднення», – адзначае Reuters. Расея настойвае на перадачы Данбаса пад свой кантроль, а Украіна катэгарычна супраць.

Таксама ёсць непацверджаныя звесткі, што ЗША абураныя расейскімі ўдарамі па Кіеве і наваколлі.

🔗Падрабязнасці — па спасылцы

🥹 Беларус расчуліў тыкток добрым учынкам

Сапраўдны прыклад таго, што свет трымаецца на добрых людзях 🫶