🙂 Беларуская страва можа стаць спадчынаю UNESCO

Гаворка ідзе пра асянікі, якія традыцыйна гатуюць у Магілёўскім раёне і з’яўляюцца мясцовым брэндам.

«Яны нагадваюць дранікі, але акрамя бульбы ў іх дадаюць і іншую гародніну, выгадаваную на прысядзібных участках: гарбуз, моркву, цыбулю, а таксама зеляніну – кроп, пятрушку», – кажа чыноўніца Магілёўскага райвыканкаму.

А што з Беларусі ўжо лічыцца спадчынаю UNESCO, чытайце ПА СПАСЫЛЦЫ (праз VPN)

💪 Еўразвяз працягне падтрымліваць беларускае грамадства

Пры гэтым да рэжыму Лукашэнкі будзе дзейнічаць ізаляцыя – заявіла ўчора вярхоўная прадстаўніца ЕЗ Кая Калас на сустрэчы з Ціханоўскай.

Асобную ўвагу Калас і Ціханоўская надалі вызваленню палітвязняў і камунікацыі з амерыканскім бокам.

Таксама яны абмеркавалі магчымасці ўзмацнення ціску на рэжым і наступнае пасяджэння Кансультатыўнай групы ЕЗ – Беларусь.

Лідарка беларускіх дэмсілаў падзякавала за пазіцыю Еўропы адносна Лукашэнкі і за нязменную падтрымку Украіны.

🤦‍♂️ Ідэолагі напісалі пра лясы Беларусі і атрымаўся палітычны лозунг

Беларусь – краіна кветак «пад ціскам», суботнікі – «добрая традыцыя», а Лукашэнка – абаронца лясоў.

Проста пачытайце, як нават у 2025-м звычайная справаздача пра добраўпарадкаванне пішацца савецкаю моваю ПА СПАСЫЛЦЫ (праз VPN)

🇱🇹 Літоўскі ўрад увёў надзвычайную сітуацыю праз метэазонды з Беларусі

«Увядзенне рэжыму НС абумоўлена не толькі парушэннем працы грамадзянскай авіяцыі, але і інтарэсамі нацыянальнай бяспекі», – заявіў міністр унутраных спраў Літвы.

Як піша LRT, вайскоўцы змогуць правяраць дакументы ў фізічных асоб і транспартных сродкаў, праводзіць дагляд, ужываць спецыяльныя сродкі.

Нагадаем, раней Літва закрывала мяжу з Беларуссю праз шары з кантрабандай.

Мірны план па вайне ва Украіне цяпер мае 20 пунктаў – Зяленскі

Прэзідэнт Украіны распавёў, што дакумент удалося скараціць з прадстаўнікамі ЗША:

«Было 28 пунктаў, стала 20. Выраўнялі гэты кірунак і зусім адкрыта непраўкраінскія пункты выключылі. Настрой амерыканцаў, у прынцыпе, за тое, каб знаходзіць кампраміс.

Безумоўна, ёсць складаныя пытанні, якія датычаць тэрыторый. Там кампраміс пакуль не знайшлі», – распавёў Зяленскі выданню Радыё Свабода.

Украінскі лідар заявіў, што перадача Расеі тэрыторыяў немагчыма, бо парушае канстытуцыю краіны.

◼️ Падлеткі забілі нажамі 52-гадовага бабруйчаніна

Адбылося гэта яшчэ 31 сакавіка: два 16-гадовых хлопца вырашылі пад мастом пазаймацца спарынгам на нажах. На гэта звярнуў увагу мужчына, якога падлеткі прынялі за таксікамана.

У выніку, яны нанеслі яму шматлікія колата-рэзаныя раны грудной клеткі, шыі і галавы. Мужчына памёр ад страты крыві.

Пасля забойства хлопцы проста раз’ехаліся па дамах, нібы нічога не здарылася. На наступны дзень яны выйшлі на заняткі.

Цяпер стала вядома, што падлеткам прысудзілі пазбаўленне волі на тэрмін 10 і 9 гадоў з адбываннем пакарання ў выхаваўчай калоніі.

💸 Куды могуць пайсці €30 млн для «народа Беларусі»?

Нядаўна еўракамісарка Марта Кос паабяцала выдаць такую суму на падтрымку беларускага грамадства. І адбудзецца гэта, магчыма, у наступным годзе.

Аналітык Вадзім Мажэйка і Офіс Ціханоўскай распавялі, на што могуць быць выдатканыя гэтыя грошы. Чытайце ПА СПАСЫЛЦЫ (праз VPN).

📺 Навіны за 7 хвілін

🔻 МНС папярэдзіў пра выклікі надвор’я. Што чакае нас ужо на гэтых выходных?

🔻 Урад вызначыў, як і калі ў Беларусі будуць праводзіць псіхалагічнае сумоўе з педагогамі

🔻 У Беларусі прапануюць утыльзбор на сэканд-хэнд

🔻 Маштаб актыўнасці дронаў над Беларуссю

🔻 У Менску раскрылі схему продажу няісных турыстычных пуцёвак. А ў Нацбанку толькі з 1 верасня зафіксавалі 191 выпадак махлярства пры афармленні візаў або куплі «гарачых» тураў

🔻 Сталую жанчыну заціснула дзвярыма аўтобуса ў Менску

🔻 У Рэчыцкім раёне адкрываюць чарговую пляцоўку для ідэалагічна-масавых мерапрыемстваў

🔻 Зяленскі: Украіна адмаўляецца аддаваць свае тэрыторыі

🔻 У Японіі адмянілі папярэджанне пра цунамі

🔻 Асянікі з Магілёўшчыны могуць трапіць у спіс нематэрыяльнай культурнай спадчыны ЮНЭСКО

🔻 Шыпшына заквітнела ў снежні

Глядзіце ў кароткім выданні навін на Белсаце 💻

⛔️ Літва плануе адказаць дронамі на метэазонды

Армія суседняй краіны ўжо рыхтуе спецыяльныя станцыі для беспілотнікаў Dbox. Раней іх ужывалі падчас COVID-19 для маніторынгу людзей на вуліцах.

Станцыі дронаў распрацоўвае літоўская кампанія IT Logika, якая цяпер тэстуе свае БПЛА ў Саудаўскай Аравіі і ААЭ – там яны сочаць за рухам аўто.

Як гэтыя дроны могуць паляваць на паветраныя шары з Беларусі (ад выбухоўкі да лазеру) – чытайце ПА СПАСЫЛЦЫ (праз VPN).

💱 Курсы валютаў 9 снежня

Еўра сёння падрос больш як на палову капейкі, тым часам долар і расейскі рубель ледзь заўважна пайшлі ўніз.

#курсывалютаў

🤬 «Ну і што з ім рабіць?»

Пасажыр зняў кіроўцу маршруткі за дзіўным заняткам за стырном ☝️

У Расеі разбіўся транспартны самалёт, які тэставалі пасля рамонту

Гэта Ан-22 «Антэй», ягоныя абломкі знайшлі ў раёне Уводскага вадасховішча ў Іванаўскай вобласці.

Вядома, што на борце было 7 чалавек. Паводле расейскіх крыніц, усе чальцы экіпажу загінулі.

Па непацверджанай інфармацыі, самалёт таксама мог належаць да Мінабароны РФ.

❤️‍🩹 «Усмешка Машы Калеснікавай – не брэнд, а сапраўдная яна»

Менавіта так апісваюць Марыю тыя, хто працаваў з ёй штодня. У нашай праграме «Мова Нанова» былая спічрайтарка Калеснікавай Яўгенія Сугак падзялілася ўспамінамі пра яе, якія ніхто раней не чуў.

🎥 Цалкам інтэрв'ю можна паглядзець на YouTube-канале «БЕЛСАТ LIFE».

🌐 Даследаванне: 90% беларусаў маюць акаўнт хаця б у адной сацсетцы, 85% карыстаюцца TikTok

Instagram выкарыстоўвае менш за палову насельніцтва, а ў Facebook ды X сядзяць зусім мала беларусаў.

📍Вось якія яшчэ лічбы апублікавалі аўтары даследавання «Digital 2026: Belarus»

😍 Блогер пераўтварае кожную наведаную лакацыю ў частку сваёй музыкі

Паслухайце, як гучыць Швейцарыя ☝️

🇱🇹 Спецслужбы РБ пад выглядам спецслужбаў Літвы вербавалі літоўцаў?

Такую заяву зрабіў літоўскі Дэпартамент дзяржаўнай бяспекі. У ведамстве сцвярджаюць, што грамадзянам Літвы прапаноўвалі прыехаць у Беларусь і з яе тэрыторыі запусціць паветраны шар з кантрабандай у бок радзімы.

🔍 Чытайце падрабязней вось тут

☀️ «Усе ролі з цягам часу забудуцца, а застацца ў памяці пакаленняў – гэта нешта большае»

Актор Аляксандр Ждановіч хацеў адмовіцца ад ролі Маляваныча, бо думаў, што вобраз перашкаджае ягонай кар’еры. А потым здарылася нешта, што змусіла яго задумацца: а што, калі гэта і ёсць тая адзіная роля, якая перажыве ўсіх?

🎬 Гэтую гісторыю Ждановіч распавёў на нашай праграме «Раніца з Белсатам». Цалкам размову можна паслухаць на YouTube-канале «БЕЛСАТ LIFE»