💥 #галоўнае за 7 снежня

✔️ Украінцы днямі застаюцца без святла

✔️Праз забойства ў «прэс-хаце» ў Барысаве затрыманы 26-гадовы міліцыянт

✔️Якія дранікі самыя правільныя — cпыталі вядомых беларусаў

✔️ Запарожская АЭС і Данбас: спецпасланнік Трампа назваў галоўныя праблемы мірных перамоваў

✔️ Кантроль цэнаў на гародніну: чаму гэта небяспечна

✔️Акцыя беларусаў супраць гібрыднай агрэсіі прайшла ў Вільні

✔️ Бабруйскага актывіста Уладзіміра Лазарава не стала ў польскім шэлтары

✔️Разглядаецца закрыццё літоўскай мяжы для беларускіх і расейскіх аўтобусаў

✔️ У Беларусі пройдзе ваенна-патрыятычны форум для моладзі ў тыя самыя даты, што ў Расеі

✔️У Беларусі бракуе неабходнага для нованароджаных прэпарату

✔️Святлана Ціханоўская атрымала прэмію за ўклад у абарону дэмакратыі


#рэпрэсіі

▫️ У дзень юрыста мінімум 18 праваабаронцаў і адвакатаў знаходзяцца за кратамі ў Беларусі

☕️ Вітаем, шаноўныя!

Сабралі для вас найбольш цікавыя матэрыялы «Белсату», які вы маглі прапусціць:

🔸 Якія дранікі самыя правільныя?

Сабралі падборку рэцэптаў дранікаў ад усіх: ад палітыкаў да музыкаў, ад падарожнікаў да нутрыцыёлагаў.

🔸 Чым пагражае рэгуляванне цэнаў на гародніну

Урад чарговы раз бярэцца кантраляваць цэны на агуркі і памідоры. Вольга Лойка назвала гэта «фетышам Лукашэнкі» і засцерагае, што гэта можа прывесці да новых праблем на рынку.

🔸 «Сяргей злуецца, Святлана злуецца, і яны нібыта ў пастцы»

Наста Захарэвіч пра тое, як рэжым развальвае не проста сям’ю Ціханоўскіх.

⛓️‍💥 Доналду Трампу нагадалі пра нобэлеўскага лаўрэата Алеся Бяляцкага

6 снежня валанцёры магілёўскай каманды праваабарончага цэнтру «Вясна» MAYDAY і беларускія актывісты зладзілі пікет перад Белым Домам у Вашынгтоне ў падтрымку Алеся Бяляцкага.

Удзельнікі заклікалі прэзідэнта ЗША Доналда Трампа ўзмацніць намаганні па вызваленні нобэлеўскага лаўрэата прэміі міру.

Мы хацелі нагадаць пра Алеся Бяляцкага, заснавальніка і кіраўніка ПЦ «Вясна», які па палітычных прычынах да гэтага часу ўтрымліваецца пад вартай за сваю праваабарончую дзейнасць. Мы спадзяёмся, што адміністрацыя Трампа зробіць усё магчымае, каб лаўрэат Нобэлеўскай прэміі як мага хутчэй апынуўся на свабодзе

📍 Чытайце па спасылцы

📆 34 гады таму перастаў існаваць Савецкі Саюз

8 снежня 1991 году, у Белавежскай пушчы было падпісана пагадненне, якое пацвердзіла развал СССР.

Пагадненне аб прыпыненні існавання СССР у Віскулях падпісвалі найвышэйшыя службовыя асобы і кіраўнікі ўрадаў трох саюзных рэспублік: Барыс Ельцін і Генадзь Бурбуліс ад РСФСР, Леанід Краўчук і Вітольд Фокін ад УССР, Станіслаў Шушкевіч і Вячаслаў Кебіч ад БССР.

🤔 Ці могуць дэмакратыі супрацьстаяць дыктатарам?

Беларусь трымае ў закладніках літоўскія грузавікі, патрабуючы сустрэчы з кіраўніцтвам Літвы. Яе найбліжэйшы хаўруснік Расея, нягледзячы чацвёрты год жорсткай вайны з Украінай, дамагаецца абмеркавання будучага міру на сваіх умовах.

«Белсат» спытаў экспертаў, чаму сіла перамагае дыпламатыю і ці могуць дэмакратыі супрацьстаяць дыктатарам.

📍 Чытайце па спасылцы

🤦 Улады спрабавалі палепшыць паркаванне ў Менску, а зрабілі горш: цэны выраслі, двары застаўленыя

З 10 лістапада Менск падзялілі на тры зоны паркавання: чырвоная, жоўтая і зялёная – чым бліжэй да цэнтру, тым даражэй. Таксама ўлады зрабілі больш жорсткім кантроль аплаты.

Так яны спадзяваліся вызваліць частку сталіцы ад лішняй аўтамабільнай нагрузкі. У выніку шмат хто цяпер паркуецца ў «бясплатных» дварах і абочынах.

📍 Чытайце па спасылцы

💔 Гэтае відэа растопіць вашае сэрца

Бацькі вельмі дасціпна знаёмяць дзетак з рознымі краінамі свету. У нашым выпадку – з Беларуссю.

Даруем, што ім паказалі не пад нацыянальным сцягам і, можа, шмат што дзеткі з часам забудуць, але ўпэўненыя, што смак дранікаў яны запомняць.

💥Толькі на Берасцейшчыне за няпоўны год упалі 42 БПЛА, адзін узарваўся

BELPOL паведамляе, што з пачатку 2025 года ў Берасцейскай вобласці ўпалі 42 беспілотнікі, у тым ліку тры з выбуховымі рэчывамі. Адзін дрон здэтанаваў, два іншыя абясшкодзілі сапёры. Следчы камітэт у большасці выпадкаў адмовіўся заводзіць справы, і эксперты мяркуюць, што гэтыя БПЛА належалі расейскім вайсковым структурам:

Нягледзячы на наўпроставую пагрозу бяспецы грамадзян, рэжым не выстаўляе Расеі ніякіх прэтэнзіяў і робіць усё, каб гэтая інфармацыя не стала публічнай. Падыход да расследавання падобных здарэнняў паказвае, што нават надзвычайныя сітуацыі, якія патэнцыйна маглі прывесці да гібелі людзей, будуць хавацца

У іншых рэгіёнах, асабліва на Гомельшчыне, выпадкаў падзенняў можа быць яшчэ больш

🔗Падрабязнасці – па спасылцы

🇪🇺Еўразвяз у 2026 годзе накіруе 30 млн еўра на падтрымку беларускай грамадзянскай супольнасці

Пра гэта заявіла еўракамісар Марта Кос на канферэнцыі «Belarus: building foundations for democratic change» у Еўрапарламенце – паведамляе «Люстэрка». Яна падкрэсліла, што дапамога палітвязням і іх сем’ям застаецца прыярытэтам:

Вашая стойкасць і вера ў дэмакратычныя каштоўнасці ўражваюць нас. Вы з’яўляецеся прыкладам для многіх людзей у Еўропе. Мы ганарымся тым, што можам падтрымліваць вас. І мы будзем працягваць гэтую падтрымку да таго часу, пакуль у Беларусі не з’явіцца сапраўдная дэмакратыя

— перадае словы еўракамісаркі па развіццю ЕЗ выданне «Люстэрка».

Паводле Кос, з 2020 года ЕС дае шырокую падтрымку беларусам, якія пацярпелі праз дзеянні рэжыму: юрыдычную і медычную дапамогу атрымалі больш як 7500 чалавек, тысячы студэнтаў – стыпендыі, а бізнесам у выгнанні аказана фінансавая падтрымка.

Новы пакет дапамогі давядзе агульную суму еўрапейскай падтрымкі беларусаў з 2020 году да больш як 200 млн еўра.

Сродкі накіруюць праваабаронцам, ахвярам рэпрэсій, незалежным журналістам і ініцыятывам грамадзянскай супольнасці.

🔗Падрабязнасці — па спасылцы

🚘У Беларусі вырасце кошт навучання ў аўташколах

Плануецца таксама пашырыць колькасць практычных заняткаў і ўкараняць больш інтэрактыўных трэнажораў, каб палепшыць навыкі вучняў. Гэта павінна знізіць колькасць паўторных іспытаў, але зробіць навучанне даражэйшым.

Акрамя таго, могуць узрасці выдаткі на матэрыялы, паліва і дадатковыя заняткі.

Ужо цяпер у розных рэгіёнах кошт курсаў моцна адрозніваецца, у Менску ён найбольшы. Самое навучанне ў рэгіёнах будзе каштаваць ад 1200 рублёў, у Менску – да 2200. Навучанне на механіцы можа быць на 100-200 рублёў таннейшым.

🔗 Падрабязнасці — па спасылцы

📺 Навіны за 7 хвілін

🔻 Лукашэнка завяршыў дзіўнае турнэ. 12 дзён адсутнасці

🔻 Святлана Ціханоўская атрымала прэмію ў Бонне

🔻Мяжа з ЕЗ можа зноў закрыцца?

🔻Літва можа сканфіскаваць санаторый «Беларусь» за літоўскія фуры

🔻Трамп сцвярджае, што Пуцін пагадзіўся з ягоным планам

🔻Зяленскі правядзе сустрэчу ў Вялікай Брытаніі

🔻Міліцыя заахвочвае да «стукацтва» пры дапамозе Тэлеграм. Новы чат-бот «Мы всегда рядом»

🔻Таленавіты Доктар Андрэй Любецкі застаецца за кратамі

🔻Надзвычайнае здарэнне: у Гомлі гарэў «Камінтэрн»

Глядзіце ў кароткім выданні навін на Белсаце 💻

💱 Курсы валютаў 8 снежня

Долар вырас на 1.3 капейкі. Еўра таксама трошкі ўмацаваўся. Расейскі рубель страціў 1.2 капейкі за сотню.

#курсывалютаў