▪️У Гомлі застрэліўся школьнік

4 снежня адбыўся трагічны выпадак: вучань 11-га класа пасля ўрокаў вярнуўся дадому і пайшоў на самагубства.

Пра гэта паведамляе «Наша Ніва». Паводле інфармацыі выдання, хлопец выкарыстаў зброю, якая захоўвалася ў доме. Пра прычыны інцыдэнту пакуль не паведамляецца.

Актывісты пашкодзілі вітрыну, у якой захоўваецца карона Брытанскай імперыі

У лонданскім Таўэры 6 снежня чатыры ўдзельнікі акцыі кінулі ў вітрыну яблычны пірог з заварным крэмам. Двое з іх пасля гэтага паспрабавалі пакінуць месца здарэння, аднак у выніку ўсе чатыры асобы былі затрыманыя. Ім інкрымінуецца наўмыснае пашкоджанне маёмасці, і яны застаюцца пад вартай да высвятлення ўсіх абставінаў.

Адказнасць за акцыю ўзяла на сябе група Take Back Power, якая называе сябе новым негвалтоўным рухам грамадзянскага супраціву. Актывісты патрабуюць стварэння ў Вялікай Брытаніі пастаяннага грамадзянскага сходу – «Палаты народу», якая магла б увесці падатак для звышбагатых і «выправіць краіну».

Адразу пасля інцыдэнту скарбніца брытанскіх каралеўскіх каштоўнасцяў у Таўэры была часова закрытая для наведнікаў, пакуль працягваецца паліцэйскае расследаванне.

☕️ Вітаем, шаноўныя!

Сабралі для вас найбольш цікавыя матэрыялы «Белсату», які вы маглі прапусціць:

🔸 У якіх выпадках за гірлянду на вакне можна трапіць на содні

Улады Беларусі пагражаюць прыцягнуць да адказнасці тых, хто вывешвае гірлянды на вокнах «няправільна».

🔸 Ці чакаць дэвальвацыі беларускага рубля?

Беларускі рубель – адзіная валюта ў еўрапейскай прасторы, якая найбольш абясцэнілася за апошнія дзесяцігоддзі. Ці ёсць прыкметы хуткага новага абвалу? — расказвае эканаміст Андрэй Махоўскі.

🔸 «Сын кажа, што мама мацнейшая, заўсёды побач, што ўсе пытанні вырашае толькі яна»

У рамках нашага цыклу размоваў з беларускамі пра мацярынства журналістка і шматдзетная маці Алёна Дубовік расказала, як сёння жыве ў Літве і адна выхоўвае траіх дзяцей.

🔸 Рэдфлагі дзяцінства, якія не варта ігнараваць

Прыклады з гісторыі і парады экспертаў, якія могуць дапамагчы распазнаць будучага маньяка ў дзяцінстве.

☝️ Настойлівасць і рашучасць усё часцей асуджаюцца, хоць яшчэ нядаўна заахвочваліся

Беларускі сталі часцей публічна дзяліцца асабістым ды апавядаць пра гвалт і аб'юз у стасунках, як сутыкаліся з дакучлівай увагаю, жартамі на інтымныя тэмы, недарэчнымі кампліментамі і фліртам з боку мужчынаў. Чаму такіх гісторыяў з’яўляецца ўсё больш?

📍 Чытайце па спасылцы

💥 Ранішняе шоу на «Белсаце»

У сённяшнім выданні:

📌 што адбываецца вакол літвінізму і чаму гэта замінае стасункам беларусаў і літоўцаў;

📌 калядныя ўпрыгожанні з розных краін;

📌 як дзяржава плануе рэгуляваць цэны і што гэта значыць для спажыўцоў;

📌 чым жывуць беларускія сацсеткі; што змяняе эміграцыя ў жыцці беларусаў;

📌 а таксама – сапраўдныя святочныя гісторыі і добры настрой.

Далучайцеся да нашага эфіру!

🤔 У Расеі знайшлі дакладную копію менскага дзіцячага садка з Новай Баравой

У расейскай Пензе заўважылі будынак, які амаль цалкам паўтарае дызайн дзіцячага садка «Жоўты жыраф» у ЖК «Новая Баравая» каля Менску.

Я разумею, што можна зрабіць копію красовак, сумачкі ці электрагітары. Але копію дзіцячага садка я бачу ўпершыню!

– напісаў аўтар праекту, архітэктар Кірыл Скарынін у facebook

Дэвелапер «А-100», які будаваў садок у «Новай Баравой», паведаміў, што ставіцца да сітуацыі з асцярожным аптымізмам: з аднаго боку, прыемна, што праект аказаўся настолькі ўдалым, што яго капіююць.

📍 Чытайце па спасылцы

😢 Украінцы днямі застаюцца без святла

У большасці рэгіёнаў Украіны цяпер святло з’яўляецца толькі на некалькі гадзінаў: часта не больш як 12–16 на содні. Пасля новых расейскіх удараў інфраструктура моцна пашкоджаная, і аднаўленне можа заняць шмат часу:

«Сітуацыя досыць цяжкая... Мы больш не гаворым пра дні, мы гаворым пра тыдні»

– кажа кіраўнік кампаніі «Укренерго» Віталь Зайчанка

Асабліва цяжка на фронце і ў прыфрантавых абласцях, дзе адбываюцца аварыйныя адключэнні. У іншых рэгіёнах працуюць графікі пагадзінных вылучэнняў.

У Палтаўскай вобласці сёння начная атака беспілотнікаў прывяла да пажараў і праблем з падачай цяпла і вады.

🔗 Падрабязнасці — па спасылцы

👆«Пуцін не хоча, каб вайна скончылася»

Расейскі дыктатар хоча прасоўвацца далей па лініі фронту, скарыстаўшыся праблемамі з мабілізацыйным рэсурсам і энергаструктурай ва Украіне, мяркуе былая палітзняволеная Ірына Шчасная.

Згодныя з ёй?

🎥 Цалкам дыскусію можна паглядзець у нашай праграме «Карані праблемаў» на YouTube-канале «БЕЛСАТ NEWS»

🟥 Праз забойства ў «прэс-хаце» ў Барысаве затрыманы 26-гадовы міліцыянт – «Наша Ніва»

У сваім тэлеграм канале былы палітвязень Ігар Лосік распавёў пра закатаванага да смерці ў ІЧУ затрыманага. «Наша Ніва» апублікавала падрабязнасці гэтай гісторыі.

У гэтай справе былі арыштаваныя два зэкі-рэцыдывісты і 26-гадовы міліцыянт Антон Кляшчонак. Высветлілася, што ў ізалятары дзейнічала «прэс-хата», дзе прызнанні выбівалі не сілавікі, а злачынцы, якім стварылі «камфортныя ўмовы» – ад тэлефона да наркотыкаў.

Пасля смерці 59-гадовага жыхара Барысава КДБ у студзені гэтага году пачаў расследаванне: у справе ўжо дзясяткі прозвішчаў, а шматлікія прызнанні, выбітыя гвалтам, могуць паставіць пад сумнеў многія крымінальныя справы. У ліпені ўвесь кіраўнічы склад Барысаўскага РУУСа адправілі ў адстаўку, але толькі адзін міліцыянт апынуўся за кратамі. Былога начальніка ізалятару перавялі ў Менск у кіраўніцтва Акадэміі МУС.

Магчымая прычына, чаму сярод сілавікоў арыштаваны толькі Кляшчонак – ягонае дзяжурства ў ноч забойства. Апошні раз ён заходзіў у сацсеткі 11 лістапада, імаверна, пасля гэтага ён быў затрыманы. Пакуль невядома, інкрымінуюць яму нядбайнасць ці ролю арганізатара схемы. Ад гэтага залежыць, ці атрымае ён некалькі гадоў «хіміі» або пойдзе па тым жа цяжкім артыкуле, што і выканаўцы. Прынамсі аднога зэка будуць судзіць за забойства.