🎭 Купалаўскі тэатр аддаў сцэну расейскай прапагандысцкай пастаноўцы

У апошні дзень верасня гледачы чакалі «Паўлінку» ў Купалаўскім тэатры, але замест яе паказалі расейскі спектакль «Чырвоны абоз» пра «спецаперацыю» — звярнула ўвагу «Наша Ніва». Пастаноўку прывёз Томскі тэатр у межах пагаднення пра супрацу.

У спектаклі праводзяцца паралелі паміж Другой сусветнай вайной і сучаснай вайной ва Украіне. Гледачоў нават прасілі здымаць і публікаваць кадры з паказу ў сацсетках.

😱У Беларусі затрымалі падазраванага ў серыі згвалтаванняў і забойстваў у 1990-х

Амаль 30 гадоў у Беларусі не маглі знайсці злачынцу, які жорстка нападаў на дзяўчынаў у 1990-х. Цяпер сілавікі заявілі, што затрымалі меркаванага маньяка, 53-гадовага працаўніка з Магілёва. Ён нібыта прызнаўся пад цяжарам доказаў, але працягвае часткова адмаўляць віну.

Паводле следства, мужчына здзейсніў згвалтаванні і забойствы васьмі дзяўчынаў, а таксама яшчэ некалькі няўдалых нападаў. У матэрыялах фігуруе каля 40 эпізодаў.

Затрыманы доўгі час заставаўся па-за ўвагай міліцыі: жыў у прыватным доме, працаваў на дзяржаўным прадпрыемстве, у канфлікты не трапляў. Выявіць яго ўдалося толькі дзякуючы новым генетычным даследаванням і даследаванням паху.

Яму пагражае пажыццёвае зняволенне ці нават смяротнае пакаранне.

🔗Падрабязнасці — па спасылцы

😢«Квіткі.бай» усё

Найбуйнейшы білетны сэрвіс «Квіткі.бай» фактычна спыняе існаванне. Юрыдычная асоба «Квіткі Бел» афіцыйна знаходзіцца ў працэсе ліквідацыі з 17 верасня 2025 года.

Яшчэ ў жніўні сайт кампаніі перастаў працаваць, старонкі ў сацсетках былі выдаленыя, а супрацоўнікі сталі недасяжнымі па тэлефоне. Пасля гэтага на сайце з’явілася паведамленне пра «тэхнічны збой», і пакупнікоў перанакіроўвалі на tіcketpro.bу або прапаноўвалі браць білеты ў касах.

Апошняе паведамленне на kvitkі.bу ад 19 верасня па-ранейшаму тлумачыла, што кампанія нібыта «часова» не прадае білеты праз тэхнічныя прычыны, але раней набытыя застаюцца сапраўднымі.

У канцы жніўня паведамлялася, што кіраўніцтва «Квіткі.бай» было затрымана.

💪 Ад страты ног да першых крокаў на біянічных пратэзах

Украінскі вайсковец Арцём Дудчанака страціў на фронце абедзве нагі. Арцём не здаўся і пачаў трэнавацца ўжо на другі тыдзень пасля аперацыі. Цяпер мужчына вярнуўся да актыўнага ладу жыцця.

⛽️ Ці падскочыць бензін у Беларусі праз патрэбы Масквы?

Масква шукае выхад і разглядае магчымасць масавага імпарту бензіну з Беларусі. Нашыя НПЗ у Мазыры і Наваполацку маюць вольныя магутнасці, таму здольныя нарошчваць вытворчасць.

Аднак эксперты папярэджваюць: такі сцэнар можа прывесці да росту коштаў на запраўках унутры Беларусі. Улады ўжо не раз перакладалі страты на плечы простых спажыўцоў, і рызыка паўтарэння застаецца.

Да таго ж украінскія войскі могуць ударыць па нафтаправодах, праз якія сыравіна паступае да беларускіх заводаў. Гэта можа сарваць план Крамля «заліць» свае аўтазапраўкі беларускім палівам

Ці стане Беларусь энергетычнай «падушкай бяспекі» для Расеі — і якой цаной для саміх беларусаў?

🔗Пра гэта чытайце ў аналітыцы ад «Белсата» — па спасылцы

🔴 «Аб'ектыў» і «Студыя Белсат» – галоўныя падзеі дня!

У сённяшнім выданні:

🔸Расейскія ўдзельнікі вайны супраць Украіны будуць лекавацца ў беларускіх санаторыях

🔸Якой небяспекай для Беларусі пагражаў блэкаўт на Чарнобыльскай АЭС, выкліканы атакаю расейскіх дронаў? Чаму МНС Беларусі ды іншыя службы не папярэдзілі пра сітуацыю

🔸Беларускія дэмакратычныя сілы завяршаюць свой удзел у восеньскай сесіі Парламенцкай асамблеі Рады Еўропы

🔸Сталі вядомыя падрабязнасці выключэння лукашэнкаўскага бізнесоўца Аляксандра Машэнскага з ліку ганаровых консулаў Ісландыі

🔸Мае высокую заразнасць, але не патагенны. У Беларусі зʼявіўся штам каронавірусу «Стратус». Якія яшчэ хваробы яшчэ цяпер ходзяць і як умацаваць імунітэт?

Далучайцеся да нашага эфіру ⤵️

https://www.youtube.com/live/M_dz-GQ3BUE

🫠 Лукашэнка збіраецца будаваць трэці энергаблок БелАЭС ці нават другую атамную электрастанцыю

За расейскі крэдыт, канечне ж. Дыктатар ужо раздумвае, дзе паставіць новы рэактар. А расплочвацца за гэты крэдыт давядзецца цэламу пакаленню, а можа і двум, беларусаў. І гэта пры тым, што электраэнергіі беларусам і так хапае, а прадаваць яе асабліва няма куды. Дык навошта Лукашэнку чарговы расейскі крэдыт насамрэч?

👆 Разбіраемся ў новым выданні праграмы «Прасвет» з Сяргеем Пелясою і Змітром Мацкевічам.

🤨 Вы здзівіцеся, але гэта рэальныя кошты на грыбы на Камароўцы

Паглядзіце!

🤔 Ці сігналізуюць паводзіны Ціханоўскага ў Нью-Ёрку пра тое, што ў беларускіх дэмакратычных сілах наспеў крызіс?

Адказ на гэтае пытанне шукалі адвакат і прадстаўнік Каардынацыйнай рады Алесь Міхалевіч і кіраўнік агенцтва Еўраатлантычнай супрацы Валер Кавалеўскі.

❓А з кім згодныя вы?

Цалкам дэбаты глядзіце ў праграме «Двубой» на YouTube-канале «БЕЛСАТ NEWS»

💥 #галоўнае за 2 кастрычніка

✔️43-гадовую беларуску знайшлі мёртвай у сваёй кватэры ў італьянскім горадзе Перуджа

✔️Ці паўплывала закрыццё польскай мяжы на міграцыйны ціск? Вось лічбы

✔️Украіна атрымлівае зялёнае святло на ўдары па Расе

✔️Ісландыя пазбавіла Аляксандра Машэнскага звання ганаровага консула

✔️Расейскіх акупантуў будуць лекаваць у беларускіх санаторыях

✔️Палітолаг Кацярына Шульман: «У Менску адносіны з Вашынгтонам лепшыя, чым у Масквы»

✔️Купалаўскі тэатр аддаў сцэну расейскай прапагандысцкай пастаноўцы

✔️Святлана Ціханоўская сустрэлася з Уладзімірам Зяленскім

✔️У Беларусі затрымалі падазраванага ў серыі згвалтаванняў і забойстваў у 1990-х

✔️«Квіткі.бай» усё. Кампанію ліквідуюць пасля затрымання кіраўніцтва

✔️Беларускім актывістам у Польшчы тэлефануюць супрацоўнікі КДБ

✔️Расея паклала вока на беларускі бензін. Цяпер ён можа падаражэць у Беларусі


#рэпрэсіі:

▫️Палітзняволены журналіст Анджэй Пачобут перанёс аперацыю на скуры ў турэмным шпіталі

☕️ Вітаем, шаноўныя!

Сабралі для вас найбольш цікавыя матэрыялы «Белсату», які вы маглі прапусціць:

🔸 Расея паклала вока на беларускі бензін

Цяпер ён можа падаражэць у Беларусі.

🔸 «Kvitki.bу» – усё. Кампанію ліквідуюць пасля затрымання кіраўніцтва

Юрыдычная асоба найбуйнейшага сэрвісу продажу білетаў «Kvitki by» – «Квіткі Бел» – у працэсе ліквідацыі.

🔸 У Беларусі затрымалі падазраванага ў серыі згвалтаванняў і забойстваў у 1990-х

Сілавікі заяўляюць, што затрымалі маньяка, якога шукалі амаль 30 гадоў, праверыўшы звыш 100 тысяч чалавек.

#штопачытаць

🤬 Забруджаныя чарнобыльскай катастрофай землі вяртаюць у абарот

Гомельская абласная пракуратура выявіла «недахопы» мясцовых уладаў і суб'ектаў гаспадаркі ў пытаннях рэабілітацыі зямель, якія пазналі радыеактыўнае забруджванне.

👉 Чытайце ПА СПАСЫЛЦЫ

🇳🇱🤯 Пераезд у Нідэрландах можа выглядаць вельмі эпічна

Лесвіцы старых галандскіх дамоў такія вузкія і стромыя, што імі немагчыма пераносіць мэблю і тэхніку. Адзінае выйсце – заносіць і выносіць іх праз вокны.

🔺 Над аэрапортам у Мюнхене былі заўважаныя беспілотнікі

На ноч былі спыненыя палёты. 3000 пасажыраў не змаглі вылецець своечасова.

На дадзены момант невядома, што за дроны былі заўважаныя над аэрапортам і колькі іх было.

Спачатку некалькі відавочцаў распавялі, што бачылі дрон каля аэрапорту, потым з’явіліся паведамленні, што яго бачылі таксама непасрэдна над аэрапортам. Ці гэта быў адзін і той жа дрон, ці розныя, невядома.

🥇Статкевіч намінаваны на Нобелеўскую прэмію

Ужо 10 кастрычніка ў Осла стане вядома, хто атрымае Нобелеўскую прэмію міру-2025.

Сярод магчымых лаўрэатаў — беларускі палітык і палітвязень Мікалай Статкевіч, прэзідэнт ЗША Дональд Трамп, удава Аляксея Навальнага Юлія Навальная, а таксама Уладзімір Зяленскі, Грэта Тунберг і нават Ілан Маск.

Сваіх прэтэндэнтаў вылучылі і міжнародныя арганізацыі — ад Міжнароднага крымінальнага суда да NATO.

🔗 На каго ставяць букмекеры — чытайце па спасылцы

📺 Сцяпан Пуціла запускае на «Белсаце» праграму «ПраБел»

Яна будзе пра Беларусь і для беларусаў, каб закрываць інфармацыйныя прабелы і супрацьстаяць прапагандзе.

Пуціла кажа: галоўнае — узмацняць інфармацыйную барацьбу, бо яна ідзе пастаянна, нават калі не ўсе гэта бачаць.

Сцяпан адзначае, што ў Беларусі падрастае пакаленне моладзі, гатовае да зменаў. Важна працаваць не толькі з актыўнымі, але і з тымі, хто пакуль далёкі ад палітыкі.

Поўнае інтэрв'ю са стваральнікам Nexta і першы выпуск перадачы «Прабел» — глядзіце па спасылцы

⚠️ Вайна Расеі ўсё часцей пераходзіць у ядравае вымярэнне

Расейскія ўдары і абстрэлы ствараюць для Украіны не толькі ваенныя, але і ядравыя рызыкі. Чарнобыльская АЭС нядаўна заставалася без электрычнасці, што закранула новы саркафаг і сховішча паліва. Удары дронамі каля станцыі Зяленскі назваў мэтанакіраванымі:

Расейцы не маглі не ведаць, што ўдар па аб'ектах у Славутычы будзе мець такія наступствы для Чарнобылю

Пад пагрозай і Запарожская АЭС — найбуйнейшая ў Еўропе, якая з 2022 года знаходзіцца пад кантролем Расеі. Станцыю неаднаразова адключалі ад энергасетак, яна трымаецца на дызельных генератарах, што МАГАТЭ называе «няўстойлівым рашэннем». Таксама станцыя засталася без галоўнай крыніцы ахалоджвання пасля знішчэння Расеяй Кахоўскай ГЭС.

Пастаянна пад абстрэлам і Харкаў, дзе ў фізіка-тэхнічным інстытуце захоўваюцца дзясяткі кілаграмаў узбагачанага ўрану. Эксперты кажуць, што толькі выпадковасць пакуль ратуе ад новай катастрофы.

🔗Да ўсяго, пагрозы могуць закрануць не толькі Украіну, але і Беларусь — пра гэта чытайце падрабязна ў матэрыяле