💥 #галоўнае за 1 кастрычніка

✔️Крымінальных справаў пасля інцыдэнтаў на канцэрце Каржа заводзіць не будуць

✔️«BYSOL» расказаў, колькі грошай ужо выплачана вызваленым 11 верасня палітвязням

✔️Зяленскі і кіраўнік МАГАТЭ папярэджваюць пра складаную сітуацыю на Запарожскай АЭС

✔️Грузія змяніла правілы знаходжання замежнікаў у краіне. Абмяркоўваем іх з юрыстам

✔️Ці існуе верагоднасць, што адміністрацыя Трампа перастане займацца праблемай беларускіх палітвязняў?

✔️Польшча пастанавіла працягнуць выбарачны дагляд транспарту на межах з Нямеччынай і Літвой

✔️Балансаваць паміж руцінай і жахам. Рэпартаж з прыфрантавога Краматорску на Данеччыне

✔️Мінздароўя пацвердзіла, што ў Беларусі з'явіўся новы штам каронавірусу. Вось што вядома

✔️Галоўная зброя сучаснай вайны. Як і чым збіваць дроны?

✔️У Коўне з'явіцца памятная шыльда ў гонар Беларускага батальёну, які ваяваў супраць бальшавікоў за незалежнасць Літвы

✔️Work-life balance-2026: налета беларусы будуць працаваць яшчэ больш

#рэпрэсіі:

▫️На журналіста Андрэя Мялешку ў Беларусі завялі тры крымінальныя справы. Сам ён жыве ў Польшчы

▫️38-гадовага жыхара Менску, які займаецца вясельнымі фатасесіямі, асудзілі па трох «палітычных» артыкулах і накіравалі ў калонію

🍂 Вітаем, шаноўныя!

Сёння, 2 кастрычніка, адзначаецца Міжнародны дзень барацьбы супраць гвалту. З гэтай нагоды мы падрыхтавалі падборку нашых матэрыяаў:

⛓️‍💥 Даклад Дзярждэпу: у Беларусі – катаванні, сексуалізаваны гвалт і паляванне на апазіцыю за мяжой
Разбіраем, у якіх парушэннях правоў чалавека абвінавачваюць Беларусь.

⛓️‍💥 «Эміграцыя і рэпрэсіі могуць стаць дадатковымі трыгерамі». Як за мяжою даць рады хатняму гвалту?
Размаўляем з псіхолагам і расказваем, дзе шукаць дапамогу на чужыне.

⛓️‍💥 Штогод у Беларусі мінімальна 12 тысячаў асобаў зазнаюць хатні гвалт. Дзе шукаць дапамогі?

🇮🇹 43-гадовую беларуску знайшлі мёртвай у сваёй кватэры ў італьянскім горадзе Перуджа

Медыкі не знайшлі на целе жанчыны прыкметаў нападу ці гвалту, паведамляе мясцовае выданне Perugia Today. Беларуска, імаверна, памерла 26 – 27 верасня. Каб вызначыць дакладную прычыну смерці і выключыць забойства, будзе праводзіцца ўскрыцце.

Следчыя не выключаюць ніякіх версіяў, але пакуль схіляюцца да таго, што прычынай трагедыі стала хвароба.

Чытайце падрабязней пад спасылкай 🔗

🤔 Ці паўплывала закрыццё польскай мяжы на міграцыйны ціск?

Спыненне плыні нерэгулярнай міграцыі з Беларусі, а таксама вызваленне палітвязняў было неафіцыйным абгрунтаваннем закрыцця Польшчаю мяжы з нашай краінаю. Палітычныя зняволеныя ўсцяж за кратамі, а што з мігрантамі?

📊 Глядзім лічбы ў матэрыяле пад спасылкай

💬 «Украіне трэба больш дапамогі, а пакуль Пуцін здзекуецца з Захаду»

У Расеі адбыўся чарговы пажар на нафтавым аб'екце. Гэтым разам моцна гарэў адзін з найбуйнейшых у краіне нафтаперапрацоўчы завод, які ў Яраслаўлі.

Паводле iSANS, толькі за жнівень пашкоджаныя былі каля 18,7 % нафтаперапрацоўчых магутнасцяў. У Расеі назіраецца бензінавы крызіс – у некаторых рэгіёнах з’явіліся абмежаванні для пакупнікоў паліва.

Эканаміст Яраслаў Раманчук адзначае, што газ і нафта складаюць вельмі вялікую долю эканомікі Расеі, але нават знішчэнне гэтай часткі не азначае калапсу ўсёй расейскай эканомікі.

📍 Што можа прывесці да капітуляцыі Расеі – чытайце пад спасылкай

🪖Украіна атрымлівае зялёнае святло на ўдары па Расеі

Украіна атрымала дазвол наносіць удары па Расеі. ЗША заклікаюць краіны НАТО таксама дзяліцца з Кіевам разведвальнай інфармацыяй.

У Белым доме разглядаюць магчымасць перадачы Украіне дальнабойных ракет Tomahawk, Barracuda і іншых тыпаў зброі з далёкасцю да 800 км. Пра такую падтрымку падчас сустрэчы на Генасамблеі ААН прасіў прэзідэнт Украіны Уладзімір Зяленскі.

🔗Падрабязнасці — па спасылцы

🎃 Беларус вырасціў сапраўднага гіганта

Паглядзіце!

🇵🇱💊Зняволены Пачобут перанёс аперацыю

Як паведаміла старшыня неафіцыйнага Саюза палякаў Анжаліка Борыс, у яго гіпертанія і арытмія, а ў верасні яму зрабілі аперацыю на скуры ў турэмным шпіталі.

Борыс адзначыла, што падчас сустрэчы 23 верасня Пачобут сказаў, што атрымлівае неабходныя лекі і нават набраў вагу ў шпіталі. Пры гэтым яго жонку да яго не пускаюць, у той час як сама Борыс ужо двойчы магла наведаць журналіста ў калоніі №1 у Наваполацку.

Яна таксама распавяла, што вядзе перамовы аб вызваленні Пачобута і з беларускім, і з польскім бокам, у тым ліку асабіста звярталася да Лукашэнкі. Пры гэтым кіраўніца СПБ падкрэсліла, што не заключала з уладамі ніякіх здзелак і не падпісвала пагадненняў.

Пачобут быў асуджаны ў лютым 2023 года на 8 гадоў калоніі ўзмоцненага рэжыму. Пытанне яго вызвалення застаецца прыярытэтам для польскіх уладаў, аднак афіцыйны Менск пакуль не даў згоды.

🔗Падрабязнасці — па спасылцы

💱 Курсы валютаў 2 кастрычніка

Долар падрос трошкі, але нязначна . Еўра саслабеў на паўкапейкі. А расейскі рубель дадаў істотна — + 2.3 капейкі за сотню.

#курсывалютаў

🤮Расейскіх акупантуў будуць лекаваць у беларускіх санаторыях

Улады Беларусі і Ленінградскай вобласці РФ дамовіліся стварыць пастаянную праграму рэабілітацыі для ўдзельнікаў расейскай «СВА» і іх сем’яў, паведамляе online47.ru.

Падчас візіту ў Беларусь прадстаўнікі расейскіх сацслужбаў наведалі санаторыі Менскай вобласці і сустрэліся з кіраўніцтвам Магілёўшчыны. У выніку было прынята рашэнне арганізаваць штогадовае аздараўленне і медычную дапамогу для не менш як 800 чалавек.

Ініцыятыву падтрымаў першы віцэ-прэм’ер Беларусі Мікалай Снапкоў. Раней паведамлялася, што беларускія санаторыі ўжо рэгулярна прымаюць расейскіх вайскоўцаў, якія ўдзельнічаюць у агрэсіі супраць Украіны.

🔗Падрабязнасці — у артыкуле

💍 Часам аксесуары – не проста ўпрыгожванні, а цэлая палітычная заява

Уявіце: у шыкоўнай залі, за кубкам кавы, сядзіць шляхцянка ў чорным і на руцэ ў яе... кайданы. І гэта не проста аксесуар, гэта мова, якой падчас паўстання Каліноўскага гаварыла ўся краіна.

Пра тое, як біжутэрыя і адзенне сталіся сапраўдным маніфестам, распавядае Кацярына Ваданосава, паглядзіце!

🪡 Даведацца больш пра моду часоў паўстання Каліноўскага можна ў новым выданні нашай праграмы «Нітка-зорка» на YouTube-канале «БЕЛСАТ HISTORY».

💭 «У Менску адносіны з Вашынгтонам лепшыя, чым у Масквы»

Паразмаўлялі з расейская паліталагіняй Кацярынай Шульман на палях сесіі Парламенцкай асамблеі Рады Еўропы ў Страсбургу.

👉 Чытайце размову цалкам ПА СПАСЫЛЦЫ

🎭 Купалаўскі тэатр аддаў сцэну расейскай прапагандысцкай пастаноўцы

У апошні дзень верасня гледачы чакалі «Паўлінку» ў Купалаўскім тэатры, але замест яе паказалі расейскі спектакль «Чырвоны абоз» пра «спецаперацыю» — звярнула ўвагу «Наша Ніва». Пастаноўку прывёз Томскі тэатр у межах пагаднення пра супрацу.

У спектаклі праводзяцца паралелі паміж Другой сусветнай вайной і сучаснай вайной ва Украіне. Гледачоў нават прасілі здымаць і публікаваць кадры з паказу ў сацсетках.

😱У Беларусі затрымалі падазраванага ў серыі згвалтаванняў і забойстваў у 1990-х

Амаль 30 гадоў у Беларусі не маглі знайсці злачынцу, які жорстка нападаў на дзяўчынаў у 1990-х. Цяпер сілавікі заявілі, што затрымалі меркаванага маньяка, 53-гадовага працаўніка з Магілёва. Ён нібыта прызнаўся пад цяжарам доказаў, але працягвае часткова адмаўляць віну.

Паводле следства, мужчына здзейсніў згвалтаванні і забойствы васьмі дзяўчынаў, а таксама яшчэ некалькі няўдалых нападаў. У матэрыялах фігуруе каля 40 эпізодаў.

Затрыманы доўгі час заставаўся па-за ўвагай міліцыі: жыў у прыватным доме, працаваў на дзяржаўным прадпрыемстве, у канфлікты не трапляў. Выявіць яго ўдалося толькі дзякуючы новым генетычным даследаванням і даследаванням паху.

Яму пагражае пажыццёвае зняволенне ці нават смяротнае пакаранне.

🔗Падрабязнасці — па спасылцы

😢«Квіткі.бай» усё

Найбуйнейшы білетны сэрвіс «Квіткі.бай» фактычна спыняе існаванне. Юрыдычная асоба «Квіткі Бел» афіцыйна знаходзіцца ў працэсе ліквідацыі з 17 верасня 2025 года.

Яшчэ ў жніўні сайт кампаніі перастаў працаваць, старонкі ў сацсетках былі выдаленыя, а супрацоўнікі сталі недасяжнымі па тэлефоне. Пасля гэтага на сайце з’явілася паведамленне пра «тэхнічны збой», і пакупнікоў перанакіроўвалі на tіcketpro.bу або прапаноўвалі браць білеты ў касах.

Апошняе паведамленне на kvitkі.bу ад 19 верасня па-ранейшаму тлумачыла, што кампанія нібыта «часова» не прадае білеты праз тэхнічныя прычыны, але раней набытыя застаюцца сапраўднымі.

У канцы жніўня паведамлялася, што кіраўніцтва «Квіткі.бай» было затрымана.