Бообек Ажикеев Өзгөчө кырдаалдар министрлигин 2020-жылдан бери башкарып келе жаткан.
https://www.azattyk.org/a/33679418.html

Тиешелүү жарлыкка президент Садыр Жапаров кол койгонун анын маалымат кызматы кабарлады. Жарлыкта Машиевдин кызматтан алынышынын себеби көрсөтүлгөн эмес.
https://www.azattyk.org/a/33679420.html

Жапаров Ташиев менен жолукканын, ал кызматка барбай турганын айтты

Президент Садыр Жапаров Улуттук коопсуздук боюнча мамлекеттик комитеттин (УКМК) мурдагы төрагасы Камчыбек Ташиев менен 15-февралда жолукканын билдирди. Бул тууралуу ал 16-февралда “Кабар” улуттук маалымат агенттигине берген интервьюсунда айтты. https://www.youtube.com/watch?v=vJ8BrVgGcYY

“Мен жолуктум (ред: Камчыбек Ташиев менен). Бир тууган болгондон кийин чогуубуз. Ага-ини катары жакшы мамиледебиз. Ата-энебиз дүйнөдөн өткөндөн кийин Ташиевдердин үй-бүлөсүнүн атасы да, апасы да ушул киши болуп калган. Дарыланып келгенден кийин ден соолугу бир аз жакшы. Ден соолугун чыңдаганга дагы убакыт керек. Ал эми президенттин кабыл алган чечимдери боюнча эми бардык кызматкерлер, жарандар президенттин чечимин аткарыш керек. Ал президенттин чечими. Бул мыйзамдуу көрүнүш. Биз аны туура же туура эмес деп талдагандан алыспыз. Бул чечим биздин үй-бүлөдө эч кандай деле резонанс болгон жок”, - деди ал.
https://www.azattyk.org/a/33679510.html

Шаирбек Ташиев: Мени текшерсе сурак берүүгө даярмын

Жогорку Кеңештин депутаты Шаирбек Ташиев ага каршы козголгон кылмыш иши жок экенин айтып, камакка алынганы тууралуу маалыматтарды четке какты. Бул тууралуу ал “Азаттыкка” берген интервьюсунда айтып, акыркы саясий окуялар, декларациясында көрсөтүлгөн 12 миллиард 637 миллион сомдук мүлк тууралуу суроолорго жооп берди. https://www.youtube.com/watch?v=gQkWBrzTzDU

Кыргызстандык украиндердин урпактары | "Данисте"

Ысык-Көлдүн Түп районундагы Михайловка айылын ХХ кылымдын башында көчүп келген украиндер түптөгөн. Кыргызстандын аймагында Орус империясынын учурунда, кийин совет доорунда отурукташкан жүз миңден ашык украин улуттундагылар жашаган. Кыргызстан эгемендүүлүк алгандан кийинки мезгилде украиндер жапырт көчүп кетип олтуруп, учурда он миңге жептеген украин жашайт. “Данисте” өздөрүн кыргыз коомунун бир бөлүгү катары санаган украиндер тууралу уайтып берет. https://www.youtube.com/watch?v=SL3IqOVkInE&t=1s

Жапаров Ташиевди "кызматка келбейт" деди | Жаңылыктар | 16 02 2026
https://www.youtube.com/watch?v=jy3mtFccRtI

‼️ Улуттук коопсуздук боюнча мамлекеттик комитеттин Бишкек шаары боюнча башкы башкармалыгынын мурдагы башчысы Элдар Жакыпбеков 15- апрелге чейин камалды. Мындай чечимди 16-февралда Бишкектин Биринчи Май райондук соту чыгарган.

Социалдык тармактарда аны сотко алып барганда "Эдунун кырк чоросу" атыккан кара кийимчен адамдарды көрүүгө болот. Айрым булактар алардын үстүнөн бир катар ишкерлерден арыздар келип түшкөнүн билдиришти.

@azattyk_radiosu

⚡️ УКМКнын мурдагы төрагасы Камчыбек Ташиев чет өлкөгө чыгып кетти

Улуттук коопсуздук боюнча мамлекеттик комитеттин мурдагы төрагасы Камчыбек Ташиев чет өлкөгө убактылуу чыгып кетти. Бул тууралуу 17-феваралда “Регион” телеканалынын башчысы, Камчыбек Ташиевге жакын журналист Өткүрбек Рахманов Фейсбуктагы баракчасына жазып, видео жарыялады.

Бирок ден соолугуна байланыштуубу же эмне себеп болгонун тактаган жок.

@azattyk_radiosu

⚡️Депутат Элдар Сулайманов мандатын тапшырууга арыз жазды

Жогорку Кеңештин депутаты Элдар Сулайманов мандатын тапшыруу арызын жазды. Бул тууралуу БШК билдирди.

Арыз 17-февралда саат 14:00до каралат.

Депутаттын мандаттан баш тартуусуна эмне себеп болгону азырынча белгисиз.

‼️ БШК депутат Элдар Сулаймановду мандатынан ажыратты

Борбордук шайлоо комиссиясы (БШК) 17-февралдагы отурумунда Жогорку Кеңештин депутаты Элдар Сулаймановду өзү жазган арызынын негизинде мандатынан ажыратты. Арыз жазууга эмне себеп болгону белгисиз.

@azattyk_radiosu

Улуттук коопсуздук боюнча мамлекеттик комитеттин Бишкек шаары боюнча башкы башкармалыгынын мурдагы башчысы Элдар Жакыпбеков 15-апрелге чейин камалды.

Элдар Жакыпбеков буга чейин УКМКнын Чүй облусу боюнча башкармалыгын жетектеген. 2025-жылдын декабрь айында атайын кызматтын Бишкек шаары боюнча башкы башкармалыгынын башчысы болуп дайындалган. Анын өмүр таржымалы тууралуу ачык булактарда маалымат аз.

@azattyk_radiosu

⚡️Конституциялык сот президенттик шайлоо 2027-жылы өтөрүн билдирди

Конституциялык сот президенттик шайлоо 2027-жылдын январынын төртүнчү жекшембисинде же башкача айтканда кийинки жылдын 24-январында өтөрүн билдирди. Мекеме мындай чечмелөөнү “Кыргыз Республикасынын президентин жана Кыргыз Республикасынын Жогорку Кеңешинин депутаттарын шайлоо жөнүндө” конституциялык мыйзамдын 10-главасына таянып берди.

9-февралда мурдагы премьер-министрлер, парламенттин экс-депутаттары, саясатчылар жана коомдук ишмерлер болуп 75 адамдан турган топ президент Садыр Жапаровго жана Жогорку Кеңештин ошол кездеги төрагасы Нурланбек Тургунбек уулуна кайрылып, жакынкы убакта президенттик шайлоо өткөрүүгө чакырган. Алардын айрымдары кийин кайрылуунун мазмунун окубай туруп эле ага кошулууга макул болгонун айтып чыгышкан.

@azattyk_radiosu

Камчыбек Ташиевдин тарапташы Нургазы Анаркулов кармалганы кабарланды

Президенттик аппараттын маалыматтык саясат бөлүмүнүн мурдагы башчысы, Камчыбек Ташиевдин тарапташы Нургазы Анаркулов кармалганы кабарланууда. Бул тууралуу “Азаттыкка” жеке булактар кабарлап, ал Казакстандан Кыргызстанга кирип келатканда колго түшкөнүн билдирди. Нургазы Анаркулов кайсыл кылмыш ишине байланыштуу кармалганы белгисиз. Расмий маалымат бериле элек.

Ал Камчыбек Ташиев Улуттук коопсуздук боюнча мамлекеттик комитеттин (УКМК) төрагасы кызматынан алынгандан кийин, атайын кызматтын мурдагы жетекчисинин атынан билдирүүлөрдү таратып жаткан.

Нургазы Анаркулов 2020-жылдагы Октябрь окуясынан кийин Президенттик аппараттын маалыматтык саясат бөлүмүнө жетекчи болуп дайындалган. УКМК аны 2021-жылы февраль айында Кылмыш-жаза кодексинин “Пара талап кылуу” беренеси менен кармап, кызматтан алынган. Кийин эркиндикке чыгып, иш эмне менен бүткөнү айтылган эмес. Толук маалымат шилтемеде: https://www.azattyk.org/a/33680611.html

Ташиев өлкөдөн чыгып кетти, президенттик шайлоо 2027-жылы өтөт | Жаңылыктар | 17.02.2026

• Кызматтан алынган Камчыбек Ташиев чет өлкөгө убактылуу чыгып кетти. Бул арада атайын кызматтын Бишкек шаары боюнча мурдагы башчысы эки айга камалды.

• Конституциялык сот Садыр Жапаровдун кайрылуусун карап, президенттик шайлоо 2027-жылы өтөрүн билдирди.

• Азербайжанда жикчил Тоолуу Карабак жумуриятынын мурдагы өкмөт башчысы Рубен Варданян 20 жылга абакка кесилди. https://youtube.com/live/4U3rzCVXapQ

Вебкам иши: Даниел Ажиев президенттин ырайымы менен абактан чыкты

Вебкам иши боюнча тогуз жылга абакка кесилген Даниел Ажиев президент Садыр Жапаровдун ырайымы менен абактан чыкты. Бул тууралуу президенттин администрациясы билдирди.

Бишкектин Биринчи май райондук соту 2024-жылдын 31-июлунда Даниел Ажиевди Кылмыш-жаза кодексинин “Сойкулукту жана ыпластыкты интернет тармактары (вебкам-студиялар) аркылуу уюштуруу жана аларга көмөктөшүү”, “Порнографиялык мүнөздөгү буюмдарды таратуу”, “Уюшкан топту түзүү же ага катышуу” жана “Алдоо же ишенимге кыянаттык кылуу жолу менен мүлктүк залал келтирүү" беренелери боюнча күнөөлүү деп таап, ага 220 миң сом айып салган. Сот анын мүлкүн конфискациялоо менен 9 жылга абакка кескен. Бул өкүмдү кийинки инстанциялар күчүндө калтырган.

@azattyk_radiosu

Оштун мэри мыйзамсыз курулуштарды бузуу токтотулганын айтты

Ош шаарынын мэри Жеңишбек Токторбаев калаада жасалып жаткан иштер, кызматтан кетери тууралуу социалдык тармактарда тараган маалыматтарга байланыштуу “Азаттыктын” суроолоруна жооп берди.

Ал “эч ким кызматтан кет” деп айтпаганын, Министрлер кабинетинин төрагасы Адылбек Касымалиев тескерисинче 2026-жылы буга чейин башталган иштерди аягына чыгаруу тапшырмасын бергенин жана Ошто мыйзамсыз делген курулуштарды бузуу токтулганын кошумчалады.

“Бизде “снос” токтоду. Буга чейин буздурулган объекттердин баарын бүтүрөбүз. Быйыл дээрлик “снос” болбойт”, - деди ал.

Бирок ошол эле кезде мектептердин айланасындагы мыйзамсыз коммерциялык жайлар буздуруларын билдирди. https://www.azattyk.org/a/33681380.html

Ташиевдин жакын тарапташтары кармалдыбы? | Жаңылыктар | 18.02.2026
https://www.youtube.com/watch?v=i80n97fURWQ

Ош шаарынын мэри Жеңишбек Токторбаев кызматынан алынды

18-февралда Ош шаарынын мэри Жеңишбек Токторбаев кызматтан кетүүгө арыз жазганы белгилүү болду. Бул тууралуу президенттик администрациядагы булактар ырастады. Токторбаев бүгүн “Азаттыкка” кыска маек берип, кызматын улантуу ниети бар экенин, бирок муктаждык жаралса арыз жазууга даярдыгын билдирген. https://www.azattyk.org/a/33681686.html

Ош шаарына Жанарбек Акаев мэр болуп барары кабарланды

Ош шаарына Жанарбек Акаев мэр болуп дайындалары кабарланды. Бул тууралуу бир нече ишенимдүү булактар "Азаттыкка" билдирди. Маалыматка ылайык, 19-февралда Акаев Ош шаар бийлигинин жамаатына тааныштырылат.

Оштун мурдагы мэри Жеңишбек Токторбаев 18-февралда өз арызынын негизинде кызматтан алынганы маалым болгон. https://www.azattyk.org/a/33681695.html