#коронавирус

"Психиатр буларак шуны әйтәсем килә — бу стресс нәтиҗәләрен әле күрәчәкбез. Кешеләрне бу кадәр куркытып тору артык дип саныйм. Башка илләрдә дә штрафлар кертелгән, ләкин анда бездәге кебек артыңнан куып йөрмиләр, кул-аякларыңны бәйләмиләр. Әйтеп аңлат да җибәр инде. Карантин кирәк, ләкин җәза ысуллары белән артыгын кыланалар."

Мәскәү табибы Марат Моратов белән коронавирус һәм аның кешеләргә йогынтысы турында сөйләштек. https://www.azatliq.org/a/30581695.html

"Уфада полициядә күбесе — татарлар. Гадәттә сөйләшеп торабыз да, документларны карап та тормый гына җибәрәләр иде. Бу юлы урыс кешесе эләкте..."

Уфада яшәүче Алмаз Хәбибуллинга полиция белән татарча сөйләшергә теләгән өчен штраф белән янаганнар. Ул моны видеога яздырып интернетка урнаштырды. Азатлык видео авторы белән элемтәгә кереп, эшнең ничек тәмамлануын белеште. https://www.azatliq.org/a/30582896.html

#коронавирус
1 май хәбәрләре:

😷 Татарстанда икенче үлем очрагы турында хәбәр ителде. Штаб тараткан рәсми саннарга ул әлегә кертелмәгән. Әлегә анда 1 кеше дип күрсәтелә. Узган тәүлектә республикада COVID-19 диагнозы тагын 71 кешегә куелган. Авырулар саны 894кә җитте.

😷 Башкортстанда коронавирус тагын 77 кешедә теркәлгән, авырулар саны 843кә җиткән. Әлегә кадәр 14 кешенең үлеме турында хәбәр ителгән иде.

😷 Русиядә узган тәүлектә COVID-19 тагын 7933 кешедә расланган, 96 кеше үлгән. Илдә авыручылар саны 114 431 кешегә җитте. Барлыгы 1169 кеше үлгән санала.

😷 Дөнья буйлап авыручылар саны 3 миллион 257 меңнән арткан. Үлгәннәр саны 233 мең, савыгучылар саны 1 миллион 14 мең диелә.

😷 Русия премьер-министры Михаил Мишустин коронавирус йоктыруын белдерде. Ул "үзизоляция"гә киткән, хөкүмәт әгъзалары белән телефон һәм видеоэлемтә аша хәбәрләшә. Аның вазифаларын беренче вице-премьер Андрей Белоусов башкара.

Актуаль хәбәрләр, файдалы киңәшләр: Azatliq.org/Covid-19

#Татар_Дөньясы_Онлайн
1 май тамашалары (Казан вакыты)

🎭 Мәҗит Гафури исемендәге Башкорт драма театры "Хыялый" спектаклен (16:00) күрсәтә.

🎭 Уфаның Мостай Кәрим исемендәге яшьләр театры Флорид Бүләковның "Диләфрүзгә дүрт кияү" спектаклен (17:00) күрсәтә.

🎼 Туймазы татар драма театры Алсу Вәлиеваның (17:00) һәм Марсел Масавиров белән Айдар Хөснетдиновның (18:00) бәйрәм концертларын күрсәтә.

🎼 "Безнең Татарстан" #айдадомой проекты кысаларында татар эстрадасы йолдызларының җанлы онлайн концертларын күрсәтүне дәвам итә. Бүген Татарстанның атказанган артисты Илназ Бах белән Гүзәл Идрисова (19:00) җырлый.

🎭 Буа татар сатира театры үзенең 100 еллыгына багышланган тамаша тәкъдим итә.

🎬 Бүген "Татаркино" Әнвәр Габдрахмановның "Азан моңы күңелдә" фильмын тәкъдим итә.

🎬 "Яңа гасыр" телеканалы "Яланаяклы кыз" сериалын Youtubка чыгарды.

Тулырак мәгълүмат — безнең Җанлы блогта:
https://www.azatliq.org/a/coronavirus/30488043.html

#коронавирус_һәм_бизнес
Татарстан эшмәкәре Чыңгыз Мусинның электр өчен 5 мең сум бурычы җыелган, түләмәсәң электрны өзәбез дип кисәткәннәр. Мусинның хәзер хәле мөшкел, ярдәм сорап президентка мөрәҗәгать иткән, әмма бер җавап та алмаган. Азатлык эшкуар белән сөйләште. https://bit.ly/3b0ziA1

Татарстанның эчке туризмына изоляция ни дәрәҗәдә зыян салачак? Туристик ширкәтләр, экскурсия оештыручылар нәрсә уйлый? Азатлык бу өлкәдә эшләүчеләр белән аралашты. https://bit.ly/2YqQTOG

#коронавирус
4 май хәбәрләре:

😷 Татарстанда узган тәүлектә COVID-19 диагнозы тагын 86 кешегә куелган, авырулар саны 1117гә җитте. Шулай ук өченче үлем очрагы турында хәбәр ителде 1944 елгы Казан кешесе кичә РКБда үлгән. Ул хастаханәгә 26 апрель китерелгән, үпкәләре сәламәт булмаган, йөрәк-кан тамыр системы авырулары булган, астма белән авырган.

😷 Бүген Казанда Германиядән кайтачак Русия туристларын көтәләр. Алар барысы да 2 атналык карантин үтәчәк. 3 май исә "Ливадия" шифаханәсендә Пхукеттан килгән 16 кеше урнаштырылды. 5 май көнне Татарстанга Төркия һәм Гоадан кайткан туристларның ике атналык карантины тәмамланачак, коронавируска тест барысында да тискәре булып чыкты.

😷 Башкортстанда коронавирус тагын 80 кешедә теркәлгән, авыручылар саны 1102 булган.

😷 Дөньяда вирус йоктыручылар саны 3,5 миллионнан арткан. Авырудан барлыгы 247 мең кеше үлгән, 1 миллион 127 мең кеше савыккан.

😷 4 майдан кайбер илләр чикләүләрне йомшарта башларга җыена. Сербиядә кафе-рестораннар, җәмәгать транспорты эшли башлый. Испаниядә китап кибетләре, чәчтарашханәләр, ризыкны кешеләргә китергән кафе-рестораннар ачыла. Италиядә сәнәгать һәм төзелеш эшләре торгызыла, җирле хакимиятләр паркларны ача ала.

😷 Русиядә коронавирус сәбәпле кертелгән "үзизоляция"дә хәмер эчү 2–3%-ка арткан. Моның хакта Русия сәламәтлек саклау министры Михаил Мурашко белдергән.

😷 АКШ президенты Дональд Трамп COVID-19дан вакцина бу ел азагына кадәр барлыкка киләчәк дип саный. Шул ук вакытта вакцинаны нинди ил ясаячагы аңа мөһим түгел, диде президент.

😷 Associated Press: Кытай хакимияте коронавирус белән авыручылар санын һәм аның никадәр йогышлы булуын кирәкле дарулар запасын ясау өчен яшергән. Моның хакта илнең эчке иминлек министрлыгының хисабында әйтелә, Associated Press әлеге хисап белән танышкан.

Актуаль хәбәрләр, файдалы киңәшләр: Azatliq.org/Covid-19

Дүшәмбе дөнья базарында нефть бәясенең янә төшүе күзәтелә. Бюджетының зур өлеше нефть кеременә нигезләнгән Русиягә, аның икътисадына, халык тормышына бу нинди йогынты ясаячак?

Шул хакта Мәскәү Югары икътисад мәктәбенең фәнни хезмәткәре, икътисад фәннәре кандидаты Марсель Салихов белән сөйләштек. https://bit.ly/3di0KL5

#коронавирус
5 май хәбәрләре:

😷 Татарстанда узган тәүлектә COVID-19 тагын 91 кешедә ачыкланган, авырулар саны 1208гә җитте. Яңа авыруларның 52се Казанда, тугыз очрак Чаллыда, Биектау, Тукай һәм Арча районнарында дүртәр авыру.

😷 Башкортстанда 34 яңа очрак. Республикада коронавирус барлыгы 1136 кешедә расланган, шулардан 255 кеше савыккан. Барлыгы 14 кеше үлгән.

😷 Русиядә узган тәүлектә тагын 10 102 кешедә коронавирус расланган, 95 кеше үлгән. 5 майга Русиядә COVID-19 йоктыручылар саны - 155 370 кеше, вирус 1451 кешенең гомерен өзгән. 19 865 кеше савыккан.

😷 Дөньяда вирус йоктыручылар саны 3 миллион 582 меңнән арткан. 251 мең кеше үлгән, 1 миллион 165 мең кеше сәламәтләнгән.

😷 Иң күп авыручы илләр: АКШ (1,18 миллион кеше), Испания (218 мең), Италия (211 мең), Британия (191 мең), Франция (169 мең), Германия (166 мең), Русия (145 мең), Төркия (127 мең), Бразилия (108 мең).

😷 Бүген АКШтан Русиягә 300 туристлы рейс кайта. Лос-Анджелес — Петербур — Мәскәү очышында татарстанлылар да бар.

😷 Калининград өлкәсендә коронавирус тарала башлагач, 350ләп медицина хезмәткәре эшләүдән баш тарткан. "Алар, рәхмәт, әлегә эшләмибез, диделәр. Үз сәбәпләре бар, безнең аларны хөкем итәргә хакыбыз юк", диде төбәкнең Сәламәтлек саклау министры.

Актуаль хәбәрләр, файдалы киңәшләр: Azatliq.org/Covid-19

"Актанышта TEDx конференциясен татарча оештыру өчен лицензия алдык"

Пандемия аркасында онлайн уыткуга күчкән Актаныш гимназиясе бу көннәрдә эшчәнлеген тагы да арттырган. Проектлар форматына күчкәннәр. Дөньякүләм танылган TED хәрәкәтенә кушылганнар. Азатлык гимназиянең хәлләрен белеште. https://bit.ly/2W4BP7H

#коронавирус
Татарстан изоляциядән чыгу планын әзерләгән. Ул Мәскәүгә юлланган. Бу хакта Роспотребнадзорның Татарстан идарәсе җитәкчесе Марина Патяшина белдерде.

"Чикләүләрне киметү 10-11 майда булачак эпидемиологик вазгыятьтән тора. Соңгы биш көндә яңа йоктыручылар саны үсеше 7-8 процент тәшкил итә. Бу үсеш чикләүләрне киметергә мөмкинлек бирми" дигән ул. https://bit.ly/2Wt3zC9

#коронавирус
6 май хәбәрләре:

😷 Татарстанда коронавирустан тагын бер кеше үлгәне хәбәр ителде. Ул 1969 елгы Чаллы кешесе. 21 апрельдә ул 2нче санлы шәһәр хастаханәсенә “коронавируслы үпкә шешүе” диагнозы белән китерелгән. 25 апрельдән үпкәне ясалма җилләтү аппаратына (ИВЛ) тоташтырылган. 5 майда авыруның гомере өзелгән.

😷 Республикада узган тәүлектә коронавирус 102 кешедә ачыкланган, COVID-19 барлыгы 1310 кешедә расланган, 184е савыккан. Яңа вирустан барлыгы дүрт кеше үлүе турында рәсми әйтелде.

😷 Башкортстанда тәүлек эчендә коронавируслы авырулар саны 24гә арткан. Үлүчеләр турында хәбәр ителми. Узган айда республикада 14 кеше үлгән иде. COVID-19 барлыгы 1160 кешедә расланган, 259ы савыккан.

😷 Русиядә узган тәүлектә яңа вирус 10 559 кешедә расланган, 86 кеше үлгән. COVID-19 барлыгы 165 929 кешедә ачыкланган, 1537 кеше үлгән, 21 327 кеше савыккан.

😷 Дөньяда коронавирус йоктыручылар саны 3 миллион 664 меңнән арткан. 257 мең кеше үлгән, 1 миллион 199 мең кеше сәламәтләнгән.

😷 Иң күп яңа авыручылар булган илләр (4 майда хакимиятләр раслаган саннар): АКШ (23,3 мең), Русия (10,5 мең), Бразилия (4 мең), Британия (3,9 мең), Һиндстан (3,9 мең).

Актуаль хәбәрләр, файдалы киңәшләр: Azatliq.org/Covid-19

#коронавирус
6 майга Русиядә коронавирус йоктыручыларның рәсми саны 165 меңнән артты (бу сан белән Русия дөньяда 7нче урынга чыкты). Шуларның 100 меңнән артыгы Мәскәүгә һәм Мәскәү өлкәсенә туры килә. Русиядә коронавирустан үлүчеләрнең рәсми саны 1500дән артты, шуларның 1000нән артыгы — Мәскәүдә һәм Мәскәү өлкәсендә.

Хакимиятләр бу афәткә каршы көрәшкә төрле көчләр җәлеп итәргә тырыша. Русиянең сәламәтлек саклау һәм мәгариф министрлыклары медицина студентларын коронавирус белән эш итүче хастаханәләргә практикага җибәрү турында уртак фәрман чыгарды. Азатлык шул хакта Мәскәүдәге Сеченов университеты студенты белән сөйләште. https://bit.ly/2YDFVW9

"Коронавируслылар да, башкалар да бүлмәдә уникешәр кеше яшибез"

Якутиядәге Чаянда ятмасында газ үткәргече төзегәндә коронавирус йоктырып өенә кайта алмый ятучы Башкортстан кешесе белән сөйләштек. https://https://bit.ly/2SDxzKv

#коронавирус
7 май хәбәрләре:

‼️ Русиядә узган тәүлектә коронавирус 11 231 кешедә расланган. Расланган очраклар саны 177 меңнән артты. Русия бу сан белән Германия һәм Францияне узып дөньяда 5нче урынга чыкты. Эпидемия башыннан 1625 (+88) кеше үлгән, 23 803 (+2476) кеше савыккан.

😷 Татарстанда узган тәүлектә COVID-19 тагын 105 кешедә ачыкланган. Республикада коронавирус барлыгы 1415 кешедә расланган, шулардан 252 кеше савыккан (узган тәүлектә 68 кеше). Эпидемия башыннан барлыгы дүрт кеше үлде. Узган тәүлектә үлүчеләр турында хәбәр ителми.

😷 Башкортстанда узган тәүлектә коронавирус 83 кешедә табылган, авыручылар саны 1243кә җитте, барлыгы 14 кеше үлде. 289 кеше савыккан.

😷 Дөньяда коронавирус йоктыручылар саны 3 миллион 755 меңнән арткан. 263 мең кеше үлгән, 1 миллион 245 мең кеше савыккан.

Актуаль хәбәрләр, файдалы киңәшләр: Azatliq.org/Covid-19

#коронавирус
8 май хәбәрләре:

😷 Татарстанда узган тәүлектә коронавирус йоктыруның 83 очрагы теркәлгән. Республикада хәзер 1498 кешедә COVID-19 расланган, 288 кеше савыккан (узган тәүлектә 44 кеше). Бу Русия штабы саннары.

😷 Татарстан штабы республикада коронавирустан тагын бер, бишенче кешенең үлеме турында хәбәр итте. 1938 елгы ир Түбән Кама районыннан. 1 май хастаханәгә китерелә, 4 май үпкәне ясалма җилләтү җиһазына тоташтырыла. Ирнең моңа кадәр берничә авыруы, шул исәптән шикәр чире булган диелә.

😷 Башкортстанда коронавирусның яңа 89 очрагы расланган. Ресупбликада COVID-19 йоктырган авырулар саны 1332гә җитте. 397 кеше хастаханәләрдә ята, аларның 26сы авыр хәлдә.

😷 Русиядә тагын 10 699 кешедә коронавирус ачыкланган, 98 кеше үлгән. Эпидемия башланганнан бирле илдә барлыгы 188 мең кеше яңа төр вирус йоктырган, 1723 авыру үлгән.

😷 Дөньяда коронавирус йоктыручылар саны 3 миллион 846 меңнән арткан. 269 мең кеше үлгән, 1 миллион 285 мең кеше сәламәтләнгән.

😷 Иң күп яңа авыручылар булган илләр (6 май өчен хакимиятләр раслаган саннар): АКШ (22,2 мең), Бразилия (11,4 мең), Русия (10,5 мең), Британия (6,1 мең), Франция (3,6 мең).

Актуаль хәбәрләр, файдалы киңәшләр: Azatliq.org/Covid-19

#сугыш_балалары

"Әтигә китәр вакыт җиткәч, мине кочаклады да: "Улым, бабаң яшәр, мин генә кайта алмам" диде дә елап җибәрде"

Зәйнәхетдин Хәйретдинов — сугыш чоры баласы. Сугыш башланганда аңа 5 яшь була. Әтисе сугышка киткәч, авылдан авылга ялангач хәер эстәп йөрергә туры килә. Зәйнәхетдин абый бу елларны күз яшьләре белән искә ала. https://bit.ly/2WGLpgc

Актанышның сәләтле балалар өчен татар гимназиясендә фән һәм проектлар фестивале узды. Пандемия аркасында ул онлайнга күчте. Азатлык татар теле өчен җан аткан мәктәп укучылары белән аларның проектлары турында сөйләште. https://bit.ly/35GESq0

"Азатлык" татар яшьләре берлеге Икенче дөнья сугышында җиңү көне алдыннан "георги" тасмасы урынына татар тасмасын тагарга чакырып, аны теләгән кешегә почта аша бушлай җибәрү акциясен оештырды. https://bit.ly/2WFeJDV

❗️Русиядә коронавирус йоктыручыларның рәсми саны 200 меңнән арткан. Бүген +11 мең. https://bit.ly/35M8jH5