Медиа: Русиядә һөҗүм отрядларына хатын-кызларны җыя башлаганнар

Аларны Русия саклану министрлыгы контролендәге "Редут" хосусый хәрби ширкәтенә кергән "Эспаньола" хәрби бүлекчәсенә алалар диелә.

Хатын-кызларны снайпер, медик һәм элемтәче буларак кына түгел, ә штурм отрядларына да яллыйлар. Шулай ук аларга дрон һәм радиоэлектрон көрәш белән бәйле бүлекчәләрдә контрактлар тәкъдим ителә, дип яза "Важные истории".

Басма журналисты "Эспаньола" Telegram-каналы белән элемтәгә чыккан һәм хәрби төркемгә ялланырга теләвен әйткән. Аңа контрактның ярты елга төзелүен, беренче ике айда хәрби күнегүләр булачагын сөйләгәннәр.

"Башта түләү 110-120 мең сум. Алга таба хәрби хәрәкәт барган урында бу акча икегә тапкырлана. Икенче контракт өч айдан башлана, ансы аерым сөйләшеп хәл ителә", дигәннәр.

Тулырак Азатлыкта укыгыз, ачылмаса, монда басыгыз.

@azatliqradiosi

Казандагы мәхкәмә үз букчасына Украина байрагы таккан иргә 35 мең сум штраф салган

Казанның Вахитов районы мәхкәмәсе Тамерлан Хәйретдиновны гаскәрне "кимсетү"дә гаепле дип тапкан һәм 35 мең сум штраф салган.

Эш материалыннан күренгәнчә, ул "Русия белән Украина арасындагы вазгыятькә үзенең мөнәсәбәтен тирә яктагы гражданнарга күрсәткән һәм Украина байрагын тагып йөрткән".

Хәйретдинов гаебен танымаган, аркага аса торган букчасының каешына чынлап та Украина байрагы тагуын, "махсус хәрби операциягә" каршы булуын аңлаткан.

#Татарстан
@azatliqradiosi

Мордовия төрмәсендә американ Пол Уиланны кыйнаганнар

Шымчылыкта гаепләнеп Русиядә 16 ел колониягә хөкем ителгән АКШ ватандашы Пол Уиланны колониядә кыйнаганнар. Бу хакта Җәзаларны үтәү федераль хезмәте (ФСИН) җиткерә.

Тоткынның абыйсы Дэвид әйтүенчә, бу хәл 28 ноябрьдә тегү остаханәсендә чыккан. Уилан белән бер камерада яңа утыра башлаган ир аның битенә суккан, күзлеген ваткан. Һөҗүмнең сәбәбе — Уиланның Америка ватандашы булуы дип искәртелә.

Элегрәк Уиланны колониядә кыйнаулары турында аның туганнары да хәбәр иткән иде.

@azatliqradiosi

Исегезгә төшерәбез, бүген — Татарстан байрагы көне

Татарстан Дәүләт шурасы аны 32 ел элек, 1991 елның 29 ноябрендә раслады.

Конституцияең беренче өлгесендә байрак — республиканың суверенитет билгесе дип билгеләнде. Соңгы 3 дистә елда төп документ туналып бетте диярлек, суверенитет төшенчәсе һәм мөстәкыйльлек атрибутлары аннан юк ителде.

Бу хакта Азатлык язма әзерләгән иде. Аны монда укый аласыз, ачылмаса, монда басыгыз.

#Татарстан
@azatliqradiosi

❗️"Чикләрне танымаучы репортерлар" һәм тагын 13 оешма Алсу Кормашны "канунсыз тоткарланган" дип танырга өнди

"Чикләрне танымаучы репортёрлар" оешмасының АКШ бүлеге мөдире Клейтон Веймерс сүзләренчә, "Алсу Кормаш Мәскәүнең журналистика белән сугышның корбаны һәм АКШ белән геополитик бәхәсләр корбаны" булып тора.

— Кремль аны кичекмәстән азат итәргә һәм урынсыз гаепләрне кире кагарга тиеш. Бу көн җиткәнче, Дәүләт департаменты аны "канунсыз тоткарланган" дип танырга тиеш, — ди Веймерс.

АКШта "канунсыз тоткарланучы" статусы бу эш өчен җаваплылыкны Тоткыннар эшләре буенча махсус илчегә бирә. Бу проблемның сәяси статусын күтәрә һәм АКШ хакимиятенә тоткарланган кешенең иминлеген тәэмин итү өчен күбрәк ресурслар җәлеп итәргә мөмкинлек бирә.

Тулырак 👉 монда укыгыз. VPNсыз сылтама монда.

❗️"Азатлык" татар яшьләре берлегенә Татарстан байрагы көнендә Казанда Татарстан байраклары таратырга ирек бирмәгәннәр

Бу хакта Азатлык Радиосына берлекнең рәисе Наил Нәбиуллин хәбәр итте.

"Басым көчле булды. Полиция һәм Росгвардия вәкилләре тыныч кына таратырга ирек бирмәде, кат-кат килеп туктатты" дип сөйләде ул Азатлыкка.

Шуңа да карамастан, алар 5 мең тасма һәм 3 мен байракчык тарата алган. 

Шул ук вакытта хакимият тарафлы "Молодая гвардия" хәрәкәтенең җирле бүлеге бүген Казанда Татарстан байракларын ирекле тараткан. "Яңа Гасыр" каналы хәбәрләр чыгарылышында бу хакта махсус репортаж күрсәтте.

#Татарстан
@azatliqradiosi

Хәерле иртә, дуслар! Азатлык бу сәгатькә булган хәбәрләрне җиткерә.

🔸ХӘМӘС белән Израил һуманитар тәнәфәснең озайтыла дип игълан итте. Хәзерге вакытта тоткыннарның тагын бер төркемен азат ителүе турында сөйләшүләр бара.

🔸Украинага төнлә дроннар һөҗүме булган. Русиянең Саклану министрлыгы Белгород өлкәсендә дрон бәреп төшерелүе турында хисап бирде.

🔸Русия праваслау чиркәве фронтка китүче руханиларның хокукларын рәсмиләштерүне эшен башкарырга ниятли. Руханиларны хәрбиләр дәрәҗәсенә күтәрергә телиләр.

🔸Русиянең нефть-газ компанияләренә чит илгә ягулык сатуны тыярга мөмкиннәр. Бу хакта мөрәҗәгать Дәүләт Думасында әзерләнә, дип яза медиа.

🔸Русиядә декабрьдә тимер юл хезмәте бәяләр артуы көтелә. Бу йөк ташуга да, юлчыларның билетларына да бәйле. Тарифлар 10,75 %ка артачак, дип фаразлый Русиянең икътисад үсеше министрлыгы.

🔸АКШның элеккеге дәүләт сәркәтибе Һенри Киссинджер вафат. Аңа 100 яшь булган.

🔸Уфаның 450 еллыгы киләсе елның август азагында билгеләнәчәк, дип әйтте Башкортстанның башлыгы Радий Хәбиров. Төгәл дата юк.

🔸Татарстанның халык шагыйре Шәүкәт Галиевның тууына 95 ел. Апаста яңа урамга аның исеме бирелгән, истәлек тактасы куелган.

Әлегә шулар. Көн дәвамында безнең белән булыгыз. Көнегез матур, күңелле булсын!

💵 Башкортстан шәһәрләренең мэрлары күпме хезмәт хакын алып эшләвен беләсезме?

Әле күпмедер - билгесез, әмма былтыр Башкортстанда шәһәр мэрлары 260 мең сумга якын хезмәт хакы алган.Бу шәһәр хакимиятләрендәге гади хезмәткәрләргә бирелә торган хезмәт хакыннан 3,2 тапкырга күбрәк: түбәнрәк вазифада эшләүче түрәләр аена уртача 81,9 мең сум акча ала.

Ә авыл җирлекләре башлыклары ничә сум ала дип уйлыйсыз? Аларның хезмәт хакларын да әйткеннәр. 👉 Моннан укый аласыз. Ачылмаса, 👉 монда басыгыз.

Мэрлар алган акча күпме, азмы? Сез эшләп алган акча белән чагыштырганда ничегрәк?

👆👆👆 Әмма "Азатлык" татар яшьләр берлеге рәисе Наил Нәбиуллин сүзләренчә, Татарстан байракларын таратканда полиция һәм Росгвардия хезмәткәрләре активистлардан тасмаларны таратуны тыярга тырышкан.

"Бу акцияне канунсыз дип әйттеләр, гел каршылыклар тудырырга тырыштылар. Әмма байракчыклар, тасмалар таратыр өчен аерым рөхсәт алырга кирәкми. Росгвардия, полиция кешеләре активистларны туктатып телефоннарын ачып карады, нидер эзләде. Өч тапкыр акция туктатылды, әмма яшьләр байракларны таратуны дәвам итте. Бу - басым ясау. Бу беренче очрак түгел. 10 ел дәвамында мондый акция бара, әмма быелгы кебек акцияне туктатырга тырышулары күзәтелмәгән иде", ди Наил Нәбиллин.

Сез ниләр уйлыйсыз, дуслар!? Татарстан байракларын таратудан нинди зыян була ала?

Бурычыңны капларга акчаң юк икән, контракт төзе дә сугышка барып акча эшлә. Русиядә шундый үгетләүләр ешайган.

Мәхкәмә приставларының бурычлары булган русияләрне Украинадагы сугышка җибәрү өчен илнең кораллы көчләре белән контракт төзергә үгетләве очракларының саны арта. Моны "Новая газета-Европа басмасы ачыклаган.

Бу хәлне ничек аңларга һәм бу ничек эшләнә бу? Мәсәлән, Красноярскида берүзе ике балигъ булмаган баласын тәрбияләүче хатын-кызның банкка 800 мең сум бурычы бар. Приставлар аңа хәрби комиссариатка чакыру җибәргән. Моны сугышта бурычыңны капларлык акча эшли алырсың дип аңлатканнар. Шул ук вакытта бу хатын-кызның хәрби дә медицина белеме дә юк диелә.

Башка очраклар турында 👉 монда яздык. Ачылмаса, менә 👉 башка сылтама.

Кеше очын очка бәйләр өчен кредитка чума (бу да - дәүләтнең җаваплылыгы, димәк кеше кредиттан башка чара күрми), әмма бурыч сазлыгыннан чыга алмый. Дәүләт сугышка андый кешеләрне дә барырга мәҗбүр итә булып чыга. Бу хакта фикерегез белән уртаклашыгыз әле. Әҗетен кайтар алмыйча интеккән кешеләр тирә-ягыбызда юк түгел.

📍"Азатлык журналисты Алсу Кормаш эше кичекмәстән туктатылырга, ул азат ителергә тиеш"

Бүген, 30 ноябрь көнне "Сәяси тоткыннарга ярдәм. Мемориал" хокук яклау проекты халыкара критерийларга таянып журналистны сәяси тоткын дип таныды.

Проект җитәкчесе Сергей Давидис фикеренчә, Алсу Кормаш эшендә "сәяси сәбәпләр" ярылып ята. Аны ирегеннән мәхрүм итү өчен төрле ысуллар эзләгәннәре күренә.

— Без Русия Җинаять Кодексының 330.1 маддәсенең 3 өлеше нигезендә эзәрлекләүне канунсыз дип саныйбыз. Бу маддәне дә, гомумән, "ят агентлык" төшенчәсен дә, шул исәптән "хәрби-техник мәгълүматны туплау" белән аның бәйләнешен дә кануни түгел дип саныйбыз. Башта тоткарлау һәм икенче ватандашлыкны хәбәр итмәүгә бәйле хөкем карары, һәм шуннан соң гына — озак уйлаулар һәм сәбәпләр эзләүдән соң — бу яңа маддә нигезендә эзәрлекләү. Бу — мондый төрдәге беренче җинаять эше һәм кулга алу очрагы. Ясалмалык күренә. Хәтта бу кануни булмаган маддәне озак уйлаганнан соң гына кулланганнар булып чыга. Алсу Кормашеваны ирегеннән мәхрүм итү өчен нәрсәне кулланып булуын уйлаганнар.

Аның җинаять эше кичекмәстән туктатылырга, Алсу үзе азат ителергә тиеш", - диде Давидис.

Тулы хәбәр 👉 монда. Ачылмаса, 👉 монда басыгыз.

Татарстан оешмаларына 54 меңләп хезмәткәр җитми икән...

Ә узган ел исә 42,3 мең эшче кирәк булган. Бу хакта Росстат белешмәләренә таянып, РБК җиткерә. Октябрь ахырына республикада 6,3 мең кеше эшсез булган. Ә эшсезлек дәрәҗәсе 0,3 процентны тәшкил иткән.

Эшчеләрнең җитмәве турында Татарстан һәм Башкортстанда соңгы вакытта аеруча күп сөйли башладылар. Әйтик октябрь ахырында Казанда ишек алларын чистартып тору өчен 6,5 меңнән артык урам җыештыручы кирәк булуы әйтелде, ул чакта 2,7 мең кеше генә җыелган диделәр.

Татарстанда тагын кайсы тармак эшчеләр булмаудан интегә? Менә монда җентекле язылган. Ачылмаса, монда басыгыз.

Русия тикшерү комитетының Татарстандагы идарәсендә аеруча мөһим эшләрне тикшерү өчен яңа бүлекчә төзелгән, нигездә ул миграция кануннары өлкәсендәге җинаятьләр белән шөгыльләнәчәк.

Хәзерге вакытта Татарстандагы тикшерү идарәсенең аеруча мөһим эшләрне тикшерүче биш бүлекчәсе бар. Алтынчы бүлекчә үз эшен декабрьдә үк башлар дип ниятләнә.

Русия тикшерү комитеты оешмаларында махсус бүлекчәләр булдыру тәкъдимен оешманың җитәкчесе Александр Бастрыкин ясаган диелә. Октябрь ахырында тикшерү идарәләре җитәкчеләре белән киңәшмә узган. Анда ул һәр төбәктәге тикшерү оешмасында миграция өлкәсендәге җинаятьләрне тикшерү мәсьәләләре махсус бүлекчәсе оештырырга кушкан.

Миграция өлкәсенә бәйле аерым бүлекчә булдыру ихтыяҗы бар дип саныйсызмы?

@azatliqradiosi

⚡️Русия Югары мәхкәмәсе “ЛГБТ хәрәкәтен” экстремистик оешма дип таныды һәм Русиядә тыю турында карар чыгырды.

Утырышка берсе дә кертелмәде, залга бары тик Русиянең Юстиция министрлыгы вәкилләренә генә керү рөхсәте булды. Журналистлар утырышны трансляция залында гына карый алды, аларны карар игълан ителгәндә генә керттеләр. Утырыш дүрт сәгать дәвам итте.

@azatliqradiosi

Аннексияләнгән Кырымда "Алушта" мөселман дини оешмасы рәисе, кырымтатар Абдула Гафаровта тентү узган.

Бу хакта "Кырым теләктәшлеге" иҗтимагый берләшмәсе җиткерә.

Оешмага юридик зат буларак экстремист материалларны күпләп тарату, җитештерү һәм саклау турында беркетмә төзегәннәр. Гафаровның дини әдәбиятын тартып алганнар диелә.

Куәт оешмалары вәкилләре Гафаровның Алуштадагы өенә иртәнге якта, сәгать җиденчеләр киткән вакытта килгән диелә. Тентү үткән вакытта Гафаровның 15 яшькә кадәрле биш балигъ булмаган баласы да өйдә булган.

▪️2014 елда Русия Кырымны аннексияләгәннән соң, кырымтатарларны эзәрлекләү очраклары даими булып тора. Хокук яклаучылар һәм активистлар Русия хакимиятләре кырымтатарларны сәяси сәбәпләр белән эзәрлекли, аларның күбесе ярымутрауның Русиягә кертелүенә каршы дип белдерә.

@azatliqradiosi

"Кешеләр үз илендә тыела булып чыга". Русиядә ЛГБТ хәрәкәтен тыйдылар

Русия Югары мәхкәмәсе "халыкара ЛГБТ хәрәкәтен" экстремистик оешма дип таныды һәм аны тыю турында карар чыгырды. Квир активистлар бу карар илдәге ЛГБТ кешеләрнең тормышын тагы да катлауландырачак, аларны экстремистларга тиңләргә мөмкинлек бирәчәк дип борчыла.

"ЛГБТ хәрәкәте" дигәндә, министрлык нәрсәне күздә тотуы аңлашылмый. "ЛГБТ халыкара хәрәкәте" дигән оешма юк, бу - иҗтимагый күренеш.

— Бу чыннан да оешма түгел, бу хәрәкәт Русиядә теркәлмәгән, һәм бөтенләй кайдадыр теркәлмәгән. Аның уставы һәм документлары, структурасы юк, гомумән, аны бердәм юнәлеш итеп билгеләргә мөмкинлек биргән башка билгеләр дә бөтенләй юк, — дип аңлатты "Медуза"га юрист Валерия Ветошкина.

"ЛГБТ халыкара оешмасы"н Русиядә тыю нәрсәне аңлата? Илдә яшәүче һомосексуаллар өчен моның нинди нәтиҗәсе булачак? Бу хакта квир активистлардан сорадык.

— Бу тыю – урыс телендә чит тел сүзләрен тыю кануны төркеменнән дияр идем. Шундый ук мәзәк һәм абсурдлы. Русия хакимияте моны нигә эшли? Аңлашыла, җәмгыятьнең игътибарын чын проблемнардан, сугыш темасыннан башка нәрсәгә юнәлтү өчен эшләнә торган эш.
Үзен ачыктан гей дип әйткән теләсә нинди кеше "экстремист" булып санала ала. Үзен бу "оешмага" караганын әйткән кеше дә (аның нинди оешма икәне аңлашылмый гына) экстремист оешмасы вәкиле булып чыга бит, — ди тел һәм квир активист Марсэль Ганеев.

Тулырак 👉монда, ачылмаса 👉монда басыгыз.

@azatliqradiosi