#ግዞት
እፍኝ ተበድሮ ነፍሱን ሊያድናት
ባርያ ሆኖ ሞተ ያባቴ አባት
እዳው ተጭኖት
ባርነት ሲመረው ሲያቅት ለግዞት
የጭሰኛ ክብር ሰጡት ለኔ አባት
አርሶ፣ ዘርቶ፣ አጭዶ ጭሰኛው አባቴ
ምርቱን ሲገብረው ለመሬት ከበርቴ
መሬት ለአራሹ ” መፈክር አንስቼ
ታግዬ አሸነፍኩ ከጫካ ገብቼ
ወገኖቼ ሁሉ ቀድመው የተገፉት
በኔ በልጃቸው አሁን ገና አረፉት
ብዬ በተስፋ ስንቅ ቃላት ስደረድር
አንደበት ሳደድር
ከኔም ለካ አልጠፋም የጭቆናው ቀንበር
ካ'ብታም ግዞት ስር ነኝ ተብዬ “ወዝ አደር”
መደብ ከታች እላይ ጎባጣው ሳይቀና
ነጻነት ከቃላት መቼስ አልፎ ያቅና፡፡
🔘በዕውቀቱ ስዩም🔘
እፍኝ ተበድሮ ነፍሱን ሊያድናት
ባርያ ሆኖ ሞተ ያባቴ አባት
እዳው ተጭኖት
ባርነት ሲመረው ሲያቅት ለግዞት
የጭሰኛ ክብር ሰጡት ለኔ አባት
አርሶ፣ ዘርቶ፣ አጭዶ ጭሰኛው አባቴ
ምርቱን ሲገብረው ለመሬት ከበርቴ
መሬት ለአራሹ ” መፈክር አንስቼ
ታግዬ አሸነፍኩ ከጫካ ገብቼ
ወገኖቼ ሁሉ ቀድመው የተገፉት
በኔ በልጃቸው አሁን ገና አረፉት
ብዬ በተስፋ ስንቅ ቃላት ስደረድር
አንደበት ሳደድር
ከኔም ለካ አልጠፋም የጭቆናው ቀንበር
ካ'ብታም ግዞት ስር ነኝ ተብዬ “ወዝ አደር”
መደብ ከታች እላይ ጎባጣው ሳይቀና
ነጻነት ከቃላት መቼስ አልፎ ያቅና፡፡
🔘በዕውቀቱ ስዩም🔘